Median.Az

Month: November 2025

  • Мадридский “Атлетико” перешел под контроль нового инвестора

    Футбольный клуб “Атлетико” Мадрид объявил о продаже контрольного пакета акций инвестиционной компании Apollo Sports Capital (ASC).

    В рамках соглашения Мигель Анхель Хиль и Энрике Сересо продолжат возглавлять клуб в качестве генерального директора и президента соответственно, а также останутся акционерами.

    Под их руководством за последние два десятилетия “Атлетико” зарекомендовал себя как один из самых успешных и известных футбольных клубов Европы.

    Акционеры планируют предоставить капитал для поддержки долгосрочных планов клуба, включая дальнейшие инвестиции в команды “Атлетико” и крупные инфраструктурные проекты.

    “Мы рады приветствовать нового партнера, преданного клубу. Apollo Sports Capital – наш надежный союзник, который уважает историю, традиции, самобытность “Атлетико” и его болельщиков, привнося при этом дополнительные ресурсы и энтузиазм для поддержания нашего роста и конкурентоспособности”, – приводит слова Хиля официальный сайт клуба.

    После 12 сыгранных туров в испанской Примере “Атлетико” занимает четвертое место в турнирной таблице, набрав 25 очков. В Лиге чемпионов команда набрала шесть очков в четырех играх.

  • “Atletiko” yeni investorun nəzarətinə keçib

    “Atletiko” futbol klubu “Apollo Sports Capital” (ASC) investisiya şirkətinin səhmlərinin nəzarət paketinin satışını elan edib.

    Razılaşma çərçivəsində Migel Anxel Xil və Enrike Sereso kluba müvafiq olaraq baş direktor prezident kimi rəhbərlik etməyə davam edəcək və səhmdar olaraq qalacaqlar. Onların rəhbərliyi altında son iyirmi ildə “Atletiko” özünü Avropanın ən uğurlu və tanınmış futbol klublarından biri kimi tanıdıb.

    Səhmdarlar klubun uzunmüddətli planlarını dəstəkləmək üçün kapital təmin etməyi, o cümlədən “Atletiko”nun komandalarına və böyük infrastruktur layihələrinə daha çox investisiya qoymağı planlaşdırırlar.

    “Kluba sadiq olan yeni tərəfdaşımızı salamlamaqdan məmnunuq. “Apollo Sports Capital” “Atletiko” və azarkeşlərinin tarixinə, ənənəsinə, şəxsiyyətinə hörmət edən, eyni zamanda böyüməmizi və rəqabət qabiliyyətimizi qorumaq üçün əlavə qaynaqlar və həvəs gətirən etibarlı müttəfiqimizdir”, – klubun rəsmi saytı Xilin sözlərini sitat gətirib.

    “Atletiko” İspaniya çempionatında 12 turdan sonra 25 xalla turnir cədvəlində dördüncü yeri tutur. Komanda Çempionlar Liqasında 6 xal toplayıb.

  • Bakıda uşaq inkişaf mərkəzində yanğın olub

    Bakı şəhərinin Sabunçu rayonunda yanğın olub.

    Median.Az FHN-ə istinadən xəbər verir ki, ümumi sahəsi 330 m² (hər mərtəbəsi 110 m²) olan üçmərtəbəli uşaq inkişaf mərkəzinin 1-ci mərtəbəsində sahəsi 35 m² olan mətbəxin içərisində 3 ədəd məişət avadanlığı yanıb.

    Yüksək temperaturdan 2 ədəd plastikdən ibarət pəncərə çərçivəsi əriyib.

    Binanın qalan hissəsi yağından mühafizə olunub. Yanğın yanğından mühafizə bölmələri tərəfindən söndürülüb.

  • “Ehtiyat zabit hazırlığı kursu”nun növbəti buraxılışı olub

    Azərbaycan Ordusunun Təlim və Tədris Mərkəzində “Ehtiyat zabit hazırlığı kursu”nun növbəti buraxılış mərasimi keçirilib.

    Bu barədə Müdafiə Nazirliyindən məlumat verilib.

    Bildirilib ki, zabit və müəllim heyətinin iştirakı ilə keçirilən tədbirdə əvvəlcə Ulu Öndər Heydər Əliyevin və Vətən uğrunda canlarından keçən şəhidlərin xatirəsi bir dəqiqəlik sükutla yad olunub. Azərbaycan Respublikasının Dövlət Himni ifa edilib.

