Median.Az

Month: December 2025

  • İranda İsraillə əlaqədə ittiham olunan gənc edam olunacaq

    İranda 27 yaşlı gənc İsrail xüsusi xidmət orqanlarına casusluq etdiyi iddiası ilə ən ağır cəzaya məhkum edilib.

    Bu barədə “Mehr” xəbər agentliyi məlumat yayıb.
    Məlumata görə, 1998-ci il təvəllüdlü Aqil Keşavarsi İsrailin xeyrinə casusluq fəaliyyəti göstərdiyi üçün İran məhkəməsi tərəfindən edam cəzasına məhkum olunub.
    İran məhkəmə orqanlarının yaydığı rəsmi sənədlərdə qeyd olunur ki, Keşavarsi İslam Respublikasının hərbi və təhlükəsizlik sektorlarına aid strateji obyektlərdə gizli video müşahidələr aparıb. Topladığı məxfi məlumatları isə Təl-Əvivdəki xüsusi xidmət orqanlarına ötürüb.
    İstintaq materiallarına əsasən, o, İsrail tərəfi ilə əlaqəni internet üzərindən qapalı kanallar vasitəsilə qurub.

  • Alyaska ilə Rusiya arasında tunel tikiləcək?

    “Alyaska ilə Rusiya arasında tunel tikmək ideyası texniki cəhətdən mümkündür. Bu layihə Moskva və Vaşinqtona itkilərdən daha çox fayda gətirə bilər”. 

    Qaynarinfo xəbər verir ki, bunu ABŞ prezidenti Donald Trampın keçmiş müşaviri Corc Papadopulos “RİA Novosti”yə verdiyi müsahibədə bildirib.
    “Bu, texnoloji cəhətdən mümkün olan çox maraqlı bir təklifdir. Mənim fikrimcə, həm Rusiya, həm də ABŞ onun həyata keçirilməsindən itirəcəklərindən daha çox qazanacaqlar”, deyə o bildirib.
    Onun sözlərinə görə, layihə həddindən artıq investisiya tələb etmir və iki ölkənin yaxınlaşmasında mühüm amil ola bilər. Papadopulos qeyd edib ki, nəqliyyat dəhlizinin yaradılması ABŞ və Rusiya iqtisadiyyatlarını birləşdirəcək, həmçinin ölkələr arasında ticarət əlaqələrinin, investisiya əməkdaşlığının və humanitar əlaqələrin inkişafına kömək edəcək. Noyabr ayında alim Viktor Razbeqin Rusiyadan ABŞ-a Berinq boğazından keçən tunelin tikinti müddətinin 7-8 ildən 10-15 ilə qədər dəyişə biləcəyini bildirib. O, həmçinin layihənin dəyərini 7-15 milyard dollar olaraq qiymətləndirib.
    RDIF-in baş direktoru Kirill Dmitriyev Çukotka ilə Alyaska arasında tunelin əl ilə çəkilmiş planını dərc edib. Bu şəkil 1970-ci illərdə SSRİ-yə amerikalı Daq Sandstrom tərəfindən göndərilib. O, rəsmə qeyd əlavə edib: “Dünya Sülhünün Kennedi-Xruşşov körpüsü Alyaska ilə Rusiya arasında tikilə bilər və tikilməlidir. Dərhal”. Bu layihə indi “Putin-Tramp Tuneli” adlandırılır. 

  • Premyer Liqa: “Zirə” “İmişli”yə qalib gələ bilmədi

    Misli Premyer Liqasının XVI turunda “Zirə” “İmişli” ilə qarşılaşıb.

    Zirə İdman Kompleksinin stadionunda keçirilən oyun qolsuz heç-heçə ilə yekunlaşıb.
    28 xalı olan “Zirə” turnir cədvəlində 3-cüdür. “İmişli” isə 17 xalla 9-cu sırada yer alıb.
    Qeyd edək ki, turun əvvəlki oyunlarında “Turan Tovuz” “Kəpəz”i (2:0), “Neftçi” isə “Karvan-Yevlax”ı (2:1) məğlub edib. XVI tura dekabrın 22-də yekun vurulacaq

  • Mingəçevirdə gənc oğlan bıçaq xəsarəti aldı

    Mingəçevirdə 27 yaşlı şəxs bıçaq xəsarəti alıb.

    Median.Az unikal-a istinadən xəbər verir ki, qarın nayihəsindən kəsilmiş-deşilmiş bıçaq xəsarəti alan 1999-cu il təvəllüdlü Mirismayıl Hüseynov şəhər mərkəzində küçədə aşkar olunub.
    Yaralı gənc təcili xəstəxanaya çatdırılıb. Hadisənin hansı zəmində baş verdiyi hələki məlum deyil. İlkin məlumata görə, hadisə zamanı kənar müdaxilə olmayıb.
    Faktla bağlı araşdırma başlanıb.

  • Avtobus qaz xəttinə çırpıldı, qaz təchizatı dayandırıldı

    Ordubad rayonunda avtobusun qaz xəttinə çırpılması nəticəsində orta təzyiqli qaz xətti (dairəvi xətt) qırılıb.

