Median.Az

Month: February 2026

  • Bakıda təhsil ocağında daha bir hadisə – Şagird yıxılıb xəstəxanalıq oldu

    Bu gün paytaxtda yerləşən daha bir təhsil müəssisəsində hadisə yaşanıb.

    Nizami rayonunda yerləşən 10 nömrəli tam orta ümumtəhsil məktəbin şagirdi yıxılaraq ağır xəsarət alıb.
    O, dərhal xəstaxanaya yerləşdirilib.
    Hadisə ilə bağlı TƏBİB-dən soruğumuza cavab olaraq bildirilib ki, 06.02.2026-cı il tarixində saat 16:30 radələrində 2012-ci il təvəllüdlü şəxs (kişi cinsli) Kliniki Tibbi Mərkəzin Təcili tibbi yardım şöbəsinə hospitalizasiya olunub.
    “Kəllə-beyin travması diaqnozu təyin edilən pasiyentə zəruri tibbi xidmətlər göstərilib.
    Hazırda onun müalicəsi Reanimasiya şöbəsində davam etdirilir, vəziyyəti stabil qiymətləndirilir”, – deyə əlavə edilib.
    Məktəbdən isə bildirilib ki, 8-ci sinif şagirdi (müvafiq səbəbdən şagirdin adı qeyd olunmur) məktəbin fövqəladə hallar zamanı çıxış üçün nəzərdə tutulan qapısının üzərinə dırmaşmaq istəyərkən yıxılıb:
    “Məktəb rəhbərliyi tərəfindən dərhal təcili-tibbi yardım çağırılıb. Şagirdə ilkin tibbi yardım göstərilib və müayinə üçün səhiyyə müəssisəsinə aparılıb. Hazırda şagirdin vəziyyətinin normal olduğu bildirilir.
    Məsələ ilə əlaqədar şagirdin valideynlərinə və aidiyyəti qurumlara da məlumat verilib.
    Məktəbdaxili araşdırma çərçivəsində şagirdin sinif yoldaşları və müəllimlərlə söhbət aparılıb, nizam-intizam qaydalarına əməl olunmasının zəruriliyi bir daha diqqətə çatdırılıb”.
    Xatırladaq ki, səhər saatlarında Ziya Bünyadov prospektində yerləşən “I‌drak” liseyində 10-cu sinif şagirdi 29 yaşlı xanım müəllimi ov tüfəngi ilə güllələyib.
    /Qafqazinfo

  • Şahmat üzrə Azərbaycan çempionatının açılışı oldu

    Şahmat üzrə Azərbaycan çempionatının açılış mərasimi olub.

    Median.Az xəbər verir ki, əvvəlcə Dövlət Himni səsləndirilib. Daha sonra ötənilki yarışın yaddaqalan məqamlarını əks etdirən videoçarx nümayiş olunub.
    Azərbaycan Şahmat Federasiyasının prezidenti Mahir Məmmədov ölkədə şahmatın kütləviliyinin artırıldığını və gənc istedadların üzə çıxarılması üçün bu cür daxili çempionatların böyük əhəmiyyət kəsb etdiyini vurğulayıb. O, həmçinin bildirib ki, builki çempionat həm təşkilatçılıq, həm də rəqabət baxımından əvvəlkilərdən fərqlənəcək.
    Sonra turnirin tanıtım çarxı nümayiş olunub.
    Gənclər və idman naziri Fərid Qayıbov Azərbaycan çempionatlarının səviyyəsinin artdığını deyib. Nazir Azərbaycan Şahmat Federasiyasında yaxşı işlərin görüldüyünü, bu səbəbdən şahmatla məşğul olan gənclərin sayının çox olduğunu söyləyib.
    Azərbaycan çempionatının iştirakçıları təqdim olunduqdan sonra püşk atılıb. Bununla da yarış açıq elan olunub.
    Qeyd edək ki, Azərbaycan çempionatında 46 şahmatçı iştirak edir. Kişi şahmatçılarda 30, qadınlarda isə 16 iştirakçı mübarizə aparacaq. Yarışın ümumi mükafat fondu 92 min manat təşkil edir. Bu məbləğdən 62 min manat kişilərin, 30 min manat isə qadınların çempionatına aiddir.
    Turnirə fevralın 22-də yekun vurulacaq.

  • Pakistan XİN rəhbəri Azərbaycana təşəkkür edib

    “Bu çətin dövrdə Pakistanla həmrəyliyinizə görə təşəkkür edirik. Terrorizmə qarşı qətiyyətimiz sarsılmaz olaraq qalır”.

    Bunu Pakistanın baş nazirinin müavini və xarici işlər naziri Məhəmməd İshaq Dar Azərbaycan XİN-in İslamabadda baş vermiş terror aktı ilə bağlı başsağlığı mesajına cavab olaraq öz “X” hesabında yazıb.
    Qeyd edək ki, bu gün Pakistanın paytaxtı İslamabadda yerləşən məscidlərdən birində partlayış olub. Hadisə nəticəsində 31 nəfər həlak olub, 169 nəfər yaralanıb.

  • Qazaxıstanda 10-cu sinif şagirdi balta ilə sinif yoldaşlarına hücum edib

    Qazaxıstanın Atırau vilayətinin Kulsarı şəhərində 10-cu sinif şagirdi balta ilə sinif yoldaşlarına hücum edib.

    Bu barədə “Tengrinews” məlumat yayıb.

    Portalın məlumatına görə, hadisənin baş verməsinə səbəb şagirdin həmyaşıdları ilə münaqişə etməsi olub.

    Hadisə nəticəsində iki şagird yaralanıb.

    Hadisə yerinə polis cəlb olunub. Hücum edən şagird müəyyən edilərək saxlanılıb.

  • Sinif otağında silah – Problem haradan başlayır?

    Xəbər verdiyimiz kimi, bu gün Bakıda 10-cu sinif şagirdi ov silahı ilə müəllimə xəsarət yetirib.

    Yeniavaz.com xəbər verir ki, hadisə cəmiyyətdə ciddi rezonans doğuraraq orta məktəblərdə təhlükəsizlik məsələsini yenidən gündəmə gətirib.
    Qeyd edək ki, mətbuatda və sosial şəbəkələrdə aparılan müzakirələrdə məktəblərdə təhlükəsizlik tədbirlərinin yetərincə səmərəli təşkil olunmaması ilə bağlı tənqidi fikirlər səsləndirilir. Bir çoxları bu cür halların qarşısının vaxtında alınmamasını mövcud nəzarət mexanizmlərinin zəifliyi ilə əlaqələndirir.

    Bəs görəsən, orta məktəblərdə təhlükəsizlik tədbirlərinin gücləndirilməsi bu kimi xoşagəlməz hadisələrin qarşısını almağa nə dərəcədə imkan verə bilər?

    Mövzu ilə bağlı Yeniavaz.com-a açıqlama verən sosioloq Elçin Bayramlı bildirib ki, bir məktəbdə 2–3 min şagird təhsil alır:
    “Bu qədər uşağın hər birinin çantasını və üzərini yoxlamaq nə vaxt, nə də praktiki baxımdan mümkündür. Şagirdin çantasında silah da, bıçaq da, digər təhlükəli əşyalar da ola bilər”.

    Elçin Bayramlı vurğulayıb ki, aqressiv davranışların kökündə ailə tərbiyəsinin zəifliyi dayanır:

    “Əgər uşağa ailədə düzgün tərbiyə verilməyibsə, məktəbdə tətbiq olunan heç bir inzibati tədbir real nəticə verməyəcək. Sağlam tərbiyə almayan, aqressiv və eqoist psixologiya ilə böyüyən uşaq gec-tez problem yaradacaq. Bu, qaçılmazdır”.

    Ekspertin sözlərinə görə, nəzarətsiz smartfon istifadəsi və zorakılıq məzmunlu kompüter oyunları da uşaqların psixologiyasına ciddi zərər vurur:
    “Azyaşlı uşaqların əlinə nəzarətsiz şəkildə smartfon verilir. Onlar internetdə müxtəlif psixotron təsirlərə məruz qalırlar. Qanlı və zorakılıq dolu oyunlar uşaqlarda aqressiyanı artırır və bu aqressiya məktəb mühitində açıq şəkildə özünü göstərir”.

    Elçin Bayramlı məktəb psixoloqlarının fəaliyyətini də tənqid edib:

    “Məktəb psixoloqlarının fəaliyyəti demək olar ki, sıfıra bərabərdir. Ümumiyyətlə, onlar heç nə etmir və edə də bilmirlər. Problemin həlli valideyn məsuliyyətinin artırılmasından keçir. Belə hadisələr törədən uşaqların valideynləri mütləq şəkildə cəzalandırılmalıdır. Valideyn bir dəfə cəzalandırılsa, övladının tərbiyəsinə daha ciddi yanaşar. Problemin qarşısını almağın yeganə yolu budur”.

  • Sumqayıtda ailədaxili münaqişə qanla nəticələndi

    Sumqayıtda ailədaxili münaqişə qanla nəticələnib.
     
