Nizami Kino Mərkəzinin divarlarına qraffiti çəkən şəxslərin görüntüləri yayılıb.
Median.Az görüntüləri təqdim edir:
Month: April 2026
-
Putinlə Ərdoğanın telefon danışığı oldu
Rusiya Prezidenti Vladimir Putin Türkiyə Prezidenti Rəcəb Tayyib Ərdoğanla telefon danışığı aparıb.
Tərəflər Yaxın Şərqdə münaqişənin davam edən eskalasiyasını müzakirə ediblər və intensiv hərbi əməliyyatların enerji, ticarət və logistika sektorları da daxil olmaqla ciddi mənfi nəticələrə gətirib çıxardığını qeyd ediblər.Həmçinin, Ukraynadakı vəziyyət də müzakirə olunub. Rusiya Prezidenti Türkiyə liderinə danışıqlar prosesini asanlaşdırmaq istəyinə görə təşəkkürünü bildirib.
Kreml qeyd edib ki, “Kiyev rejiminin Rusiya ilə Türkiyəni birləşdirən qaz nəqli infrastrukturuna və Qara dənizdə ticarət gəmilərinə zərbə vurmaq cəhdləri nəzərə alınmaqla, Qara dəniz bölgəsində təhlükəsizliyin hərtərəfli təmin edilməsi üçün əlaqələndirilmiş tədbirlərin vacibliyi vurğulanıb”.
-
Rusiya Xarkovu vurdu, ölənlər var
Rusiya ordusu Ukraynanın Xarkov şəhərinin mərkəzinə pilotsuz uçuş aparatları ilə zərbələr endirib.
Bu barədə Xarkov vilayət administrasiyasının rəhbəri Oleq Sinequbov məlumat yayıb.
Hadisə nəticəsində 2 nəfər ölüb, 7 nəfər yaralanıb.
Dron düşməsi nəticəsində bir neçə avtomobil yanıb, iki tibb müəssisəsinə ziyan dəyib.
Vilayət rəhbəri qeyd edib ki, Xarkova hücumlar artıq üç gündür davam edir.
-
Abu Dabidə partlayış və yanğın: Xəsarət alanlar var
Birləşmiş Ərəb Əmirliklərinin paytaxtı Abu Dabi şəhərinə edilən hava zərbəsi nəticəsində ən azı 12 nəfər xəsarət alıb.
Bu barədə şəhər administrasiyasının mətbuat xidməti “X” sosial şəbəkəsində məlumat yayıb.
Əcban ərazisində hava hücumundan müdafiə sistemlərinin fəaliyyətə başlaması nəticəsində yerə düşən qalıqlar insanlara zərər yetirib. Zərərçəkənlər arasında altı Nepal və beş Hindistan vətəndaşı yüngül və orta ağır bədən xəsarətləri alıb. Daha bir Nepal vətəndaşının vəziyyəti isə ağır qiymətləndirilir.
Rəsmi mənbələr məhv edilən obyektin pilotsuz uçuş aparatı (PUA), yoxsa raket olduğu barədə dəqiq məlumat təqdim etməyiblər.
Hadisədən sonra qlobal miqyasda ən iri inteqrasiya olunmuş qaz emalı mərkəzlərindən biri hesab edilən “Habshan Gas Processing Complex” fəaliyyətini müvəqqəti olaraq dayandırıb. Qeyd olunur ki, kompleksin ərazisinə raket qalıqlarının düşməsi nəticəsində müəssisədə yanğın baş verib.
Xatırladaq ki, İran ABŞ və İsrailin həyata keçirdiyi hərbi tədbirlərin ardınca bölgədə yerləşən ABŞ hərbi bazalarını hədəf aldığını bəyan edib və bu addımını özünümüdafiə hüququ ilə əsaslandırıb.
-
Kino Mərkəzinin divarlarına qraffiti çəkən məktəbli qızlar bu şəxslərin övladıdır
Nizami Kino Mərkəzinin divarlarına qraffiti çəkən şəxslərin kimliyi məlum olub.
Median.Az Trend-ə istinadən xəbər verir ki, bunlar 2009-cu ildə Bakı şəhərində anadan olmuş, “Landau School”un 11-ci sinif şagirdi Bərxudayeva Münəvvər Taleh qızı, 2010-cu ildə Bakı şəhərində anadan olmuş, “Landau School”un 10-cu sinif şagirdi Muradi Layla Samir qızı, 2010-cu ildə Bakı şəhərində anadan olmuş, 10 nömrəli məktəbin 9-cu sinif şagirdi Qaraşlı Şəfiqə Farid qızı və 2006-cı ildə İranda anadan olmuş, 01.09.2024-cü ildən Azərbaycanda yaşayan Belarus vətəndaşı, ADA Universitetinin II kurs tələbəsi Ardeshir Seyfpour Saad Abadidir.
