Median.Az

Month: May 2025

  • Hər gün kefir içmək üçün 5 əsas səbəb

    Kefir südün mayalanması yolu ilə hazırlanan süd məhsuludur. 

    Qaynarinfo xəbər verir ki, bu məhsul probiotiklər və vacib qida maddələri ilə zəngindir və bu da bağırsaq sağlamlığından tutmuş əzələlərin dəstəyinədək bir çox fayda verir. Kefir yalnız qatıqdan daha üstün deyil, həm də mətbəxdə çox yönlü istifadəyə malikdir.

    Kefir nədir?

    Kefir canlı maya və bakteriya koloniyalarının südə əlavə edilməsi və fermentasiya prosesi ilə hazırlanan süd məhsuludur. Bu proses nəticəsində süd qatılaşır və maye qatığa bənzər konsistensiya alır. Kefirin dadı bir qədər turş olur və bu, digər fermentasiya olunmuş məhsullara da xasdır. Kefiri adətən təmiz şəkildə içirlər, lakin ona bal, şəkər və ya giləmeyvə (məsələn, qaragilə və ya çiyələk) əlavə etmək də olar.

    Hər gün kefir içsək nə baş verər?

    1. Bağırsaq sağlamlığını yaxşılaşdırır

    Kefir içmək bağırsaq mikrobiomunun – yəni bağırsaqlardakı faydalı bakteriyaların – dəstəklənməsinin ən yaxşı yollarından biridir. Kefir “yaxşı” bakteriyalar olan probiotiklərlə zəngindir və bu bakteriyalar zərərli mikroorqanizmləri sıxışdıraraq mikrobiomda balans yaradır.

    Dietoloq Elizabet DeRobertisin sözlərinə görə, kefirdə 30-dan çox probiotik ştamm var – bu, adi qatıqdan xeyli çoxdur. Bu canlı mədəniyyətlər həzmə kömək edir, qarın köpünü azaldır və xüsusilə antibiotik qəbulundan və ya həzm pozuntusundan sonra bağırsaq fəaliyyətini normallaşdırır.

    2. İltihabı azaldır

    Kefirdəki probiotiklər bağırsaq sağlamlığını dəstəkləməklə yanaşı, iltihab əleyhinə təsir göstərir. DeRobertisin fikrincə, bu təsir bağırsaqdakı hiperaktiv immun siqnalların sakitləşdirilməsi və orqanizmin iltihab reaksiyasının tənzimlənməsi ilə əlaqədardır. Bu isə yüngül həzm pozuntuları da daxil olmaqla iltihabi halların yüngülləşdirilməsində faydalı ola bilər.

    3. Sümük sağlamlığına kömək edir

    Kefir kalsium, maqnezium və K2 vitamini, zənginləşdirilmiş variantlarında isə D vitamini ilə təmin edir. Bu maddələr yaşlandıqca zəifləyən sümük möhkəmliyi və sıxlığının qorunması üçün vacibdir.

    Dietoloq bildirir: “Kalsium və D vitamini birlikdə sümükdə sorulmanı və minerallaşmanı artırır, K2 vitamini isə kalsiumun birbaşa sümüklərə yönəlməsinə kömək edir”.

    4. İmmunitet sistemini gücləndirir

    DeRobertisin sözlərinə görə, kefirdəki probiotiklər immun sisteminin fəaliyyətini gücləndirə bilər. Bu bakteriyalar orqanizmin immun reaksiyasının böyük hissəsinin başladığı bağırsaqdakı immun toxumaları stimullaşdırır.

    Kefir həmçinin B qrupu vitaminləri və sink ilə zəngindir ki, bunlar da immun cavabın güclənməsinə və gündəlik infeksiyalara qarşı müqavimətin artırılmasına kömək edir.

    5. Əzələlərin qorunmasına dəstək olur

    “Kefir bütün əsas amin turşularını ehtiva edən tam zülal qaynağıdır və bu, əzələ kütləsinin qorunmasına yardım edir”, deyə DeRobertis bildirir.

    Bu xüsusilə vacibdir, çünki yaşlandıqca əzələ kütləsi azalır.

    Kefiri necə saxlamaq lazımdır?

    Kefir şüşəsini açdıqdan sonra onu soyuducuda saxlayın və iki həftə ərzində istehlak edin. Los-Ancelesdəki Kulinariya Təhsili İnstitutunun baş müəllimi Kerri Smit qeyd edir ki, kefir fermentləşdirilmiş içki olduğundan zərərli hala gəlməsə də, uzun müddət saxlandıqda turş dadı daha da güclənə bilər.

  • Laçında bu şəxslər 1000 manata yaxın maaş alır

    Laçındakı sənaye müəssisələrində çalışan işçilər 1 000 manata yaxın əməkhaqqı alır.

    Bunu Laçındakı xüsusi nümayəndəliyin rəsmisi Hüseyn Quliyev deyib.

    O qeyd edib ki, Laçında 53 hektar ərazidə sənaye parkı yaradılıb və ötən gün Azərbaycan Prezidenti İlham Əliyev iki müəssisənin açılışını edib, həmin müəssisələrdə əməkhaqqı azı 800-1000 manatdır:

    “Qısa zamanda işğaldan azad olunan ərazilərdə 3 hava limanının, sənaye parkının formalaşması, yeni iş yerlərinin açılması və bunların təchiz olunmasının sözlə izahı yoxdur. Nəqliyyatla təmin olunmada dövlət qurumlarından dəstək görürük, həmçinin sahibkarlar da dəstək olurlar. Laçının ən gözəl yerlərinin birində hotel tikilir. Qısa müddətdə Laçının belə işıqlanması, məskunlaşmanın təmin olunması, iqtisadi həyatının bərpası çox mühüm amildir”.//Report

  • İslam maarifçiliyinin mərkəzi olan şəhər qumların altında yox olur

    Səhranın incisi hesab edilən və UNESCO-nun Dünya İrsi Siyahısına daxil olan qədim Mavritaniya şəhəri Oualata zaman və qumun təzyiqi altında tədricən yox olur. Keçmişdə Transsəhra karvan yolu üzərində yerləşən və İslam maarifçiliyinin mühüm mərkəzi olan bu şəhər bu gün var olmaq uğrunda mübarizə aparır.

    Bu barədə “Agence France-Presse” (AFP) məlumat verib.

    Oualatada hələ də akasiya ağacından hazırlanmış və yerli qadınların nəsillər boyu çəkdiyi naxışlarla bəzədilmiş qapıları, eləcə də nəsildən-nəslə ötürülən bilikləri qoruyan ailə kitabxanalarını görmək mümkündür. Buradakı bəzi əlyazmaların tarixi XIV əsrə gedib çıxır.

    Lakin iqlim dəyişikliyi bu mədəni irsi təhlükə altına salıb. Bu il xüsusilə güclü yağışlar nəticəsində onlarca bina dağılıb.

    Problemi daha da ağırlaşdıran amil isə əhalinin kütləvi köçüdür: şəhərdəki binaların təxminən üçdə ikisi boş qalıb. Mavritaniya ərazisinin 80 faizi səhralaşma ilə əhatə olunub – bu proses iqlim dəyişikliyi və düzgün olmayan torpaq istifadəsi ilə bağlıdır. Mütəxəssislərin sözlərinə görə, 1970-ci illərdən bəri region yaşıllıqlarını itirib və sürüşkən qum təpələrinin sahəsinə çevrilib.

    İmam Məhəmməd ben Bati ailəsinə məxsus “Taleb Bubakar” kitabxanasında 220-dən çox qədim əlyazmanı böyük diqqətlə qoruyur. Lakin binanın vəziyyəti acınacaqlıdır – damın bir hissəsi çöküb və nəmişlik kitabları zədələyir. 1990-cı illərdə İspaniyanın dəstəyi ilə əlyazmaların bir qismi rəqəmsallaşdırılmışdı, lakin bu gün onların qorunması üçün demək olar ki, heç bir vəsait yoxdur.

    Şəhər demək olar ki, turist qəbul etmir: burada otellər yoxdur və ən yaxın yaşayış məntəqəsinə yalnız torpaq yollarla çatmaq mümkündür. Üstəlik, Oualata Mali sərhədinə yaxın yerləşir və bu bölgə terror təhlükəsi riski olan ərazi kimi qiymətləndirilir.

    Bütün bu çətinliklərə baxmayaraq, şəhər yaşamını davam etdirir. Axşamlar, günəş Dhaar dağlarının arxasında batarkən, uşaqlar küçələrdə oynayır. Hər il dörd qədim “ksur”dan birində keçirilən festival isə bu mədəni irsə diqqəti yönəltməyə və bərpa üçün vəsait toplamağa kömək edir.

    Alimlərin fikrincə, Oualata sadəcə şəhər deyil, keçmişin canlı abidəsidir və onun gələcəyi yalnız yerli təşəbbüslər və beynəlxalq diqqət sayəsində qoruna bilər. Tədqiqatçılar bu mirasın xilas edilməsi üçün təcili tədbirlər görməyə çağırırlar – hələ gec olmamış.
    //qaynar.az

  • Şamaxıda Bəxtiyar Vahabzadənin 100 illik yubileyi qeyd olundu

    27 may 2025-ci il tarixində Şamaxı şəhərində açıq havada xalq şairi Bəxtiyar Vahabzadənin anadan olmasının 100 illiyi münasibətilə tədbir keçirilib.

    Tədbirdə Dağlıq Şirvan Regional Mədəniyyət idarəsinin rəisi Vasif Qurbanzadə, Şamaxı rayon İcra Hakimiyyəti başçısının müavini Mehriban Eyubova, mədəniyyət müəssisələrinin rəhbər və əməkdaşları, rayon ictimaiyyəti, gənclər və tələbələr iştirak edib.

    Şamaxı rayon mədəniyyət müəssisələrinin birgə təşkilatçılığı ilə keçirilən tədbirdə müxtəlif yaş qrupundan olan ədəbiyyatsevərlər tərəfindən şairin şeirlərinin səsləndirilməsi və Şamaxı şəhər İncəsənət Təhsili Mərkəzinin şagirdlərinin əl işlərindən ibarət “Bəxtiyar Vahabzadə və kitabları” adlı rəsm sərgisi tədbir iştirakçıları tərəfindən maraqla qarşılanıb. Dağlıq Şirvan Regional Mədəniyyət İdarəsininin “Eşq” amsamblının ifasında şairin şeirlərinə bəstələnmiş musiqi nümunələri dinləyicilərdə xoş əhvali-ruhiyyə yaradıb.

  • Vikinqlər Atlantik okeanını taxta gəmilərlə necə keçib? (VİDEO)

    Amerika qitəsinə qədər çata bilən məşhur taxta Vikinq gəmilərinin sirrini açmaq üçün bir arxeoloq real Vikinq gəmisi inşa edib dənizə çıxaraq bu məsələni araşdırıb.

    Milad təqvimi ilə 800-1050-ci illər arasında Avropa sahillərindən başlayaraq İslandiya, Qrenlandiya və hətta Şimali Amerikaya qədər irəliləyən vikinqlər yalnız döyüşçü deyil, həm də cəsur dənizçilər idilər. Həmin dövrün texnologiyası ilə bu qədər uzaq məsafələrə çatmaları bu gün də bir çox insanı təəccübləndirir. Xüsusilə də Atlantik okeanını – bu gün belə keçilməsi çətin olan bir su hövzəsini – min ildən artıq əvvəl kiçik taxta qayıqlarla aşa bilmələri ağlabatan görünmür.

    Vikinqlərin gəmiləri yalnız Amerika sahillərinə çatmaqla kifayətlənməyib, həm də İngiltərə və Fransaya təşkil olunan böyük basqınlarda istifadə olunub. Minlərlə döyüşçünü təhlükəsiz şəkildə daşıya bilən bu gəmilərin necə bu qədər dayanıqlı və istifadəyə yararlı olması bu gün də tam izah edilə bilmir.

    Bu suallara cavab axtaranlardan biri də Lund Universitetindən arxeoloq Qrir Carretdir. O, kitablardan oxumaqla kifayətlənməyib, əsl Vikinq gəmisinin bənzərini inşa etdirərək dənizə çıxıb.

    Carret və komandası 2021-ci ilin sentyabrı ilə 2022-ci ilin iyulu arasında ənənəvi üsullarla inşa edilmiş yeddi fərqli “klinker” tipli Vikinq qayıqları ilə Norveç sahillərində səyahət ediblər. Təcrübəli arxeologiyanın bir hissəsi olan bu layihədə 15 müxtəlif yelkən sınağı və iki uzun məsafəli sınaq səfəri həyata keçirilib. Ümumilikdə 1.494 dəniz mili qət olunub. Marşrutlar boyunca külək, dalğa, texniki nasazlıqlar – yəni ağlınıza nə gəlirsə – yaşanıb. Bir səfərdə yelkən dirəyi sahildən 25 kilometr uzaqda qırılıb. Qayıqçıların yelkəni sabitləşdirib qayıqlarla sahilə doğru irəliləməsi lazım gəlib.

    Ancaq bu çətinliklər vacib ipucları da ortaya çıxarıb. Carret sahil boyunca dörd təbii liman müəyyən edib. Bu ərazilərin Vikinqlər tərəfindən müvəqqəti dayanacaq kimi istifadə olunmuş ola biləcəyi düşünülür. Hətta bəzi nöqtələrdə insan fəaliyyətinə işarə edən izlər də tapılıb.

    Carret təcrübələrini belə yekunlaşdırır: “Amerika sahillərinə getmədik, amma necə gedilə biləcəyinə dair çox şey öyrəndik”.

    Səfərlər göstərir ki, Vikinqlər okeanı keçərkən heç də təsadüfi hərəkət etməyiblər. Böyük ehtimalla təbii limanlardan limanlara keçərək, küləyi və dalğanı arxalarına alaraq irəliləyiblər. Fırtınalı havalarda sığınacaq kimi istifadə edə biləcəkləri nöqtələr əvvəlcədən bilinib, bəlkə də bu bilgilər nəsildən-nəslə ötürülüb.

    Bu gün tarixi mənbələrdə adı keçən əsas Vikinq məskənlərindən başqa, bu cür kiçik sığınacaq nöqtələrinin də mövcudluğu daha aydın şəkildə görünür. Carretin təcrübəsi göstərir ki, bu marşrutlar yalnız son dayanacaqlardan ibarət deyilmiş, əslində arada çoxsaylı keçid nöqtələri olub.
    //qaynar.az

  • Daha bir ölkədə evtanaziya qanuniləşdi

    Fransa parlamentinin aşağı palatası evtanaziyaya icazə verən qanun layihəsini qəbul edib.

    Bu barədə “France-24” məlumat yayıb.

    Bildirilib ki, qanun layihəsi 305 lehinə və 199 əleyhinə səslə təsdiqlənib. Sənəd bundan sonra parlamentin yuxarı palatasında müzakirə olunacaq.

    Məlumata görə, evtanaziyadan yalnız 18 yaşdan yuxarı şəxslər istifadə edə biləcəklər.

    Fransa səhiyyə naziri Ketrin Votrin qanun layihəsinin 2027-ci il prezident seçkilərinə qədər qüvvəyə minəcəyini bildirib.

    Qeyd edək ki, hazırda evtanaziya Kanada, Belçika, Portuqaliya, İspaniyada, Lüksemburq və Niderlandda qanunidir.

  • Azərbaycanda nağdsız ödənişlərin məbləği apreldə 50 % artıb

    Bu ilin aprel ayında Azərbaycanda nağdsız ödənişlərin məbləği ötən ilin eyni dövrü ilə müqayisədə 50 % artaraq – 9 milyard 301 milyon manat təşkil edib.

    Bunun 8 milyard 71 milyon manatı (86,8 %-i) elektron ticarətin payına düşüb.

    Ödənişlərin 1 224 milyon manatı POS-terminallar, 4,5 milyon manatı isə özünə xidmət terminalları vasitəsilə həyata keçirilib.

    Ötən ay ödəniş kartları ilə nağdsız ölkədaxili əməliyyatların məbləği kart əməliyyatlarının həcminin 67,1 %-ni təşkil edib.

    Bu il mayın 1-nə Azərbaycanda ödəniş kartlarının sayı 20 milyon 675 min ədəd təşkil edib. Bu, aylıq müqayisədə 1,1 % çox, ilin əvvəli ilə müqayisədə 3,9 %, ötən ilin eyni dövrünə nisbətən 17 % çoxdur.

