İtaliyanın Pila kurortunda bu gün paradağ xizəyi idman növü üzrə beynəlxalq turnirə start veriləcək.
Bu barədə Milli Paralimpiya Komitəsindən məlumat verilib.
İki gün ərzində yekunlaşacaq yarışlarda ölkəmizi paralimpiyaçı Polad Rzayev təmsil edəcək.
Təmsilçimiz turnirdə LW3 kateqoriyasında qüvvəsini sınayacaq.
Qəyyumluğunda olan 14 yaşlı bacısı oğluna qarşı amansız rəftar edərək ona xəsarətlər yetirməkdə ittiham olunan Günay Novruzova barəsində seçilmiş həbs qətimkan tədbirinin müddəti artırılıb.
Oxu.Az-ın əldə etdiyi məlumata əsasən, sözügedən qərar Bakı şəhəri Sabunçu Rayon Məhkəməsində baş tutan iclasda qəbul olunub.
Məhkəmənin çıxardığı qərara görə, Günay Novruzovanın həbsdə saxlanılma müddəti daha 3 ay 14 gün uzadılıb.
Bildirək ki, himayədarı tərəfindən zorakılıq görən azyaşlı ilə əlaqədar prosessual addımlar Daxili İşlər Nazirliyinin (DİN) xüsusi nəzarətinə alınıb. Faktla bağlı Sabunçu Rayon Polis İdarəsində Cinayət Məcəlləsinin müvafiq əzab vermə maddəsinə əsasən cinayət işi açılıb.
Xatırladaq ki, zərərçəkmiş 14 yaşlı yeniyetmə hər iki valideynini itirmiş şəxsdir. Onun xalası tərəfindən işgəncələrə məruz qaldığı bildirilir. Hazırda azyaşlı tibb müəssisəsinə yerləşdirilib və müalicə alır.
* 14 yaşlı uşağa işgəncə verməkdə təqsirləndirilən qadın FALÇI İMİŞ
Günay Novruzovaya qarşı Azərbaycan Respublikası Cinayət Məcəlləsinin 133.2.4-cü (təqsirkar şəxs üçün aşkar surətdə yetkinlik yaşına çatmayan və ya köməksiz vəziyyətdə olan şəxsə əzab vermə), 133.2.5-ci (əzab vermə zərərçəkmiş şəxsin xidməti vəzifəsini və ya ictimai borcunu yerinə yetirməsi ilə əlaqədar onun özü və ya yaxın qohumlarına qarşı törədildikdə) və 178.3.2-ci (külli miqdarda ziyan vurmaqla dələduzluq) maddələri ilə ittiham elan edilib.
Futbol üzrə Azərbaycan milli komandasının UEFA Millətlər Liqası çərçivəsində keçirəcəyi qarşılaşmaların vaxtı məlum olub.
Median.Az UEFA-nın rəsmi internet səhifəsində yer alan məlumata əsasən bildirir ki, Ayxan Abbasovun rəhbərlik etdiyi komanda D Liqasındakı çıxışına sentyabrın 27-də Litva ilə səfər oyunu ilə start verəcək.
Yığmamızın 2-ci qrupdakı son oyunu isə Lixtenşteynə qarşı səfərdə baş tutacaq.
UEFA Millətlər Liqası
D Liqası, 2-ci qrup
27 sentyabr
18:00. Litva – Azərbaycan
1 oktyabr
21:00. Azərbaycan – Lixtenşteyn
4 oktyabr
18:00. Azərbaycan – Litva
13 noyabr
23:45. Lixtenşteyn – Azərbaycan
Вице-президент Фонда Гейдара Алиева, основатель и руководитель Общественного объединения IDEA Лейла Алиева поделилась в своем Instagram-аккаунте кадрами с выставки “Синхронизация”.
Median.Az представляет вниманию читателей данную публикацию:
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva rəsmi “Instagram” hesabında “Sinxronizasiya” sərgisindən fotolar paylaşıb.