Ardeshir Seyfpour Saad Abadi qraffiti dizaynerdir və “İnstagram”da “temacreworiginal” adlı hesabda öz qraffiti nümunələrini paylaşıb.
Ardeshir Seyfpour Saad Abadinin atası Omid Seyfpour Saad Abadi 2024-cü ildən Azərbaycanda yaşayır, “Denizkala” şirkətində menecer işləyir.
Layla Muradinin atası Muradi Samir “Best Events” MMC şirkətinin baş direktorudur.
Şəfiqə Qaraşlının atası Qaraşov Farid taksi fəaliyyəti ilə məşğul olur.
Münəvvər Bərxudayevanın atası Bərxudayev Taleh isə “Hallibörton Yeureyja Limited” şirkətinin filialında xidmət operatorudur.
Qeyd edək ki, aprelin 1-dən 2-nə keçən gecə Bakı şəhəri, Bülbül prospekti 20 ünvanında yerləşən ölkə əhəmiyyətli memarlıq abidəsi (123 inventar nömrəli) olan Nizami Kino Mərkəzinin binası müdaxiləyə məruz qalıb.
Adları qeyd olunan şəxslər binanın fasadına boya vasitəsilə cızma-qara edib, müxtəlif söz və ifadələr yazıblar.
Binaya edilmiş müdaxilə qısa müddət ərzində aradan qaldırılıb, ilkin görünüş bərpa olunub.
Nizami Kino Mərkəzinin divarına qraffiti çəkilməsi faktı üzrə cinayət işi açılıb.
Vurğulayaq ki, hadisə ictimai rəydə müzakirələrə və qınağa səbəb olub. Bakının mərkəzində tarixi-mədəni abidənin divarının zədələnməsi vandallıq aktı kimi qiymətləndirilir.
-
Хакеры украли в Галерее Уффици данные и требуют выкуп
Один из самых популярных художественных музеев Италии – Галерея Уффици – подвергся хакерской атаке, в результате которой похищены данные как о коллекции, так и о мерах безопасности.
Как передает Median.Az со ссылкой на Corriere della Sera, руководство музея подвергается шантажу со стороны злоумышленников, которые требуют выкуп, угрожая продать полученные незаконным путем данные в даркнете.
Взлому информационные системы подверглись почти два месяца назад, о чем сообщалось. Тогда говорилось о том, что оказались затронуты “административные системы”. По данным газеты, был украден весь цифровой архив, а также коды и пароли к системе охраны, внутренние карты, в том числе расположения камер видеонаблюдения. Есть предположения, что хакерская атака была осуществлена еще раньше, а первое проникновение в систему произошло еще в августе 2025 года.
Corriere della Sera пишет, что одна из частей коллекции, расположенной во дворце Питти (входит в комплекс Уффици), закрыта на “штатные работы” с февраля. Самые ценные экспонаты перевезены в хранилище Банка Италии, а аварийные двери пломбируют на ночь.
-
İtaliyanın məşhur muzeyi haker hücumuna məruz qaldı
İtaliyanın ən məşhur incəsənət muzeylərindən biri olan Uffizi Qalereyası haker hücumunun hədəfinə çevrilib. Nəticədə həm kolleksiya, həm də təhlükəsizlik tədbirləri ilə bağlı məlumatlar oğurlanıb.
Bu barədə “Corriere della Sera” məlumat yayıb. Bildirilib ki, muzey rəhbərliyi qanunsuz əldə edilən məlumatları internetdə satmaqla hədələyərək pul tələb edən kiberhücumçular tərəfindən şantaj olunur.İnformasiya sistemlərinə qanunsuz müdaxilə barədə təqribən iki ay əvvəl məlumat verilib. Həmin vaxt yalnız inzibati sistemlərin zərər gördüyü bildirilirdi. Qəzetin yazdığına görə, bütün rəqəmsal arxivlə yanaşı, mühafizə sisteminin şifrələri, daxili xəritələr, eləcə də müşahidə kameralarının yerləri oğurlanıb. Kiberhücumun daha öncə də həyata keçirildiyi və sistemə ilk sızmanın 2025-ci ilin avqustunda baş verdiyi ehtimal olunur.
“Corriere della Sera” qeyd edir ki, Pitti sarayında (Uffitsi kompleksinə daxildir) yerləşən kolleksiyanın bir hissəsi fevral ayından etibarən planlama səbəbindən bağlanıb.
