Median.Az

Month: April 2026

  • Madaqaskarda prezidentə sui-qəsd işi üzrə yeni detallar məlum olub

    Madaqaskar dövlət orqanları 13 şübhəlini keçid dövrünün Prezidenti Mikael Randrianirinaya qarşı qəsd və dövlət çevrilişi planlaşdırmaqda günahkar bilib.

    Bu barədə rəsmi açıqlamanı prokuror Narindra Rakotoniaina səsləndirib.

    “Həbs edilənlər dövlət başçısına qarşı sui-qəsd təşkil etməkdə və uzun müddətdir hazırlanan silahlı qiyamda iştirakda şübhəli bilinirlər. Bu addımlar bilavasitə prezidentin canına qəsd məqsədi daşıyır”, – deyə prokuror qeyd edib.

    Xəbərə görə, Madaqaskar hüquq-mühafizə orqanları bu günə qədər 11 nəfəri nəzarətə götürüb, daha iki şübhəlinin axtarışları isə davam edir. Saxlanılan şəxslərin yaşayış yerlərində aparılan əməliyyat tədbirləri nəticəsində hüquq-mühafizəçilər böyük məbləğdə nağd pul və çox sayda odlu silah taparaq müsadirə ediblər. Prokuror, həmçinin bildirib ki, ittiham olunanlar arasında hakimiyyəti zorla ələ keçirmək istəyini əvvəlcədən ictimaiyyətə açıqlamış bir general da olmaqla hərbi qulluqçular mövcuddur.

    Madaqaskar rəsmiləri polkovnik Patrik Rakotomamoncinin bu qanunsuz əməliyyatın əsas təşkilatçılarından biri olduğunu bəyan ediblər. Qəzetin yaydığı informasiyaya görə, o, əvvəllər Madaqaskar dövlət başçısının administrasiyasında vəzifə tutub, lakin bu ilin yanvarında tutduğu postdan azad edilib. Həmin şəxs sosial şəbəkələrdə mövcud iqtidarı sərt tənqidi paylaşımlar edib və ordunu idarəçiliyi öz əlinə almağa səsləyib.

    Xatırladaq ki, 2025-ci il oktyabrın 14-də Madaqaskarın Milli Assambleyası keçmiş prezident Andri Radzuelinanın ölkə hüdudlarından kənarda olması səbəbindən onun vəzifədən kənarlaşdırılması barədə səsvermə keçirib. Ali Konstitusiya Məhkəməsi bu addımı təsdiqləyərək, Mikael Randrianirinanın başçılıq etdiyi hərbi rəhbərliyin Madaqaskarda idarəetməni həyata keçirməsini məqsədəuyğun hesab edib. Daha sonra, oktyabrın 17-də Ali Konstitusiya Məhkəməsinin qərarı ilə Randrianirina keçid dövrünün prezidenti kimi rəsmi şəkildə andiçmə mərasimindən keçib.

  • Sabahdan yağış başlayır – XƏBƏRDARLIQ

    Bakıda və Abşeron yarımadasında aprelin 4-ü səhərdən 6-sı gündüzədək arabir yağış yağacağı gözlənilir.

    Bu barədə Milli Hidrometeorologiya Xidmətindən məlumat verilib.

    Yarımadanın bəzi yerlərində yağışın intensivləşəcəyi, 4-də gün ərzində isə qısa müddətə güclü olacağı, şimşək çaxacağı ehtimalı var. Gözlənilən intensiv və arabir güclənən yağışların şəhərətrafı subasmaya meyilli olan ərazilərə təsir göstərəcəyi ehtimal olunur.

    Azərbaycanın rayonlarında aprelin 4-ü səhər qərb rayonlarından başlayaraq 7-si səhərədək hava şəraitinin fasilələrlə yağıntılı olacağı, bəzi yerlərdə yağıntıların intensiv, ayrı-ayrı şərq rayonlarında isə güclü olacağı, şimşək çaxacağı, dolu düşəcəyi, bəzi dağlıq ərazilərdə qar yağacağı gözlənilir.

    Çaylarda sululuğun artacağı, bəzi dağ çaylarından, xüsusən də Quba-Qusar bölgəsinin çaylarından qısamüddətli daşqın və sel keçəcəyi istisna olunmur.

    Aprelin 4-7-də gözlənilən yağıntılı hava şəraitindən sonra 7-si gündüz və 8-də yağıntıda qısa fasilə yaransa da, 9-u gündüzdən yenidən yağıntılı hava şəraiti müşahidə olunacaq.

    Qeyd edək ki, aprel ayının birinci ongünlüyündə ölkə ərazisində hava şəraiti dəyişkən, fasilələrlə yağıntılı keçəcək.

  • Elektron siqaretlərə dair dövlət standartı ləğv edildi

    Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Standartlaşdırma İnstitutu (AZSTAND) tərəfindən AZS 941:2023 “Elektron siqaret məhsulları. Ümumi texniki şərtlər” dövlət standartı ləğv edilib.

    Median.Az bu barədə Antiinhisar və İstehlak Bazarına Nəzarət Dövlət Agentliyinə istinadən xəbər verir.

    Belə ki, Azərbaycan Respublikasının Vergi Məcəlləsində, eləcə də “Tütün və tütün məmulatı haqqında”, “Reklam haqqında” və “Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunlarında dəyişiklik edilməsi barədə 30 dekabr 2025-ci il tarixli 338-VIIQD nömrəli Qanunun tətbiqi ilə bağlı elektron siqaretlərin və onların komponentlərinin idxalı, ixracı, istehsalı, saxlanılması, topdan və pərakəndə satışı və istifadəsi 1 aprel 2026-cı il tarixindən qadağan edilib.

    Bununla əlaqədar olaraq, AZS 941:2023 “Elektron siqaret məhsulları. Ümumi texniki şərtlər” dövlət standartının ləğvi Azərbaycan Respublikası Kənd Təsərrüfatı Nazirliyinin Əkinçilik Elmi-Tədqiqat İnstitutunun bazasında təsis edilən “Toxum-əkin materialları, tütün və tütün məmulatları, qeyri-ənənəvi qida məhsullarının yem bitkiləri” standartlaşdırma üzrə Texniki Komitədə (AZSTAND/TK 27) müzakirə edilib. Nəticədə, AZSTAND tərəfindən sözügedən dövlət standartı Standartlaşdırma üzrə normativ sənədlərin dövlət reyestrindən və Standartlaşdırma üzrə normativ sənədlərin Dövlət Fondundan çıxarılıb.

  • “CİBPay”in vəzifəli şəxsi cərimələndi

    Azərbaycan Mərkəzi Bankı (AMB) “CİBPay” MMC ödəniş təşkilatının vəzifəli şəxsini cərimələyib.

    Median.Az bu barədə AMB-yə istinadən xəbər verir.

    Məlumata görə, maliyyə qurumu tənzimləyici quruma prudensial hesabatları yanlış təqdim edib. Odur ki, “CİBPay”in vəzifəli şəxsi İnzibati Xətalar Məcəlləsinin 439-2.4-cü maddəsinə əsasən 1 000 manat cərimə edilib.

  • На Солнце произошла вспышка предпоследнего класса мощности

    Новая вспышка предпоследнего класса мощности зафиксирована на Солнце 3 апреля.

    Как передает Median.Az, об этом сообщили ТАСС в Институте прикладной геофизики (ФГБУ “ИПГ”).

    “3 апреля в 10:56 мск (11:56 по бакинскому времени – ред.) в рентгеновском диапазоне в группе пятен 4009 (N01E07) зарегистрирована вспышка M1.3 продолжительностью 13 минут”, – говорится в сообщении.

    Солнечные вспышки в зависимости от мощности рентгеновского излучения делятся на пять классов: A, B, C, M и X. Минимальный класс A0.0 соответствует мощности излучения на орбите Земли в 10 нВт на кв. м. При переходе к следующей букве мощность увеличивается в 10 раз. Вспышки могут сопровождаться выбросами солнечной плазмы, облака которой, достигая Земли, могут провоцировать магнитные бури.

  • Günəşdə partlayış baş verib

    Aprelin 3-də Günəşdə sonuncudan əvvəlki güc sinfinə aid yeni partlayış qeydə alınıb.

    Median.Az-ın TASS-a istinadən xəbərinə görə, bu barədə Rusiya Tətbiqi Geofizika İnstitutundan məlumat verilib.

    “Aprelin 3-də Moskva vaxtı ilə saat 10:56-da (Bakı vaxtı ilə saat 11:56) 4009 günəş ləkələri qrupunda (N01E07) rentgen diapazonunda 13 dəqiqə davam edən M1.3 partlayışı qeydə alınıb”, – deyə məlumatda bildirilib.

    Qeyd edək ki, Günəşdə partlayışlar rentgen şüalanmasının gücündən asılı olaraq, beş sinfə bölünür: A, B, C, M və X. Minimum A0.0 sinfi Yerin orbitində bir kv.m-ə 10 nVt şüalanma gücünə uyğundur. Növbəti mərhələyə keçərkən güc 10 dəfə artır. Partlayışlar, adətən, Günəş plazmasının emissiyaları ilə müşayiət olunur ki, onların buludları Yerə çataraq maqnit qasırğaları yarada bilər.