    Tədbirdə çıxış edən Azərbaycan Ordusunun Təlim və Tədris Mərkəzinin rəisi polkovnik Nizami Mövlanov gənc zabitləri Müdafiə Nazirliyinin rəhbərliyi adından “leytenant” hərbi rütbəsinə layiq görülmələri münasibətilə təbrik edib, onlara gələcək xidmətlərində uğurlar arzulayıb.

    Sonra məzunlara sertifikatlar təqdim olunub, kurs birincisi leytenant Rahidə Şahverdiyeva tərəfindən yaş kötüyünə rəmzi emblem vurulub.

    Tədbir Həzi Aslanov adına Ordu İdeoloji və Mədəniyyət Mərkəzinin yaradıcı kollektivinin çıxışları ilə sona çatıb.

  • Zidan geri qayıdır

    Dünya futbolunun əfsanəsi Zinəddin Zidan yenidən məşqçiliyə qayıtmağı planlaşdırır.

    Bu haqda insayder Fabrizio Romano “X”də yazıb.

    Belə ki, fransalı məşqçi futbola qayıtmasının çox tezliklə olacağını açıqlayıb.

    Qeyd edək ki, Z. Zidan 2016-2018 və 2019-2021-ci illərdə “Real Madrid”ə rəhbərlik edib.

  • Qadın yolda yatdı, “ayıq sürücü” pulunu oğurladı

    Paytaxtda qeyri-adi oğurluq hadisəsi baş verib.

    Xətai rayonunda 25 yaşlı qadın sərxoş vəziyyətdə avtomobildə yatarkən ona məxsus “Jeep” markalı maşından 3000 manat oğurlanıb.

    O, hadisə barədə polisə məlumat verib. Aparılan araşdırmalarla cinayəti törətməkdə şübhəli bilinən 22 yaşlı Mikayıl Quliyev müəyyən olunaraq saxlanılıb. O, qadının yolda yatmasından istifadə edərək oğurluğu törədib.

    Araşdırmalar davam etdirilir.

  • Məşhur aktrisa evlənir

    Məşhur türkiyəli aktrisa Hande Doğandemir yenidən barışdığı keçmiş sevgilisi Emre İzerdən evlilik təklifi alıb.

    Aktrisa bu xəbəri sosial media hesabında paylaşdığı təkqaş üzüyün fotosu ilə izləyicilərinə çatdırıb.

    “Güneşi Beklerken”, “Hayatımın Aşkı”, “Muhteşem Yüzyıl Kösem”, “Yüzleşme” və “Taş Kağıt Makas” kimi seriallardakı rolları ilə böyük tamaşaçı auditoriyasının rəğbətini qazanan aktrisanın sevgili həyatı uzun müddətdir medianın diqqət mərkəzində idi.

    Doğandemir ilə memar Emre İzerin münasibəti 2024-cü ilin iyul ayında başlamışdı. O dövrdə aktrisanın “Gəldi mənimki” qeydi ilə etdiyi paylaşım münasibətlərini dolaylı şəkildə elan etməsi kimi yadda qalmışdı. Daha sonra yollarını ayıran cütlük bu ilin iyun ayında yenidən bir araya gəlib.

    Barışdıqlarını mətbuata təsdiqləyən Doğandemir o zaman “Ola bilər, bu işlər heç vaxt bəlli olmur. Hazırda hər şey qaydasındadır, çox da danışmaq istəmirəm” sözləri ilə münasibətlərinin yaxşı getdiyini bildirmişdi.

    Hazırda “Kıskanmak” serialında rol alan 39 yaşlı aktrisa nişan üzüyü paylaşımı ilə sosial mediada böyük maraq doğurub. İzləyicilər arasında “Toy nə vaxt olacaq?” sualları səslənməyə başlayıb.

    Hande Doğandemir və Emre İzer bu dəfə münasibətlərini nikah masasına daşımağa hazırlaşırlar.

    Qeyd edək ki, Emre İzer bundan əvvəl aktrisa Şebnem Bozoklu ilə altı il evli olub.
    //qafqazinfo

  • Dünyanın ən yaxşı 100 şəhəri açıqlandı (SİYAHI)

    Böyük Britaniyanın paytaxtı London bir daha dünyanın ən yaxşı şəhəri elan olunub.

