Median.Az

Month: May 2026

  • İran bu ölkəyə hücum etdi

    İran bu ölkəyə hücum etdi

    Birləşmiş Ərəb Əmirlikləri (BƏƏ) İrandan atılan 4 raket səbəbindən hava hücumundan müdafiə sistemlərinin işə salındığını açıqlayıb.
     
    Median.Az bildirir ki, BƏƏ Milli Fövqəladə Hallar, Böhran və Fəlakətlərin İdarə Edilməsi İdarəsi bəyanat yayımlayıb:
     
    “Hava hücumundan müdafiə sistemləri hazırda raket təhlükəsinə qarşı aktivləşdirilib”-deyə verilən bəyanatda vətəndaşlardan təhlükəsiz yerdə qalmaları və rəsmi orqanların xəbərdarlıqlarına əməl etmələri istənilib.

    Bu arada, BƏƏ Müdafiə Nazirliyi İrandan ölkəyə yaxınlaşan 4 kruiz raketi aşkarlandığını, onlardan 3-ünün ölkənin ərazi suları üzərində uğurla ələ keçirildiyini, birinin isə dənizə düşdüyünü bildirib.

    Bəyanatda ölkənin müxtəlif yerlərində eşidilən səslərin hava təhlükələrinin uğurlu qarşısının alınmasının nəticəsi olduğu bildirilir və vətəndaşlar rəsmi mənbələrdən məlumat almağa, faktları yoxlamağa və xəbərdarlıq mesajları alarkən təhlükəsizlik prosedurlarına riayət etməyə çağırılır. Qeyd edək ki, BƏƏ Daxili İşlər Nazirliyi də bu yaxınlarda ölkəyə qarşı mümkün raket təhdidləri ilə bağlı mobil telefonlara xəbərdarlıq mesajları göndərmişdi.

    İranın pilotsuz təyyarə hücumundan sonra neft sənaye zonasında yanğın baş verib.
     
    Birləşmiş Ərəb Əmirlikləri (BƏƏ) İrandan gələn pilotsuz uçuş aparatının (PUA) hücumundan sonra Fuceyra neft sənaye zonasında yanğın baş verdiyini bildirib. Fuceyra Media Ofisinin açıqlamasında Fuceyra Neft Sənaye Zonasının İranın pilotsuz təyyarə hücumuna məruz qaldığı bildirilib. Bəyanatda əlavə edilib ki, hücum nəticəsində Fuceyra Neft Sənaye Zonasında yanğın baş verib və mülki müdafiə qrupları yayılan yanğını nəzarət altına almaq üçün müdaxilə edib.

  • Bu şəxslər təhlükəsizlik kəmərindən istifadə etməyə BİLƏR

    Bu şəxslər təhlükəsizlik kəmərindən istifadə etməyə BİLƏR

    Təhlükəsizlik kəmərindən istifadə etməyən sürücülər 40 manat cərimə olunur. Amma bunu bütün sürücülərə aid etmək olmaz.

    Median.Az-ın məlumatına görə, hüquqşunas Asif Abdullayev metbuat.az-a açıqlamasında bildirir ki, hamilə qadınlara təhlükəsizlik kəmərindən istifadə etməməyə icazə verilir: “Yol hərəkəti haqqında” Qanunun 37-ci maddəsinin 6-cı hissəsində göztərilir ki, hamilə qadınlar təhlükəsizlik kəmərindən istifadə etməyə bilər. Amma hər bir halda təhlükəsizlik kəmərindən istifadə etməmək təhlükəlidir. Digər tərəfdən, hadisə baş versə hamilə qadının təhlükəsizlik kəmərindən istifadə etməsi ana bətnində olan uşağa xəsarət yetirə bilər. Bu səbəblə, hamilə qadınların avtomobildə daha ehtiyatlı olmaları lazımdır”.

    Median.Az əlavə olaraq bildirir ki, 12 yaşa çatmamış uşaqlar və avtomibili geriyə idarə edərkən sürücülər də təhlükəsizlik kəmərindən istifadə etməyə bilərlər. Eyni zamanda, yaşayış məntəqəsində operativ nəqliyyat vasitələrini (polis, təcili yardım, yanğınsöndürən və s.-red.) idarə edənlər kəmər taxmaya bilərlər.

