Median.Az

Month: February 2026

  • Gürcüstanda ağır qəza: Azərbaycan vətəndaşı xəsarət aldı

    Gürcüstanda, Kobuleti-Batumi yolunda bu gün səhər saatlarında baş verən ağır yol-nəqliyyat hadisəsi zamanı Azərbaycan vətəndaşı xəsarət alıb.

    Median.Az Oxu.Az-a istinadən xəbər verir ki, avtobus və yük maşınının toqquşması nəticəsində iki nəfər ölüb, bir nəfər yaralanıb.

    Qəza səbəbindən yolun bir hissəsi müvəqqəti olaraq bağlanıb və nəqliyyatın hərəkəti köhnə marşrut üzrə dəyişdirilib.

    Məlumata görə, qəza zamanı xəsarət alan yük maşının sürücüsü, 49 yaşlı Azərbaycan vətəndaşı xəstəxanaya aparılıb. Onun vəziyyətinin stabil olduğu bildirilir.

    Faktla bağlı araşdırma aparılır.

  • Prezident İlham Əliyev Xocalı Soyqırımı Memorialının açılışında iştirak edib

    Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri fevralın 26-da Xocalı şəhərində Xocalı Soyqırımı Memorialının açılışında iştirak ediblər.

    Prezident İlham Əliyev Memorialın önünə əklil qoydu.

    Prezidentin köməkçisi Anar Ələkbərov dövlətimizin başçısına və birinci xanıma Memorial barədə məlumat verdi.

    Qeyd edək ki, Xocalı Soyqırımı Memorialı Prezident İlham Əliyevin 2025-ci ilin fevralında imzaladığı Sərəncama əsasən, Xocalı faciəsi qurbanlarının xatirəsinin əbədiləşdirilməsi, tarixi həqiqətlərin gələcək nəsillərə çatdırılması və milli yaddaşın qorunması məqsədilə yaradılıb.

    Layihə Heydər Əliyev Fondu tərəfindən hazırlanan konsepsiya əsasında reallaşdırılıb.

    Memorialı dörd tərəfdən əhatə edən monolit Xocalı sakinlərini soyqırımından qorumağa çalışan rəmzi əllər formasında layihələndirilib.

    Xocalı soyqırımı qurbanlarının xatirəsinə ehtiram əlaməti olaraq Memorialın həyətində qış fəslinin sonunda çiçək açan və yazın müjdəçisi olan badam ağacları əkilib. Bu illər ərzində “Xocalıya ədalət!” kampaniyasının rəmzi də badam çiçəyi seçilib və bu, təsadüfi deyil. Badam çiçəyi Xocalıda 1992-ci ilin fevral ayında törədilmiş soyqırımına münasibətdə ədalətin təmin olunmasını əks etdirir.

    Memorial dörd bölmədən ibarətdir. İlk iki bölmədə Xocalı soyqırımı qurbanlarının xatirəsini yaşadan ekspozisiya zalı yaradılıb.

    Ekspozisiya ziyarətçiləri “Faciənin siması” instalyasiyası ilə qarşılayır. Rəşad Ələkbərov və Azər Rüstəmovun müəllifləri olduqları instalyasiya 1992-ci il fevralın 25-dən 26-na keçən gecə baş vermiş soyqırımının qurbanlarını – qətlə yetirilmiş dinc sakinləri, məhv olmuş ailələri canlandırır.

    Memorialın tavanı boyu uçuşan göyərçin maketləri isə bütün dünyaya sülh arzulayan Xocalının faciə zamanı qətlə yetirilmiş günahsız sakinlərinin xatirəsinə ehtiram əlamətidir.