Median.Az həmin paylaşımı təqdim edir:
Bakı Şəhər DYP İdarəsi hərəkət iştirakçılarına müraciət edib.
Müraciətdə deyilir:
“14-15 fevral tarixlərində paytaxtın Suraxanı rayonu, Hava limanı şosesində (“Buta Palace”-nin yaxınlığı) elektron məlumat-sürət tablolarının yenisi ilə əvəz edilməsi məqsədilə həyata keçiriləcək işlərlə əlaqədar sözügedən yolda nəqliyyat vasitələrinin hərəkətinə məhdudiyyət tətbiq edilərək istiqamətlər dəyişdiriləcək.
Məhdudiyyət 14 fevral tarixində saat 00:00-dan 07:00-dək Hava limanı yolundan (Hava limanı körpüsündən) “Koroğlu” metrostansiyası istiqamətində, 15 fevral tarixində isə qeyd edilən saatlarda “Koroğlu” metrostansiyasından (Suraxanı dairəsi üzərindəki yol ötürücüsündən) Hava limanı istiqamətində tətbiq ediləcək.
Ərazidə xidmət aparan DYP əməkdaşları tərəfindən Mərdəkan şosesindən gələn sürücülər Zığ şosesinə, şəhər istiqamətindən gələn sürücülər isə Suraxanı rayonu, Xanlar Ələkbərov və 14 İyul küçəsinə istiqamətləndiriləcək.
Bundan əlavə sürücülər şəhərdən Hava limanı istiqamətinə alternativ olaraq 8 Noyabr prospektindən Zığ yoluna keçməklə də hərəkət edə biləcəklər”.
Ermənistan ərazisindən Azərbaycan tərəfə keçməyə cəhd göstərən 2002-ci il təvəllüdlü İraq vətəndaşı Ali Emad Attallah Badravinin cinayət işi üzrə məhkəmə istintaqı başa çatıb.
Median.Az “Teleqraf”a istinadla xəbər verir ki, Qubadlı Rayon Məhkəməsi tərəfindən çıxarılan qərara əsasən, avqust ayında 24 yaşı olacaq Badravi bir il bir ay müddətinə həbs cəzasına məhkum edilib.
Məhkəmə iclasında təqsirini boynuna alan Badravi ifadəsində Ermənistandan Azərbaycana keçmək istəyinin səbəblərini açıqlayıb:
“Əslən türkmənəm. 2013-cü ildə ailəmlə Türkiyəyə köçərək orada fəhlə işlədim. Lakin maddi çətinliklər səbəbindən İraqa dönüb tikintidə çalışmalı oldum. Daha sonra qazanc məqsədilə başqa ölkəyə getməyi düşündüm. Ən sərfəli variantın Ermənistan olduğunu öyrəndim. Beləliklə, 2022-ci ildə 10 dollar viza və 50 dollar yol xərci ilə İraqdan İrana, oradan da Ermənistana yollandım. Orada fəhləlik və çobanlıq kimi müxtəlif işlərdə çalışsam da, əməkhaqqımı vermədilər. Anamla telefonda türk dilində danışdığım üçün işəgötürən mənə fiziki zorakılıq göstərdi.
Bu səbəbdən həmin ölkəni tərk etmək istədim. Lakin sərhədçilər qanunsuz yaşadığım üçün 2 000 ABŞ dolları cərimə ödəməli olduğumu dedilər. Pulum olmadığına görə İrana keçməyimə icazə verilmədi, yalnız cəriməni ödədikdən sonra ölkədən çıxa biləcəyimi bildirdilər. Mehri şəhərinə qayıtsam da, orada qalmağın təhlükəli olacağını anlayıb sərhədi qanunsuz yolla keçməyi qərara aldım. Araşdırma apardıqdan sonra Azərbaycanla sərhədin yaxınlığını bildim. Avtobusla sərhəd kəndinə gəldim və “Google map” tətbiqi vasitəsilə sərhəd xəttinə yaxınlaşdım. Üç gün meşədə gizləndikdən sonra sentyabrın 1-də piyada hərəkət edərək Azərbaycan bayrağını gördüm. Nəticədə sərhədçilər tərəfindən saxlanıldım”.
