Median.Az

Month: September 2024

  • ECO “yaşıl keçid”lə bağlı Azərbaycanın irəli sürdüyü addımlara dəstək verəcək

    Azərbaycan Respublikasının xarici işlər naziri Ceyhun Bayramov Birləşmiş Millətlər Təşkilatının Baş Assambleyasının 79-cu sessiyasının yüksəksəviyyəli həftəsi çərçivəsində İqtisadi Əməkdaşlıq Təşkilatının (ECO) baş katibi Əsəd Məcid Xan ilə görüşüb.

    Bu barədə Azərbaycan XİN məlumat yayıb.

    Qeyd olunub ki, görüş zamanı tərəflər Azərbaycan və ECO arasında gündəlikdə duran əməkdaşlıq məsələlərinə, habelə BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyası (COP29) çərçivəsində əməkdaşlıq perspektivlərinə dair müzakirə aparıblar.

    Ceyhun Bayramov Azərbaycanın ECO ilə əməkdaşlığa xüsusi önəm verdiyini, Azərbaycanın təşkilat çərçivəsində regional əməkdaşlığın genişləndirilməsinə töhfə verməyə hər zaman hazır və maraqlı olduğunu qarşı tərəfin diqqətinə çatdırıb.

    İqtisadiyyat, enerji təhlükəsizliyi və nəqliyyat-kommunikasiyalar sahələri üzrə əməkdaşlığın genişləndirilməsinin hər iki tərəf üçün prioritet istiqamətlərdən olduğu qeyd edilib.

    Təşkilatın üzv dövlətləri arasında əməkdaşlığın genişləndirilməsinin və bu vasitə ilə regionda ortaq iqtisadi inkişafa töhfə verilməsinin əhəmiyyəti vurğulanıb.

    ECO-nun fəaliyyət istiqamətlərinə və məqsədlərinə uyğun olaraq, regiondaxili və regionlararası ticarətin genişləndirilməsinin önəmi bir daha vurğulanıb.

    Qarşı tərəf cari regional vəziyyət, işğaldan azad olunmuş ərazilərdə aparılan bərpa və yenidənqurma işləri, habelə Azərbaycan və Ermənistan arasında normallaşma və sülh gündəliyinin hazırkı durumu barədə məlumatlandırılıb.

    Əsəd Məcid Xan Azərbaycanın təşkilatın fəaliyyətində aktiv və məhsuldar iştirakının yüksək qiymətləndirildiyini, ölkəmizin ECO-ya üzv dövlətlər üçün etibarlı tərəfdaş hesab olunduğunu diqqətə çatdırıb.

    Baş katib ECO-nun yaşıl və təmiz ətraf mühitə keçid ideyasına xüsusi əhəmiyyət verdiyini, bu istiqamətdə Azərbaycan tərəfindən irəli sürülmüş addım və təşəbbüslərin həyata keçirilməsinə müvafiq dəstək verməyə hazır olduqlarını bildirib.

    Şuşa şəhərinin İqtisadi Əməkdaşlıq Təşkilatının 2026-ci il üçün turizm paytaxtı seçilməsinin əhəmiyyəti qeyd edilib, bu ildə birgə mümkün tədbirlər barədə ideyalar səslənib.

    Bununla yanaşı, görüşdə qarşılıqlı maraq doğuran digər məsələlərə dair fikir mübadiləsi aparılıb.

  • Qoşa Qala qapısının qarşısındakı vəziyyət turistləri narazı salır – VİDEO

    Qoşa Qala qapısının qarşısındakı vəziyyət narahatlıq yaradır.

    Sürücülərin sözlərinə görə, burada yol ensiz və işıqforsuzdur.

    Turistlər isə sözügedən yolda avtomobillərin sıx olmasından və piyada zolaqlarının az olmasından narazıdırlar.

    Nəqliyyat üzrə ekspert Elməddin Muradlı bildirib ki, İçərişəhərə avtomobillərlə giriş məhdudlaşdırılmalı və qarşısına xüsusi post qoymaqla yalnız zərurət yaranarsa, operativ nəqliyyat vasitələrinin (Təcili yardım, polis, yanğınsöndürən və.s) əraziyə daxil olmasına şərait yaradılmalıdır.

    Ətraflı “AzTV Xəbər”in süjetində:

  • Между МИД Азербайджана и Германии проведены политические консультации

    В Баку состоялся очередной раунд политических консультаций между министерствами иностранных дел Азербайджанской Республики и Федеративной Республики Германия.

    Об этом сообщает МИД Азербайджана.

    Делегацию АР возглавлял заместитель министра иностранных дел Фариз Рзаев, а делегацию Германии – уполномоченный МИД по Восточной Европе, Кавказу и Центральной Азии Конрад Арц фон Штраусенбург.

    В ходе консультаций были обсуждены текущее состояние и перспективы развития сотрудничества между двумя странами в политической, экономической, в том числе энергетической и транспортной, а также гуманитарной сферах, особенно в области образования и здравоохранения. Также затрагивались вопросы расширения договорно-правовой базы.

    Особое внимание на переговорах было уделено сотрудничеству в рамках международных организаций. В частности, немецкая сторона была проинформирована о подготовке и предстоящей работе в связи с 29-й сессией Конференции сторон Рамочной конвенции ООН об изменении климата (COP29), которая пройдет в Азербайджане в ноябре 2024 года.

    На встрече была предоставлена подробная информация о ситуации в регионе в постконфликтный период, шагах, предпринимаемых Азербайджаном для установления прочного мира, проблеме мин на освобожденных от оккупации территориях и масштабных восстановительных работах, проводимых там.

    В ходе политических консультаций также обсуждались другие темы, представляющие взаимный интерес.

  • Azərbaycan və Almaniya XİN-ləri arasında siyasi məsləhətləşmələr aparılıb

    Bakıda Azərbaycan Respublikası və Almaniya Federativ Respublikası Xarici İşlər Nazirlikləri arasında siyasi məsləhətləşmələrin növbəti raundu keçirilib.

    Bu barədə Azərbaycanın Xarici İşlər Nazirliyindən bildirilib.

    Qeyd olunub ki, Azərbaycan Respublikasının nümayəndə heyətinə xarici işlər nazirinin müavini Fariz Rzayev, Almaniya Federativ Respublikasının nümayəndə heyətinə Xarici İşlər Nazirliyinin Şərqi Avropa, Qafqaz və Mərkəzi Asiya üzrə müvəkkili Konrad Arz von Strausenburg rəhbərlik ediblər.

    Məsləhətləşmələr zamanı iki ölkə arasında siyasi, iqtisadi, o cümlədən energetika və nəqliyyat, habelə humanitar, xüsusilə təhsil və səhiyyə sahələrində əməkdaşlığın hazırkı vəziyyəti və inkişaf perspektivləri, eləcə də müqavilə-hüquq bazanın genişləndirilməsi ilə bağlı müzakirələr aparılıb.

    Həmçinin, beynəlxalq təşkilatlar çərçivəsində əməkdaşlıq məsələləri müzakirələrdə diqqət mərkəzində olub. Bu xüsusda 2024-cü ilin noyabr ayında Azərbaycanda keçiriləcək BMT-nin İqlim Dəyişmələri üzrə Çərçivə Konvensiyasının Tərəfləri Konfransının sessiyasına (COP29) hazırlıq və görüləcək işlərlə bağlı qarşı tərəf məlumatlandırılıb.

    Görüşdə postmünaqişə dövründə bölgədəki vəziyyət, Azərbaycan tərəfindən bölgədə davamlı sülhün bərqərar olunması istiqamətində atılan addımlar, işğaldan azad edilmiş ərazilərimizdə mina problemi, orada həyata keçirilən geniş miqyaslı bərpa-quruculuq işləri barədə ətraflı məlumat verilib.

    Siyasi məsləhətləşmələr zamanı birgə maraq kəsb edən digər mövzular da müzakirə olunub.

  • Трамп выступил с угрозами в адрес Ирана

    Кандидат в президенты Дональд Трамп пригрозил “разнести вдребезги” города Ирана за угрозы в сторону США.

    Об этом пишет издание vedomosti.ru

    “Если я буду президентом, я хочу сообщить угрожающим [США] странам, в данном случае Ирану, что <…> мы разнесем ваши крупнейшие города и саму страну вдребезги”, – сказал он в ходе выступления перед сторонниками в рамках избирательной кампании.

    25 сентября республиканец в своей соцсети Truth Social заявил, что Иран якобы создает угрозу для его жизни. Кандидат в президенты США отметил, что сейчас “окружен большим числом людей и оружия, чем когда бы то ни было”.

    Конфликт Ирана с политиком тянется с периода его президентства в 2016-2020 гг. В ходе своего правления Трамп объявил о выходе из “ядерной сделки” с Ираном в 2018 г., а в январе 2020 г. по его приказу в Багдаде был убит иранский генерал Касем Сулеймани.

    16 июля этого года в постоянном представительстве Ирана при ООН отвергли планы по убийству Трампа, заявив, что его нужно судить “за заказ убийства Сардара Сулеймани”. 13 июля на Трампа было совершено покушение на предвыборном выступлении в Западной Пенсильвании, погиб один из сторонников республиканца. Также попытка покушения произошла 15 сентября.

  • Tramp İranı hədələdi

    ABŞ prezidentliyinə namizəd Donald Tramp ölkəsini təhdid etdiyinə görə İran şəhərlərini dağıtmaqla hədələyib.

    Bu barədə vedomosti.ru məlumat yayıb.

    “Əgər mən prezident olsam, ABŞ-ni təhdid edən ölkələrə, indiki halda İrana demək istəyirəm ki, biz sizin ən böyük şəhərlərinizi və ölkənin özünü xarabalığa çevirəcəyik”, – o, tərəfdarları qarşısında çıxışı zamanı deyib.

    Sentyabrın 25-də respublikaçı özünün “Truth Social” sosial şəbəkəsində bildirib ki, İran onun həyatı üçün təhlükə yaradır. ABŞ prezidentliyinə namizəd yazıb ki, o, indi əvvəlkilərdən daha çox insan və silahla əhatə olunub.

  • Магнитная буря летит на Землю со скоростью в 1 400 км/с – ВИДЕО

    Скорость магнитной бури, приближающейся к нашей планете, составляет 1 400 км/с.

    Как передает Median.Az со ссылкой на 56orb.ru, специалисты отмечают, что буря будет затяжной.

    Пик очередной волны новой магнитной бури, обрушившейся на Землю, придется на 26-28 сентября. В конце месяца, к финалу воскресенья 29 сентября, геомагнитная обстановка, вероятно, восстановится полностью.

    В настоящий момент вспышечная активность находится в желтой зоне. 25 сентября вспышек класса С и выше на Солнце не было, накануне, 24 сентября, произошло 7 вспышек класса С и выше. Об этом указано на сайте Лаборатории солнечной астрономии Института космических исследований и Института солнечно-земной физики.

    Метеочувствительных людей просят быть более внимательными к своему здоровью и самочувствию. Во время магнитной бури у метеопатов может наблюдаться переменчивость настроения, обострение хронических болезней, апатия, головная боль. Возможно повышение давления или нарушение сна. Им стоить быть начеку.

  • Maqnit qasırğası saniyədə 1400 km sürətlə Yerə yaxınlaşır: Çoxlu su için – VİDEO

    Planetimizə 1400 km/san sürətlə maqnit qasırğası yaxınlaşır.

    Bu barədə 24rus.ru xəbər yayıb.

    Proqnozlara görə, geomaqnit qasırğası uzunmüddətli və güclü olacaq – onun pik nöqtəsi 26-27 sentyabr tarixlərinə təsadüf edəcək.

    Həkimlər, əsasən də ürək-damar xəstəlikləri olanlara, hipertoniya və ürəyin işemik xəstəliyindən əziyyət çəkənlərə bu günlərdə xüsusi diqqətli olmağa – zəruri dərmanları əvvəlcədən tədarük etməyə, stresdən və ağır yüklərdən qaçmağa çağırırlar. Bundan başqa, mümkün qədər ağır işlər görməmək və daha çox su içmək məsləhət görülür.

