Moskva-Bakı reysi ilə uçan təyyarə sərnişinlərdən birinin səhhəti pisləşdiyi üçün ehtiyat aerodromda məcburi eniş etməli olub.
Təyyarə kapitanı Nijni Novqoroddakı alternativ aerodromda enib. Təyyarəyə həkim qrupu çağırılıb. Enişdən dərhal sonra kişi həkimlərə təhvil verilib və reanimasiyaya göndərilib.
Planlaşdırılan uçuşun yanacaq doldurulduqdan sonra davam edib.
Mənbə: Gazeta.ru.
Ukrayna Prezidenti Volodimir Zelenski fevralın 22-də Azərbaycana yeni səfir təyin edib.
Bu barədə Ukrayna prezidentinin ofisi məlumat yayıb.
Məluumata görə, Yuri Veniaminoviç Qusev Ukraynanın Azərbaycan Respublikasında fövqəladə və səlahiyyətli səfiri təyin edilib.
Qeyd edək ki, Qusev müxtəlif dövlət orqanlarında, o cümlədən Ukrayna Müdafiə Nazirliyində işləyib, Xerson Vilayət Dövlət Administrasiyasının rəhbəri olub. O, 2020-ci ilin dekabrında “Ukroboronprom”un direktoru olub.
İyun ayında Zelenski “Ukroboronprom” Dövlət Konserninin baş direktoru Yuri Qusevi vəzifəsindən azad edib.
Mənbə: rbc.ua
Radarlardan yayınmaq üçün müxtəlif üsullara əl atan şəxslər məsuliyyətə cəlb olunacaqlar.
Baş Dövlət Yol Polisi İdarəsindən verilən məlumata görə, avtomobilinin ön şüşəsinə həmin nəqliyyat vasitəsinə aid olmayan saxta nömrə nişanları yerləşdirərək xüsusi texniki vasitələrin iş prinsipini pozmağa cəhd edən sürücülər DYP əməkdaşları tərəfindən aşkar edilərək məsuliyyətə cəlb olunublar.
Baş Dövlət Yol Polisi İdarəsi avtonəqliyyat vasitələrinin sahiblərinə və sürücülərinə müraciət edərək qeyd olunan əməlin qanunvericiliyə zidd olduğunu bildirir və belə hallar aşkarlandığı təqdirdə ciddi tədbirlərin görüləcəyini diqqətə çatdırır.
Qeyd edək ki, şəxsin avtomobilin ön şüşəsinə yerləşdirdiyi nömrə “Kurtlar Vadisi” serialında Polad Alemdar obrazına aid idi.
Bursada aktiv qırılma xətləri üzərində aparılan araşdırmada daha əvvəl xəritələrdə yer almayan Kayapa-Yenişehir Fay aşkar edilib.
Bu nasazlığın 7,3 bal gücündə zəlzələ yarada biləcəyi bildirilir.
Məlumata görə, Kayapadan Yenişehirə qədər uzanan fay xətti 95 kilometrdir.
Mənbə: cumhuriyet
Türkiyə ordusu İraq və Suriyanın şimalı daxil olmaqla son bir həftədə 60 terrorçunu zərərsizləşdirib.
Bu barədə Milli Müdafiə Nazirliyinin sözçüsü Zeki Aktürk brifinq zamanı bildirib.
Beləliklə, 2024-cü il yanvarın 1-dən zərərsizləşdirilən terrorçuların sayı 458-ə çatıb. Onlardan 184-ü İraqın şimalında, 274-ü isə Suriyanın şimalında məhv edilib.
“Best-Tarım” Qapalı Səhmdar Cəmiyyətinə məxsus külli miqdarda pul vəsaitinin mənimsənilməsinə dair müraciət əsasında Sabirabad Rayon Prokurorluğunda araşdırma aparılıb.
Bu barədə Sabirabad Rayon Prokurorluğu məlumat yayıb.
Məlumatda bildirilir ki, araşdırmalarla QSC-nin satış müdiri Anar Babaşovun qeyriləri ilə birgə 2023-cü il ərzində anbardan müxtəlif qida məhsullarını məxaric edib malların dəyərini xəzinəyə mədaxil etməməsi nəticəsində 147 min manatdan artıq pul vəsaitini mənimsəmələrinə əsaslı şübhələr müəyyən edilib.
Fakta görə Cinayət Məcəlləsinin 179.3.2-ci (külli miqdarda mənimsəmə və ya israf etmə) maddəsi ilə cinayət işi başlanıb.
Hazırda iş üzrə istintaq davam etdirilir.
Danimarka yayda F-16 qırıcılarının ilk partiyasını Ukraynaya təhvil verəcək.
Bunu Danimarkanın müdafiə naziri Troels Lund Poulsen deyib.
“Bundan başqa, Kiyev üçün yeni yardım paketinə hava hücumundan müdafiə sistemləri, pilotsuz uçuş aparatları və 15 min artilleriya mərmisi daxildir”, – o vurğulayıb.
Xatırladaq ki, Niderland və Danimarka ilk olaraq Ukraynaya F-16-ların verilməsinə razılıq verib.
Xaçmaz rayonunda intihar hadisəsi baş verib.
“Unikal”ın məlumatına görə, rayonun Maqsudkənd kənd sakini, 1993-ci il təvəllüdlü Yusif Qəhrəman oğlu Qəhrəmanov özünü asaraq intihar edib.
Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin rayon şöbəsinə təhvil verilib.
Hadisə ilə bağlı araşdırma aparılır.
Ləğv prosesində olan “Bank Standard” QSC “Çudo Peçka” və “ÇP Aqro” MMC-lərin həbsdəki təsisçisi Çingiz Cəlilovu məhkəməyə verib.
İqtisadiyyat.az-ın əldə etdiyi məlumata görə, bu barədə bank Bakı Kommersiya Məhkəməsinə müraciət edib.
Belə ki, bank iddiasında maddi ziyanın ödənilməsini istəyir. Lakin maddi ziyanın nə qədər olduğu açıqlanmayıb.
Hazırda iddia hakim Zaur Pirverdiyevin icraatına verilib, lakin məhkəmənin vaxtı hələlik məlum deyil.
Qeyd edək ki, 2017-ci ildə Baş Prokurorluğun yaydığı məlumata əsasən, “Çudo Peçka” və “ÇP Aqro” MMC-lərinin təsisçisi Çingiz Asim oğlu Cəlilov “Bank Standard” QSC kommersiya bankının İdarə Heyətinin sədri olmuş Səlim Eldaroviç Krimanla qabaqcadan razılaşmaqla işbirliyi qurub.
O, həmin dövrdə banka müxtəlif mənbələrdən, o cümlədən xarici və daxili investorlardan və depozitlərdən daxil olmuş külli miqdarda pul vəsaitləri hesabına 21 milyon 874 min manat məbləğində krediti bankın Müşahidə Şurasının razılığı olmadan dəyəri süni olaraq artıq qiymətləndirilmiş əmlakları girov qoyub. Sonra özünün, yaxın qohumlarının və qohumluq münasibətində olduğu, eləcə də rəhbərlik etdiyi cəmiyyətlərdə işləyən ayrı-ayrı şəxslərin adlarına guya bağ evinin alınması, mənzil təmiri, torpaq alınması və bu kimi digər təyinatlarla rəsmiləşdirilməsinə nail olub. Daha sonra qeyd olunan kredit müqavilələri əsasında banka guya külli miqdarda kredit borcu olduğu görüntüsünü yaradaraq bir neçə dəfə restrukturizasiya (kreditin və ya onun ödənilməsi şərtlərinin dəyişdirilməsi) etdirməklə mənimsədiyi 13 milyon 962 min manatı Səlim Krimanla öz aralarında bölüblər.
Xatırladaq ki, 2016-cı ilin sentyabr ayının 28-də S.Krimanın cinayət işinə təqsirləndirilən şəxs qismində cəlb olunmasına dair qərar qəbul edilib. Lakin o, istintaqdan gizləndiyi üçün barəsində axtarış elan olunub. Binəqədi Rayon Məhkəməsinin 5 oktyabr 2016-cı il tarixində çıxardığı qərarla S.Krimanın barəsində həbs qətimkan tədbiri seçilib. Eyni zamanda, İnterpol xətti ilə axtarışa verilib.
Bakı Ağır Cinayətlər Məhkəməsinin hökmü ilə C.Cəlilov 12 il müddətinə azadlıqdan məhrum edilib.
Məlumat üçün bildirək ki, C.Cəlilov Xalq artist Röya Ayxanın keçmiş qayınatasıdır. Müğənni keçmiş iş adamının oğlu Anar Cəlilovla 2008-ci ildə ailə həyatı qurub, lakin cütlük 2014-cü ildə boşanıb. C.Cəlilovun cinayət işinin araşdırılması zamanı oğlu da ifadə vermişdi.
22 февраля министр иностранных дел Азербайджанской Республики (АР) Джейхун Байрамов принял специального представителя Европейского союза (ЕС) по Южному Кавказу Тойво Клаара.
Об этом сообщает пресс-служба внешнеполитического ведомства Азербайджана.
Отмечается, что на встрече стороны обсудили текущее состояние отношений между АР и ЕС, процесс нормализации между Азербайджаном и Арменией и перспективы проекта мирного соглашения.