    Son 1 ildə ölkədə debet kartlarının sayı 19,5 % artaraq 18,387 milyona çatıb, kredit kartlarının sayı isə 0,09 % azalaraq 2,288 milyon olub. Apreldə bu kartlar üzrə dövriyyənin məbləği müvafiq olaraq 13,183 milyard manat (illik müqayisədə 41,3 % çox) və 989 milyon manat (43,3 % çox) təşkil edib.

    Hesabat dövründə ölkədə bankomatların sayı 7 %, POS-terminalların sayı isə 39,5 % artaraq müvafiq olaraq 3 395 ədəd (Bakı üzrə 1 816 ədəd) və 129 544 ədəd (Bakı üzrə 78 188 ədəd) təşkil edib.

    Hazırda beynəlxalq ödəniş sistemlərinin 3 əsas növü var: kart, elektron və universal ödəniş sistemləri. Dünyada daha çox populyar olan 5 beynəlxalq kart ödəniş sistemi mövcuddur – “Visa İnternational”, “MasterCard İnternational”, “American Express”, “Diners Club İnternational” və “JCB Card”dır. Bu maliyyə nəhəngləri Azərbaycan bankları ilə də əməkdaşlıq edir.
    //report

  • ЕС снял все экономические санкции с Сирии

    Евросоюз объявил о снятии всех экономических санкций с Сирии, а также об исключении из черных списков 24 структур арабской страны, включая Центробанк.

    Как передает Median.Az со ссылкой на сообщение Совета ЕС

    “Совет ЕС принял юридические документы об отмене всех экономических ограничительных мер против Сирии, за исключением тех, которые основаны на соображениях безопасности [имеются в виду антитеррористические меры]. Tакже из черного списка исключены 24 компании, включая Центробанк Сирии и компании, работающие в сфере нефтедобычи и переработки хлопка”, – говорится в сообщении.

    Глава дипломатии ЕС Кая Каллас назвала правильным данное решение.

    “Это решение было правильным, в такое историческое время, для ЕС. Оно направленно на то, чтобы искренне поддержать восстановление Сирии и политический переход, который отвечает чаяниям всех сирийцев. ЕС поддерживал сирийский народ на протяжении последних 14 лет, и он продолжит это делать. Сегодня ЕС подтверждает свою приверженность как партнера в переходе, который помогает сирийскому народу воссоединиться и восстановить новую, инклюзивную, мирную Сирию”.

  • Aİ Suriyaya qarşı bütün iqtisadi sanksiyaları ləğv edib

    Avropa İttifaqı (Aİ) Suriyadan bütün iqtisadi sanksiyaların götürüldüyünü, həmçinin ölkənin 24 qurumunun, o cümlədən Mərkəzi Bankın qara siyahıdan çıxarıldığını elan edib.

    Bu barədə Median.Az Avropa İttifaqı Şurasının məlumatına istinadən xəbər verir.

    “Aİ Şurası Suriyaya qarşı bütün iqtisadi məhdudlaşdırıcı tədbirlərin ləğvi ilə bağlı hüquqi sənədlər qəbul edib. Həmçinin, Suriya Mərkəzi Bankı, neft hasilatı və pambıq emalı sahəsində fəaliyyət göstərən şirkətlər də daxil olmaqla, 24 şirkət qara siyahıdan çıxarılıb”, – məlumatda bildirilib.

    Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas bu qərarı düzgün adlandırıb.

    “Bu qərar belə tarixi bir zamanda Aİ üçün düzgün idi. Bu, Suriyanın bərpasını və bütün suriyalıların arzularına cavab verən siyasi keçidi səmimi şəkildə dəstəkləməyə yönəlib. Aİ son 14 il ərzində Suriya xalqını dəstəkləyib və bunu davam etdirəcək”, – o qeyd edib.
    //report

  • Özbəkistanın 16 yaşadək qızlardan ibarət voleybol millisi Bakıya gəlib

    Özbəkistanın 16 yaşadək qızlardan ibarət voleybol millisi Bakıya gəlib.

    Median.Az Azərbaycan Voleybol Federasiyasının mətbuat xidmətinə istinadən xəbər verir ki, onlar paytaxtda on gün təlim-məşq toplanışında iştirak edəcəklər.

    Həmçinin qonaqlar Azərbaycanın yeniyetmələrdən ibarət millisi ilə birgə məşq edəcək və yoldaşlıq oyunları keçirəcək.