Ukraynaya qarşı müharibədə ordunun uğuru Rusiyanın gələcək inkişafı üçün əsas şərtdir.
Qaynarinfo xəbər verir ki, bunu Rusiya prezidenti Vladimir Putin deyib.
“Xüsusi hərbi əməliyyat”ın uğurla başa çatdırılması”, o cümlədən ordunun ehtiyacları üçün “iqtisadi bazanın gücləndirilməsi” hökumətin növbəti altı ildə iqtisadi siyasətinin diqqət mərkəzində olmalıdır”, – Putin bazar ertəsi rəsmilərlə görüşdə deyib.
“Planlarımızı həyata keçirərkən biz ilk növbədə iqtisadiyyatdakı işlərin vəziyyətinə güvənirik, çünki dövlətin resurs və büdcə imkanlarını müəyyən edən sənaye, ticarət, logistika və maliyyə potensialıdır”, – deyə mətbuat Putinin sözlərindən sitat gətirir.
Prezidentin sözlərinə görə, hazırda Rusiya iqtisadiyyatı “yaxşı templə böyüməyə davam edir”. Altı ay ərzində ÜDM 4,6%, sənaye istehsalı 4,4%, hərbi sənaye kompleksinin daxil olduğu emal sənayesi isə 8% artıb.
Büdcə gəlirləri üçdə bir dəfədən çox artıb və “müəssisələr və işçi qüvvələr stabil və ritmik işləyir”, Putin deyib. O əlavə edib ki, “real sektorda müsbət meyilləri gücləndirmək” və ölkənin “infrastruktur çərçivəsini” gücləndirmək lazımdır.
Ötən il rəsmi statistikaya görə, ÜDM 3,6% artıb, bu yay artım tempi 5%-ə çatıb. Britaniya İqtisadi Siyasət Tədqiqatları Mərkəzinin (CERP) ekspertlərinin hesablamalarına görə, hakimiyyət orqanlarının bildirdiyi iqtisadi bum tamamilə müharibə ilə bağlıdır: hərbi məhsulların istehsalı 2022-ci ildən bəri 60% artıb, mülki sənaye sahəsində isə durğunlaşma gedir.
Rosstat-ın operativ məlumatları göstərir ki, yayın əvvəlindən iqtisadiyyat kəskin şəkildə yavaşlayır: əgər fevralda ÜDM-in artım tempi illik müqayisədə 7,6%-ə, birinci rübdə 5,4%-ə çatmışdısa, may ayında bu, artıq yalnız 3% olub.
İyun ayında sənaye istehsalının artım tempi demək olar ki, 3 dəfə azalaraq son 15 ayda ən aşağı səviyyəyə – 1,9%-ə çatıb.
