Median.Az

Month: March 2026

  • Süni intellekt proqramları ilə qadınları şantaj etdi – Video

    Daxili İşlər Nazirliyinin Kibercinayətkarlıqla Mübarizə Baş İdarəsi (KMBİ) vətəndaşların foto və videolarını təhqiramiz formada montaj edərək sosial şəbəkələrdə paylaşan və onların silinməsi müqabilində pul tələb edən daha bir nəfəri saxlayıb. Bu istiqamətdə kiberpolisin həyata keçirdiyi əməliyyat-texniki tədbirlər nəticəsində qeyd olunan əməlləri törətməkdə şübhəli bilinən 21 yaşlı Mirhüseyn Atakişiyev saxlanılıb.

    Müəyyən olunub ki, M. Atakişiyev “TikTok”, “Instagram” və “Telegram” sosial şəbəkələrindən qadınların foto və video görüntülərini əldə edib. Daha sonra həmin görüntüləri süni intellekt proqramları vasitəsilə montaj edib, üzərinə təhqiramiz yazılar əlavə edərək saxta hesablar vasitəsilə yenidən sosial şəbəkələrdə paylaşıb. O, foto və video görüntülərin daha geniş yayılmaması, həmçinin silinməsi müqabilində zərərçəkən qadınlardan müxtəlif məbləğlərdə pul tələb edib.

    Faktla bağlı Baş İdarədə cinayət işi başlanılıb. M. Atakişiyevə Cinayət Məcəlləsinin müvafiq maddəsi ilə ittiham elan olunub və o, təqsirləndirilən şəxs qismində istintaqa cəlb edilib. Saxlanılan şəxs barəsində məhkəmənin qərarı ilə həbs qətimkan tədbiri seçilib.

    Bir daha bildiririk ki, süni intellekt texnologiyalarının sürətlə inkişaf etdiyi müasir dövrdə sosial şəbəkələrdə paylaşdığınız hər bir foto və video müxtəlif şəxslər tərəfindən dəyişdirilə, montaj edilə və sui-istifadə oluna bilər. Bu səbəbdən vətəndaşlara sosial şəbəkə hesablarında şəxsi foto və videolarını paylaşarkən son dərəcə diqqətli olmağı, şəxsi məlumatlarını və görüntülərini tanımadıqları şəxslərlə bölüşməməyi, şübhəli mesaj və təkliflərə inanmamağı tövsiyə edirik. Unutmayın ki, şəxsi məlumatların qorunması ilk növbədə hər kəsin öz məsuliyyətidir.

  • Суд продлил арест Аднана Ахмедзаде

    Срок ареста предпринимателя Аднана Ахмедзаде, проходящего обвиняемым по уголовному делу, расследуемому Службой государственной безопасности (СГБ), продлен еще на два месяца.

    Как сообщает Report, соответствующее представление следственного органа было рассмотрено в Сабаильском районном суде.

    Отметим, что Ахмедзаде был задержан сотрудниками СГБ в сентябре 2025 года. Ему предъявлены обвинения по делу, связанному с диверсией против экономической безопасности и присвоением средств в особо крупном размере.

  • İş adamı Adnan Əhmədzadənin həbs müddəti uzadılıb

    İş adamı Adnan Əhmədzadə ilə bağlı Dövlət Təhlükəsizliyi Xidmətində (DTX) başlanılmış cinayət işi üzrə təqsirləndirilən şəxs barəsində seçilmiş həbs qətimkan tədbirinin müddəti uzadılıb.

    Median.Az “Report”a istinadən xəbər verir ki, Səbail Rayon Məhkəməsində istintaq orqanın təqdimatına baxılıb.

    Təqdimat təmin edilib və Adnan Əhmədzadə barəsində seçilmiş həbs qətimkan tədbirinin müddəti daha iki ay uzadılıb.

    Qeyd edək ki, Adnan Əhmədzadə ötən ilin sentyabrında Dövlət Təhlükəsizliyi Xidməti əməkdaşları tərəfindən saxlanılıb. O, iqtisadi təhlükəsizliyə qarşı təxribat və xüsusilə külli miqdarda mənimsəmə əməllərində ittiham olunur.

  • Bu energetik içkilərdə təhlükəli maddə aşkarlandı – Fotolar

    Türkiyədə idxal olunmuş “Paril Gida Alkoqolsuz Fonksiyonal İçecekler” müəssisəsinin istehsalı olan “Nitro Max” əmtəə nişanlı energetik içki məhsulu partiyalarında dərman vasitələrinin tərkibində istifadə edilən sildenafil maddəsi aşkar olunub.

    Bu barədə Qida Təhlükəsizliyi Agentliyi məlumat yayıb.

    Faktla bağlı sözügedən məhsul partiyaları məhv edilib, həmçinin həmin istehsalçı tərəfindən istehsal olunan bu məhsulların ölkə ərazisinə idxalına məhdudiyyət tətbiq olunub.

