Median.Az

Month: March 2026

  • Минобороны Турции заявило об уничтожении еще одной иранской ракеты – ФОТО

    Минобороны Турции заявило об уничтожении силами НАТО в Средиземноморье еще одной ракеты, выпущенной из Ирана и вошедшей в воздушное пространство республики.

    Соответствующая публикация появилась в аккаунте X турецкого оборонного ведомства.

    “Баллистический боеприпас, выпущенный из Ирана и вошедший в воздушное пространство Турции, был нейтрализован подразделениями ПВО и противоракетной обороны НАТО, развернутыми в Восточном Средиземноморье. Все необходимые меры защиты принимаются решительно и без колебаний против любой угрозы в отношении территории и воздушного пространства нашей страны. Ведутся переговоры с соответствующей страной для выяснения всех аспектов инцидента”, – говорится в заявлении ведомства.

    Нынешний инцидент уже третий с 4 марта, когда силы НАТО сбили первую баллистическую ракету, выпущенную с иранской территории и направлявшуюся к границам Турции.


  • Türkiyəyə İrandan növbəti ballistik raket atılıb – RƏSMİ – FOTO

    Türkiyəyə İrandan növbəti ballistik raket atılıb.

    Bu barədə Milli Müdafiə Nazirliyi sosial şəbəkə hesabında məlumat yayıb.


  • Pakistan və Çindən Əfqanıstan məsələsində ortaq mövqe: İslamabad təhlükəsizlik zəmanətləri tələb edir

    Pakistan Əfqanıstandan təhlükəsizliyinin təmin edilməsinə və terrorun dayandırılmasına dair zəmanətlər tələb edir.

    Median.Az TASS-a istinadən xəbər verir ki, bu barədə Pakistan Xarici İşlər Nazirliyinin (XİN) rəsmisi Tahir Andrabi açıqlama verib.

    “Bu cür zəmanətlər alınmadığı üçün Pakistan öz siyasətinə davam edəcək və sərhədyanı hücumlar zamanı özünümüdafiə hüququnu özündə saxlayır”, – deyə diplomat vurğulayıb.

    XİN rəsmisinin sözlərinə görə, Pakistan və Çin Əfqanıstan məsələsində vahid mövqe tutur ki, bu da həftə ərzində baş nazirin müavini və XİN rəhbəri Məhəmməd İshaq Darın çinli həmkarı Van Yi ilə telefon danışığında təsdiqlənib.

    Söhbət zamanı döyüş əməliyyatlarının davam etdiyi Pakistan-Əfqanıstan sərhədindəki vəziyyət müzakirə olunub:

    “Pakistan və Çin bütün məsələlərdə, o cümlədən Əfqanıstanla bağlı yekdil mövqe tutur. Ölkələrimiz Əfqanıstan üzrə beynəlxalq dialoqda iştirak edir, belə danışıqlar ikitərəfli səviyyədə, həmçinin Kabilin iştirakı ilə daim aparılır”.

    Qeyd edək ki, dünən Pakistanın ordusu Əfqanıstan ərazisinə növbəti hava zərbələri endirib.

  • Gəncədə antik əşyalar oğurlayan şəxslər saxlanılıblar – Video

    Gəncə Şəhər Baş Polis İdarəsinin əməkdaşları tərəfindən mənzillərdən oğurluq edən şəxslərə qarşı əməliyyatlar keçirilib.

    Bu barədə Daxili İşlər Nazirliyinin Gəncə Regional Qrupu məlumat yayıb.

    Bildirilib ki, tədbirlərlə 2 fərdi yaşayış evindən ümumi dəyəri 7 750 manat olan müxtəlif növ məişət əşyaları və 1000 manat oğurlamaqda şübhəli bilinən, əvvəllər də məhkum olunmuş Xəyal Kazımzadə saxlanılıb.

    Polis əməkdaşlarının keçirdikləri digər tədbirlər nəticəsində şəhər ərazisində avtomobillərdən , eləcə də obyektlərdən mobil telefon və pul oğurlayan keçmiş məhkum Naib Əliyev də saxlanılıb. Araşdırmalarla N. Əliyevin ümumilikdə 15-ə yaxın mağaza və avtomobildən oğurluq etdiyi müəyyən olunub. Həmçinin saxlanılan şəxsdən psixotrop maddə olan metamfetamin də aşkarlanıb.

    Keçirilən növbəti tədbir zamanı evlərin birindən ümumi dəyəri 3000 manat olan müxtəlif növ məişət əşyalarını oğurlamaqda şübhəli bilinən Adil Məmmədov da saxlanılaraq istintaqa təhvil verilib.

    Faktlarla bağlı cinayət işləri başlanılıb, məhkəmənin qərarı ilə saxlanılan şəxslərin hər biri barəsində həbs qətimkan tədbiri seçilib. Araşdırmalar davam etdirilir.

  • Bakıda süpürgəçini maşın vurub öldürdü

    Bakıda süpürgəçini maşın vurub.