    Hadisə baş verəndən dərhal sonra təhlükəsizlik səbəbi ilə M.F.Axundov küçəsində, Kolanı kəndində 157 abonentin qaz təchizatı dayandırılıb. 
    Nüsnüs kəndində 516, Yuxarı və Aşağı Əndəmic kəndlərində 416, Gənzə və Anabat kəndlərində 335 abonentdə qaz təzyiqində azalma müşahidə olunacaq. 
    Bərpa işləri yekunlaşan kimi sözügedən ərazidə təbii qazın verilişi təmin ediləcək./unikal

  • Ukrayna Xəzərdə “Lukoyl”un platformasına zərbə endirdi

    Ukraynalı hərbçilər Xəzər dənizində Rusiyaya məxsus “Oxotnik” hərbi gəmisinə zərbə endiriblər.

    Bu barədə məlumatı Ukraynanın Xüsusi Əməliyyatlar Qüvvələri yayıb. 
    Məlumata görə, həmçinin Rusiyanın “Lukoyl” şirkətinin neft-qaz platformasına zərbə vurulub. 
    Hər iki hədəfə pilotsuz uçuş aparatları ilə hücum edildiyi bildirilib. 
    Dəymiş zərərin miqyası isə hələ məlum deyil.

  • Növbəti pandemiya bu səbəbdən ola bilər – Virusoloq açıqladı

    “Honkonq qripi yeni pandemiyaya səbəb ola bilər”.

    Bunu rusiyalı tibb elmləri doktoru, yoluxucu xəstəliklər üzrə mütəxəssis və virusoloq Yelena Malinnikova TASS-a bildirib.
    Onun sözlərinə görə, əgər növlərarası keçidi aşarsa, pandemiyaya quş qripi (H5N1) də səbəb ola bilər.
    “50 ildən çoxdur ki, diqqət insan populyasiyasında dövran edən A (H3N2) qrip virusuna (Honq Konq qripi) və hemaqlütinin-5 ehtiva edən quş virusuna yönəlib. Buna görə də, bu gün onlar yaxından izlənilir və həqiqətən də bu, özünü ciddi şəkildə göstərir”, deyə Malinnikova paylaşıb.
    O, aydınlaşdırıb ki, bu cür məlumatlar panikaya səbəb kimi qəbul edilməməlidir, çünki antiviral dərmanlar və peyvənd mövcuddur. Müasir peyvəndlər hamilə qadınların, azyaşlı uşaqların, ağır xroniki xəstəlikləri və müxtəlif immun çatışmazlığı olan insanların peyvənd olunmasına imkan verdiyindən, peyvənd hər kəs üçün mümkündür.

  • Bakıda 48 ədəd kombi oğurlandı

    Paytaxtın Qaradağ rayonu ərazisində oğurluq hadisəsi qeydə alınıb.

    Daxili İşlər Nazirliyinin Mətbuat xidmətindən verilən məlumata görə, naməlum şəxs bir yarımtikilidən ümumi dəyəri 1400 manat olan inşaat materiallarını hissə-hissə oğurlayaraq satıb.
    Qaradağ RPİ 11-ci Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş 42 yaşlı M.Mahmudov müəyyən olunaraq saxlanılıb. Ondan narkotik vasitə olan heroin də aşkarlanaraq götürülüb.
    Aparılan araşdırmalarla saxlanılan şəxsin rayon ərazisində yerləşən anbarların birindən 48 ədəd kombi oğurlaması da məlum olub.
    Faktla bağlı cinayət işi başlanılıb, araşdırmalar davam etdirilir.

  • Oğurladığı dollarların yerinə saxtasını qoydu – Polis saxladı

    Paytaxtın Nəsimi rayonu ərazisində yerləşən evlərin birində oğurluq hadisəsi qeydə alınıb.

    Bu barədə Daxili İşlər Nazirliyinin Mətbuat Xidməti məlumat yayıb.
    Bildirilib ki, həmin evdə usta kimi işləyən şəxs ev sahibinin çantasından 1450 manat və 4300 dollar oğurlayıb.
    O, törətdiyi əməli ört-basdır etmək üçün çantaya oğurladığı maddi vəsait miqdarında saxta əsginaslar qoyub. Bu barədə 65 yaşlı zərərçəkən polisə müraciət edib.
    Nəsimi RPİ 19-cu Polis Şöbəsi əməkdaşlarının keçirdikləri tədbirlərlə əməli törətməkdə şübhəli bilinən 32 yaşlı Ə.Məmmədzadə müəyyən olunaraq saxlanılıb.
    Faktla bağlı araşdırma aparılır.

  • Türkiyə ərazisinə daha bir PUA düşüb

    Türkiyənin Balıkəsir vialyətinin Manyas qəsəbəsinə bağlı Salur məhəlləsində bir pilotsuz uçuş aparatı (PUA) boş bir əraziyə düşüb.

    Median.Az APA-ya istinadən xəbər verir ki, bölgədə işləyən fermerlər tərəfindən tapılan PUA təhlükəsizlik qüvvələrinə təhvil verilib.
    Məlumata görə, PUA-nın düşdüyünü görən vətəndaşlar vəziyyəti əlaqədar qurumlara bildiriblər.