Bakıda 2 yaşlı uşaq altıncı mərtəbədən yıxılaraq ölüb.
APA xəbər verir ki, hadisə Səbail rayonu, Akademik Əhəd Yaqubov küçəsində qeydə alınıb.
2022-ci il təvəllüdlü Hamza İmanov yaşadıqları evin 6-cı mərtəbəsindən yıxılaraq KIA markalı avtomobilin üzərinə düşüb. Körpə aldığı xəsarətdən hadisə yerində ölüb.
Araşdırma aparılır.
İsveçrənin istehsalı olan “Microlino” elektromobili bu ayın sonunda İsveç bazarında satışa çıxarılacaq. Bu nəqliyyat vasitəsini avtomobil adlandırmaq da çətindir, o, daha çox “B” kateqoriyasına aid olan sürücülük vəsiqəsi ilə idarə ediləcək dördtəkərli motosikletdir.
Median.Az “Azərtac”a istinadən xəbər verir ki, uzunluğu 2,5 metr, eni isə 1,5 metr olan “Microlino” elektromobilinin çəkisi 600 kiloqramdır və onun maksimal sürəti saatda 90 kilometrlə məhdudlaşdırılıb.
“Dagens Nyheter” qəzetinin avtomobillərdən yazan müxbiri Mikael Styerna bildirib: “Microlino” elektromobilinin xüsusi cəhəti “idman rejimi” düyməsidir. Mən onu İsveçrə yumorunun təzahürü kimi qəbul edirəm. Ümumilikdə, icmal müsbətdir, hərçənd, təhlükəsizlik nöqteyi-nəzərindən bu “avtomobili” tənqid etmək olar”.
“Microlino” elektromobilinin batareya ehtiyatı 228 kilometrlik məsafəyə nəzərdə tutulub və standart rozetka ilə 4 saat ərzində şarj olunur. Kompakt formasına baxmayaraq, onun içərisində iki nəfər otura, və iki çanta qoyula bilər. Elektromobilin start qiyməti 25 600 avrodur.
Naxçıvan Muxtar Respublikası Daxili İşlər Nazirliyində (DİN) vakant olan sıravi və kiçik rəis heyəti vəzifələrinə xidmətə qəbulla əlaqədar müsabiqə elan olunub.
Azərbaycan Respublikasının Daxili İşlər Nazirliyi Naxçıvan MR DİN-in müvafiq qurumlarında vakant olan sıravi və kiçik rəis heyəti vəzifələrinə xidmətə qəbulla əlaqədar müsabiqə elan edib.
Müsabiqədə ali və ya orta-ixtisas, yaxud tam orta təhsilli, yaşı 20-dən 26-dək, boyu 180 santimetr və ondan hündür, idman cüssəli, həqiqi hərbi xidmət müddətini tam başa vurmuş, əvvəllər özü və yaxın qohumları qəsdən törədilmiş ağır cinayətlərə görə məhkum olunmamış (ehtiyatsızlıqdan böyük ictimai təhlükə törətməyən cinayətlərə görə məhkum olunmuş yaxın qohumlar istisna olmaqla), “Azərbaycan Respublikasının daxili işlər orqanlarında xidmət keçmə haqqında Əsasnamə” ilə müəyyən edilmiş şərtlərə cavab verən Azərbaycan Respublikasının kişi cinsli vətəndaşları iştirak edə bilərlər.
Həmin vəzifələrdə əmək funksiyalarının spesifikliyini, yüksək fiziki və psixoloji gərginliklə bağlı olması, eləcə də xidmətin növbəli, bir çox hallarda əsas iş vaxtından əlavə müddətdə aparılacağı baxımından müsabiqə iştirakçılarının sağlamlıq vəziyyəti, biliyi, fiziki hazırlıq səviyyəsi müəyyən olunmuş qaydada yoxlanılacaq.
Ali təhsilli və kompyuter avadanlıqları ilə işləmək qabiliyyətinə malik vətəndaşlara üstünlük veriləcək.
İştirak etmək istəyən şəxslər Naxçıvan MR Daxili İşlər Nazirliyinin elektron poçt ünvanına (info@nmia.gov.az) və ya şəxsiyyət vəsiqəsi, hərbi bilet, attestat və ya diplom ilə birlikdə Naxçıvan Muxtar Respublikası Daxili İşlər Nazirliyinin Kadrlar Şöbəsinə müraciət etməlidirlər.