    Bununla yanaşı, ölkə ərazisində ticarət şəbəkələrində keçirilmiş növbəti monitorinqlər zamanı qeyd olunan istehsalçıya məxsus, müşayiətedici sənədləri olmayan “Nitro Max” energetik içkisinin bəzi şərab mağazalarında satışının həyata keçirildiyi aşkar edilib. Araşdırmalar zamanı həmin məhsulların ölkəyə qeyri-qanuni yollarla gətirildiyi müəyyən olunub. Aşkar edilmiş məhsullar dərhal satışdan kənarlaşdırılaraq müvafiq qaydada məhv edilib.

    Eyni zamanda Türkiyədə istehsal olunmuş “DBL Drink Diblong” əmtəə nişanlı 150 ml həcmli içkilərdən (20.07.2025 – 20.07.2027-ci il istehsal və son istifadə tarixli) götürülmüş nümunələrin laborator müayinəsi nəticəsində tərkibində eyni uyğunsuzluq müəyyən edilib. Həmin məhsul partiyasının da satış obyektlərindən geri çağırılması barədə məhdudlaşdırıcı tədbirlərin tətbiqi haqqında qərar qəbul edilib.

    Qeyd edək ki, içkilərdə aşkarlanan kimyəvi maddə insan həyat və sağlamlığına mənfi təsir göstərərək ciddi fəsadlara səbəb ola bilər.


  • Gənc oğlan Qubada kvadrisikl qəzasında öldü

    Qubada kvadrisikl qəzası ölümlə nəticələnib.

    Quba rayonunun Qımılqazma kəndi ərazisində kvadrisikllə törədilən qəza faciə ilə nəticələnib. İlkin məlumata əsasən, Bakı şəhər sakini 27 yaşlı Elçin Yusif oğlu Yusifovun idarə etdiyi kvadrisikl daş hasara çırpılıb. Nəticədə sürücü aldığı ağır xəsarətlərdən hadisə yerində həyatını itirib. Faktla bağlı araşdırma aparılır.

    Baş Dövlət Yol Polisi İdarəsi bildirir ki, son dövrlər istirahət və turizm məkanlarında geniş istifadə edilən kvadrisikllərin istismarı zamanı təhlükəsizlik qaydalarına əməl olunmaması ciddi narahatlıq doğurur. Belə ki, bu tip nəqliyyat vasitələrinin sürət həddi və yol şəraiti nəzərə alınmadan idarə olunması həyat və sağlamlıq üçün real təhlükə yaradır və bəzən də ölümlə nəticələnən yol-nəqliyyat hadisələrinə səbəb olur.

    Nəzərə alınmalıdır ki, kvadrisikl konstruktiv xüsusiyyətlərinə görə sabitliyi məhdud olan nəqliyyat vasitəsidir və onun məsuliyyətsiz şəkildə idarə olunması sürücü üçün yüksək risk yaradır. Eyni zamanda xatırladılır ki, kvadrisikllərin ümumi istifadədə olan yollarda idarə edilməsi yalnız müvafiq sürücülük hüququ olan şəxslər tərəfindən həyata keçirilə bilər.

    Baş Dövlət Yol Polisi İdarəsi bir daha diqqətə çatdırır ki, adətən çətin relyef şəraitində, dağlıq ərazilərdə istifadə olunan bu növ nəqliyyat vasitələrinin istismarı zamanı təhlükəsizlik qaydalarına ciddi əməl edilməsi, sürət həddinin və yol şəraitinin nəzərə alınması, baş verə biləcək ağır yol-nəqliyyat hadisələrinin qarşısının alınması baxımından mühüm əhəmiyyət kəsb edir.

  • Antiinhisar qurumu “Araz Supermarket” barəsində protokol tərtib edib

    2026-cı ilin yanvar–fevral aylarında istehlak bazarına nəzarət tədbirləri çərçivəsində “Araz Supermarket” MMC barəsində inzibati xəta haqqında protokol tərtib edilib.

    Median.Az bunu Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi tərtib edib.

    Məlumata görə, yoxlama zamanı supermarketdə qida məhsulunun üzərində göstərilən qiymətdən daha baha qiymətə satıldığı müəyyən olunub. Bu səbəbdən müəssisə barəsində 22 yanvar 2026-cı il tarixində inzibati xəta haqqında protokol tərtib edilib.

    Fakt “İstehlakçıların hüquqlarının müdafiəsi haqqında” qanunun 13-cü maddəsinin 1-ci bəndinin tələblərinin pozulması kimi qiymətləndirilib.

    Xatırladaq ki, İnzibati Xətalar Məcəlləsinin 447.0.1-ci bəndi mal satan və ya əhaliyə xidmət göstərən şəxslər tərəfindən malın (xidmətin) ölçüsünə, çəkisinə, hesabına, habelə istehlak xüsusiyyətinə və ya keyfiyyətinə dair istehlakçıların az miqdarda aldadılmasına görə tərtib edilir. Bu maddəyə görə, hüquqi şəxslər dörd min manatdan altı min manatadək məbləğdə cərimə edilir.

