Median.Az

Month: February 2024

  • Китай вывел на орбиту группу из 11 спутников

    Китайская ракета-носитель “Чанчжэн-2С” 3 февраля вывела на орбиту группу из 11 спутников Geely-02.

    Об этом сообщило центральное телевидение Китая.

    Ракета была запущена с космодрома Сичан в провинции Сычуань на юго-западе Китая в 07:37 по пекинскому времени.

    Спутники компании GeeSpace, выведенные в космос, будут обеспечивать работу сервисов автономного вождения автомобилей Geely Holding, а также связь машин и инфраструктуры для безопасного вождения.

    Для ракет-носителей серии “Чанчжэн” это был 508-й по счету запуск.

  • Çin orbitə 11 peyk buraxıb

    Çinin “Çanjen-2C” raket daşıyıcısı 11 ədəd “Geely-02” peykini orbitə çıxarıb.

    Bu barədə Çinin mərkəzi televiziyası məlumat yayıb.

    Raket Sıçuan əyalətindəki Siçan kosmodromundan yerli vaxtla saat 07:37-də buraxılıb. Kosmosa çıxarılan “GeeSpace” şirkətinin peykləri “Geely Holding” avtomobilləri üçün avtonom idarəetmə xidmətlərinin işləməsini, həmçinin təhlükəsiz idarəetmə üçün avtomobillər və infrastruktur arasında əlaqəni təmin edəcək.

    Bu, “Çanjen” raket daşıyıcısı üçün sayca 508-ci buraxılış olub.

  • Vətən müharibəsi qəhrəmanı Teyfur Rüstəmov yüksək vəzifəyə təyin edildi

    Vətən müharibəsi qəhrəmanı, polkovnik Teyfur Rüstəmova yeni vəzifə verilib.

    Musavat.com-un əldə etdiyi məlumata görə, o, Azərbaycan Silahlı Qüvvələrinin Çindəki hərbi attaşesi təyin edilib.

    Qeyd edək ki, Teyfur Rüstəmov 44 günlük Vətən müharibəsi zamanı Ermənistan hərbi birləşmələri tərəfindən işğal olunmuş torpaqlarımızın azad olunması və Azərbaycan Respublikasının ərazi bütövlüyünün bərpa edilməsi uğrunda gedən döyüşlərdə rəşadət göstərdiyinə görə “Qarabağ” ordeni ilə təltif edilib. Eyni zamanda, “Şuşanın azad olunmasına görə”, “Cəbrayılın azad olunmasına görə”, “Zəngilanın azad olunmasına görə” medalları ilə təltif edilib.

    Xatırladaq ki, polkovnik bundan əvvəl Əfqanıstandakı Azərbaycan hərbi kontingentinin rəhbəri vəzifəsində çalışıb.

    Teyfur Rüstəmov Cəbrayıl rayonunun Mehdili kəndində anadan olub.

  • Bakıda kişi sirkə turşusu içib özünü öldürdü

    Bakıda intihar hadisəsi olub.

    Lent.az-ın məlumatına görə, hadisə Binəqədi rayonu ərazisində baş verib.

    60 yaşlı N. Abduləzimov gecəyarı saat 4 radələrində yaşadığı evdə sirkə turşusu içərək özünü öldürüb.

    Onun şəkərli diabet xəstəliyindən əziyyət çəkdiyi bildirilir.

  • “Azərsığorta” niyə ləğv edildi? – Rəsmi açıqlama

    2022-ci ildə Dövlət Sığorta Kommersiya Şirkətinin hərbi qulluqçuların və hüquq-mühafizə orqanları əməkdaşlarının dövlət icbari şəxsi sığortasından ibarət olan əsas fəaliyyəti və səlahiyyətləri Əmək və Əhalinin Sosial Müdafiəsi Nazirliyinə həvalə edilməsindən sonra Şirkətin fəaliyyətinin təkmilləşdirilməsi istiqamətində bir sıra addımlar atılsa da onun olduqca yüksək rəqabət mühiti ilə xarakterizə olunan daxili sığorta bazarında xüsusi çəkisi azalmış, özəl sığorta şirkətlərinə münasibətdə xüsusi üstünlüklərə malik olmaması səbəbindən rentabelli fəaliyyətinin təmin edilməsi mümkün olmamış, nəticədə Şirkətin təsisçisi olan dövlətin maliyyə itkilərilə qarşılaşması riskləri artmışdı.

    Bu barədə Maliyyə Nazirliyinin və Azərbaycan İnvestisiya Holdinqinin birgə məlumatında bildirilib.

    Qeyd edilib ki, yaranmış vəziyyəti nəzərə alan Şirkətin menecmenti tərəfindən Şirkətin Direktorlar Şurasına və Azərbaycan İnvestisiya Holdinqinə (AİH) Azərbaycan Respublikasının Mülki Məcəlləsinə uyğun olaraq şirkətin könüllü qaydada ləğv edilməsi barədə müraciət olunub. Həmin müraciət AİH və Şirkətin Direktorlar Şurası tərəfindən təhlil edilərək dəstəklənib və AİH-nin Müşahidə Şurasına təqdim olunub.

    AİH-nin Müşahidə Şurası təqdim olunmuş təklifə baxaraq Şirkətin könüllü qaydada ləğvi ilə bağlı Azərbaycan Respublikasının Prezidenti qarşısında vəsatət qaldırıb və Azərbaycan Respublikasının Prezidentinin 2024-cü il 31 yanvar tarixli Fərmanı ilə Şirkət ləğv edilib.

    Şirkətin könüllü ləğvi ilə əlaqədar Azərbaycan Respublikasının Maliyyə Nazirliyi və AİH-nin nümayəndələrindən ibarət ləğvetmə komissiyası yaradılacaq və sığorta fəaliyyəti üzrə şirkətə verilmiş lisenziyasının ləğvi üçün Mərkəzi Banka müraciət ediləcək.

  • Qəzzada ölənlərin sayı 27238-ə çatıb

    Qəzzada son sutka ərzində 107 fələstinli həlak olub, 165-i yaralanıb.

    Bu barədə Qəzzadakı səhiyyə qurumu məlumat yayıb.

    Bildirilib ki, Qəzza zolağında ümumilikdə 27238 fələstinli həlak olub, 66452-si yaralanıb.

    Xatırladaq ki, ötən ilin oktyabrın 7-də HAMAS-ın İsrailin cənubuna gözlənilməz hücumu nəticəsində 1200-dən çox israilli qətlə yetirilib, 240-dan çox israilli girov götürülüb. Bundan sonra İsrail hərbi qüvvələri HAMAS-a qarşı Qəzzada hərbi əməliyyata başlayıb.

  • Ученик школы AДA завоевал золотую медаль на Международной математической олимпиаде имени Ферма во Вьетнаме

    Ученик школы AДA Хабиб Амирасланов стал победителем Математической олимпиады имени Ферма 2023-2024 годов во Вьетнаме.

    Как передает Report, международная олимпиада, проведенная среди учащихся 10-11 классов, состояла из двух туров. Набрав в первом национальном туре 88 очков, награжденный золотой медалью Х.Амирасланов завоевал еще одну золотую медаль, став первым в финале во Вьетнаме.

    Согласно информации, в конкурсе, в котором приняли участие более 100 студентов из 11 стран, в основном из стран Центральной Азии, участникам было предложено 20 письменных вопросов для проверки их математических знаний.

    Завоевавший золотую медаль Х.Амирасланов сказал следующее: “Я благодарен педагогам по математике школы AДA за этот успех. Поддержка и знания, которые они мне дали, не только улучшили мои математические способности, но и побудили меня к освоению новых знаний”.

    Заявив, что наряду с зарубежными университетами он будет подавать документы в университет AДA, Х.Амирасланов добавил, что школа AДA постоянно мотивирует учащихся проверять и еще более закреплять свои знания и навыки, а также поощряет их участвовать в международных конкурсах и состязаниях.

    Отметим, что Х.Амирасланов отличился своей активной деятельностью в качестве члена Клуба ADAMUN и Клуба интеллектуальных игр, действующих в школе AДA.

  • Azərbaycanlı şagird beynəlxalq olimpiadada qızıl medal qazanıb

    ADA Məktəbinin şagirdi Həbib Əmiraslanov Vyetnamda keçirilən 2023-2024-cü il Fermat Riyaziyyat Olimpiadasının qalibi olub.

    “Report” xəbər verir ki, 10 və 11-ci sinif şagirdləri arasında keçirilən beynəlxalq olimpiada iki turdan ibarət olub.

    Birinci ölkə turunda 88 bal toplayan və qızıl medala layiq görülən Həbib Vyetnamda keçirilən final mərhələsində birinci olmaqla daha bir qızıl medal qazanıb. Əsasən Mərkəzi Asiya ölkələri olmaqla 11 ölkədən 100-dən çox şagirdin iştirak etdiyi müsabiqədə iştirakçılara riyazi bacarıqlarını yoxlamaq üçün 20 yazılı sual təqdim olunub.

    Ölkəmizə qızıl medal gətirən Həbib bildirib:

    “Qazandığım bu uğura görə ADA Məktəbinin riyaziyyat müəllimlərinə minnətdaram. Onların mənə göstərdiyi dəstək və verdikləri təhsil mənim yalnız riyazi bacarıqlarımı artırmayıb, həm də daim yeni biliklər öyrənməyə həvəsləndirib”.

    Bakalavr təhsili üçün xarici universitetlərlə yanaşı, ADA Universitetinə də müraciət edəcəyini ifadə edən Həbib əlavə edib ki, ADA Məktəbi şagirdlərin öz bilik və bacarıqlarını sınaması və daha da möhkəmləndirməsi üçün onları daim həvəsləndirir, beynəlxalq müsabiqələrdə və yarışlarda iştirak etməyə təşviq edir.

    Qeyd edək ki, Həbib həm də Məktəbdə fəaliyyət göstərən ADAMUN Klubunun və İntellektual Oyunlar Klubunun üzvü kimi fəallığı ilə seçilib.

  • Türkiyə Prezidenti azərbaycanlı xilasedicilərə təşəkkür edib

    “Təxminən 1 il əvvəl, 6 fevralda baş verən zəlzələ nəticəsində həyatını itirən 53 mindən çox vətəndaşımızın hər birinə Allahdan rəhmət diləyirəm”.

    Bunu Türkiyə Prezidenti Rəcəb Tayyib Ərdoğan Hatayda zəlzələdən sonra mənzillərin təhvil verilməsi mərasimində çıxışı zamanı deyib.

    Onun sözlərinə görə, zəlzələ 11 vilayət, 124 rayon, 7000-ə yaxın kənd və məhəllədə böyük dağıntılara səbəb olarkən, 14 milyon Türkiyə vətəndaşı təbii fəlakətdən birbaşa zərər çəkib:

    “Xalqımız bu ağrılı sınaqdan uğurla çıxıb. 11 min 500 əcnəbi komanda üzvü olmaqla axtarış-xilasetmə işlərində iştirak edən 35 min nəfərə, bütün qardaşlarımıza təşəkkür edirəm”.

    Qeyd edək ki, 2023-cü ilin fevralın 6-da Türkiyə Respublikasının Kahramanmaraş vilayəti və ətraf vilayətlərdə baş vermiş dağıdıcı zəlzələnin nəticələrinin aradan qaldırılması istiqamətində Azərbaycan Respublikası qardaş Türkiyə ilə həmrəylik nümayiş etdirib.

    Zəlzələ bölgəsində həyata keçirilən axtarış xilasetmə əməliyyatlarına dəstək məqsədilə Azərbaycan Respublikasının Prezidenti İlham Əliyevin göstərişinə əsasən, Fövqəladə Hallar Nazirliyinin (FHN) 420 nəfərlik xilasedici heyəti müvafiq avadanlıqlar və axtarış itləri ilə bərabər fevralın 6-da Türkiyəyə yola salınıb və orada fəaliyyət göstərib.

    Bundan əlavə, zəlzələnin fəsadlarının aradan qaldırılması məqsədilə FHN-nin zəruri tibbi avadanlıq və ləvazimatlarla təchiz olunmuş mobil səhra hospitalı və 34 nəfər tibbi, 7 nəfər qeyri-tibbi olmaqla 41 nəfərlik heyəti Türkiyədə olub.

    Prezident İlham Əliyevin göstərişinə əsasən, 10 nəfər hərbi həkim, 8 nəfər tibb bacısı olmaqla Azərbaycan Ordusunun bir qrup hərbi tibb personalı da qardaş ölkədə zəlzələdən zərər görənlərə kömək edib./report

  • İraqda ümummilli matəm elan edildi

    İraq hakimiyyəti ABŞ Hərbi Hava Qüvvələrinin sərhəd bölgələrinə hücumu nəticəsində həlak olanların xatirəsinə ümummilli matəm elan edib.

    Bu barədə ölkənin Baş naziri Məhəmməd əl-Sudaninin fərmanında deyilir.

    “Bu gün, fevralın 3-də Anbar əyalətinin sərhəddə yerləşən Əl-Qaim şəhəri ərazisində ABŞ bombardmanının qurbanı olan hərbçilərin və mülki şəxslərin xatirəsinə bütün dövlət qurum və idarələrində ümummilli matəm elan edilir”, – fərmanda bildirilir.

    İraq hökumətinin məlumatına görə, bombardman nəticəsində 16 nəfər ölüb, 25 nəfər yaralanıb.

    Mənbə: TASS