    Qaynarinfo xəbər verir ki, belə nəticəyə “Resonance Consultancy” şirkətinin analitikləri gəliblər. Onlar dünya üzrə 270 şəhəri təhlil ediblər.

    “Mədəniyyət paytaxtlarından iqtisadi nəhənglərə qədər – “Dünyanın Ən Yaxşı Şəhərləri 2026” reytinqimizdə 270-dən çox şəhər arasında ən böyük 100 şəhər təqdim olunub. Bu əlamətdar reytinq, “Resonance Consultancy” tərəfindən verilən unikal məlumat təhlili və real təcrübəyə əsaslanan yanaşma ilə hazırlanıb, dünyada ən təsirli və iqtisadi baxımdan perspektivli şəhərləri ayırd edir – burada yaşamaq, turist kimi gəzmək və investisiya qoymaq xoşdur”, deyə reytinqin müəllifləri bildiriblər.

    Niyə London dünyanın ən yaxşı şəhəridir?

    Tədqiqatın müəllifləri bildirirlər ki, Böyük Britaniyanın paytaxtı artıq 11-ci il ardıcıl olaraq dünyanın ən yaxşı şəhərləri reytinqində birinci yerdədir. Bu dəfə London 34 alt kateqoriyadan 3-də birinci olub (hər hansı digər şəhərdən daha çox), xüsusilə də rifah, cazibədarlıq və yaşayış rahatlığı indekslərində lider olub.

    “Londonun cazibədar qüdrəti beynəlxalq auditoriyanı cəlb etməyə davam edir – tələbələrdən və sahibkarlardan tutmuş turistlərə və böyük korporasiyalara qədər. Pandemiyadan sonra şəhərin inamla bərpası 2024-cü ildə demək olar ki, 22 milyard dollara çatan xarici turist xərclərində öz əksini tapıb (2023-cü ildə bu rəqəm 17,4 milyard dollar idi) və London üçün bu göstəriciyə görə dünya üzrə üçüncü yeri təmin edib, Nyu-York və Dubayı geridə qoyub”, deyə tədqiqatın nəticələrində qeyd olunub.

    Eyni zamanda, London aeroportları dünyanın ən yaxşı 100 şəhəri reytinqində birinci yerdədir.

    Analitiklər bildirirlər ki, ölkədəki mövcud siyasi vəziyyətdən narazı olan varlı amerikalıların şəhərə marağının artması elit daşınmaz əmlak bazarının inkişafını stimullaşdırır.

    Bundan əlavə, şəhərin müxtəlif görməli yerləri arasında əlaqəni yaxşılaşdırmaq üçün səylər göstərilir: yerli metro şəbəkəsi son illərdə xeyli yaxşılaşıb, xüsusilə Elizabeth xəttinin genişləndirilməsi sayəsində, bu xətt Redinqi, Hitrou, Ebbi Vudu və Şenfildi birbaşa London mərkəzi ilə birləşdirir. Eyni zamanda 2022-ci ildə açılmış Bond Street stansiyası Vest-Endin cazibəsini daha da gücləndirib.

    Londonun inkişafında əsas amillərdən biri şəhər məkanının təşkili olaraq qalır; məsələn, gözlənilən “Camden Highline” adlı 1,5 km-dən uzun yüksəklikdəki yaşıl zona, 2027-ci ildə açılması planlaşdırılır.

    “London – davamlı yenilənən şəhərdir. Məhz bu möhtəşəm davamlı inkişaf ruhu bizə dünyanın ən yaxşı şəhəri titulu saxlamağa imkan verdi. 2025-ci ildə biz paytaxtın 10 illik inkişaf planını başladıq və bir sıra uğurları qeyd etdik: dünya səviyyəsinə çıxan London layihələrinin rekord miqyasları, turistlərin sayının artması və növbəti onillik ərzində təcrübə iqtisadiyyatımıza yatırılması planlaşdırılan təxminən 10 milyard funt sterlinq (təxminən 13,13 milyard dollar) məbləğində investisiyalar”, deyə “London & Partners” şirkətinin baş direktoru Lora Sitron bildirib.

    Dünyanın ən yaxşı şəhərlərinin onluğunda dəyişikliklər

    2026-cı il üçün dünyanın ən yaxşı şəhərləri reytinqində liderlər dördlüyü əvvəlki ildən dəyişməyib – Nyu-York, Paris və Tokio mövqelərini qoruyub.