    XX əsrdə insanlıq əleyhinə ən dəhşətli cinayətlərdən biri olan Xocalı soyqırımına həsr edilmiş ekspozisiyada Ermənistan-Azərbaycan münaqişəsinin tarixi kökləri, işğalçılıq siyasəti və erməni terrorizminin Azərbaycan torpaqlarında törətdiyi fəsadlar sənədlər, xəritələr və faktlar əsasında təqdim olunur. Burada “Xocalı – qədim sivilizasiyanın izləri”, “Xocalı soyqırımı bəşəriyyətə qarşı cinayətdir”, “Xocalını unutma!” adlı ekspozisiyalarda Xocalının tarixi, işğalın coğrafiyası, münaqişənin xronologiyası, beynəlxalq hüquq normalarının pozulması, bəşəriyyətə qarşı törədilmiş ən qanlı cinayətlərdən biri olan Xocalı soyqırımı barədə məlumatlar və Ümummilli Lider Heydər Əliyevin soyqırımına verdiyi siyasi-hüquqi qiymət nümayiş olunur.

    Ekspozisiya zalındakı Xocalı maketində faciə günü yaşanan dəhşətlərə dair məlumatlar interaktiv formada təqdim olunur.

    İkinci ekspozisiya zalında Sərxan Hacıyevin “Bir gecənin içində səssiz qalan evlər” instalyasiyası və faciə zamanı tamamilə məhv edilmiş 8 ailənin taleyi, insanlıq əleyhinə yönəlmiş cinayət nəticəsində bir gecədə yarımçıq qalan həyatlar, arzular, sükuta qərq olan uşaq gülüşləri süni intellektlə hazırlanan video vasitəsilə təqdim edilir.

    Ekspozisiya zalında Prezident İlham Əliyevin Xocalı həqiqətlərinin beynəlxalq səviyyədə tanıdılması üzrə apardığı ardıcıl siyasət, Heydər Əliyev Fondunun prezidenti Mehriban Əliyevanın təşəbbüsü və rəhbərliyi ilə Fondun Xocalı soyqırımı qurbanlarının xatirəsinin yaşadılması və ədalətin bərqərar olması istiqamətindəki fəaliyyəti, müxtəlif dillərdə hazırlanan nəşrlər və informasiya materialları, Heydər Əliyev Fondunun vitse-prezidenti Leyla Əliyevanın təşəbbüsü ilə başladılan “Xocalıya ədalət!” beynəlxalq kampaniyası çərçivəsində görülən işlər və onun fəal iştirakı ilə bu sahədə həyata keçirilmiş tədbirlər əks etdirilir.

    “Xocalıya ədalət!” beynəlxalq kampaniyası çərçivəsində soyqırımı qurbanlarının xatirəsinə bir sıra ölkələrdə ucaldılmış abidələrin maketləri də burada sərgilənir.

    Ekspozisiya 44 günlük Vətən müharibəsinə və dövlət suverenliyinin bərpasına dair məlumatlar, “Böyük Qayıdış” və “Viran edilən Xocalı yenidən dirçələcək” ideyası ilə tamamlanır.

    Memorialın növbəti bölməsində rəsmi tədbirlərin və anım mərasimlərinin keçirilməsi üçün nəzərdə tutulan akt zalı var.

    Xocalı Soyqırımı Memorialı memarlıq və ideya baxımından milli yaddaşın qorunmasına xidmət edən məkandır.

    Xatırladaq ki, 1992-ci il fevralın 25-dən 26-na keçən gecə Ermənistanın hərbi birləşmələri keçmiş sovet ordusunun Xankəndi şəhərində yerləşən 366-cı motoatıcı alayının iştirakı ilə Xocalıda dəhşətli soyqırımı törədib. Faciə zamanı 613 nəfər qətlə yetirilib. Onların 63 nəfəri uşaq, 106 nəfəri qadın, 70 nəfəri ahıl insan olub. Hərbi təcavüz nəticəsində 8 ailə tamamilə məhv edilib, 25 uşaq hər iki valideynini, 132 uşaq isə valideynlərindən birini itirib.

    İşğaldan azad edilən Xocalıda ucaldılan Memorial soyqırımı qurbanlarının xatirəsini daim yaşadacaq və tarixi həqiqətləri hər bir ziyarətçiyə çatdıracaq.

    Bu gün xalqımız XX əsrin ən dəhşətli qırğınlarından biri olan Xocalı soyqırımı qurbanlarının xatirəsini qalib ölkə, qalib xalq kimi yad edir. Xocalı qurbanlarının ruhları bu gün şaddır. Müzəffər Ali Baş Komandanın da dediyi kimi, onların qanı yerdə qalmadı, onların qisası Vətən müharibəsi zamanı döyüş meydanında alındı.

