Median.Az

Month: November 2024

  • Əfsanəvi pop qrupunun iki üzvü bir həftə içində öldü

    Əfsanəvi pop qrupunun “Bee Gees”in nağaraçısı Kolin Petersen noyabrın 17-də 78 yaşında vəfat edib.

    Bu barədə “Daily Star” məlumat yayıb.

    Musiqiçinin ölüm səbəbi açıqlanmır. Bu, “Bee Gees” qrupunun bir həftə ərzində ölən ikinci üzvüdür. Belə ki, noyabrın 14-də Britaniya-Avstraliya qrupunun keçmiş nağara ifaçısı Dennis Brion vəfat edib. Onun ölümünün səbəbləri də məlum deyil.

    Kolin Petersen 1946-cı ildə Avstraliyanın Kvinslend şəhərində anadan olub və uşaq ikən filmlərdə rol alıb. 1966-cı ildə qrupla birlikdə İngiltərəyə köçüb və qrupun beş albomunun yazılmasında iştirak edib: “Bee Gees’ 1st”, “Horizontal”, “Idea”, “Odessa” və “Cumber Castle”. O, 1969-cu ildə qrupdan ayrılıb.

    “Bee Gees” diskoteka hitləri 1977-ci ildə qrup “Stayin’ Alive” adlı mahnısı ilə “Saturday Night Fever” filminin soundtrackini buraxaraq dünya miqyasında uğur qazanıb.
    //qaynar.az

  • ABŞ Ədliyyə Nazirliyi “Google”dan “Chrome”u satmağı tələb edir

    ABŞ Ədliyyə Nazirliyi “Google”dan Antiinhisar Məhkəməsi çərçivəsində “Chrome” brauzerini satmağı tələb edir.

    Bu barədə “Bloomberg” yazır.

    2024-cü ilin avqust ayında ABŞ məhkəməsi şirkəti inhisarçı olaraq tanıyıb. O vaxtdan bəri Antiinhisar tənzimləyiciləri şirkətin rəqabət əleyhinə təcrübələrini aradan qaldırmaq üçün hansı tədbirlərin görülməsinə qərar verirlər.

    Nazirlik, “Google”un dünyanın ən populyar veb brauzeri olan “Chrome”u satması tələbi ilə məhkəməyə müraciət etməyi planlaşdırır. “Chrome”un “Google” axtarış və digər “Google” məhsulları ilə inteqrasiyası axtarış rəqabətini məhdudlaşdıran amillərdən biri kimi göstərilib.

    Tənzimləyicilər həmçinin “Google”un “Android” əməliyyat sistemini və adətən standart “Android” cihazlarında quraşdırılan “Google Search” və “Google Play Store” kimi digər məhsulları ayırmasını hədəfləyirlər. Əvvəlcə “Google”un “Android”i satmaq məcburiyyətində qala biləcəyi planlaşdırılırdı, lakin bu tələb sonradan ləğv edilib.

    Ədliyyə Nazirliyi “Google”a məlumat lisenziyaları verməyi və axtarış nəticələrinin “Google Search”də sərbəst birləşməsinə icazə verməyi təklif edir. Bu, rəqiblərə və süni intellekt startaplarına alqoritmlərini təkmilləşdirmək və öz axtarış indekslərini yaratmaq imkanı verəcək. Ayrıca, “Google” reklam yerləşdirmələri üzərində daha çox nəzarət təmin edərək əlavə məlumatları reklamverənlərlə bölüşməyə məcbur edə bilər.

    “Google” antitrest qərarından şikayət edəcək və işi aparan hakim, şirkətin hansı dəyişiklikləri etməyi planlaşdırdığını müzakirə etmək üçün 2025-ci ilin aprelində iki həftəlik dinləmələr keçirməyi planlaşdırır. Yekun qərarın 2025-ci ilin avqust ayında veriləcəyi gözlənilir.
    //qaynar.az

  • Şuşada fləş-mob təşkil olunub – VİDEO

    Prezident İlham Əliyevin tapşırıqlarına uyğun olaraq, Qarabağa və Şərqi Zəngəzura Böyük Qayıdış proqramı intensiv qaydada icra edilir.

    Valyuta.Az xəbər verir ki, Qaçqınların və Məcburi Köçkünlərin İşləri üzrə Dövlət Komitəsi işğaldan azad edilmiş ərazilərə Böyük Qayıdışa həsr olunmuş növbəti fləş-mob keçirib. Fləş-mobda Şuşa şəhər 1 nömrəli tam orta məktəbin şagirdləri iştirak ediblər.