Bakıda hərəkətdə olan qatarın şüşəsi sındırılıb.
Hadisə “Keşlə” stansiyası ərazisində baş verib. Naməlum şəxs hərəkətdə olan qatarının qapı şüşəsini sındırıb.
Dəmir Yolu Nəqliyyatında Polis İdarəsinin əməkdaşları tərəfindən keçirilən tədbirlərlə əmlakı qəsdən məhv etmədə şübhəli bilinən 15 yaşlı yeniyetmə müəyyən olunaraq saxlanılıb.
Rusiya kontrabanda şəbəkəsinin ehtimal edilən bir üzvü, (yəqin ki, qanunsuz) şəkildə ABŞ-a apardığı xanımını izləmək üçün Apple AirTag-dan istifadə edib.
Qaynarinfo bu barədə NV-yə istinadla xəbər verir.
ABŞ federal dövlət orqanları İbodullo Muhiddinov Numanoviç adlı kişiyə qarşı keçmiş arvadını izləməyə görə iddia irəli sürüb. Cinayət işini törətmək üçün kişi yeddi Apple AirTag cihazından istifadə edib. Bu haqda 404 Media və Court Watch yazır.
Federal prokurorluğun məlumatına görə, həmin kişi tərkibində olduğu Rusiya insan alveri şəbəkəsi vasitəsilə həyat yoldaşını (hazırda keçmiş) ABŞ-a qaçırıb. Mart və aprel aylarında bir neçə həftə ərzində Numanoviç qadının istifadə etdiyi avtomobilə yeddi AirTag qoyub. Qadın onlardan birini özü tapıb, müstəntiqlər isə daha altısını tapıblar. Hüquq-mühafizə orqanları iddia edir ki, onlar avtomobilin hər yerində (qabaq bamperin altında, çərçivənin içərisində, yan güzgü korpuslarında və s.) gizlədilib.
Materialların davamında deyilir ki, evliliyin qısa bir müddətdən sonra, müdafiəçi S.K. ilə fiziki və mənəvi işgəncə verməyə başlayıb və seksual məzmunlu açıq-saçıq bir neçə video çəkib. Cavabdeh, S.K.-nı tələblərini yerinə yetirməməsi halında şəkilləri və videoları yaymaqla təhdid edib. Nikah zamanı S.K. Tacikistandan Meksika vasitəsilə ABŞ-a gəlib. Onun ABŞ-da başqa qohum və dəstəkçisi olmayıb.
İstintaq Numanoviçin bir qadının maşınına daima etiket yapışdırdığını öyrəndikdə, kişini izləməyə başlayıblar. Hadisənin birində FBI onun yapşdırdığı AirTagı söndürüb. Bundan sonra kişi qadına zəng edərək onu axtarmağa başlayıb. O, qadının olduğu avtoyumaya gəlib, maşının pəncərəsini döyüb və tələb edib ki, onun zənglərinə cavab verməsini tələb edib. İstintaqçılar həmçinin bu AirTaglarla əlaqələndirilmiş Numanoviçin hesabına aid məlumatları Apple-dan əldə ediblər. May ayında ona qarşı ittiham irəli sürülüb. Axtarış zamanı müstəntiqlər onun telefonunda S.K. ilə təxminən 140 cinsi fotografiya və video olan bir qovluq tapıblar.
Hökumətin məhkəməyəqədər həbs qətimkan tədbiri ilə bağlı vəsatətində qeyd olunur ki, bu şəxs “əhəmiyyətli maliyyə resurslarına çıxışı var və onun irimiqyaslı insan qaçaqmalçılığı şəbəkəsində və transmilli mütəşəkkil cinayətkarlıq şəbəkəsi ilə əlaqədə olduğu güman edilir”. Hakim vəsatəti təmin edib. Numanoviç təqsirini boynuna almayıb. Andlılar məhkəməsi iyunun 8-də başlayacaq.