  • “Naxçıvan Taxıl Məhsulları” MMC-nin rəhbəri həbs olunub

    “Naxçıvan Taxıl Məhsulları” MMC-nin rəhbəri həbs olunub.

    Məlumata görə, MMC-nin icraçı direktoru Şakir Tarverdiyev barəsində həbs qətimkan tədbiri seçilib.

    Bununla bağlı Naxçıvan Şəhər Məhkəməsi qərar verib. Onun barəsində 4 aylıq həbs qətimkan tədbiri seçilib.

    Şakir Tarverdiyevlə bağlı Baş Prokurorluqda cinayət işi başlanıb.

    Ona Cinayət Məcəlləsinin 179.4-cü (Mənimsəmə və ya israf etmə, xüsusilə külli miqdarda ziyan vurmaqla törədildikdə) və 308.2-ci (Vəzifə səlahiyyətlərindən sui-istifadə, ağır nəticələrə səbəb olduqda) maddələri üzrə ittiham elan olunub.
    //APA

  • “TikTok”da söyüş söyən şəxs həbs edildi: “Cadunun təsiri altında oluram” – TƏFƏRRÜAT

    Sabirabad rayonunda sosial şəbəkədə nalayiq ifadələr işlədən şəxs məsuliyyətə cəlb edilib.

    Median.Az “Teleqraf”a istinadla xəbər verir ki, rayon sakini, 1992-ci il təvəllüdlü Cəlil Süleymanov (adı və soyadı şərtidir) sosial şəbəkədə cəmiyyətə açıqca hörmətsizlik ifadə edən hərəkətlərə yol verib.

    Onun barəsində İnzibati Xətalar Məcəlləsinin 510.2-ci maddəsi ilə ittiham elan olunub.

    İş üzrə ifadə verən Süleymanov bu ittiham üzrə özünü təqsirli bilib. O, ifadəsində özünə məxsus “TikTok” sosial şəbəkəsində nalayiq ifadələr işlətməsinin səbəbini belə izah edib:

    “Bu nalayiq ifadələri yönəltdiyim şəxslərin mənə etdikləri cadu əməlləridir. Nalayiq ifadələri işlədən zaman cadunun təsiri altında oluram. Özümə gələndən sonra əməlimdən peşman olaraq həmin paylaşımları silirəm. Hazırda da əməlimdən peşmanam”.

    Sabirabad Rayon Məhkəməsinin qərarı ilə Süleymanov 10 gün müddətinə həbs edilib.

  • CENTCOM: 4 человека погибли при крушении самолета-заправщика США в Ираке (Обновлено)

    Примерно в 14:00 по восточному времени 12 марта в западной части Ирака потерпел крушение американский самолет-заправщик KC-135. Подтверждена гибель четырех из шести членов экипажа, поисково-спасательные работы продолжаются.

    Об этом в X сообщило Центральное командование ВС США (CENTCOM).

    CENTCOM: 4 человека погибли при крушении самолета-заправщика США в Ираке – ФОТО

    “Обстоятельства инцидента расследуются. Однако крушение самолета не было вызвано вражеским или дружественным огнем.

    Личности военнослужащих не разглашаются до истечения 24 часов после уведомления ближайших родственников”, – говорится в заявлении.

  • ABŞ təyyarəsi İraqda qəzaya uğrayıb: Ölənlər var (Yenilənib)

    Martın 12-də təxminən saat 14:00-da İraqın qərbində ABŞ-yə məxsus “KC-135” yanacaq dolduran təyyarəsi qəzaya uğrayıb. Altı heyət üzvündən dördünün öldüyü təsdiqlənib və axtarış-xilasetmə işləri isə davam edir.

    Bu barədə ABŞ Mərkəzi Komandanlığı (CENTCOM) “X”də məlumat verib.

    “Hadisənin baş vermə səbəbləri araşdırılır”, – deyə məlumatda qeyd olunub.

    “Hərbi qulluqçuların kimliyi yaxın qohumların məlumatlandırılmasından sonra 24 saat tamam olanadək açıqlanmır”, – bəyanatda bildirilib.

    * * * * *

    ABŞ qüvvələri İraqın qərbində baş verən qəza nəticəsində “KC-135” yanacaq dolduran təyyarəsini itirib.

    Bu barədə məlumatı ABŞ Mərkəzi Komandanlığı (CENTCOM) “X” sosial şəbəkə hesabında paylaşıb.

    Bildirilib ki, hadisə “Epik qəzəb” əməliyyatı zamanı “dost hava məkanı”nda baş verib və hazırda xilasetmə işləri davam etdirilir.

    Məlumata görə, insidentdə iki təyyarə iştirak edib. Onlardan biri İraqın qərbində qəzaya uğrayıb, digəri isə təhlükəsiz şəkildə eniş edib.

    Komandanlıq vurğulayıb ki, qəza nə düşmən, nə də dost atəşi nəticəsində baş verib.

    “KC-135” təyyarəsinin 6 ekipaj üzvünün hamısının həlak olduğu bildirilir.