Median.Az

Month: January 2025

  • Vəzifəli şəxs ağır qəzada həlak oldu

    Salyanda yol-nəqliyyat hadisəsi baş verib.

    Median.Az APA-ya istinadən məlumat verir ki, hadisə Salyan rayonunun Şorsulu kəndində qeydə alınıb.
    VAZ markalı avtomobillərin toqquşması nəticəsində 3 saylı Sabirabad Regional Meşə Təsərrüfatı Mərkəzinin Biləsuvar rayonu üzrə nümayəndəsi və oranın digər əməkdaşı Şorsulu kənd sakini, Mustafa Əhmədov hadisə yerində ölüblər.

    Yaralılar Cəlal Ceyhun oğlu Quliyev və Samid Eldəniz oğlu Zeynalov isə Salyan xəstəxanasına yerləşdiriliblər.

    Faktla bağlı araşdırma aparılır.

  • Fransa I rübdə Ukraynaya “Mirage” qırıcıları göndərəcək

    Fransa bu ilin I rübü ərzində Ukraynaya “Mirage” qırıcıları göndərəcək.

    Bu barədə Fransanın xarici işlər naziri Jan-Noel Barro məlumat verib.
    “Fransanın “Mirage” təyyarələri yaxın vaxtlarda Ukrayna səmasında olacaq. Bu, birinci rübün sonunda baş verəcək”, – nazir bildirib.
    Barro münaqişə bitdikdən sonra Fransanın Ukraynaya hərbçilərini göndərib-göndərməyəcəyi ilə bağlı suala cavab verməyib. “Biz hərtərəfli iştiraka hazırlaşmalıyıq və burada Fransanı, Avropanı və müəyyən dərəcədə ABŞ-ni nəzərdə tuturam. Həmçinin, Ukraynada sülhə zəmanət verilməsini təmin etməliyik”, – o deyib.
     
    ///report

  • Bu ərazilərdə qaz olmayacaq

    Cəlilabad şəhərinin bir hissəsinin qaz təchizatında fasilə olacaq.

    Yanvar 30-u saat 10 radələrindən görüləcək işlər başa çatanadək Cəlilabad şəhəri üzrə 3 500 abonentin (Heydər Əliyev prospektinin bir hissəsi, M.Hüseyn, A.Azərtürk, Şəhriyar, N.Nərimanov, Q.İsmayılov, F.Əhmədov, M.F.Axundov, Sabir, Babək və Cavadxan küçələri) mavi yanacaqla təchizatında fasilə yaranacaq.

    Abonentlərdən qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.

  • Konqoda nümayişçilər ABŞ səfirliyinin qarşısına toplaşıblar

    Konqo Demokratik Respublikasının (KDR) paytaxtı Kinşasada nümayişçilər ABŞ səfirliyinin qarşısında təkər yandıraraq ölkənin şərqindəki gərginliyin aradan qaldırılmasında beynəlxalq ictimaiyyətin daha fəal iştirakını tələb edirlər.

    Median.Az bu barədə “Actualite”yə istinadən xəbər verir.

    “Nümayişçilər ölkənin şərqində baş verənlərlə bağlı beynəlxalq ictimaiyyətin daha fəal iştirakını tələb etmək üçün bu gün səhər saatlarında ABŞ-nin Kinşasadakı səfirliyinin qarşısında toplaşıblar. Hüquq-mühafizə orqanları hər hansı iğtişaşın qarşısını almaq üçün binanın ətrafında təhlükəsizlik perimetri yaradıb”, – nəşr qeyd edib.

    Paytaxtın hər yerində ölkənin şərqində döyüşən Konqo silahlı qüvvələri ilə həmrəylik aksiyaları keçirilir.

    Aksiyaların səbəbi ölkənin şərqindəki vəziyyətlə bağlıdır. Burada əvvəllər Ruandanın dəstəklədiyi üsyançılar Qoma şəhərini ələ keçirib və atışma nəticəsində daha dörd cənubi afrikalı sülhməramlı həlak olub.

  • Salyanda ağır yol qəzasında ölənlərin şəxsiyyəti məlum olub – YENİLƏNİB

    Salyanda baş verən yol qəzasında ölənlərin şəxsiyyəti məlum olub.

    Report-un Aran bürosunun məlumatına görə, onlar rayonun Şorsulu kənd sakini Əhmədov Mustafa Allahyar oğlu və Biləsuvar sakini Mübaşir adlı şəxsdir. Hər ikisi meşə təsərrüfatının işçisidir.

    Qəzada yaralanan Şorsulu kənd sakinləri, 1996-cı il təvəllüdlü Zeynalov Samid Eldəniz oğlu, 2009-cu il təvəllüdlü Quliyev Cəlal Ceyhun oğlu və digər hələlik şəxsiyyəti məlum olmayan bir nəfər Salyan Mərkəzi Rayon Xəstəxanasına yerləşdirilib.

    Faktla bağlı araşdırma aparılır.

    ***

    Salyanda ağır yol qəzası olub, ölənlər və yaralananlar var.

    Report-un Aran bürosunun məlumatına görə, hadisə bu gün axşam saatlarında köhnə Ələt-Astara magistralının rayonun Şörsulu kəndi ərazisindən keçən hissəsində qeydə alınıb.

    İlkin məlumata görə, “NİVA” markalı avtomobilin digər nəqliyyat vasitəsi toqquşması nəticəsində iki nəfər ölüb, iki nəfər yaralanıb.

    Hazırda hadisə yerinə təcili yardım briqadası və hüquq-mühafizə orqanları cəlb edilib.

    Faktla bağlı araşdırma aparılır.

