Median.Az

Month: December 2025

  • XİN-dən Dünya Azərbaycanlılarının Həmrəyliyi Günü və Yeni il münasibətilə təbrik

    Azərbaycanın Xarici İşlər Nazirliyi (XİN) həmvətənlərimizi 31 Dekabr – Dünya Azərbaycanlılarının Həmrəyliyi Günü və Yeni il münasibətilə təbrik edib.

    Bununla bağlı XİN-in “X”dəki səhifəsində paylaşım olunub.

    “Xalqımızın birlik və həmrəyliyinin rəmzi olan 31 Dekabr – Dünya Azərbaycanlılarının Həmrəyliyi Günü və qarşıdan gələn Yeni il münasibətilə həmvətənlərimizi səmimi qəlbdən təbrik edir, dövlətimizə və xalqımıza firavanlıq, sabitlik və yeni nailiyyətlər arzulayırıq. Bayramınız mübarək!”, – paylaşımda qeyd olunub.

  • Zakir Həsənov Azərbaycan Ordusunun şəxsi heyətini təbrik edib

    Azərbaycan Respublikası müdafiə naziri general-polkovnik Zakir Həsənov 31 Dekabr – Dünya Azərbaycanlılarının Həmrəyliyi Günü və Yeni il münasibətilə Azərbaycan Ordusunun şəxsi heyətini təbrik edib.

    Təbrikdə deyilir:

    “Cənab zabitlər, yoldaş gizirlər, miçmanlar, kursantlar, çavuşlar, əsgərlər, matroslar, dövlət qulluqçuları və mülki işçilər!

    Sizi 31 Dekabr – Dünya Azərbaycanlılarının Həmrəyliyi Günü və Yeni il münasibətilə səmimi-qəlbdən təbrik edir, hər birinizə möhkəm cansağlığı, əzmli və iradəli olmağınızı arzulayıram.

    Ölkəmizin inkişafında prioritet istiqamətlərdən hesab edilən Azərbaycan Ordusunun hərbi qüdrətinin gündən-günə artırılması respublikamızın müdafiəsinə və təhlükəsizliyinin təminatına möhkəm zəmin yaratmışdır. Möhtərəm Prezident cənab İlham Əliyevin rəhbərliyi altında dövlət və ordu quruculuğu istiqamətində görülən mühüm işlər sayəsində Azərbaycanın beynəlxalq aləmdə nüfuzu daha da artmışdır.

    Respublikamızın müdafiə qüdrətinin artırılmasında əldə olunan böyük nailiyyətlər, eyni zamanda orduda aparılan genişmiqyaslı islahatlar şəxsi heyətin qələbə əzmini daha da möhkəmləndirdi. Müzəffər Ali Baş Komandanın sərkərdəliyi ilə Azərbaycan Ordusunun Vətən müharibəsində qazandığı parlaq Qələbə və uğurlu antiterror əməliyyatı nəticəsində respublikamızın ərazi bütövlüyü və suveren hüquqları, konstitusiya quruluşu tam təmin olundu.

    Bakı şəhərində möhtəşəm şəkildə keçirilən 8 Noyabr – Zəfər Gününün beşinci ildönümünə həsr olunmuş hərbi parad gündən-günə qüdrətlənən Azərbaycan Ordusunun yenilməzliyini bir daha təsdiq etdi. Eyni zamanda dövlət başçısının Sərəncamı ilə ölkəmizdə 2025-ci ilin “Konstitusiya və Suverenlik İli” elan edilməsi Azərbaycanın müstəqil dövlətçilik tarixində əlamətdar hadisə kimi geniş qeyd olundu.

    Dövlət müstəqilliyimizin əsas atributlarından biri sayılan üçrəngli bayrağımızın əzəmətlə dalğalandığı işğaldan azad edilmiş ərazilərdə rəşadətli Azərbaycan Ordusu Vətənimizin keşiyində ayıq-sayıq dayanmaqla bərpa-quruculuq işlərinin ən yüksək səviyyədə həyata keçirilməsinə, layiqli töhfələrini verməkdədir.

    Əminəm ki, Azərbaycan Respublikasının Konstitusiyasına, Hərbi anda və nizamnamələrə daim sadiq qalaraq bundan sonra da daima döyüş və mənəvi-psixoloji hazırlığınızı gücləndirəcək, xidmətinizdə yeni uğurlar əldə etmək üçün səy və bacarıqlarınızı daha da artıracaqsınız.

    Hərbi Anda sədaqətə, çətin və şərəfli xidmətdə fədakarlığa görə hər birinizə minnətdarlığımı bildirirəm. Hər zaman olduğu kimi bu bayram günlərində də Azərbaycanın suverenliyi, müstəqilliyinin qorunması və ərazi bütövlüyü uğrunda canından keçən şəhidlərimizi ehtiramla yad edir, unudulmaz xatirələrini əziz tuturuq.

    31 Dekabr – Dünya Azərbaycanlılarının Həmrəyliyi Günü və Yeni il münasibətilə hər birinizi ürəkdən təbrik edir, Sizə möhkəm cansağlığı, uzun ömür, ailə səadəti, Vətənə, müstəqil Azərbaycan dövlətinə şərəfli xidmətinizdə uğurlar arzulayıram.

    Bayramınız mübarək olsun!”

  • Dünyanın ən ağırçəkili insanı vəfat etdi

    Meksikada dünyanın ən ağırçəkili insanı Xuan Pedro Franko vəfat edib.

    Median.Az bu barədə “El Universal” nəşrinə istinadən xəbər verir.

    Nəşrin məlumatına görə, 41 yaşlı meksikalı böyrək infeksiyasından dünyasını dəyişib.

    Xatırladaq ki, 2017-ci ildə Franko 595 kq ilə dünyanın ən ağırçəkili adamı kimi Ginnesin Rekordlar Kitabına düşmüşdü.

    Onu müalicə edən həkim Frankoya Aralıq dənizi pəhrizi təyin etmiş, daha sonra isə o, iki əməliyyat keçirmişdi ki, bu da çəkisini 49% azaltmağa imkan vermişdi.

  • Güclü külək əsəcək – XƏBƏRDARLIQ

    Dekabrın 31-də, yanvarın 1-2-də Bakıda və Abşeron yarımadasında, eyni zamanda, əksər bölgələrdə gözlənilən küləkli hava şəraiti ilə bağlı sarı və narıncı xəbərdarlıq verilib.

    Bu barədə Milli Hidrometeorologiya Xidməti məlumat yayıb.

    Bildirilib ki, Bakıda və Abşeron yarımadasında, Salyan, Neftçala, Hacıqabul, Qobustan, Şəki, Oğuz, Qəbələ, Göyçay, Xızı, İsmayıllı, Kəlbəcər, Naftalan, Goranboy və Daşkəsəndə narıncı xəbərdarlığa uyğun olaraq şimal-qərb küləyi əsəcək, küləyin sürəti 20.8-28.4 m/san-dək güclənəcək.

    Şabran, Xaçmaz, Quba, Qusar, Siyəzən, Qazax, Ağstafa, Tovuz, Şəmkir, Samux, Balakən, Zaqatala, Qax, Kürdəmir, Yevlax, Bərdə, Tərtər, Sabirabad, Şirvan, Füzuli, Zəngilan, Laçın, Biləsuvar, Lerik, Yardımlı, Lənkəran, Masallı, Astara, Cəlilabad, Mingəçevir, Ağdaş, Cəbrayıl, Ucar, Zərdab, Ağcabədi, Xocavənd, Ağsu, Şamaxı, Gəncə, Gədəbəy və Göygöldə isə sarı xəbərdarlığa uyğun olaraq qərb küləyi əsəcək, küləyin sürəti 13.9-20.7 m/san təşkil edəcək.

  • Азербайджанская нефть подорожала

    Азербайджанская нефть марки Azeri Light (CIF) подорожала на мировых рынках.

    Цена одного барреля азербайджанской нефти марки Azeri Light на мировом рынке повысилась на 0.1 доллара, или 0.15% – до 65.67 доллара.

    Отметим, что предыдущая цена азербайджанской нефти составляла 65.57 доллара.

  • Azərbaycan nefti cüzi bahalaşıb

    Dünya bazarlarında “Azeri Light” (CIF) markalı Azərbaycan neftinin qiyməti artıb.

    Azərbaycan neftinin bir barelinin qiyməti 0.1 ABŞ dolları və ya 0.15% artaraq 65.67 ABŞ dolları təşkil edib.

    Qeyd edək ki, Azərbaycan neftinin əvvəlki qiyməti 65.57 ABŞ dollarına bərabər olub.

  • МЧС Азербайджана вновь обратилось к населению в связи с Новым годом

    Министерство по чрезвычайным ситуациям (МЧС) Азербайджана вновь обратилось к населению в связи с правилами противопожарной безопасности во время празднования Нового года.

    Как сообщили в министерстве, в обращении говорится, что рекомендуется обеспечить надежное крепление украшенных елок к полу в домах и местах торжеств, не допускать контакта елочных веток с потолком и стенами. Следует использовать при подсветке исправные и соответствующие стандартам электрические приборы и устройства, не рекомендуется украшать елку легковоспламеняющимися игрушками и устраивать фейерверки в закрытых помещениях.

    МЧС также призывает не проводить новогодние мероприятия в помещениях, расположенных выше второго этажа. Рекомендуется отмечать Новый год в помещениях с невоспламеняющимися стенами, окна не должны иметь металлических решеток, на запасной двери должна быть установлена электрическая табличка с зеленой подсветкой и надписью “Выход”, двери комнаты должны обязательно открываться наружу, количество людей не должно быть больше предусмотренного. Во время праздничных мероприятий нельзя полностью отключать свет, одежда не должна быть легковоспламеняющейся, в помещении должны быть огнетушители: “Ещё раз напоминаем, что места, выбранные для проведения праздничных мероприятий, должны соответствовать требованиям пожарной безопасности. В случае опасности звоните 112!”.

  • Bayram atributları ilə bağlı FHN-dən ÇAĞIRIŞ

    Fövqəladə Hallar Nazirliyi (FHN) Yeni il bayramı ilə əlaqədar yanğın təhlükəsizliyi qaydalarına dair əhaliyə təkrar müraciət edib.

    Bu barədə nazirlik məlumat yayıb.

    Müraciətdə bildirilib ki, Yeni il bayramı ilə əlaqədar insanların kütləvi şəkildə müxtəlif məkanlarda, o cümlədən restoran və şənlik zallarında, evlərdə toplanması, bayramın əsas simvolu olan küknar ağaclarının quraşdırılaraq işıqlandırılması və digər hallar yanğın təhlükəsini artırır.

    Qeyd edilib ki, bu zaman kiçik ehtiyatsızlıq və ya diqqətsizlik bayram ab-havasının pozulmasına, acı nəticələrə gətirib çıxara bilər. Qeyd olunanları nəzərə alaraq Fövqəladə Hallar Nazirliyi bir daha əhaliyə müraciət edərək Yeni il bayramı ilə əlaqədar keçirilən mərasimlərdə yanğın təhlükəsizliyi qaydalarına ciddi riayət etməyə çağırır.

    Bildirilib ki, evlərdə və şənlik məkanlarında bəzədilən küknar ağacı yerə möhkəm bərkidilməli, ağacın budaqları tavana və divarlara toxunmamalı, işıqlandırmada saz və standarta uyğun elektrik qurğu və cihazından istifadə edilməli, bunlar nəzarətsiz qoyulmamalıdır. Eyni zamanda, ağac tezalışan oyuncaqla bəzədilməməli və pirotexniki vasitələrdən istifadə olunmamalıdır:

    “Bir daha xatırladırıq ki, bayram şənliyinin təşkili üçün seçilən məkanlar müvafiq yanğın təhlükəsizliyi qaydalarının tələblərinə cavab verməlidir. Təhlükə zamanı 112-yə zəng edin”.

  • В поселке Тюркян произошел пожар на объекте (Видео)

    Сегодня утром в поселке Тюркян Хазарского района Баку вспыхнул пожар.

    Как сообщили Oxu.Az в пресс-службе Министерства по чрезвычайным ситуациям (МЧС), возгорание произошло на объекте на улице А.Абдуллаева.

    “На место происшествия незамедлительно были направлены силы Государственной службы пожарной охраны ведомства. Благодаря оперативному вмешательству сотрудников МЧС возгорание в магазине автомобильных смазочных масел общей площадью 70 кв.м было потушено в короткие сроки, предотвращено его распространение на прилегающие строения. Другие рядом расположенные постройки также были защищены от огня”, – говорится в информации.

  • Türkan qəsəbəsində obyektdə YANĞIN olub (Video)

    Bu gün səhər saatlarında Bakının Xəzər rayonu, Türkan qəsəbəsində yanğın hadisəsi baş verib.

    Fövqəladə Hallar Nazirliyinin (FHN) Mətbuat Xidmətindən Oxu.Az-a bildirilib ki, hadisə A.Abdullayev küçəsindəki obyektdə olub.

    “Dərhal əraziyə nazirliyin Dövlət Yanğından Mühafizə Xidmətinin qüvvələri cəlb olunublar. Yangınsöndürənlərin çevik müdaxiləsi sayəsində vətəndaşa məxsus, ümumi sahəsi 70 kvadratmetr olan avtomobil sürtkü yağlarının satış mağazasında baş vermiş yanğın genişlənməsinə, o cümlədən bitişik yerləşən tikililərə yayılmasına imkan verilmədən qısa müddətdə söndürülüb. Ümumilikdə, obyektə bitişik olan digər tikililər də yanğından mühafizə olunub”, – deyə məlumatda bildirilib.