Xatırladaq ki, ötən ilin 1 sentyabr tarixində Dövlət Sərhəd Xidmətinin Sərhəd Qoşunlarına məxsus “Qubadlı” əlahiddə sərhəd diviziyasının xidməti sahəsində Ermənistandan Azərbaycana doğru dövlət sərhədinin pozulması əlamətləri qeydə alınıb. Mürəkkəb relyefli, dağlıq və sıx meşəlik ərazidə keçirilən əməliyyat-qoşun tədbirləri nəticəsində sərhədi pozan İraq Respublikası vətəndaşı – 2002-ci il təvəllüdlü Ali Emad Attallah Badravi tutulub.
“Qarabağ”ın ötən mövsüm Avropa Liqasında qazandığı vəsait açıqlanıb.
Bu barədə məlumatlar UEFA-nın cari mövsümlə bağlı təqdim etdiyi rəsmi maliyyə hesabatında yer alıb.
Azərbaycan çempionu Avroliqanın əsas mərhələsindəki çıxışına görə 7 milyon 858 min avro əlavə edib. Bu məbləğin 4 milyon 310 min avrosu komandanın turnirin liqa mərhələsinə vəsiqə qazanması qarşılığında ödənilib.
Marketinq və yayım hüquqlarından gəlirlər 3 milyon 15 min avro olub. “Qarabağ” əsas mərhələdəki nəticələrinə görə 458 min, yekun reytinq sıralamasına əsasən isə 75 min avro qazanıb.
Fevralın 14-16-da Bakıda və Abşeron yarımadasında, eyni zamanda bölgələrdə gözlənilən küləkli hava şəraiti ilə bağlı sarı və narıncı xəbərdarlıq verib.
Bu barədə Milli Hidrometeorologiya Xidməti məlumat yayıb.
Bildirilib ki, Kəlbəcər, Goranboy, Daşkəsən, Naftalan, Bərdə, Qusar, Qobustan, Xızı, Mingəçevirdə narıncı xəbərdarlığa uyğun olaraq şimal-qərb küləyi əsəcək, küləyin sürəti 20.8-28.4 m/san-dək güclənəcək.
Bakıda və Abşeron yarımadasında, o cümlədən ölkənin digər bölgələrində sarı xəbərdarlığa uyğun olaraq şimal-qərb küləyi əsəcək, küləyin sürəti 13.9-20.7 m/san təşkil edəcək.
Paytaxtın Xəzər rayonunda nəqliyyat vasitəsini sərxoş vəziyyətdə idarə edən vətəndaş inzibati məsuliyyətə cəlb edilib.
Median.Az-ın “Teleqraf”a istinadla verdiyi məlumata görə, Yol Patrul Xidməti (YPX) inspektorları tərəfindən saxlanılan sürücü B.D. xüsusi texniki vasitə – alkotester vasitəsilə yoxlanılıb.
Yoxlama zamanı cihaz şəxsin spirtli içki qəbul etdiyini təsdiqləsə də, sürücü ilkin olaraq nəticə ilə razılaşmayıb və onun yanlış göstərdiyini iddia edib. Lakin hadisə yerində sürücünün anası patrul maşınına yaxınlaşaraq oğlunun həqiqətən spirtli içki qəbul etdiyini və onların qonaqlıqdan qayıtdıqlarını etiraf edib.
Valideyninin bu açıqlamasından sonra sürücü müqavimət göstərməyi dayandırıb, sərxoşluq halının təyini ilə bağlı protokolu imzalayıb və spirtli içki qəbul etdiyini yazılı şəkildə təsdiqləyib.
İnzibati xəta törədilməsi barədə toplanmış materiallar baxılması üçün Xəzər Rayon Məhkəməsinə təqdim olunub. Məhkəmənin qərarı ilə 1995-ci il təvəllüdlü vətəndaş barəsində 400 manat məbləğində cərimə tətbiq edilib.