Month: April 2026

Rusiyalı aparıcı, “Birinci kanal” (“Pervıy kanal”) da yayımlanan populyar “İnsan və qanun” verilişinin müəllifi Aleksey Pimanov vəfat edib. Onun 64 yaşı var idi.

“Birinci kanal” aparıcının ölümü barədə MAKS mesencerində xəbər verib.

“İstedadlı jurnalist, rejissor, prodüser. O, 25 il ərzində “İnsan və qanun” proqramını aparıb. Üstəlik, filmlərə ssenarilər yazmağa, onları çəkməyə və “Krasnaya zvezda” mediaholdinqinə rəhbərlik etməyə də vaxt tapırdı”, – deyə məlumatda qeyd olunur.

Bildirilir ki, A.Pimanov ürək çatışmazlığından vəfat edib.

European Council məlumatına görə, Avropa liderləri tərəfindən təsdiqlənən bu paket enerji gəlirləri, hərbi-sənaye kompleksi, ticarət və maliyyə xidmətlərini, o cümlədən kriptovalyutaları hədəf alır.

Bildirilir ki, yeni paket 120 əlavə məhdudiyyəti əhatə edir və son iki ilin ən böyük sanksiya paketi hesab olunur. Sanksiyalar Rusiyanın Ukraynaya qarşı apardığı müharibəni dəstəkləyən əsas sektorları zəiflətməyə yönəlib.

Aİ qeyd edir ki, məqsəd Rusiyaya təzyiqi artırmaq, onu hərbi əməliyyatları dayandırmağa və ədalətli, davamlı sülh üçün danışıqlara başlamağa məcbur etməkdir.

Aİ-nin xarici siyasət rəhbəri Kaja Kallas bildirib ki, Rusiyanın hərbi iqtisadiyyatı artan təzyiq altındadır, Ukrayna isə ciddi dəstək alır. Onun sözlərinə görə, bu təzyiq davam etdirilməlidir.

Yeni paketə əsasən, gələcəkdə Rusiyanın xam neft və neft məhsullarının dəniz yolu ilə daşınmasına qadağa qoyulması üçün hüquqi baza yaradılıb. Bundan əlavə, Rusiyanın “kölgə donanması”na aid daha 46 gəmi sanksiyalara daxil edilib və onların ümumi sayı 632-yə çatıb.

Sanksiyalar həmçinin Murmansk və Tuapse limanları ilə, eləcə də İndoneziyada yerləşən Karimun limanının neft terminalı ilə əməliyyatları qadağan edir. Bu obyektlər neft qiymətinə qoyulan məhdudiyyətlərin yan keçilməsi üçün istifadə olunur.

Digər tədbirlər çərçivəsində 20 rus bankı ilə əməliyyatlar qadağan edilib. Eyni zamanda, Rusiyada yaradılmış və kriptoaktivlərin ötürülməsi və mübadiləsini təmin edən platformalara da məhdudiyyət qoyulub.

Siyahıya həmçinin 60 yeni təşkilat daxil edilib. Onlara qarşı Rusiyanın müdafiə sektorunun texnoloji inkişafına kömək edən malların ixracına sərt məhdudiyyətlər tətbiq olunacaq. Bu təşkilatların bəziləri Çin, Türkiyə və BƏƏ kimi üçüncü ölkələrdə fəaliyyət göstərir.

Aİ bildirir ki, yeni paket Rusiyanın hərbi-sənaye kompleksini daha da zəiflədir və pilotsuz uçuş aparatları kimi hərbi məhsulların hazırlanması və istehsalı ilə məşğul olan 58 şirkət və onlarla əlaqəli şəxsləri əhatə edir.

Avropa İttifaqı Ukraynaya 90 milyard avro məbləğində kredit ayrılmasını yekun şəkildə təsdiqləyib.

Avropa Şurasının prezidenti António Costa X platformasında yazıb ki, Aİ-nin Ukraynada ədalətli və davamlı sülhə nail olmaq strategiyası iki əsas istiqamətə əsaslanır: Ukraynanın gücləndirilməsi və Rusiyaya təzyiqin artırılması. Onun sözlərinə görə, bu gün hər iki istiqamət üzrə irəliləyiş əldə olunub.

O əlavə edib ki, bu qərar Ukraynaya 2026–2027-ci illərdə maliyyə və hərbi dəstək verəcək kreditin ayrılmasını nəzərdə tutur. Bununla yanaşı, Aİ Rusiyaya qarşı onun müharibə aparmaq imkanlarını azaltmağa yönəlmiş 20-ci sanksiya paketini də qəbul edib.

Aİ ölkələrinin səfirləri kredit və sanksiya paketini çərşənbə günü, Macarıstan vetonu geri götürdükdən sonra təsdiqləyiblər.

Ukrayna prezidenti Volodymyr Zelenskyy bu gün Aİ liderlərinin görüşündə iştirak etmək və ayrıca danışıqlar aparmaq üçün Kiprə səfər edəcək. Onun Ursula von der Leyen və António Costa ilə görüşü planlaşdırılır.

Zelenski X platformasında bildirib ki, bu gün ölkənin müdafiəsi və Aİ ilə münasibətlər baxımından mühüm gündür. Onun sözlərinə görə, Ukraynaya dəstək üçün 90 milyard avroluq kredit iki il müddətinə artıq açılıb və bu, uzunmüddətli müharibə fonunda ölkənin maliyyə sabitliyi üçün böyük əhəmiyyət daşıyır.

İranın Ali Rəhbəri Müctəba Xamenei fevralın 28-də İsrailin Tehrandakı iqamətgaha endirdiyi zərbə nəticəsində yaralanaraq, üz nahiyəsində nitqi çətinləşdirən ağır yanıq xəsarətləri alıb. Ona plastik əməliyyat lazım olacaq.

Bu barədə “The New York Times” yüksəkvəzifəli iranlı məmurlara istinadən məlumat yayıb.

Qəzetin məlumatına görə, fevralın sonundan etibarən Müctəba Xamenei bir ayağından üç əməliyyat keçirib. Ola bilsin ki, ali rəhbərə protez lazım olsun. Bu yaxınlarda o, qolundan da əməliyyat olunub. Ağır yaralanmalara baxmayaraq, ali rəhbər zehni aydınlığını və aktivliyini qoruyur.

“The New York Times” həmsöhbətlərinin sözlərinə görə, Müctəba Xamenei audio və video müraciətlər yazmır, çünki zəif və ya müdafiəsiz görünmək istəmir. Martın 8-də vəzifəyə gəldiyi andan bəri ali rəhbər mediada yayılan bir neçə yazılı bəyanat verib.