    Sonra Prezident İlham Əliyev Memorialın xatirə kitabına ürək sözlərini yazdı.

    Daha sonra dövlətimizin başçısı, birinci xanım və ailə üzvləri Memorialla tanış oldular və Xocalı rayon ictimaiyyətinin nümayəndələri ilə görüşdülər.

    * * * * *

    Azərbaycan Prezidenti İlham Əliyev, birinci xanım Mehriban Əliyeva və ailə üzvləri fevralın 26-da Xocalı şəhərində Xocalı Soyqırımı Memorialının açılışında iştirak ediblər.

    Prezident İlham Əliyev Memorialın önünə əklil qoydu.

    Dövlət başçısı, birinci xanım və ailə üzvləri Memorialla tanış oldular və Xocalı rayon ictimaiyyətinin nümayəndələri ilə görüşdülər.

    * * * * *

    Azərbaycan Prezidenti İlham Əliyev, birinci xanım Mehriban Əliyeva və ailə üzvləri fevralın 26-da Xocalı şəhərində Xocalı Soyqırımı Memorialının açılışında iştirak ediblər.

    Bu barədə Prezidentin Mətbuat Xidməti məlumat yayıb.

  • В аптеках Азербайджана проверка выявила нарушения

    В январе 2026 года Центр аналитической экспертизы Министерства здравоохранения Азербайджана проверил 48 аптек.

    10 из них находились в Баку, остальные 38 – в других городах и районах страны.

    Из всех проверок 32 были плановыми, 16 – внеплановыми.

    В 7 аптеках обнаружены различные нарушения. По каждому случаю составлены административные протоколы в соответствии со статьями 452.1, 452.2 и 452.3 Кодекса об административных проступках Азербайджана.

  • Apteklərdə yoxlama aparılıb, nöqsanlar aşkar edilib

    2026-cı ilin yanvar ayında Səhiyyə Nazirliyinin Analitik Ekspertiza Mərkəzi (AEM) tərəfindən ümumilikdə 48 əczaçılıq müəssisəsində yoxlama aparılıb.

    Bu barədə AEM məlumat yayıb.

    Yoxlamalardan 10-u Bakı şəhərində, 38-i isə respublikanın digər şəhər və rayonlarında yerləşən apteklərdə həyata keçirilib.

    Keçirilən yoxlamaların 32-si planlı, 16-sı isə plandankənar olub.

    Nəticələrə əsasən, 7 aptekdə müxtəlif nöqsanlar aşkar edilib. Aşkarlanmış pozuntularla bağlı Azərbaycan Respublikasının İnzibati Xətalar Məcəlləsinin 452.1, 452.2 və 452.3-cü maddələri üzrə müvafiq inzibati protokollar tərtib edilib.

  • İcra başçısı Bakıxanov, Zabrat və Nardarandakı nümayəndələrinin yerlərini dəyişdirdi

    Sabunçu Rayon İcra Hakimiyyətinin başçısının bəzi qəsəbələr üzrə nümayəndələri dəyişdirilib.

    Median.Az İqtisadiyyat.az-a istinadən xəbər verir ki, bununla bağlı icra başçısı Adil Vəliyev müvafiq əmrlər imzalayıb.

    Məlumata görə, nümayəndələrin yerdəyişmələri rayonun Bakıxanov, Zabrat və Nardaran qəsəbələri üzrə aparılıb.

    Belə ki, Həmid Qalayev başçının Bakıxanov qəsəbəsi inzibati ərazi dairəsi üzrə nümayəndəsi vəzifəsindən azad edilib. O, başçının Zabrat qəsəbəsində nümayəndəsi təyin olunub.

    Məhəmməd Əsədov isə başçının Nardaran qəsəbəsinin nümayəndəsi vəzifəsindən çıxarılıb və Bakıxanov qəsəbəsinə nümayəndə göndərilib.

    Zülfüqar Mirzəliyev Zabrat qəsəbəsinin icra nümayəndəsi vəzifəsindən azad olunub və Nardaranın qəsəbəsi üzrə nümayəndə təyin edilib.

