Ağcabədidə tanınmış cərrah Vaqif Bağırov vəfat edib.
Median.Az xəbər verir ki, mərhum uzun illər Ağcabədi Rayon Mərkəzi Xəstəxanasında çalışaraq peşəkar həkim kimi fəaliyyət göstərib.
O, əhalinin sağlamlığının qorunmasında mühüm xidmətlər göstərib./Ajans.az
Göy gurultulu leysan yağışları zamanı yağışdan qaçmaq üçün ağlınıza gələn ilk şey ağacın altına sığınmaqdırsa, yanılırsınız. Bununla həyatınızı təhlükəyə ata bilərsiniz. Çünki bu təbii instinkt əslində təbiətin ən ölümcül tələlərindən birini özünə çəkə bilər.
Median.Az bildirir ki, mütəxəssislər ildırımın təsadüfi vurmuadığını vurğulayırlar və müəyyən ağac növlərinin struktur xüsusiyyətlərinə görə ildırımı daha çox cəlb etdiyini qeyd edirlər.
İldırım həmişə bulud və yer arasında elektrik gərginliyini boşaltmaq üçün ən qısa və ən keçirici yolu axtarır.
Hündür boylu və göyə doğru uzanan budaqları olan ağaclar bu elektrik boşalması üçün mükəmməl körpü rolunu oynayır. Xüsusilə tək dayanan ağaclar ətraflarındakı ən yüksək nöqtə olduqları üçün hədəfə çevrilir. Ağacın içərisindəki yüksək nəmlik miqdarı və yağışla islanmış xarici qabıq, elektrikin yerə sürətlə axmasına imkan verən kabellər kimi çıxış edir.
Bəzi ağaclar bioloji toxumaları və böyümə modellərinə görə ildırımı digərlərindən daha asan cəlb edir.
Sahə müşahidələri sübut edir ki, bu baxımdan beş növ xüsusilə təhlükəlidir:
Palıd: Geniş gövdəsi və nəhəng hündürlüyü ilə ildırım üçün bir nömrəli hədəfdir. Güclü keçiriciliyi onu açıq ərazilərdə ən riskli sığınacağa çevirir.
Qovaq: Sürətlə böyüyən quruluşu və tutduğu yüksək miqdarda su ilə demək olar ki, ildırım çubuğu kimi hərəkət edir. Həmçinin, qovaq budaqları ildırım vurduqda tez alovlanmağa meyllidir.
Şam ağacı: Qatranlı quruluşuna görə, ildırım vurduqdan sonra təkcə elektrik cərəyanı riski deyil, həm də ciddi yanğın riski daşıyır.
Ağcaqayın və qarağac: Yüksək nəmlik miqdarı onları fırtınalar zamanı potensial təhlükə mənbəyinə çevirir.
Ağ ağcaqayın: Gənc növlər daha az riskli görünsə də, yaşlı və tək ağcaqayın ağacları risk qrupunun əhəmiyyətli bir hissəsidir.
Yay aylarında daha tez-tez baş verən bu təbii hadisədən qorunmaq üçün yalnız ağac növlərini bilmək kifayət deyil.
Mütəxəssislərin fikrincə, sıx meşəlik ərazilərdə quru ağaclı qısa ağaclar nisbətən daha az risk daşısa da, fırtına zamanı ağacın altındakı heç bir sahə təhlükəsiz zona deyil.
Açıq havada olsanız və ildırım səsi eşitsəniz, ən yaxın qapalı əraziyə və ya ildırımdan qorunma sistemi olan bir binaya getməlisiniz. Bundan əlavə, bağçanızda ağac əkərkən, bu növlərin binalardan məsafəsini və hündürlüyünü nəzərə almaq, fırtınalı bir gecədə həyatınızı və əmlakınızı qorumağın ən ağıllı yoludur. Unutmayın ki, təbiətin gücündən ən yaxşı sığınacaq riskli ərazilərdən uzaqlaşmaqdır.