  • Şirvanda 33 yaşlı qadın dəm qazından boğularaq ölüb

    Şirvanda qadın dəm qazından boğulub.

    Report-un Aran bürosunun məlumatına görə, şəhər sakini, 1992-ci il təvəllüdlü Məmmədli Sevinc Rüstəm qızı hamamda olarkən dəm qazından boğularaq ölüb.

    Faktla bağlı araşdırma aparılır.

  • Yasamalda çoxmərtəbəli yaşayış binasında yanğın söndürülüb – VİDEO – YENİLƏNİB

    Məlumat verildiyi kimi, Bakı şəhəri, Yasamal rayonu, Əsəd Əhmədov küçəsində yerləşən çoxmərtəbəli yaşayış binasında yanğın baş verib və dərhal əraziyə Fövqəladə Hallar Nazirliyinin Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

    Fövqəladə Hallar Nazirliyindən apa-ya verilən xəbərə görə, həyata keçirilən operativ tədbirlər sayəsində onaltımərtəbəli yaşayış binasının şaxtasında baş vermiş yanğın genişlənməsinə, o cümlədən mənzillərə keçməsinə imkan verilmədən qısa müddətdə söndürülüb.

    Yanğın zamanı 3 nəfər xilas olunub, 12-si uşaq olmaqla 36 nəfər bina sakini təxliyə edilib.

    Yanğın nəticəsində binanın 10-cu mərtəbəsindən 15-ci mərtəbəsinə kimi şaxta boyunca elektrik kabelləri yanıb.
    Mənzillər yanğından mühafizə olunub

  • Yasamalda çoxmərtəbəli yaşayış binasında yanğın söndürülüb – VİDEO – YENİLƏNİB

    Məlumat verildiyi kimi, Bakı şəhəri, Yasamal rayonu, Əsəd Əhmədov küçəsində yerləşən çoxmərtəbəli yaşayış binasında yanğın baş verib və dərhal əraziyə Fövqəladə Hallar Nazirliyinin Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

    Fövqəladə Hallar Nazirliyindən apa-ya verilən xəbərə görə, həyata keçirilən operativ tədbirlər sayəsində onaltımərtəbəli yaşayış binasının şaxtasında baş vermiş yanğın genişlənməsinə, o cümlədən mənzillərə keçməsinə imkan verilmədən qısa müddətdə söndürülüb.

    Yanğın zamanı 3 nəfər xilas olunub, 12-si uşaq olmaqla 36 nəfər bina sakini təxliyə edilib.

    Yanğın nəticəsində binanın 10-cu mərtəbəsindən 15-ci mərtəbəsinə kimi şaxta boyunca elektrik kabelləri yanıb.
    Mənzillər yanğından mühafizə olunub

  • Taksi ilə daşınmalar xeyli azaldı

    Bakıda bir il ərzində 2 milyarddan çox səfər həyata keçirilir və bu səfərlərin strukturunda ictimai nəqliyyatın payı 30 %, fərdi nəqliyyat və taksilərin payı isə 50 % təşkil edib.
     
    Median.Az xəbər verir ki, bunu Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev Azərbaycan Prezidenti İlham Əliyevin rəhbərliyi ilə keçirilən nəqliyyat məsələlərinə həsr olunan müşavirədə deyib.
     
    Onun sözlərinə görə, beynəlxalq təcrübə isə bunun tamamilə əksini tələb edir:
     
    “Beynəlxalq təcrübədə ictimai nəqliyyatın payının ən azı 39-40 %, fərdi nəqliyyat vasitələrinin istifadəsinin payı isə 30 % civarında olması tələb edilir ki, rəvan mobillik mühiti yaranmış olsun. Sadə hesablamalara görə, yalnız ictimai nəqliyyata illik əsasda 300 milyon səfərin ötürülməsi vacibdir ki, yenə də qeyd etdiyimiz rəvan mobil mühit yaranmış olsun və tədbirlər bu istiqamətdə həyata keçirilib”.

    A. Rzayev qeyd edib ki, hesablamalara başlanarkən vəziyyətin trendi daha da pisləşmək üzrə idi: “Yəni, şəhərdə ictimai nəqliyyatın payının azalması, fərdi nəqliyyat vasitələrinin payının isə artması trendi var idi”.

    AYNA-nın sədri əlavə edib ki, avtobuslarla 2024-cü ildə 28 milyon olmaqla, 2023-2024-cü illərdə 41 milyon əlavə sərnişin, dəmir yolu və metro ilə 11 milyondan çox əlavə sərnişin daşınıb:

    “Taksi daşımalarında isə 32 %-lik enmə baş verib. Eyni zamanda, 2024-cü ilin son aylarında yaradılmış mikromobillik şəbəkəsi və mikromobillik xidmətində 700 mindən çox səfər həyata keçirilib. Bu da tədbirlərin trendinin dəyişməsinin və bizim istədiyimiz istiqamətdə getməsinin göstəricisidir”.

  • Bu ərazi qazsız qalacaq

    Cəlilabad şəhərinin bir hissəsinin qaz təchizatında fasilə olacaq.

    Median.Az bildirir ki, yanvar 30-u saat 10:00 radələrindən görüləcək işlər başa çatanadək Cəlilabad şəhəri üzrə 3 500 abonentin (Heydər Əliyev prospektinin bir hissəsi, M.Hüseyn, A.Azərtürk, Şəhriyar, N.Nərimanov, Q.İsmayılov, F.Əhmədov, M.F.Axundov, Sabir, Babək və Cavadxan küçələri) mavi yanacaqla təchizatında fasilə yaranacaq.

    Abonentlərdən qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.