    Doğma yurda qayıdışın sevincini yaşayan uşaqlar birlikdə “Şuşa” sözünü “canlandırıblar”. Fləş-mob haqqında hazırlanmış videoçarxı təqdim edirik.

  • Böyük Britaniyada pişik evə uduşlu lotereya bileti gətirdi

    Böyük Britaniyada “Monkey” adlı pişik sahibinə maraqlı bir sürpriz edib – o, evə qalib lotereya bileti gətirib.

    Qaynarinfo-nun verdiyi xəbərə görə, pişiyin sahibi Megan Kristian (Megan Christian) bu hadisəni video ilə qeydə alaraq “TikTok”da paylaşıb.

    Videoda “Monkey” küçədən evin pəncərəsinə doğru qaçarkən dişlərində istifadəsiz bir lotereya bileti tutduğu görünür. Megan biletdəki qoruyucu təbəqəni çıxardıqdan sonra məlum olub ki, bilet 10 funt sterlinq qazandırıb. O, bu məbləği “nəyəsə xoş bir şeyə” xərcləyəcəyini bildirib.

    Megan əlavə edib ki, “Monkey” bənzər hədiyyələri tez-tez gətirir. Təxminən yarım il əvvəl pişik evə mismarlar, daha sonra isə uşaq oyuncağı gətirmişdi.

  • 10 ayda nə qədər avtomobil istehsal etmişik?

    Maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 2024-сü ilin yanvar-oktyabr aylarında 643,7 milyon manatlıq məhsul istehsal edilib.

    Valyuta.az rəsmi məlumatlara istinadən xəbər verir ki, əvvəlki ilin müvafiq dövrü ilə müqayisədə avtomobil, qoşqu və yarımqoşquların istehsalı 58,4 faiz artıb. Maşın və avadanlıqların istehsalı 43,2 faiz, sair nəqliyyat vasitələrinin istehsalı isə 52,8 faiz azalıb. 2024-сü ilin yanvar-oktyabr aylarında 4 min 433 ədəd və ya əvvəlki ilin müvafiq dövrü ilə müqayisədə 2 min 57 ədəd çox minik avtomobili istehsal olunub.

    Dövr ərzində əvvəlki ilin müvafiq dövrü ilə müqayisədə traktorların istehsalı 14,7 faiz azalıb.

  • Mərkəzi Bankdan saxta məlumatlarla bağlı xəbərdarlıq

    “Mərkəzi Bank tərəfindən aparılan müşahidələrə və daxil olan müraciətlərə əsasən, Bankın rəhbər şəxslərinin adından hazırlanmış saxta sənəd və lisenziyalardan istifadə edilməklə maliyyə xidmətləri istehlakçılarına həqiqətə uyğun olmayan məlumatların verilməsi hallarının yer aldığı müəyyənləşib”.

    Bu barədə AMB məlumat yayıb.

    Bildirilib ki, Mərkəzi Bank tərəfindən müvafiq maliyyə xidmətlərinin göstərilməsi üçün təqdim olunmuş lisenziyalara dair məlumatlar bankın rəsmi internet səhifəsində (www.cbar.az) Bazar iştirakçıları bölməsinin aidiyyəti üzrə yarımbölmələrində əks olunub və davamlı olaraq yenilənir.

    “Bu kimi hallarla rastlaşdıqda Mərkəzi Bankın rəsmi internet səhifəsindən əsas istinad və məlumat mənbəyi kimi istifadə edilməsi tövsiyə olunur”, – məlumatda qeyd olunub.

  • 400 min manatlıq şirkət bağlandı

    “Salyan Nəqliyyat” ASC ləğv olunub.

    Bununla bağlı qərar ASC səhmdarları noyabrın 12-də keçirdikləri növbədənkənar ümumi yığıncaqda qərar qəbul edib.

    Bununla əlaqədar olaraq “Salyan Nəqliyyat” ASC-nin kreditorları 2025-ci il yanvarın 25-nə kimi cəmiyyətin təsviyəçisinə (əlaqə nömrəsi–050-213-26-29) müraciət edə bilərlər.

    “Salyan Nəqliyyat” ASC-nin təsviyəçisi Fazil Ləzgiyevdir.