  • “Ən böyük arzum odur ki, Azərbaycan millisi dünya çempionatının finalına çıxsın” – AFFA prezidenti

    Çempionat oyunları zamanı hakim qərarlarında səhvlər olur.

    Bu sözləri AFFA-nın prezidenti Rövşən Nəcəf mətbuat konfransında deyib.

    O, hakimlərin inkişafı üçün proqramlar hazırlandığını bildirib: “Səhvləri minimum səviyyəyə endirmək üçün əlimizdən gələni edirik”.

    R.Nəcəfin sözlərinə görə, futbolla bağlı ən böyük arzusu Azərbaycan millisinin dünya çempionatının final mərhələsinə vəsiqə qazanmasıdır. Bir azarkeş kimi də bunu çox istəyirəm”.

    AFFA prezidenti infrastrukturun inkişafı üçün sponsorların cəlb edilməli olduğunu söyləyib: “Məsələn, bunlardan biri stadionlara sponsor şirkətlərin adlarını verməkdir. Tez bir zamanda infrastrukturu bərpa etmək olmur. Bunun üçün əlimizdən gələni edirik. Bizim əsas məqsədlərimizdən biri də regionlarda futbolu inkişaf etdirmək, uşaq futbolunun səviyyəsini yüksəltmək və stadionları yaxşı vəziyyətə gətirməkdir”.

    O, yerli mütəxəssislər üçün zəruri şəraitin yaradıldığını vurğulayıb: “İstərdik ki, karyerasını bitirən bütün futbolçulara iş verək. Amma bu real deyil”.

    “Legioner limitinin ləğvindən sonra rəqabət və oyun keyfiyyəti artıb. Artıq yerli futbolçular əcnəbilərlə başabaş mübarizə aparırlar”, – deyə qurum rəsmisi fikirlərini tamamlayıb.

  • Azərbaycana turist axını azalıb

    Bu ilin yanvar-fevral aylarında Azərbaycan Respublikasına dünyanın 163 ölkəsindən 337,3 min və ya əvvəlki ilin müvafiq dövrü ilə müqayisədə 0,4% az əcnəbi və vətəndaşlığı olmayan şəxs gəlib.

    Bu barədə Dövlət Statistika Komitəsindən bildirilib.

    Gələnlərin 23,2 faizi Rusiya Federasiyası, 21,1 faizi Türkiyə, 9,0 faizi İran, 5,0 faizi Gürcüstan, 4,6 faizi Hindistan, 3,7 faizi Pakistan, 3,6 faizi Qazaxıstan, 3,2 faizi Səudiyyə Ərəbistanı, 2,9 faizi Özbəkistan, 2,6 faizi İsrail, 2,0 faizi Çin, hər birindən 1,4 faiz olmaqla Küveyt, Birləşmiş Ərəb Əmirlikləri və Ukrayna, hər birindən 1,3 faiz olmaqla Böyük Britaniya və Türkmənistan, 12,3 faizi digər ölkələrin vətəndaşları olmuşdur. Gələnlərin 72,0 faizini kişilər, 28,0 faizini qadınlar təşkil edib.

    2025-ci ilin yanvar-fevral ayları ilə müqayisədə Avropa İttifaqına üzv ölkələrdən gələnlərin sayı 26,4 faiz artaraq 13,9 min nəfər, MDB ölkələrindən gələnlərin sayı 3,4 faiz artaraq 111,1 min nəfər, körfəz ölkələrindən gələnlərin sayı 10,9 faiz azalaraq 55,3 min nəfər, digər ölkələrdən gələnlərin sayı 0,7 faiz azalaraq 157,0 min nəfər təşkil edib.

    Ölkəmizə gəlmiş əcnəbilər və vətəndaşlığı olmayan şəxslərin 70,2 faizi hava, 28,4 faizi dəmir yolu və avtomobil, 1,4 faizi isə dəniz nəqliyyatından istifadə edib.

  • Скандал в Нахчыване: как визит к замужней женщине стоил депутату кресла

    Бывший депутат Верховного Меджлиса Нахчыванской Автономной Республики от 4-го Йенгиджского избирательного округа Али Аббасов категорически не согласен с решением о лишении его депутатского мандата. Политик, чье имя оказалось в центре громкого скандала, решил бороться за свое кресло до конца.

    Как передает Median.Az со ссылкой на Qafqazinfo, опальный экс-парламентарий официально обжаловал решение Центральной избирательной комиссии Нахчывана в Верховном суде.

    В своем исковом заявлении бывший народный избранник настаивает на том, что процедура отзыва его мандата была абсолютно необоснованной. Он требует отменить вердикт ЦИК, ссылаясь на отсутствие правовых оснований для столь жесткого дисциплинарного наказания.

    Причиной отзыва депутатских полномочий Али Аббасова стали сообщения о резонансном инциденте. Согласно материалам дела, находясь в состоянии алкогольного опьянения, он проник в дом к знакомой женщине и сделал ей предложение непристойного характера. В жалобе отмечается, что в этот момент внезапно вернулся супруг женщины, после чего парламентарий попытался скрыться, выпрыгнув из окна. Однако далеко уйти ему не удалось – муж настиг беглеца и публично разоблачил его. Страсти на этом не утихли: спустя несколько часов оскорбленный супруг, вооружившись ножом, совершил ответный налет на дом Али Аббасова. В ходе завязавшейся потасовки удар ножом, предназначавшийся депутату, принял на себя его родственник, бросившийся наперерез нападавшему.

    В ходе расследования, проведенного органами прокуратуры, факт незаконного проникновения депутата в чужое жилище против воли хозяйки доказать не удалось, поэтому в возбуждении уголовного дела было отказано. Впоследствии между парламентарием и семьей женщины было достигнуто примирение, а жалоба была официально отозвана.

    Воодушевившись таким поворотом событий и отсутствием юридических претензий со стороны потерпевших, Али Аббасов направил прошение о немедленном восстановлении его в статусе депутата.

    Однако высшая судебная инстанция оказалась непреклонной. Верховный суд, тщательно изучив все обстоятельства этого дела, признал требования истца лишенными всяких оснований.

    В итоговом постановлении суда было подчеркнуто, что лишение мандата было продиктовано не наличием или отсутствием частной жалобы, а совершением поступков, порочащих высокое звание депутата. Поскольку Али Аббасов грубо нарушил правила этического поведения, его кассационная жалоба была отклонена.

  • Azərbaycanda deputat tanıdığı qadının ərindən pəncərədən tullanmaqla qaçıbmış – TƏFƏRRÜAT

    Ali Məclisin 4 saylı Yengicə Seçki Dairəsindən olan deputat Əli Abbasov mandatının əlindən alınmasından narazıdır.

    Median.Az “Qafqazinfo”ya istinadla xəbər verir ki, Əli Abbasov Naxçıvan Mərkəzi Seçki Komissiyasının (MSK) qərarından Ali Məhkəməyə şikayət edib.

    Keçmiş deputat iddia ərizəsində yazır ki, mandatı əsassız olaraq ləğv edilib, bu səbəbdən MSK-nın qərarının ləğv edilməsini xahiş edir.

    Əli Abbasovun mandatının ləğv edilməsinə gətirib çıxaran hadisə onun içkili vəziyyətdə əvvəldən tanıdığı qadının evinə daxil olması, sonuncuya əxlaqsız təklif etməsi ilə bağlı yayılmış xəbərlər olub. Şikayət ərizəsində yazılıb ki, Ə.Abbasov evə daxil olduqdan sonra qadının əri qəfil içəri girib, bu vaxt deputat pəncərədən tullanaraq qaçıb. Lakin çox uzaqlaşmadan qadının əri tərəfindən tutularaq özünü ifşa edib. Bundan bir neçə saat sonra həmin şəxs əlində bıçaqla Əli Abbasovun evinə hücum çəkib. O, deputatı bıçaqlamaq istəyərkən sonuncunun qohumu araya girərək xəsarət alıb.

    Prokurorluqda aparılan araşdırma nəticəsində deputatın qadının evinə iradəsinə zidd olaraq, zorla girməsi sübut edilmədiyindən cinayət işinin başlanmasından imtina edilib. Sonradan isə həmin qadınla deputat arasında barışıq əldə edilib, şikayət geri çəkilib.

    Ə.Abbasov hazırda ondan heç bir şikayət olmadığını da əsas gətirərək, deputat mandatının bərpa edilməsini xahiş edib.

    Lakin Ali Məhkəmə şikayəti əsassız sayıb.

    Məhkəmə qərarında yazılıb ki, iddiaçının mandatının ləğv edilməsi ilə bağlı qərar şikayətin geri çəkilməsi ilə deyil, deputat adına xələl gətirən hərəkətlər etməsi ilə bağlı olub. Ə.Abbasov etik davranış qaydalarını kobud surətdə pozduğu üçün kassasiya şikayəti rədd edilib.