    Ancaq Sinqapur beşinci yerdən altıncı yerə düşüb, önünə isə bir il əvvəl yeddinci yerdə olan İspaniyanın paytaxtı Madrid çıxıb. İtaliya paytaxtı Roma isə altıncı yerdən yeddinci yerə geriləyib.

    Bu il Dubay da onluğa daxil olub və səkkizinci yerə qalxıb, Sidney isə onluqdan çıxıb. Berlin doqquzuncu yerdə qalıb, Barselona isə səkkizinci yerdən onuncu sıraya düşüb.

    Dünyanın 2026-cı il üçün ən yaxşı 10 şəhəri:

    1. London (Böyük Britaniya)
    2. Nyu-York (ABŞ)
    3. Paris (Fransa)
    4. Tokio (Yaponiya)
    5. Madrid (İspaniya)
    6. Sinqapur
    7. Roma (İtaliya)
    8. Dubay (BƏƏ)
    9. Berlin (Almaniya)
    10. Barselona (İspaniya)

    Dünyanın ən yaxşı 100 şəhərinin TAM SİYAHISI

  • Qazaxın azad edilmiş kəndlərinin indiyədək nə qədər hissəsi minalardan təmizlənib?

    Qazax rayonunun işğaldan azad edilmiş ərazilərində 2024-cü ilin aprel ayından etibarən minatəmizləmə fəaliyyəti həyata keçirilir.

    Bu barədə “Trend”in sorğusuna cavab olaraq Azərbaycan Minatəmizləmə Agentliyindən (ANAMA) məlumat verilib.

    Bildirilib ki, aparılan əməliyyatlar zamanı ümumilikdə 223.7 hektar ərazi mina və partlamamış hərbi sursatlardan təmizlənib.

    “İndiyədək 1 059 ədəd piyada əleyhinə mina, 99 ədəd tank əleyhinə mina və 49 ədəd partlamamış hərbi sursat aşkarlanaraq zərərsizləşdirilib”, – deyə qurumdan əlavə olunub.

    Qeyd edək ki, ANAMA-nın həftəlik məlumatına əsasən, ötən ay azad olunan ərazilərdə 7 022.1 hektar ərazi mina və partlamamış hərbi sursatlardan təmizlənib.

    Xatırladaq ki, Qazax rayonunun 30 il işğal altında olan Bağanıs Ayrım, Aşağı Əskipara, Xeyrımlı və Qızılhacılı kəndləri Azərbaycan-Ermənistan sərhədinin delimitasiyası üzrə komissiyanın 2024-cü il aprelin 19-da əldə olunmuş razılaşma əsasında qaytarılıb. Delimitasiya işləri nəticəsində 12.7 km uzunluğunda sərhəd xətti müəyyən edilib.

  • Sumqayıtda sahibkarla qadın qonşusu arasında “qapı davası” – Məhkəmə qərarı

    Sumqayıtda “Range-Rover” markalı avtomobilini qonşusunun qapısının qarşısında saxlayan sahibkar saxlanılıb.

    Qaynarinfo-nun məlumatına görə, 1965-ci il təvəllüdlü fərdi sahibkar Yadulla Cəfərov (soyad şərti) barəsində İnzibati Xətalar Məcəlləsinin 510-cu maddəsi ilə protokol tərtib edilib və işə məhkəmədə baxılıb.

    Məlum olub ki, Yadulla “Range-Rover” markalı avtomobilini A.A. adlı xanım qonşusunun evinin qapısının qarşısında saxlayıb. A.A ona dəfələrlə avtomobilini orda saxlamamağı tövsiyyə edib, lakin Yadulla buna əhəmiyyət verməyib.

    Sonda zərərçəkmiş qadınla Yədulla arasında mübahisə yaranıb. Nəticədə A.A polisə şikayət edib.

    Məhkəmədə zərərçəkmiş qadın barəsində inzibati protokol tərtib olunmuş şəxslə barışmadığını və şikayətçi olduğunu bildirib.

    Məhkəmənin hökmü ilə Yadulla İnzibati Xətalar Məcəlləsinin 510-cu maddəsi ilə nəzərdə tutulmuş inzibati xətanın törətməkdə təqsirli bilinib və 100 manat cərimə edilib.