Bu hadisə AirTag və itirilmiş əşyaları tapmaq və ev heyvanlarını izləmək üçün nəzərdə tutulmuş oxşar izləyicilərin cinayət törətmək üçün alətə çevrildiyi bir çox hallardan biridir. Sui-istifadə edənlərin AirTag ilə təqib edildikdən sonra zorakılığa əl atdıqları bir neçə hal olub. Ən azı iki məlum halda bu, izlənən insanların öldürülməsi ilə nəticələnib.
Ukraynada sülhün bərqərar olub-olmaması Rusiya Federasiyasının prezidenti Vladimir Putindən asılıdır.
Qaynarinfo xəbər verir ki, bu barədə Almaniyanın xarici işlər naziri Annalena Berbok Welt nəşrinə bildirib.
“Sonda sülhün bərqərar olub-olmayacağı tamamilə Vladimir Putindən asılıdır”, — o deyib.
Diplomat həmçinin qeyd edib ki, Almaniya Ukraynaya dəstəyini lazım olduğu müddətcə davam etdirəcək.
Bundan əvvəl Berbok Putini Ukraynada vəziyyətin sülh yolu ilə həlli barədə dialoq aparmaq istəməməkdə ittiham etmişdi.
7 iyun tarixində Rusiya prezidenti Moskvanın Kiyevlə danışıqlara hazır olduğunu bir daha bəyan edib. Bununla belə, RF lideri vurğulayıb ki, Rusiya Federasiyası bu danışıqlara “hansısa uydurmalar əsasında deyil”, yalnız Minsk və İstanbulda tərəflərin razılaşdığı şərtlər əsasında başlamağa hazırdır.
Metro insanların ən çox istifadə etdiyi ictimai nəqliyyat növüdür. Bu il təkcə aprel ayında Bakı Metropoliteni ilə 20 milyon 510 min 190 sərnişin daşınıb.
Ötən ilin aprel ayı ilə müqayisədə sərnişin sayında 7,6 faiz artım qeydə alınıb. Orta statistik hesabla metropolitendən gün ərzində 683 min 673 sərnişin istifadə edib. Yəni hər gün, xüsusilə gur saatlarda metro stansiyalarında izdiham yaşanır. Səhər və axşam saatlarında insanlar asanlıqla qatarlara minə bilmir, bəzən bir neçə qatar yola salmalı olurlar.
Bu cür sıxlıqda halı pisləşən, nəfəs darlığı yaşayan sərnişinlər olur. Elə tez-tez mətbuatda və sosial şəbəkələrdə metroda sərnişinlərin halının pisləşməsi, hətta ölüm hallarının baş verməsi ilə bağlı məlumatlar oxuyuruq.
Metroda halı pisləşən insanlara ya ətrafdakı insanlar, ya metropilten işçiləri ilkin yardım göstərirlər. Aydındır ki, bu yardım peşəkar səviyyədə deyil. Bakı şəhərində isə təcili tibbi yardım avtomobilinin çağırılan ünvana anında çata bilmədiyi sirr deyil. Ona görə də, metro kimi qapalı bir məkanda adi halsızlıq vəziyyəti belə daha pis hadisə ilə nəticələnə bilər.
Bəs “Bakı Metropoliteni”ndə həkim personalının xidmət göstərəcəyi tibb məntəqələri niyə yaradılmır?
Məsələ ilə bağlı “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov Bizim.Media-ya deyib ki, ilkin tibbi yardımla bağlı metropoliten işçiləri məlumatlandırılır:
“Metropolitenin fəaliyyəti sərnişindaşımadır. Tibb məntəqələri, tibb işçiləri isə səhiyyə sahəsinə aiddir. “Bakı Metropoliteni” QSC bu gün səhiyyə qurumları, xüsusilə də Təcili və Təxirəsalınmaz Tibbi Yardım şöbəsi ilə birgə operativ, sürətli iş qurub deyə, buna həm zərurət yoxdur, həm də bu məsələ dövrü olaraq iki qurum arasında müzakirə olunur. Əgər müzakirələrdən hər hansı başqa nəticələr əldə olunacaqsa, məlumatlar veriləcək. Təbii ki, onunla bağlı işçilər xüsusi təlimatlandırılır, məlumatlandırılır və ən operativ addımlar atılır”.
O bildirib ki, metrostansiyalara təcili tibbi yardımın gecikməsi ilə bağlı indiyədək heç bir şikayət daxil olmayıb:
“Təcili tibbi yardım metroda sərnişinlərin halının pisləşməsi hadisələrində ən qısa müddətdə gəlirlər. Bizim qurumla onların əlaqəsi adi məişətdə gördüyünüz formada deyil. Ən yaxın məntəqədən ən yaxın briqada göndərilir. Bu, iki qurum arasında tənzimlənib. Nümunə üçün deyək ki, “28 May” metrostansiyasından təcili tibbi yardıma zəng gedibsə, ora ən yaxın məntəqə, ən yaxın briqada hansıdırsa, o göndərilir”, – deyə Bəxtiyar Məmmədov qeyd edib.
Məşhur “Gorilla Glass” istehsalçısı olan “Corning” şirkəti smartfonun ekranını sındırmağı çətinləşdirəcək yeni şüşə növü təqdim edib.
Yeni qoruyucu ucuz və orta büdcəli Android cihazları üçün nəzərdə tutulub.
Bildirilir ki,, “Gorilla Glass 7i” 4 il əvvəl “Victus” brendi ilə buraxılmış “Gorilla Glass 7”nin təkmilləşdirilmiş və yenilənmiş versiyasıdır. Həmin şüşə flaqmanlar üçün nəzərdə tutulmuşdu və “7i” istehsalda, o cümlədən sərfəli cihazlarda istifadə olunacaq.
Laboratoriya sınaqları zamanı yeni şüşə asfalt və beton da daxil olmaqla kobud səthlərə 1 metrə qədər hündürlükdən düşmələrə tab gətirib. İstehsalçı iddia edir ki, o, rəqib şüşələrdən iki dəfə daha çox cızıqlara davamlıdır.
Müqayisə üçün qeyd edək ki, bir çox ucuz smartfon istehsalçıları öz cihazlarında “Gorilla Glass” şüşəsinin əvvəlki nəsillərindən istifadə edirlər. Məsələn, “Google Pixel 8a”da 11 il əvvəl çıxan “Gorilla Glass 3” var.
“Gorilla Glass 7i”nin ilk müştərisi hələ təqdim edilməmiş “Oppo” model teıefon olub. Və zaman keçdikcə onlar ağıllı saatlar və digər mobil qurğularla təchiz olunmağa başlayacaqlar.
Bir çox şorba həvəskarını maraqlandıran suallardan biri də budur: “Bu yeməyi hər gün içmək olarmı?”
Mütəxəssislər hər gün şorba içməyin heç bir ziyanı olmadığını açıqlayıblar.
Ancaq yenə də bəzi ehtiyatları əldən verməmək lazımdır. Birincisi, gündəlik şorba içmək məcburi hərəkət deyil.
Şorbaları sevirsinizsə və onları yüngül, az yağlı, orta kalorili və mədə və bağırsaq üçün çox sərt olmayan şəklində hazırlayırsınızsa, o zaman bu yeməkləri hər gün yeyə bilərsiniz. Bu vərdiş yalnız orqanizmə fayda verə bilər.
Yox, əgər şorba həvəskarı deyilsinizsə və mədə-bağırsaq traktınızda heç bir problem yoxdursa, həftədə 2-3 dəfə şorba içməyiniz kifayətdir.
“Ağır” şorbalar isə gündəlik istehlak üçün uyğun deyil. Buna noxud və göbələk şorbasını misal göstərmək olar.
Qeyd edək ki, alınma bulyon kublarından hazırlanan şorbalar pis seçimdir.
Tovuzda avtomobil çaya düşüb, batdıqları ehtimal olunan iki nəfərin axtarışları aparılır.
Median.Az xəbər verir ki, bu barədə Fövqəladə Hallar Nazirliyi (FHN) məlumat yayıb.
Bildirilib ki, hadisə Hunanlar kəndi ərazisində qeydə alınıb.
Avtomobilin Kür çayına düşməsi nəticəsində çayda batdıqları ehtimal olunan iki nəfərin axtarışları nazirliyin qüvvələri tərəfindən davam etdirilir.
Axtarışlar Xüsusi Riskli Xilasetmə və Kiçikhəcmli Gəmilərə Nəzarət və Sularda Xilasetmə Dövlət xidmətləri tərəfindən intensiv şəkildə həyata keçirilir.
Həmin görüntüləri təqdim edirik: