Median.Az

Month: August 2025

  • İlham Əliyev Rəcəb Tayyib Ərdoğana zəng edib

    Avqustun 9-da Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana zəng edib.

    Median.Az bu barədə President.az-a istinadən xəbər verir.

    Qeyd olunur ki, telefon danışığı zamanı Azərbaycan ilə Türkiyə arasında qardaşlığa və strateji müttəfiqliyə əsaslanan əlaqələrin müxtəlif sahələrdə inkişafından məmnunluq ifadə olunub.

    Prezident İlham Əliyevin ABŞ-yə səfəri çərçivəsində imzalanan sənədlərin, xüsusilə Azərbaycan Prezidenti və Ermənistanın baş naziri tərəfindən ABŞ Prezidentinin şahidliyi ilə imzalanmış bəyanatın, Azərbaycan ilə Ermənistan arasında sülh və dövlətlərarası münasibətlərin qurulması haqqında Sazişin paraflanmasının, ATƏT-in Minsk qrupunun ləğvi ilə bağlı birgə müraciətin regionda davamlı sülhün və sabitliyin təmin olunması baxımdan əhəmiyyətinə toxunulub.

    Bu nəticələrin əldə olunmasında ABŞ Prezidenti Donald Trampın xüsusi rolunu qeyd edən dövlətimizin başçısı Azərbaycanın əsas hissəsi ilə onun Naxçıvan regionu arasında maneəsiz əlaqənin yaradılmasına xidmət edəcək nəqliyyat bağlantısının bütün regionun çiçəklənməsinə töhfə verəcəyinə əminliyini ifadə edib.

    Dövlətimizin başçısı Ermənistanla Azərbaycan arasında normallaşma prosesində Prezident Rəcəb Tayyib Ərdoğanın və qardaş Türkiyənin oynadığı rolu yüksək qiymətləndirib və buna görə təşəkkürünü bildirib.

    Prezident Rəcəb Tayyib Ərdoğan regionda sülh gündəliyinin irəli aparılmasına nümayiş etdirdiyi liderliyə görə Prezident İlham Əliyevə təbriklərini çatdırıb və qeyd edib ki, Türkiyə regionda sülhü və sabitliyi daim dəstəkləyir.

    Söhbət zamanı Azərbaycan təbii qazının Türkiyə ərazisindən Suriyaya ixracının başlanması müsbət hadisə kimi qiymətləndirilərək, bunun Suriyanın enerji təhlükəsizliyinə və əhalinin sosial rifahının gücləndirilməsinə töhfə verəcəyi bildirilib.

    Telefon danışığı əsnasında Azərbaycan-Türkiyə qardaşlıq əlaqələrinin perspektivlərinə dair fikir mübadiləsi aparılıb.

  • FTB və MKİ-yə eyni zamanda rəhbərlik edən yeganə şəxs vəfat etdi

    Federal Təhqiqat Bürosuna (FTB) və Mərkəzi Kəşfiyyat İdarəsinə (MKİ) rəhbərlik etmiş Uilyam Uebster 101 yaşında dünyasını dəyişib.

    Bu barədə FTB-nin saytında məlumat verilib.

    O, ABŞ tarixində hər iki quruma eyni zamanda rəhbərlik edən yeganə şəxs olub. Uebsterin ailəsi onun ölümü ilə bağlı məlumatı təsdiqləyib.

    “FTB Uilyam Uebsterin ailəsinə başsağlığı verir”, – deyə qurumun mətbuata açıqlamasında qeyd olunur.

    FTB-dən bildiriblər ki, Uebster o cümlədən ABŞ Hərbi Dəniz Qüvvələrində və federal məhkəmədə 60 ildən çox müddətdə vətəninə xidmət edib.

    Uilyam Uebster ABŞ tarixində ölkənin iki əsas xüsusi xidmət orqanına – FTB və MKİ-yə rəhbərlik etməyə nail olan yeganə şəxs olub. O, həmçinin Mühasibat Uçotu üzrə Nəzarət Şurasına rəhbərlik edib və İkinci Dünya və Koreya müharibələri zamanı ABŞ Hərbi Dəniz Qüvvələrində xidmət edib.

  • İdmançımız Çində keçirilən Dünya Oyunlarında gümüş medalın sahibi oldu

    Azərbaycan karateçisi İrina Zaretska (68 kq) Çinin Çenqdu şəhərində keçirilən Dünya Oyunlarında gümüş medal qazanıb.

    İdmançı finalda İsveçrə təmsilçisi Elena Quirici ilə qarşılaşıb.

    Həlledici görüşdə məğlub olan İ.Zaretska fəxri kürsünün ikinci pilləsinə yüksəlib.

  • Lerikdə meşədə üzərinə ağac aşan kişi ölüb

    Lerikdə meşəyə odun yığmağa gedən 51 yaşlı Lənkəran sakininin üzərinə ağac aşıb.

    Median.Az “Report”a istinadən xəbər verir ki, hadisə rayonunun Gürdəsər meşəsinin 9-cu dolayında baş verib.

    Belə ki, Lənkəran rayon sakini 1974-cü il təvəllüdlü İbrahim Nəriman oğlu Ağayev, şəhid ailələri üçün ayrılan kvota üzrə meşəyə odun gətirməyə gedib. A.İbrahimov üzərinə ağacın aşması nəticəsində ağır xəsarət alıb. Ətrafdakıların köməyi ilə o, yaxınlıqdakı kəndə çatdırılsa da, təcili tibbi yardım briqadası gələnə qədər ölüm faktı qeydə alınıb.

    Faktla bağlı araşdırma aparılır.

  • Livanda silah anbarında partlayış olub, 6 hərbçi ölüb

    Livanın cənubunda Tir şəhəri ətrafında silah anbarında sursat partlayışı nəticəsində ən azı altı yerli hərbçi ölüb.


    Median.Az xəbər verir ki, bu barədə “Al Hadath” telekanalı məlumat yayıb.
    Məlumata görə, partlayış “Hizbullah”a məxsus silah anbarının sökülməsi zamanı baş verib.
    Bildirilib ki, hadisə yerinə təcili yardım maşınları gəlib.//report

  • Abşeron dairəvi marşrutu üzrə qatarların iş günü qrafikində dəyişikliklər edilir

    Bakı–Keşlə sahəsində aparılan təmir işləri ilə əlaqədar olaraq, 11 avqustdan etibarən iş günlərində sərnişin qatarlarının Abşeron dairəvi dəmir yolu marşrutu üzrə hərəkət cədvəlində dəyişiklik edilir.

    Bu barədə “Azərbaycan Dəmir Yolları” QSC-dən məlumat verilib.
    Bildirilib ki, yeni qrafikə əsasən Bakıdan və Sumqayıtdan qatarların hərəkət saatı aşağıdakı kimi təyin edilir:
    Bakı–Xırdalan: saat 06:00, 07:25, 07:42, 09:15, 16:30, 18:50, 19:15, Bakı–Xırdalan–Sumqayıt: saat 17:00, 17:25, 18:20, 20:35, Sumqayıt–Xırdalan–Bakı: saat 07:55, 08:10, 09:25, 19:10, Xırdalan–Bakı: saat 06:50, 08:07, 08:14, 08:25, 08:32, 09:44, 10:05, 17:26, 19:29, 19:40, 20:00, Bakı–Pirşağı–Sumqayıt: saat 06:25 (ekspres), 06:37, 06:50 (ekspres), 08:00, 08:13, 08:30, 08:50, 09:10, 10:00, 11:00, 12:05, 15:00, 15:50, 16:20, 16:50, 17:50, 18:15, 18:30, 18:55, 19:15, 19:35, 20:10, 20:35, 21:00, 22:00, 22:30, Sumqayıt–Pirşağı–Bakı: saat 06:20, 07:00, 07:13, 07:25, 07:40, 07:50, 08:20 (ekspres), 09:05, 10:15, 10:40, 11:00, 12:00, 15:00, 16:00, 16:50, 17:20, 17:50, 18:10, 18:30, 18:50, 19:30, 19:55 (ekspres), 20:10, 20:35, 21:10, 22:00
    Təmir işləri ilə əlaqədar bəzi reyslərdə qısamüddətli gecikmələr müşahidə oluna bilər.
    ADY sərnişinlərdən müvəqqəti narahatlığı anlayışla qarşılamalarını xahiş edir.

  • İspaniya XİN: Azərbaycan və Ermənistan arasında razılaşma yekun sülhə doğru həlledici addım olacaq

    İspaniya Azərbaycan və Ermənistan arasında imzalanmış sazişlərin hər iki ölkənin və bütövlükdə regionun rifahı naminə əməkdaşlığın, qarşılıqlı anlaşmanın və inkişafın yeni mərhələsini açacağına ümid edir.

    Report-un Avropa bürosunun məlumatına görə, bu barədə İspaniya Xarici İşlər Nazirliyinin rəsmi bəyanatında deyilir.

    “İspaniya Prezident Əliyev və Baş nazir Paşinyan arasında ABŞ-nin iştirakı ilə Ağ Evdə əldə olunmuş razılaşmaları alqışlayır və hesab edir ki, bu, onilliklər ərzində davam edən münaqişədən sonra Ermənistan və Azərbaycan arasında yekun sülh əldə edilməsi və münasibətlərin tam normallaşması istiqamətində həlledici addım olacaq”, – bəyanatda qeyd olunub.
    Vurğulanır ki, İspaniya Cənubi Qafqazda sülh və sabitliyin olmasına sadiqdir.

  • Bakıda it oğurlayan şəxs həbs edildi

    Oğurladığı iti Bakı Beynəlxalq Avtovağzal Kompleksində gəzintiyə aparan şəxs həbs edilib. 

    Median.Az qaynarinfo-ya istinadən xəbər verir ki, saxlanılan 1988-ci il təvəllüdlü F.Q. barəsində İnzibati Xətalar Məcəlləsinin 227-ci maddəsi ilə protokol tərtib edilib və işə məhkəmədə baxılıb. 

    Məhkəmədə məlum olub ki, 6 avqust 2025-ci il tarixdə zərərçəkmiş C.H. iti gəzdirmək üçün əraziyə çıxarıb və naməlum şəraitdə heyvan oğurlanıb. Təqsirləndirilən şəxs isə bildirib ki, gecə saatlarında özünə məxsus olan iti gəzdirən zaman Baş Dövlət Yol Polis İdarəsinin Ekologiya Postunun yanından keçərkən bir itin dəmir dirəyə bağlandığını görüb. Bazar dəyəri 450 manat olan “Malinka” cinsli iti götürərək yaşadığı evə aparıb. 

    Həmin günün səhəri itlə birlikdə Avtovağzal ərazisində yerləşən gül mağazasında olan zaman zərərçəkən ona yaxınlaşaraq, heyvanın ona məxsus olduğunu bildirib. F.Q. könüllü şəkildə iti sahibinə vermədiyi üçün hadisə yerinə Abşeron rayon Polis İdarəsinin əməkdaşları çağırılıb və təqsirləndirilən şəxs saxlanılıb. 

    Məhkəmənin hökmü ilə F.Q. İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanın törədilməsində təqsirli bilinib və 25 gün həbs edilib.

  • Bakıda it oğurlayan şəxs həbs edildi

    Oğurladığı iti Bakı Beynəlxalq Avtovağzal Kompleksində gəzintiyə aparan şəxs həbs edilib. 

    Median.Az qaynarinfo-ya istinadən xəbər verir ki, saxlanılan 1988-ci il təvəllüdlü F.Q. barəsində İnzibati Xətalar Məcəlləsinin 227-ci maddəsi ilə protokol tərtib edilib və işə məhkəmədə baxılıb. 

    Məhkəmədə məlum olub ki, 6 avqust 2025-ci il tarixdə zərərçəkmiş C.H. iti gəzdirmək üçün əraziyə çıxarıb və naməlum şəraitdə heyvan oğurlanıb. Təqsirləndirilən şəxs isə bildirib ki, gecə saatlarında özünə məxsus olan iti gəzdirən zaman Baş Dövlət Yol Polis İdarəsinin Ekologiya Postunun yanından keçərkən bir itin dəmir dirəyə bağlandığını görüb. Bazar dəyəri 450 manat olan “Malinka” cinsli iti götürərək yaşadığı evə aparıb. 

    Həmin günün səhəri itlə birlikdə Avtovağzal ərazisində yerləşən gül mağazasında olan zaman zərərçəkən ona yaxınlaşaraq, heyvanın ona məxsus olduğunu bildirib. F.Q. könüllü şəkildə iti sahibinə vermədiyi üçün hadisə yerinə Abşeron rayon Polis İdarəsinin əməkdaşları çağırılıb və təqsirləndirilən şəxs saxlanılıb. 