    Qeyd edək ki, “Salyan Nəqliyyat” ASC 1999-cu ildə dövlət qeydiyyatına alınıb. Şirkətin qanuni təmsilçisi İsmayılov Elşad Seyfulla oğlu, nizamnamə kapitalı 399 160 manatdır.//İqtisadiyyat.az

  • Fərdi yaşayış evlərinin tikintisi niyə azalıb? (VİDEO)

    Rəsmi statistikaya görə, ölkəmizdə fərdi evlərin tikintisi azalıb. Bunun müxtəlif səbəbləri var.

    Dövlət Statistika Komitəsinin məlumatına görə, bu ilin yanvar – sentyabr ayları ərzində tikilən evlərin sayı ötən ilin müvafiq dövrü ilə müqayisədə 14 faiz azalıb.

    Əmlak məsələləri üzrə ekspert Ramil Osmanlı deyir ki, azalmanın başlıca səbəbi qanunvericiliyə artırılan məhdudiyyətlərdir.

    Ramil Osmanlı bildirib ki, fərdi yaşayış evlərini tiktinsinin azlaması torpaq sahələrinin təyinatı ilə də birbaşa əlaqəlidir. Onun sözlərinə görə, bu səbəblərdən torpaq sahələri və fərdi yaşayış evləri üzrə təklifin azalması qiymət artımına səbəb olacaq.

    Ekspert bildirib ki, hazırda bazardakı daşınmaz əmlaklar tələbatı ödəmir. Adambaşına düşən mənzil göstəricilərində müəyyən artım var, lakin bütövlükdə məskunlaşma ilə bağlı məsələlərə əhəmiyyətli təsir göstərə bilmir.//Xəzər TV

  • Meymunlar qapalı yerdən qaçaraq polis bölməsinə hücum etdi

    Ötən həftə sonu Taylandın Lopburi şəhərində bir qrup meymun qapalı ərazidən qaçaraq polis bölməsinə və bir neçə şəxsi evə hücum edib.

    Qaynarinfo xəbər verir ki, bu barədə “Thai Rat” qəzeti məlumat yayıb.

    Nəşrin məlumatına görə, heyvanlar uşaq bağçasının qəfəsini silkələyərək sındırıblar. Bundan sonra meymunlar şəhərə səpələnərək evlərə dırmaşmağa başlayıblar. Onlardan bəziləri polis bölməsinə soxulub. Bütün meymunları tutmaq mümkün olmayıb. Hazırda hüquq-mühafizə orqanlarının əməkdaşları heyvanların tutulması istiqamətində iş aparır.

    Meymunlar tapdıqları bütün yeməkləri götürüblər. KİV-in məlumatına görə, hüquq-mühafizə orqanlarının əməkdaşları heç bir meymunu heyvanı tuta bilməyiblər, lakin 40 primat müstəqil olaraq qidalanma vaxtı mühafizəyə qayıdıb.

  • Ömrünü bir neçə il uzatmağın sadə yolu tapıldı

    Kembric Universitetinin alimləri müəyyən ediblər ki, hər gün bir saat gəzmək gözlənilən ömrü bir neçə il artıraraq, ürək xəstəlikləri və şəkərli diabetin inkişaf riskini azaldır.

    Qaynarinfo xəbər verir ki, bu barədə “İndependent” yazıb.

    Tədqiqatda 400 minə yaxın orta yaşlı insan iştirak edib. Alimlər 13 il ərzində onların fiziki fəaliyyətini izləyib və sağlamlıq məlumatlarını toplayıblar.

    Məlum olub ki, müntəzəm gəzinti ürək-damar xəstəliklərinin və şəkərli diabetin inkişaf riskini azaldır, ömrü uzadır. Üstəlik, hətta orta gəzinti tempi də sağlamlığa müsbət təsir göstərir.

    Mütəxəssislər müntəzəmliyin vacibliyini vurğulayırlar: nəzərə çarpan təsirə nail olmaq üçün həftədə ən azı beş dəfə gəzmək tövsiyə olunur.

    Tədqiqatçılar həmçinin qeyd edirlər ki, yeriməyə başlamaq heç vaxt gec deyil. Hətta əvvəllər oturaq həyat tərzi keçirənlər də gündə 15-20 dəqiqə gəzinti ilə başlayıb, tədricən müddəti bir saata qədər artıraraq sağlamlıqlarını yaxşılaşdıra bilərlər.

    Mütəxəssislər rahat temp və rahat marşrut seçməyi məsləhət görürlər ki, gəzinti həyat tərzinizin xoş və daimi hissəsinə çevrilsin.