  • Пятеро обвиняемых в Ходжалинском геноциде понесли наказание в Азербайджане

    Пятеро причастных к Ходжалинскому геноциду уже привлечены к ответственности и понесли наказание.

    Report напоминает, что 5 февраля Военный суд вынес приговоры с различными сроками наказания в отношении 15 граждан Армении, которым предъявлены обвинения в ряде преступных деяний против Азербайджана, включая нарушение законов и обычаев войны, преступления против человечности, терроризм и иные правонарушения.

    Пятерым из них было предъявлено обвинение, в которое также входит статья, связанная с геноцидом.

    В частности, среди обвинений, вменяемых осужденным по решению суда – Аркади Гукасяну, Бако Саакяну, Мадату Бабаяну, Давиту Ишханяну и Араику Арутюняну – значится и причастность к Ходжалинскому геноциду. Мадат Бабаян в ходе судебного разбирательства признал свое непосредственное участие в Ходжалинском геноциде. В процессе допроса он подтвердил, что 25 и 26 февраля 1992 года находился непосредственно в Ходжалы, и сообщил следующее: “Нас туда привел наш командир отряда. Его звали Генрик Тамразян. Цель состояла в том, чтобы азербайджанцы были выдворены из Ходжалы”.

    Он отметил, что все приказы в Ходжалы отдавали Аркадий Ширинян по прозвищу “Холостой” и Ваник Петросян: “Команду стрелять в безоружных мирных людей и убивать их отдавал Ваник. Ваник и Аркадий отрезали людям пальцы, а у погибших – уши”.

    Бабаян подтвердил, что они прибыли в Ходжалы вооруженными и что в ходе операции применялась бронированная техника. Обвиняемый признал факт своего участия в расправе над безоружными людьми и заявил: “Мы совершили ошибку”.

    Он рассказал, что лично видел в Ходжалы порядка 150 тел погибших, среди которых были дети, пожилые люди и женщины. По его словам, тела собирались армянскими военнослужащими, загружались в транспортные средства и вывозились.

    Отметим, что приговором Бакинского военного суда Араик Арутюнян и Давит Ишханян приговорены к пожизненному лишению свободы, а остальные – к 20 годам лишения свободы, поскольку их возраст превышает 65 лет.

  • Xocalı soyqırımını törədənlərdən beş nəfəri Azərbaycanda cəzasını alıb

    Xocalı soyqırımının törədilməsində iştirak edən şəxslərdən beşi artıq cəzasını alıb.

    Median.Az “Report”a istinadən xəbər verir ki, fevralın 5-də Bakı Hərbi Məhkəməsi Azərbaycana qarşı bir sıra cinayətlərin, o cümlədən müharibə qaydalarının aparılması, insanlıq əleyhinə cinayət, terrorçuluq və digər əməllərdə təqsirləndirilən Ermənistanın 15 vətəndaşını müxtəlif cəzalara məhkum edib.

    Onların arasında beş nəfərin ittihamında soyqırımı maddəsi də var.

    Belə ki, məhkəmənin qərarı ilə məhkum edilən Arkadi Qukasyan, Bako Saakyan, Madat Babayan, Davit İşxanyan, Arayik Arutyunyana qarşı irəli sürülmüş ittihamlar arasında Xocalı soyqırımı da var.

    Madat Babayan məhkəmədə Xocalı soyqırımında iştirak etdiyini etiraf da edib. O dindirilərkən 1992-ci il fevralın 25-də və 26-da Xocalıda olduğunu təsdiqləyib və deyib:

    “Bizi oraya dəstə rəhbərimiz aparmışdı. Adı Henrik Tamrazyan idi. Məqsəd o idi ki, azərbaycanlılar Xocalıdan çıxarılsın”.

    O, Xocalıda bütün əmrləri “Xolostoy” ləqəbli Arkadi Şirinyan və Vanik Petrosyanın verdiyini qeyd edərək bildirib:

    “Silahsız insanlara atəş açıb onların qətlə yetirilməsi əmrini Vanik verib. Vanik və Arkadi insanların barmaqlarını, meyitlərin qulaqlarını kəsirdilər”.