    Məhkəmənin hökmü ilə F.Q. İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanın törədilməsində təqsirli bilinib və 25 gün həbs edilib.

  • Avqustun bütün BÜRCLƏR üçün ən şanslı günləri

    Avqust ayı güclü enerji axınları, mühüm qərarlar və yeni başlanğıclar üçün ideal imkanlarla doludur. Bu ayın müəyyən günləri isə bəzi bürclər üçün xüsusi olaraq **şanslı**, **uğurlu** və **dönüm nöqtəsi** ola bilər.

    Median.Az xəbər verir ki, aşağıda hər bürc üçün Avqust ayında ən şanslı günlər qeyd olunub:
    Qoç (21 Mart – 20 Aprel)
    Şanslı günlər: 4, 12, 22 Avqust
    Bu tarixlərdə iş və şəxsi münasibətlərdə sürətli irəliləyiş mümkündür. Yeni layihələrə başlamaq üçün əla zamandır.

    Buğa (21 Aprel – 21 May)
    Şanslı günlər: 6, 14, 27 Avqust
    Maliyyə sahəsində xoş xəbərlər və sürpriz gəlirlər ola bilər. Sevgidə gözlənilməz pozitivlik gözlənilir.

    Əkizlər (22 May – 21 İyun)
    Şanslı günlər: 5, 13, 25 Avqust
    Ünsiyyət və səyahətlərlə bağlı işlərdə uğur sizdən yanadır. Yeni tanışlıqlar önəmli rol oynaya bilər.

    Xərçəng (22 İyun – 22 İyul)
    Şanslı günlər: 3, 10, 21 Avqust
    Emosional tarazlıq və ailə ilə bağlı məsələlərdə rahatlıq tapacaqsınız. Daxili gücünüz artacaq.

    Şir (23 İyul – 23 Avqust)
    Şanslı günlər: 8, 16, 28 Avqust
    İradəniz və cazibəniz zirvədədir. Karyera və şəxsi həyatınızda diqqət çəkirsiniz.

    Qız (24 Avqust – 23 Sentyabr)
    Şanslı günlər: 2, 11, 26 Avqust
    Analitik qabiliyyətləriniz sayəsində mürəkkəb məsələləri asanlıqla həll edə biləcəksiniz.

    Tərəzi (24 Sentyabr – 23 Oktyabr)
    Şanslı günlər: 7, 15, 24 Avqust
    Harmoniya və estetik duyğular güclənir. İncəsənət, moda və sevgi sahəsində uğurlu addımlar ata bilərsiniz.

    Əqrəb (24 Oktyabr – 22 Noyabr)
    Şanslı günlər: 1, 9, 23 Avqust
    Gizli qalan məsələlər aydınlığa qovuşur. Sezgilərinizlə doğru qərarlar verəcəksiniz.

    Oxatan (23 Noyabr – 21 Dekabr)
    Şanslı günlər: 6, 17, 30 Avqust
    Səyahət və təhsil mövzularında fürsətlər ortaya çıxacaq. Yeni başlanğıclar üçün ideal vaxtdır.

    Oğlaq (22 Dekabr – 20 Yanvar)
    Şanslı günlər: 4, 19, 29 Avqust
    Plan və strategiyalarınız uğurla irəliləyəcək. Əmlak və maliyyə məsələlərində müsbət gedişat var.

    Dolça (21 Yanvar – 19 Fevral)
    Şanslı günlər: 5, 18, 27 Avqust
    Yeniliklərə açıq olun. Texnologiya, yaradıcılıq və dostluqlar bu tarixlərdə sizi zirvəyə daşıya bilər.

    Balıqlar (20 Fevral – 20 Mart)
    Şanslı günlər: 3, 14, 31 Avqust
    Duyğularınız və instinktləriniz sizə doğru yolu göstərəcək. Ruhsal aydınlanma və daxili rahatlıq üçün əla günlərdir.

    Ümumi Tövsiyə:
    Avqust ayı boyunca **tam Ay (19 Avqust)** və **yeni Ay (4 Avqust)** tarixləri enerjinin gücləndiyi günlərdir. Dua etmək, niyyət tutmaq və yeni işlərə başlamaq üçün bu tarixlərdən faydalanın.
    İstəsən, bu xəbəri şəkilli posta çevirməyim də mümkündür. Deyərsən hansı üslubda istəyirsən (klassik, modern, astroloji simvollarla və s.).