    Son vaxtlar bəzi sürücülər kəmər taxmamaq üçün müxtəlif üsullara əl atırlar. Onların bəziləri həkimdən saxta arayış alaraq “ürəyim xəstədir” deməklə kəmər taxmamaqda özlərini haqlı saymağa çalışırlar. Lakin bildiririk ki, qanunverilcikdə bu cür istisna hal yoxdur. Əksinə, siz “ürək xəstəliyinə dair” sənədi yol polisi inspektoruna təqdim edərək özünüzü haqlı çıxarmağa çalışarkən haqsız duruma düşə bilərsiniz. Çünki qanunvericiliyi yaxşı bilən inspektor ürəyi xəstə olan sürücünün sükan arxasına öyləşib maşın sürməsinin təhlükəlı olması barədə yuxarı instansiyalar qarşısında məsələ qaldıraraq sizi sürücülük hüququndan məhrum edə bilər. Ən yaxşı halda isə sizi dərhal avtomobildən düşürüb maşını cərimə meydançasına aparacaq. Nə vaxt siz sağlam bir sürücü tapıb gətirsəniz, o zaman avtomobil sizə qaytarılar…/avtosfer.az

  • Paşinyan İlham Əliyevə təşəkkür etdi

    Paşinyan İlham Əliyevə təşəkkür etdi

    Ermənistan Baş naziri Nikol Paşinyan İrəvanda keçirilən “Avropa Siyasi Birliyi”nin (ASB) sammitində (distant formatda) iştirakına görə Azərbaycan Prezidenti İlham Əliyevə minnətdarlığını bildirib.
     
    Median.Az-ın Report-a istinadən məlumatına görə, o, bunu sammitin yekununda mətbuata açıqlamasında deyib.

  • Torpağı olub, istifadə etməyənlərin NƏZƏRİNƏ

    Torpağı olub, istifadə etməyənlərin NƏZƏRİNƏ

    “Kənd Təsərrüfatı Nazirliyi əkilməyən torpaqlarla bağlı layihə təqdim edəcək”.
     
    Median.Az bildirir ki, bu fikirləri Kənd Təsərrüfatı Nazirliyinin Hüquq və İcra intizamı şöbəsinin müdiri Yasər Abdullayev Milli Məclisin Təbii ehtiyatlar, energetika və ekologiya komitəsinin bugünkü iclasında “Yaşıllıqların mühafizəsi haqqında” Qanuna təklif edilən dəyişikliklərin müzakirəsi zamanı deyib.
     
    O bildirib ki, hazırda sözügedən istiqamətdə qanun layihəsi üzərində işlənilir:
     
    “Bundan başqa, bizim bir qanun layihəmiz var idi, təəssüf ki, parlamentə qədər çatdıra bilmədik. Qanun layihəsi çərçivəsində bu məsələni altproqram kimi nəzərdə tutmuşduq. Türkiyədə istifadə olunan mexanizm var ki, əgər torpaq mülkiyyətçisi iki il müddətində onu istifadə etmirsə, dövlət həmin torpağı, məsələn Yasərin adından Arifə icarəyə verir, icarə haqqını isə Yasərin bank hesabına köçürür. Bununla da torpaqların istifadəsini məcburi edir. Həmçinin istifadəsiz torpağa görə də vergiləri dəfələrlə artırır.
     
    Bu gün bizdə bələdiyyə vergisidir. Lakin tətbiq mexanizmi, görünən odur ki, istənilən səviyyədə deyil. Bu səbəbdən istifadəsiz torpaqlarımız çoxdur. Düzdür, başqa səbəbləri də var. Azərbaycanda 75-76 faiz torpaq sahələri 3 hektardan aşağıdır. Bu torpaqlarda isə təsərrüfat iqtisadi cəhətdən səmərəli deyil. Bu, sizin üçün əlavə gəlir sahəsi ola bilər. Yəni müəllimsən, ikinci iş yeri kimi bu torpaqları əkib, pul qazana bilərsən. Taxılçılıqda iqtisadi cəhətdən səmərəlilik 24 hektardır. Bağçılıq, bostançılıq 3-5 hektardır. Kənd yerlərində torpaqlar var ki, urbanizasiya prosesinə görə də torpaqlar istifadə olunmur. Gələcək üçün bununla bağlı fikirlərimiz var”./oxu.az

  • 8 mayla bağlı qərar verildi

    8 mayla bağlı qərar verildi

    Azərbaycanda qısaldılmış iş günü olacaq.
     
    Median.Az xəbər verir ki, Əmək Məcəlləsinin 108-ci maddəsinə uyğun olaraq, 8 May bayramdan əvvəlki iş günü olduğu üçün iş saatları bir saat azaldılacaq.

    9 May Qələbə Günü münasibətilə rəsmi qeyri-iş günüdür. Şənbə gününə təsadüf etdiyi üçün qanunvericiliyə əsasən istirahət günü ilə iş günü yerini dəyişir və 11 may qeyri-iş günü hesab olunur.
     
    Beləliklə, həftəlik beşgünlük iş qrafiki ilə çalışanlar üçün 9, 10 və 11 may tarixləri ardıcıl istirahət günləri olacaq./globalinfo

  • Xalq artisti oğlunun son vəsiyyətini AÇIQLADI

    Xalq artisti oğlunun son vəsiyyətini AÇIQLADI

    Xalq artisti Nazpəri Dostəliyeva mərhum oğlu Əli ilə bağlı kövrək xatirələrini bölüşüb.