    M.Babayan Xocalıya silahlarla gəldiklərini, zirehli texnikalardan istifadə edildiyini təsdiqləyib. Təqsirləndirilən şəxs silahsız insanların qətlində iştirakını etiraf edib və deyib: “Səhv etmişik”.

    O, Xocalıda aralarında uşaqların, qocaların və qadınların da olduğu təxminən 150 meyit gördüyünü, meyitlərin erməni hərbçiləri tərəfindən maşınlara yığılaraq aparıldığını bildirib.

    Qeyd edək ki, Bakı Hərbi Məhkəməsinin hökmü ilə Arayik Arutyunyan, Davit İşxanyan ömürlük, digərləri isə yaşları 65-i keçdiyi üçün 20 il müddətə azadlıqdan məhrum edilib.

  • “Ailəm yalnız 10 min dollar ödəyəcək” – Çinə qəbul alan Nilufər

    Son illərdə təhsil üçün Çinə üz tutan gənclərin sayı artır. Onlardan biri də Abşeron rayonunun Pirəkəşkül kənd tam orta məktəbinin şagirdi Nilufər Şükürovadır.

    “ATV xəbər” dünyanın nüfuzlu ali təhsil müəssisələrindən biri olan NYU Şanxay universitetinə tam təqaüdlə qəbul alan həmin şagirdlə həmsöhbət olub.

    Adıçəkilən universitetin “İnteraktiv media və biznes” ixtisasına qəbul alan Nilufər bildirib ki, seçiminin səbəbi Çinin inkişaf etmiş ölkə olmasıdır: “Ailəmlə universitet seçimi edəndə gördük ki, Çin ən inkişaf etmiş ölkələrdən biridir. Həmçinin NYU Şanxay universitetində bütün xarici tələbələrə çin dili öyrədilir. Fikirləşdim ki, gələcəkdə bu, mənim üçün fürsət olar”.

    N.Şükürova həmçinin qeyd edib ki, onun təqaüdü 82 000 ABŞ dolları məbləğindədir: “Təhsilhaqqı, yataqxana, tibbi-sığorta kimi xərclərim 82 min dollar (139 min 400 manat) edir. Mənim təqaüdüm isə 72 min dollara (122 min 421 manat) yaxın məbləğdir. Bu isə o deməkdir ki, 82 min dollardan 72 min dolları universitet tərəfindən qarşılanacaq. Mənə qalan isə yalnız 10 min dollardır. Hər il ailəm universitetə 10 min dollar (17 min AZN) ödəyəcək”.

    Dövlət Statistika Komitəsinin məlumatına görə, 2024/2025-ci tədris ilində 72 Azərbaycan vətəndaşı dövlət xətti ilə Çində təhsil alır.

  • Bu özəl klinikalara onkoloji xidmət üçün icazə veriləcək

    Xərçəng xəstəliklərinin müalicəsinin özəl klinikalarda da aparılmasına başlanılacaq.

    Bunu Azərbaycanın səhiyyə naziri Teymur Musayev bu gün Xocalı soyqırımının 34-cü ildönümü ilə bağlı “Ana harayı” abidəsini ziyarəti zamanı jurnalistlərə açıqlamasında deyib.

    Nazir qeyd edib ki, bu, islahatların bir hissəsidir.

    “İndidən bildirmək istəyirəm ki, özəl sektorda onkoloji xidmət göstərmək üçün və bu icazəni almaq üçün xüsusi qaydalar və tələblər hazırlanıb. Çox ciddi tələblərdir və yalnız ən yüksək tələblərə cavab verən müəssisələrə həmin lisenziya veriləcək”, – o əlavə edib.

  • TƏBİB Səhiyyə Nazirliyinə birləşdirilə bilər?

    Səhiyyə naziri TƏBİB-in Səhiyyə Nazirliyinə birləşdiriləcəyi ilə bağlı iddialara münasibət bildirib.

    Nazir suala cavab olaraq deyib ki, səhiyyə sahəsində mərhələli islahatlar aparılır.

    Nazir qeyd edib ki, bu məsələyə TƏBİB-in Müşahidə Şurası cavab verə bilər.