Саудовская Аравия второй год подряд обновляет свой рекорд по числу приведенных в исполнение смертных приговоров.
Как сообщает Median.Az со ссылкой на aol.com, соответствующую информацию опубликовала правозащитная организация Reprieve, отслеживающая казни в Саудовской Аравии.
По данным организации, в 2025 году в королевстве было казнено не менее 347 человек, тогда как в прошлом году эта цифра составила 345. Reprieve отмечает, что текущий год стал “самым кровавым” с момента начала мониторинга казней.
Большинство казненных – примерно две трети – были осуждены за преступления, не связанные с наркотиками. Более половины приговоренных были иностранцами, и, по всей видимости, их казнили в рамках объявленной Саудовской Аравией “войны с наркотиками”.
“Саудовская Аравия сейчас действует в условиях полной безнаказанности. Это словно насмешка над системой защиты прав человека”, – заявил руководитель отдела по смертной казни по Ближнему Востоку и Северной Африке в организации Reprieve Джид Басюни.
Он также отметил, что пытки и принудительные признания являются широко распространенной практикой в уголовно-правовой системе Саудовской Аравии.
Səudiyyə Ərəbistanı həyata keçirdiyi edamların sayına görə ardıcıl iki ildir öz rekordunu yeniləyir.
Median.Az AOL-a istinadən xəbər verir ki, bu barədə məlumatı Səudiyyə Ərəbistanında edamları təqib edən “Reprieve” hüquq müdafiə təşkilatı yayıb.
Bildirilir ki, 2025-ci ildə Səudiyyə Ərəbistanında azı 347 nəfər edam edilib. Keçən il isə edamların sayı 345 nəfərə bərabər olub.
Təşkilat qeyd edir ki, cari il monitorinqin aparılmağa başladığı vaxtdan bəri krallıqda “edamlar üzrə ən qanlı il” olub.
“Reprieve” təşkilatının məlumatına görə, edam olunanların əksəriyyəti – təxminən üçdə ikisi – narkotiklərlə bağlı ölümlə nəticələnməyən cinayətlərə görə məhkum ediliblər. Edam edilənlərin yarısından çoxu xarici ölkə vətəndaşları olub və görünür, onlar krallıqda elan edilmiş “narkotiklərlə müharibə” çərçivəsində edam olunublar.
“Səudiyyə Ərəbistanı hazırda tam cəzasızlıq şəraitində hərəkət edir. Bu, insan hüquqlarının müdafiəsi sisteminə sanki lağ etməkdir”, – deyə “Reprieve” təşkilatının Yaxın Şərq və Şimali Afrika üzrə ölüm cəzası şöbəsinin rəhbəri Cid Basyuni bildirib.
O, işgəncələri və məcburi etirafları Səudiyyənin cinayət ədliyyəsi sistemində “endemik” (geniş yayılmış) hallar adlandırıb.
Bakının Hövsan qəsəbəsində qətl törətməkdə təqsirləndirilən Emil Hüseynovun cinayət işi üzrə məhkəmə istintaqı başlayıb.
Median.Az-ın məlumatına görə, Bakı Ağır Cinayətlər Məhkəməsinin hakimi Nigar İmanovanın sədrliyi ilə keçirilən prosesdə prokuror ittiham aktını elan edib.
Təqsirləndirilən Emil Hüseynov ittiham üzrə özünü qismən təqsirli bilib.
Daha sonra E.Hüseynovun sərbəst ifadəsi dinlənilib. O, ifadəsində hadisəni oğluna görə törətdiyini bildirib:
“Rasimi 2023-cü ildən tanıyırdım, məhləmizdə yaşayırdı. Kimliyi barədə heç nə bilmirdik. Oğlum bir gün dedi ki, belə bir adam var, insanlara yaxşılıq edir. Əvvəl Rasimlə normal münasibətimiz var idi. Sonradan onda qəribə davranışlar müşahidə etməyə başladım: üz-gözü daim yara içində olurdu, qəribə döymələr etdirirdi. Daha sonra öyrəndim ki, oğurluq üstündə dəfələrlə məhkum olunub və Rasimlə bağlı söz-söhbətlər getdikcə artmağa başladı.
14 yaşlı oğlum Məhəmmədin də davranışları dəyişmişdi. Evdə tapılmır, çox gec saatlarda qayıdırdı. Bir dəfə gəlib dedi ki, artıq Rasimlə qalacaq. Təxminən bir il yarımdır ki, Məhəmmədi harada axtarsaydım, Rasimin evində tapırdım. Demək olar ki, orada yaşayırdı. O, uşağımı namaz öyrətmək adı ilə aparmışdı.
Bir dəfə Məhəmməd evə gəlib anasından pul istədi. İstədiyi məbləği verə bilmədikdə özünü döyməyə, yaralamağa başladı. Qorxudan pensiya kartımı ona verdim ki, gedib istədiyi məbləği götürsün. Sonra Rasim də gəlib pul tələb etməyə başladı. Uşaq onun təsiri ilə tamam dəyişmişdi.
İnternetdə özü yaşda uşaqların və Rasimin də iştirak etdiyi bir məclisdən video paylaşmışdı. Orada “vorovskoy” mahnılar oxuyur, qəlyan və siqaret çəkirdilər. Artıq dözümüm tükənmişdi”.
Təqsirləndirilənin sözlərinə görə, bundan sonra Rasim Lariyonovla görüşərək oğlu ilə bağlı söhbət etmək istəsə də, hadisələr gözlədiyi kimi inkişaf etməyib:
“Axşamüstü Hövsandakı bağ massivində yerləşən evimin arxa tərəfində onu söhbətə çağırdım. Həmin gün bıçağım da üstümdə idi. Gördüm ki, Rasim oğlum Məhəmmədlə birlikdə gəldi. Çatan kimi lezva çıxarıb üstümə cumdu. Qorxudan cibimdəki bıçağı çıxarıb onu qarın nahiyəsindən vurdum. Qışqırıq səsinə qonşular çölə çıxdı. Həkimi özüm çağırdım. Uşağıma görə məcbur qalıb bu əməli törətmişəm”.
Məhkəmə prosesinin növbəti iclası yanvarın 14-nə təyin edilib.
Qeyd edək ki, hadisə 2025-ci il avqustun 20-də Suraxanı rayonu, Hövsan qəsəbəsi ərazisində baş verib. 1995-ci il təvəllüdlü Rasim Lariyonovun öldürülməsi barədə rayon prokurorluğuna məlumat daxil olub.
İlkin araşdırmalar zamanı 1975-ci il təvəllüdlü Emil Hüseynovun aralarında yaranmış mübahisə zamanı bıçaqla xəsarətlər yetirərək Rasim Lariyonovu qəsdən öldürməsinə əsaslı şübhələr müəyyən edilib.
Faktla bağlı Suraxanı Rayon Prokurorluğunda Azərbaycan Respublikası Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Emil Hüseynov şübhəli şəxs qismində saxlanılaraq barəsində ittiham irəli sürülüb.//oxu.az
Yanvarın 1-də Bolqarıstan ölkənin pul vahidi olan levdən imtina edəcək və avrozonaya qoşulan 21-ci ölkə olacaq.
Median.Az bildirir ki, bu barədə “Reuters” agentliyi məlumat verilib.
Bu, Sofiyanın inflyasiyanın səviyyəsi, büdcə kəsiri, uzunmüddətli borclanmanın dəyəri və valyuta məzənnəsinin sabitliyi ilə bağlı bütün rəsmi şərtləri yerinə yetirməsindən sonra baş verib.
Qeyd edilir ki, Bolqarıstanın avroya keçməsi bu valyutadan istifadə edən avropalıların sayını 350 milyondan çox artıracaq.
Lakin bolqarlar arasında levdən imtina ilə bağlı yekdil fikir yoxdur. Biznes sahəsi ümumilikdə qarşıdan gələn dəyişiklikləri dəstəkləyir. Eyni zamanda, əhalinin bir hissəsi hesab edir ki, Avropa İttifaqı tənəzzülə və parçalanmaya doğru gedir, deməli, avroya keçid faydadan daha çox problem gətirəcək.
Bəzi siyasi analitiklər bildiriblər ki, avronun təşviqi kampaniyası zəif olub və yaşlı insanlar, xüsusən də ucqar ərazilərdə yaşayanlar buna uyğunlaşmaqda çətinlik çəkəcəklər. Bundan əlavə, keçid sabit və işləyən hökumətin olmaması səbəbindən çətinləşə bilər.
Qeyd edək ki, bu ilin fevral ayının sonunda Bolqarıstanda levin saxlanılması ilə bağlı referendum üçün imzalar toplanıb. Bunun təşəbbüskarı kimi Bolqarıstanın “Dirçəliş” müxalifət partiyası çıxış edib. Partiya nümayəndələri bildiriblər ki, bolqarların təxminən 80 faizi levi saxlamaq istəyir, çünki avronun tətbiqindən adi vətəndaşlar deyil, yalnız elita fayda görəcək.
Culfada avtomobilin qaz xəttinə çırpılması nəticəsində 2 920 abonentin qaz təchizatı dayandırılıb.
Median.Az “Report”a istinadən xəbər verir ki, Ordubadi küçəsində avtoqəza nəticəsində minik avtomobili D-100-lük qaz xəttini qırıb.
Bərpa işləri yekunlaşan kimi sözügedən ərazidə təbii qazın verilişi təmin ediləcək.
Milli Məclisin deputatı Vüqar Bayramov pedaqoji fəaliyyətə başlayıb.
Median.Az xəbər verir ki, bu barədə deputat özü məlumat yayıb:
“Uzun fasilədən sonra, bu tədris ilindən başlayaraq Bakı Mühəndislik Universitetində (BMU) “Dövlət maliyyəsi” fənnini tədris etməyə başladım. Tədris dili həm ingilis, həm də Azərbaycan olan qruplarda dövlət maliyyəsinin nəzəri və praktik tərəflərini tələbələrə çatdırmağa çalışdım.
Tədris zamanı qrup müzakirələri, fərdi təqdimatlar, elmi və praktik araşdırmalar kimi daha interaktiv və müasir metodlara üstünlük verdik. Payız semestrini artıq başa vurduq. Qarşıda tələbələri daha ciddi sınaq – imtahan sessiyası gözləyir.
Tələbələrin hər birinə imtahanlarda uğurlar arzulayıram. İnanıram ki, insan kapitalının inkişafının prioritet olduğu ölkəmizdə gənc iqtisadçı-tələbələr iqtisadiyyatın inkişafına yaxın gələcəkdə daha yaxından töhfə verəcəklər”./yenisabah.azöhfə verəcəklər”./yenisabah.az
“İstəklilər koalisiyası”nın milli təhlükəsizlik müşavirləri səviyyəsində görüşü yanvarın 3-də Ukraynada baş tutacaq.
Median.Az xəbər verir ki, bu barədə Ukrayna Prezidenti Volodimir Zelenski “Telegram”da bildirib.
Onun sözlərinə görə, “İstəklilər koalisiyası”nın üzv ölkələrinin liderlərinin görüşü isə yanvarın 6-da Fransada keçiriləcək.
Əmək və Əhalinin Sosial Müdafiəsi Nazirliyində yeni təyinat olub.
Median.Az Teleqraf-a istinadla xəbər verir ki, nazir Anar Əliyevin əmri ilə Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Gəncə–Daşkəsən Regional Bölməsinə yeni rəis təyin olunub.
Bu vəzifəyə Vüqar Muradov təyin edilib.
Qeyd edək ki, Vüqar Muradov bu təyinata qədər Əmək və Əhalinin Sosial Müdafiəsi Nazirliyinin tabeliyində Sosial Ödənişlərin Təyinatı üzrə Mərkəzi Filialda şöbə müdiri vəzifəsində çalışıb.