    Median.Az xəbər verir ki, sənətçi həyatında ağır itkilər yaşadığını, buna baxmayaraq hər zaman güclü qalmağa çalışdığını bildirib. O, valideynlərinin də vaxtilə böyük acılar yaşadığını xatırladaraq, bu sınaqlardan mətanətlə keçdiyini vurğulayıb.

    Dostəliyeva övladının vəfat etdiyi günü də xatırlayıb. Onun sözlərinə görə, hadisə Novruz bayramı günü baş verib. Gün ərzində hər şey normal olsa da, sonradan oğlunun halı qəfil pisləşib. Evdə olan həkimin müdaxiləsinə baxmayaraq vəziyyət ağırlaşıb.

    Müğənni bildirib ki, oğlu son anlarında ona təsirli sözlər deyib. Əli anasına səhnəni tərk etməməsini tövsiyə edib, onu sevən insanların çox olduğunu xatırladıb. Eyni zamanda, ailə üzvlərinə diqqət yetirməsini istəyərək, xüsusilə Tamerlanı ona əmanət etdiyini deyib.

    Sənətçi əlavə edib ki, həkimlər hadisə yerinə çatsa da, artıq gec olub. O, yaşadığı ağrını sözlə ifadə etməyin çətin olduğunu qeyd edib və kədərini daxilində daşısa da, insanlarla daha çox sevincini paylaşmağa üstünlük verdiyini deyib.

  • “Xanımımla sevgimizi izləyicilərimizə göstərmək istəyirik”

    “Xanımımla sevgimizi izləyicilərimizə göstərmək istəyirik”

    “Həyat yoldaşımla sevgimizi sosial mediada da izləyicilərimizə göstərmək istəyirik. O videolar spontan olaraq çəkilir”.

    Median.Az     xəbər verir ki, bu sözləri Xalq artisti Miri Yusif şəhər restoranlarının birində baş tutan konsertindən öncə jurnalistlərə açıqlamasında deyib.

    O bildirib ki, yay mövsümündə paytaxt sakinləri və şəhərimizin qonaqları üçün xüsusi proqram hazırlayır. Miri Yusif qeyd edib ki, konsert proqramı 3 gün davam edəcək və açıq havada, paytaxtın ən sevilən məkanlarından biri olan Yaşıl Teatr səhnəsində baş tutacaq.

    “İyulun 3-4-5-i tarixlərində nəzərdə tutulub. Səhnədə tamaşaçıya həm keyfiyyətli ifa, həm də vizual zövq təqdim etməyə çalışıram. Buna görə də səslə yanaşı, görünüşə və səhnə tərtibatına da xüsusi diqqət yetirirəm. Mənim tamaşaçım musiqiyə, sənətə görə konsertə gəlir. Mənim şoum onlarla ünsiyyətdir”.

    O həyat yoldaşı ilə birlikdə sosial mediada paylaşdığı videolardan da danışıb:

    “Videolar spontan alınır. Biz istəyirik aramızdakı və ailəmizdəki sevgini insanlarla paylaşaq. Göstərək ki, əsl sevgi və gözəl ailə budur”.

    Konsert boyu Miri Yusifin sevilən hit mahnıları səslənib, tamaşaçılar musiqi və duyğularla zəngin, unudulmaz bir gecə yaşayıblar.

  • MOİK-in baş məşqçisi klubdan ayrıldı

    MOİK-in baş məşqçisi klubdan ayrıldı

    Rusiyanın MOİK komandası baş məşqçisi Fabio Çelestini ilə yollarını ayırıb.

    Bu barədə Moskva təmsilçisinin rəsmi saytı məlumat yayıb.

    İsveçrəli mütəxəssislə müqaviləyə qarşılıqlı razılaşma əsasında xitam verilib.

    MOİK hazırda Rusiya Premyer Liqasında 45 xalla 6-cı pillədə qərarlaşıb.

  • Kinematoqrafçılar İttifaqının üzvü vəfat etdi

    Kinematoqrafçılar İttifaqının üzvü vəfat etdi

    Azərbaycan Kinematoqrafçılar İttifaqının üzvü vəfat edib.

    51 yaşlı səs rejissoru Rasim Mehdizadə dünyasını dəyişib.

    Onun böyrək çatışmazlığından vəfat etdiyi deyilir.
    //unikal.az

  • Bu rayonun 4 kəndində qaz olmayacaq

    Bu rayonun 4 kəndində qaz olmayacaq

    Şəmkir rayonunun bəzi kəndlərində qaz kəsiləcək.

    Bu barədə Şəmkir Regional Qaz İstismar İdarəsi məlumat yayıb.

    Bildirilib ki, abonentlərin fasiləsiz və dayanıqlı qazla təmin olunması üçün görüləcək işlərin icrası ilə əlaqədar sabah saat 10:00-dan işlər başa çatanadək Könüllü, Abbaslı, Seyfəli və Mehrli kəndlərinin qaz təchizatında müvəqqəti fasilə yaranacaq.