    Qeyd edək ki, maqnit qasırğaları Günəşdə baş verən partlayışlar və koronal kütlə atılması adlanan nəhəng yüklü hissəcik buludlarının kosmosa atılması nəticəsində yaranır. Bu hissəciklər Yerin maqnitosferi ilə qarşılaşdıqda, bir neçə saatdan bir neçə günə qədər davam edə bilən geomaqnit sahəsində narahatlıqlara səbəb olur.

  • Bakıda universitetin yataqxanalarını BİT BASDI – VİDEO

    Azərbaycan Dövlət Pedaqoji Universitetinin (ADPU) yataqxanalarını bit basıb. Söhbət ADPU-nun Dərnəgül qəsəbəsində yerləşən 2 və 3 saylı yataqxanalarından gedir.

    Keçmiş məcburi köçkünlərin yaşadığı bu çoxmərtəbəli binaların sakinləri 1 ilə yaxındır ki, bit-birə əlindən cana yığıldıqlarını deyirlər.

    Məsələ ilə bağlı ADPU-dan “Xəzər Xəbər”ə bildirilib ki, bu yataqxanaların binası universitetin balansındadır.

    Binanın komendantı isə deyib ki, evlərin bitlərdən təmizlənməsi üçün prosesi həyata keçirməli olan şirkətlə əlaqə saxlayıblar. MMC-dən bildirilib ki, onlarla Qaçqınların və Məcburi Köçkünlərin İşləri üzrə Dövlət Komitəsi yeni müqavilə bağlamalıdır ki, gəlib binada təmizlik işləri aparsınlar.

    Qurumdan isə bildirilib ki, bu günə qədər Dövlət Komitəsinə qeyd edilən məsələ ilə bağlı müraciət daxil olmayıb.

    Fakt yaxın günlərdə ətraflı araşdırılacaq. Yaranmış problemin aradan qaldırılması məqsədilə zəruri işlərin görülməsi üçün bütün lazımi tədbirlər həyata keçiriləcək.

    Ətraflı süjetdə:

  • Əhali arasında sürətlə yayılan xəstəlik: Halsızlıq, təngnəfəslik, boğulma – Həkimdən HƏYƏCAN TƏBİLİ (VİDEO)

    Bir müddətdir ki, əhali arasında qrip simptomlu xəstəlik yayılıb. Həm böyüklər, həm də uşaqlarda təsadüf olunan virus həftələrlə davam edir.

    Xezerxeber.az-ın məlumatına görə, Səhiyyə Nazirliyinin mütəxəssis-eksperti, həkim-infeksionisti Təyyar Eyvazov deyib ki, son günlərdə yayılan xəstəlik mövsümi, kəskin respirator virus infeksiyalarıdır.

    Hazırda xəstələrdə müşahidə olunan da daha çox qrip əlamətlərinə oxşayır. Xəstəliyin kəskin əlamətləri 2-3 gün davam edir.

    T.Eyvazov qeyd edib ki, hazırda müşahidə olunan virusun koronovirusla heç bir əlaqəsi yoxdur. Hər bir virusun insanlarda klinik təzahürləri müxtəlif ola bilər.

    Bu cür viruslara qarşı antiviral preparatlar yoxdur. Hazırkı virusların fəsadlaşması hallarının olmadığını deyən infeksionist qeyd edib ki, bütün bunlara baxmayaraq, simptomatik müalicə tələb olunur.

    Bunları nəzərə alaraq, yüksək temperatur 5-7 gündən çox davam etdikdə, hərarətsalıcı dərmanlara tabe olmadıqda, kəskin zəiflik, halsızlıq, təngnəfəslik, boğulma halları müşahidə edildikdə, habelə oksigen saturasiyasının aşağı düşməsi, arterial təzyiqin enməsi, döş qəfəsində darlıq hissinin, ağrıların olması, müxtəlif nahiyələrdə qansızmalar və qanaxmalar, huşsuzluq əlamətləri, ürək ritminin pozulması, qusma ilə müşayiət olunan güclü baş ağrıları, nevroloji defisit kimi hallara rast gəldikdə təcili olaraq həkimə müraciət olunmalıdır.

    Ətraflı süjetdə: