AFFA İntizam Komitəsi Azərbaycan Premyer Liqasında 23-cü turdan təxirə salınmış “Qəbələ” – “Qarabağ” oyununda yaşanan qayda pozuntuları ilə bağlı qərarını açıqlayıb.
Bu barədə Peşəkar Futbol Liqası məlumat yayıb.
Bildirilib ki, qarşılaşmanın 53-cü dəqiqəsində “Qəbələ”nin futbolçusu Feras Abu Akal birbaşa qırmızı vərəqə aldığı üçün 1 oyun şərti olmaqla 2 oyun cəzalanıb, klub isə 1500 manat cərimə edilib.
Qeyd edək ki, sözügedən matç “Qarabağ”ın 4:0 hesablı qələbəsi ilə yekunlaşıb.
Şabran rayonunun Aygünlü kəndinin sakinləri yolsuzluq problemindən əziyyət çəkirlər.
Sakinlər illərdir asfalt üzü görməyən yolun əsaslı təmirə ehtiyacı olduğunu bildirirlər.
“Yağışda, qarda bu yolla getmək olmur. Öz vəsaitimiz hesabına yollara bir neçə dəfə çınqıl tökmüşük. Maşınlarımız xarab olur”, – kənd sakini Əsəd Ağasıyev deyib.
Ətraflı Baku TV-nin videosunu təqdim edirik:
Bakıda “Qarabağ FK – 30 mövsüm səfərdə” sənədli filminin təqdimatı keçirilib.
Heydər Əliyev Mərkəzində baş tutan və “Qarabağ” Futbol Klubundan bəhs edən filmin təqdimat mərasimində Prezidentin köməkçisi Anar Ələkbərov, mədəniyyət naziri Adil Kərimli, gənclər və idman naziri Fərid Qayıbov, Bakı Media Mərkəzinin rəhbəri Arzu Əliyeva, ölkənin idman və mədəniyyət nümayəndələri iştirak ediblər.
Filmdə “Qarabağ” Futbol Klubun keçdiyi tarixi dövrdən bəhs olunub, komandanın SSRİ dövründəki uğurları izləyicilərin diqqətinə çatdırılıb.
Həmçinin, filmdə xarici jurnalistlərin və futbolçuların “İmarət” stadionu, “Qarabağ” klubu ilə bağlı hazırladığı materiallar və fikirləri də yer alıb.
Filmdə Ermənistan silahlı birləşmələri tərəfindən işğal edildikdən sonra Ağdam rayonu ərazisindəki “İmarət” stadionunun taleyindən, Azərbaycanın Milli Qəhrəmanı Allahverdi Bağırovun klubdakı fəaliyyətindən də bəhs edilib.
Qeyd edək ki, Mədəniyyət Nazirliyi, “Salnaməfilm” və “Azərbaycanfilm”in ortaq layihəsi olan film 4 hissədən ibarətdir.
Ultra emal olunmuş qidaların istifadəsi xərçəng, ürək-damar xəstəlikləri və vaxtından əvvəl ölüm riskinin artması ilə əlaqələndirilir.
Qaynarinfo “The Guardian”a istinadla xəbər verir ki, “The BMJ” jurnalında dərc olunan araşdırmanın nəticələrinə görə, ultra emal olunmuş qidaalr sağlamlıq üçün 32 zərərli nəticə ilə əlaqələndirilir.
Alimlər qeyd edirlər ki, belə qidalar (qəlyanaltılar, qazlı içkilər, şirin dənli bitkilər və yarımfabrikatlar) çoxsaylı sənaye proseslərindən keçir və çox vaxt boyalar, emulqatorlar, dadlandırıcılar və digər əlavələr edilir.
Bu məhsullarda əsasən şəkər, yağ və duz yüksəkdir. Bundan əlavə, onların tərkibində vitamin və lif azdır, alimlər deyirlər.
Əvvəllər elm adamları artıq ultra emal edilmiş qidaların sağlamlığın pisləşməsi ilə əlaqəli olduğunu sübut ediblər, lakin tam olaraq nəyin mənfi təsir göstərdiyini bilməyiblər.
ABŞ-ın Cons Hopkins Universitetinin Bloomberg İctimai Sağlamlıq Məktəbi, Sidney Universiteti və Fransanın Sorbonna Universiteti də daxil olmaqla, bir sıra qurumların ekspertləri araşdırma aparıblar.
Onlar son üç il ərzində 10 milyona yaxın insan üzərində aparılmış 45 meta-analizi (bir çox elmi araşdırmaların nəticələrini birləşdirən statistik təhlil) ümumiləşdiriblər. Hazırda bu, dünyada ən böyük belə rəydir.
Bütün tədqiqat nəticələri ultra emal edilmiş qidaların insan orqanizminə zərərli təsirlərini nümayiş etdirib.
Qeyd olunur ki, tədqiqatların heç biri belə məhsullar istehsal edən şirkətlər tərəfindən maliyyələşdirilməyib.
Alimlər ultra emal olunmuş qidaların təsirini qiymətləndirmək üçün məlumatları birləşdiriblər:
▲ yemək tezliyi,
▲ pəhriz və qidalanma ilə bağlı rəy;
▲ istehlak üçün artan porsiyalar.
Tədqiqatçılar bütün məlumatları aşağıdakı kimi təsnif ediblər:
▲ çox inandırıcı;
▲ inandırıcı;
▲ zəif inandırıcı;
▲ sübut olunmamış.
Bundan əlavə, onlar sübutların keyfiyyətini yüksək, orta, aşağı və ya çox aşağı kimi qiymətləndiriblər.
Sonda alimlər UHP-nin (kimyəvi reaksiya tənliyi) sağlamlıq üçün 32 zərərli nəticə ilə əlaqəsini aşkar ediblər.
Güclü sübutlar göstərir ki, ultra emal olunmuş qidaların daha çox qəbulu ürək-damar xəstəliklərindən ölüm riski təxminən 50%, narahatlıq və ümumi psixi pozğunluqlar riski 48-53% və inkişaf riski 12% daha yüksəkdir. tip 2 diabet növü
“Bu, xüsusilə, xərçəng, psixi, tənəffüs, ürək-damar, mədə-bağırsaq və metabolik xəstəliklərin inkişaf riski ilə bağlıdır.
“UHP ilə astma, mədə-bağırsaq sağlamlığı, bəzi xərçəng növləri, ümumi psixi pozğunluqlar və qan yağlarının yüksək səviyyəsi və “yaxşı” xolesterolun aşağı səviyyəsi kimi kardiometabolik risk faktorları arasında əlaqə olduğuna dair sübutlar var” dedi tədqiqat müəllifləri. ..
Eyni zamanda alimlər qeyd edirlər ki, nəticələrə digər ölçülməmiş amillərin də təsir etdiyini istisna etmək olmaz.
Tədqiqatda iştirak etməyən bəzi ekspertlərin fikrincə, məqalədə istifadə edilən tədqiqatların çoxu zəif idi. Alimlər həmçinin xəbərdarlıq ediblər ki, əldə edilən nəticələr səbəb-nəticə əlaqəsini sübut etmir.
“Sabah” futbol klubunun kapitanı Elvin Camalov evlənib.
Onun toy məclisi Bakıdakı restoranların birində baş tutub.
Qeyd edək ki, 29 yaşlı yarımmüdafiəçi “Sabah”dan əvvəl “Qəbələ” və “Zirə”də çıxış edib.
Son bir ayda (1 fevral-29 fevral) Azərbaycanda yeni növ koronavirus (COVID-19) infeksiyasına 514 yoluxma faktı qeydə alınıb, 513 nəfər müalicə olunaraq sağalıb, analiz nəticələri müsbət çıxan 28 nəfər həyatını itirib.
Nazirlər Kabineti yanında Operativ Qərargahdan verilən məlumata görə, indiyədək ölkədə ümumilikdə 835 min 144 nəfərin koronavirus infeksiyasına yoluxması faktı müəyyən edilib, onlardan 824 min 602 nəfər müalicə olunaraq sağalıb, 10 min 428 nəfər vəfat edib. Aktiv xəstə sayı 114 nəfərdir.
Son bir ayda yeni yoluxma hallarının müəyyənləşdirilməsi ilə əlaqədar 14 min 457, bu günə qədər isə ümumilikdə 7 milyon 762 min 507 test icra olunub.
Партия беспилотных летательных аппаратов Bayraktar прибыла в Албанию.
Как сообщает Median.Az cо ссылкой на ТАСС, об этом заявил министр обороны Нико Пелеши.
“Дроны Байрактар, известные своей эффективностью и передовыми технологиями, теперь в Албании! Уже два дня ведется сборка и параллельно ведется монтаж вспомогательной инфраструктуры для их эксплуатации и управления”, – написал Пелеши на своей странице в Facebook, опубликовав фотографии БПЛА и добавив, что это событие является символом “приверженности модернизации и инновациям в наших Вооруженных Силах”.
Türkiyənin “Bayraktar” pilotsuz uçuş aparatlarının (PUA) partiyası Albaniyaya gətirilib.
Median.Az TASS-a istinadən xəbər verir ki, bu barədə ölkənin müdafiə naziri Niko Peleşi bildirib.
“Effektivliyi və qabaqcıl texnologiyası ilə tanınan “Bayraktar” PUA-ları artıq Albaniyadadır! İki gündür montaj işləri və paralel olaraq onların istismarı, nəzarəti üçün dəstəkləyici infrastrukturun quraşdırılması işləri aparılır. Bu, silahlı qüvvələrimizdə modernləşmə və innovasiyalara sadiqliyin rəmzidir”, – N.Peleşi feysbuk səhifəsində yazıb.
Bolqarıstan martın 1-dən Rusiyadan neft idxalatını vaxtından əvvəl dayandırıb.
İki ölkə arasında məsələyə dair razılaşma bu ilin sonunadək qüvvədədir.
Məlumata görə, Bolqarıstan parlamenti 2023-cü ilin sonunda bununla bağlı qərar qəbul edib. Sənədə əsasən, bu il yanvarın 1-dən Rusiyadan idxalın iki dəfə, fevralın 1-dən 25 faizədək azaldılması, martın 1-dən isə tam dayandırılmasını nəzərdə tutan qrafik təsdiq edilib.
Bildirilib ki, Bolqarıstan və bir sıra Avropa İttifaqı ölkələri Brüssel tərəfindən 2024-cü ilin sonuna qədər Rusiya Federasiyasından neft idxalına qoyulan qadağadan azad edilib. Bununla belə, respublika hökuməti Rusiya xammalından vaxtından əvvəl imtina etmək qərarına gəlib.
Bolqarıstandakı yeganə neft emalı zavodu 1999-cu ilin oktyabrında ölkədə fəaliyyətə başlayan LUKOIL-a məxsusdur. Burqasdakı zavodun gücü 8,8 milyon tondur. Şirkət, həmçinin ölkədə 500-dən çox yanacaqdoldurma məntəqəsi şəbəkəsini idarə edir.
Martın 1-də saat 16 radələrində Salyan rayonunun Pambıqkənd kəndi ərazisində 1963-cü il təvəllüdlü Rahilə Əliyeva və onun oğlu 1992-ci il təvəllüdlü Bəhruz Əliyevin öldürülməsi barədə rayon prokurorluğuna məlumat daxil olub.
Araşdırma zamanı 1981-ci il təvəllüdlü Ziya Əliyevin aralarında yaranmış mübahisə zamanı kəsici alətlə zərbələr endirərək qardaşı arvadı Rahilə Əliyeva və onun oğlu Bəhruz Əliyevi qəsdən öldürməsinə əsaslı şübhələr müəyyən edilib.
Salyan Rayon Prokurorluğunun məlumatına görə, hadisədən sonra Ziya Əliyev könüllü olaraq istintaqa təslim olub və şübhəli şəxs qismində tutulub.
Faktla bağlı rayon prokurorluğunda Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsilə cinayət işi başlanaraq ibtidai istintaq aparılır.