    Median.Az Lent.az-a istinadla xəbər verir ki, hadisə Nizami rayonu, Heydər Əliyev prospektində baş verib.

    Hadisə zamanı maşın yolu təmizləyən 40 yaşlı Samirə Əyyub qızı Məsimovanı vuraraq öldürüb.

    Faktla bağlı araşdırma aparılır.

  • Siyəzəndə gənc qadın dəm qazından boğulub

    Siyəzən rayonunda gənc qadın dəm qazından boğulub.

    Oxu.Az-ın məlumatına görə, hadisə rayonun Yenikənd kəndində baş verib.

    Kənd sakini 1999-cu il təvəllüdlü Esmira Məmmədova martın 12-də axşam saatlarında yaşadığı evin hamamında dəm qazından zəhərlənib. O, yaxınlarının köməyi ilə xəstəxanaya yerləşdirilsə də, onun həyatını xilas etmək mümkün olmayıb. Həkimlərin səyinə baxmayaraq qadın xəstəxanada dünyasını dəyişib.

    Faktla bağlı araşdırma aparılır.

  • İlqar Hacıyevin Bakıdakı milyonluq əmlakları müsadirə edildi – SİYAHI

    “Akkord İnşaat Sənaye” ASC-nin qiyabi olaraq 15 il həbs cəzası verilən keçmiş sahibi İlqar Hacıyevin milyonlarla manat qiyməti olan əmlakları müsadirə olunub.

    Median.Az “Qafqazinfo”ya istinadən dövlət nəfinə keçirilən həmin əmlakların siyahısını təqdim edir:

    – Nərimanov rayonu, Ağa Nemətulla küçəsində qeyri-yaşayış binası;

    – Səbail rayonu, Badamdar qəsəbəsində yerləşən böyük bağ evləri və mənzillər;

    – Badamdar qəsəbəsində torpaq sahəsi;

    – Yasamal rayonu, Mətbuat prospektində mənzil;

    – Nərimanov rayonu, Ağa Nemətulla küçəsində mənzil.

    İlqar Hacıyevin daha əvvəl iki əmlakı üzərinə qoyulmuş həbs qərarı isə ləğv edilib. Bunlar Mərdəkan qəsəbəsində torpaq sahəsi və üzərində yerləşən 776.7 kv.m qeyri-yaşayış binası və eyni ünvanda digər torpaq sahəsidir.

    Qeyd edək ki, İ.Hacıyev külli miqdarda dələduzluqda və cinayət yolu ilə qazanılmış pulların leqallaşdırılmasında təqsirli bilinib. O, dəfələrlə Baş Prokurorluğa çağırılsa da, istintaqa getməyib. Ölkədən qaçıb gizləndiyi üçün ona qiyabi hökm oxunub.

  • Naxçıvanda vəzifəli şəxs HƏBS OLUNDU

    “Naxçıvan Taxıl Məhsulları” MMC-nin rəhbəri həbs olunub.

    Median.Az APA-ya istinadla xəbər verir ki, MMC-nin icraçı direktoru Şakir Tarverdiyev barəsində həbs qətimkan tədbiri seçilib.

    Bununla bağlı Naxçıvan Şəhər Məhkəməsi qərar verib. Onun barəsində 4 aylıq həbs qətimkan tədbiri seçilib.

    Şakir Tarverdiyevlə bağlı Baş Prokurorluqda cinayət işi başlanıb.

    Ona Cinayət Məcəlləsinin 179.4-cü (Mənimsəmə və ya israf etmə, xüsusilə külli miqdarda ziyan vurmaqla törədildikdə) və 308.2-ci (Vəzifə səlahiyyətlərindən sui-istifadə, ağır nəticələrə səbəb olduqda) maddələri üzrə ittiham elan olunub.

  • İran ərazisindən daha beş nəfər təxliyə olundu

    İrandan martın 13-ü saat 10:00-12:00 aralığında daha beş nəfərin Azərbaycana təxliyəsi baş tutub.

    Median.Az “Report”a istinadla xəbər verir ki, təxliyə Astara dövlət sərhədindən buraxılış məntəqəsi vasitəsilə həyata keçirilib.

    Tacikistan və Çindən hərəsindən iki və bir Rusiya vətəndaşının təxliyəsi baş tutub.

  • Qanunsuz ov edən 136 şəxs saxlanılıb

    2025-ci ildə qanunsuz ov hallarının qarşısının alınması məqsədilə 136 şəxs saxlanılıb. Onlardan 13-ü xarici vətəndaşdır.

    Bu, Milli Məclisin bu gün keçirilən iclasında müzakirəyə çıxarılan “Azərbaycan Respublikası Nazirlər Kabinetinin 2025-ci ildə fəaliyyəti haqqında hesabatı”nda əksini tapıb.

    Bildirilib ki, maddi sübut kimi 71 ədəd ov silahı, 430 ədəd patron, qanunsuz ovlanmış 369 baş quş, 5 baş heyvan götürülmüş, cərimə tətbiq edilib.