    Median.Az xəbər verir ki, hadisə Sumqayıt şəhərinin 40-cı məhəlləsində ağır məişət hadisəsi baş verib.
     
    Şəhər sakini, 1987-ci il təvəllüdlü Tural Səfərov həyat yoldaşı, 1983-cü il təvəllüdlü İradə Səfərovaya kəsici alətlə xəsarət yetirib.
     
    Məlumata görə, insident şəxsi münasibətlər zəminində yaranan mübahisə zamanı baş verib. Yaralı qadın dərhal tibb müəssisəsinə yerləşdirilib.
     
    Faktla bağlı hüquq-mühafizə orqanları tərəfindən cinayət işi başlanılıb, hadisənin dəqiq səbəbləri araşdırılır./teleqrraf

  • Стала известна дата выборов в парламент Армении

    Очередные выборы в Национальное собрание Армении пройдут 7 июня 2026 года.

    Как передает Median.Az со ссылкой на армянские СМИ, соответствующий указ подписал президент Армении Ваагн Хачатурян.

    Документ вступает в силу со дня, следующего за его официальным опубликованием.

    Ранее в Центральной избирательный комиссии Армении заявляли, что, вероятно, выборы в парламент страны пройдут 7 июня 2026 года.

  • Ermənistanda parlament seçkisinin tarixi açıqlandı

    Ermənistanda Milli Assambleyaya (parlamentə) növbəti seçki 2026-cı il iyunun 7-də keçiriləcək.

    Median.Az NEWS.am agentliyinə istinadən xəbər verir ki, bu barədə Ermənistan prezidentinin mətbuat xidməti məlumat yayıb.

    Məlumata görə, Ermənistan prezidenti Vaaqn Xaçaturyan bununla bağlı müvafiq fərman imzalayıb.

  • Yeni sədr kimdir? – Dosye

    Xəbər verdiyimiz kimi, Prezident İlham Əliyevin müvafiq Sərəncamı ilə Saleh Ərşad oğlu Məmmədov Azərbaycan Avtomobil Yolları Dövlət Agentliyi İdarə Heyətinin sədri vəzifəsindən azad edilib.

    Median.Az-ın məlumatına görə, Prezidentin digər Sərəncamı ilə Vüsal Zakir oğlu Nəsirli (AAYDA) İdarə Heyətinin sədri təyin edilib.

    Vüsal Nəsirli 1978-ci ildə İmişli şəhərində anadan olub.

    2000-ci ildə Qafqaz Universitetinin İnzibati idarəetmə fakültəsinin Dövlət və bələdiyyə idarəetməsi ixtisası üzrə bakalavr, 2002-ci ildə magistr pillələrini bitirib.

    2009-2013-cü illərdə İqtisadi İnkişaf Nazirliyində “Bərk məişət tullantılarının vahid idarəçiliyi” layihəsinin direktor müavini, 2013-2018-ci illərdə İqtisadiyyat Nazirliyinin Beynəlxalq təşkilatlarla əməkdaşlıq şöbəsinin müdir müavini vəzifələrində işləyib.

    Hazırkı vəzifəsinə qədər əmək və əhalinin sosial müdafiəsi nazirinin müşaviri, daha sonra isə müavini vəzifəsində çalışıb. Evlidir, iki övladı var.//qafqazinfo

  • Norveç şahzadəsi Epşteynlə əlaqələrinə görə üzr istədi

    Norveç şahzadəsi Mette-Marit məşhur maliyyəçi Ceffri Epşteyn ilə əlaqələrinə görə üzr istəyib.

    Median.Az xəbər verir ki, şahzadə açıqlamasında bildirib: “Məyus etdiyim hər kəsdən üzr istəyirəm. Epşteynlə aramızda olan mesajlar mənim əsl kimliyimi əks etdirmir. Həmçinin Kral Sarayına, xüsusən də Kral və Kraliçaya yaratdığım vəziyyətə görə təəssüflənirəm”.

    Norveç şahzadəsinin adı Epşteynin yeni sənədlərində min dəfədən çox xatırlanır. Lakin o, maliyyəçinin cinayətkar fəaliyyətindən xəbərsiz olduğunu bildirib və onunla əlaqələrindən peşmanlığını ifadə edib.

    Norveç Kral Evi şahzadənin 2013-cü ildə Epşteynlə əlaqəsini dayandırdığını bildirib.

    Epşteyn 2002-2005-ci illər arasında onlarla yetkinlik yaşına çatmayan qız üçün Nyu-Yorkdakı evinə və şəxsi adasına səfərlər təşkil etməkdə ittiham olunub.//teleqraf