Muzeyin ən dəyərli eksponatları İtaliya bankının anbarına köçürülüb, ehtiyat qapılar isə gecələr möhürlənir.
-
DTX rəisi: “Beynəlxalq hüququn ciddi deformasiyaya uğraması dövlətləri öz təhlükəsizlik sistemlərini daha da gücləndirməyə sövq edib”
“Bu gün Dövlət Təhlükəsizliyi Xidməti (DTX) Azərbaycana qarşı yönəlmiş təhdid və təhlükələrin vaxtında aşkarlanması və qabaqlanması, dövlət müstəqilliyinin və ərazi bütövlüyünün, konstitusiya quruluşunun möhkəmləndirilməsi, xarici xüsusi xidmət orqanlarının kəşfiyyat-pozuculuq əməllərinin qarşısının alınması, terrorçuluğa qarşı mübarizə və dövlət sirrinin mühafizəsi istiqamətində səmərəli fəaliyyət göstərir. Biz Vətən sevgisini, dövlətçilik prinsiplərini ulu öndərin əbədiyaşar irsindən öyrənirik”.
Bu sözləri DTX-nin rəisi general-polkovnik Əli Nağıyev 28 Mart – Azərbaycan təhlükəsizlik orqanları əməkdaşlarının peşə bayramı günü və bu orqanların yaradılmasının 107-ci ildönümü münasibətilə keçirilmiş tədbirdə deyib.
O bildirib ki, bu gün Dövlət Təhlükəsizliyi Xidmətinin şəxsi heyəti Heydər Əliyev kimi dahi şəxsiyyətin yaratdığı və milli ənənələrə söykənən möhtəşəm peşəkarlıq məktəbinin yetirməsi olmaqdan qürur duyur.
“Artıq qlobal miqyasda beynəlxalq hüququn ciddi deformasiyaya uğraması dövlətləri öz təhlükəsizlik sistemlərini daha da gücləndirməyə sövq edib. Yeni iqtisadi reallıqlar beynəlxalq təhlükəsizlik və mövcud dünya sisteminə, o cümlədən regionda əməliyyat şəraitinə ciddi təsir göstərib. Ötən 2025-ci il və bu ilin ilk üç ayı ərzində baş verən qlobal və regional gərginliklərə baxmayaraq, ölkəmizdə siyasi sabitlik qorunub-saxlanılır, Azərbaycan xalqı təhlükəsiz şəraitdə yaşayır. Ölkə Prezidentinin milli maraqların və dövlətçilik mənafelərinin etibarlı qorunmasında qətiyyətli və prinsipial mövqeyi xalqımızın gələcəyə olan inamını daha da artırır”, – Ə.Nağıyev vurğulayıb.
-
İran bu ölkələrə zərbələr endirir
İran İordaniya və Küveytdə ABŞ hərbçilərinin dislokasiya məntəqələrinə, həmçinin Bəhreyndə iri alüminium zavodunu vurub.
Bu barədə İran ordusu məlumat yayıb.Məlumata görə, hücum PUA-larla həyata keçirilir.
-
Sumqayıtda dəm qazından zəhərlənən ALTI UŞAQ YENİDƏN xəstəxanaya yerləşdirildi
Ötən gün Sumqayıtda dəm qazından zəhərlənən ailənin bütün üzvləri yenidən xəstəxanaya yerləşdiriliblər.
Bu barədə Oxu.Az-a Sumqayıt Tibb Mərkəzindən məlumat verilib.Qeyd olunub ki, aprelin 3-də saat 15:00-da Sumqayıt Tibb Mərkəzinin nəzdində olan Uşaq Xəstəxanasına altı nəfər (dörd kişi, iki qadın cinsli) hospitalizasiya olunub:
“Dəqiqləşdirilməmiş virus infeksiyası diaqnozu təyin edilən şəxslərdən beş nəfər Yoluxucu xəstəliklər şöbəsinə, bir nəfər isə Reanimasiya şöbəsinə yerləşdirilib.
Hazırda onların müalicələri davam etdirilir, beş nəfərin vəziyyəti stabil, bir nəfərin vəziyyəti isə orta ağır qiymətləndirilir”.
Qeyd edək ki, ötən gün Sumqayıt şəhərinin Hacı Zeynalabdin qəsəbəsində bir ailənin altı uşağı dəm qazından zəhərlənmişdi. Uşaqlar (dörd kişi, iki qadın cinsli) Sumqayıt Tibb Mərkəzinin Uşaq Xəstəxanasına hosptalizasiya olunmuşdular. Onlar vəziyyətləri stabilləşdiyi üçün axşam saatlarında evə buraxılmışdılar.
