Panama Ali məhkəməsi ölkənin sabiq prezidenti Rikardo Martinellinin üzərindən bütün ittihamları götürüb.
TASS-ın verdiyi məlumata görə, məhkəmə onun dərhal həbsdən azad edilməsi ilə bağlı qərar verib.
Agentliyin məlumatına əsasən, Martinellinin günahsızlığı haqqında qərar həmrəyliklə qəbul edilib. Bildirilir ki, prokurorlar onun günahını sübut edən dəlillər gətirə bilməyiblər.
Xatırladaq ki, Rikardo Martinelli Panamanın prezidenti vəzifəsini 2009-2014-cü illərdə icra edib. O, ölkəni 2015-ci ildə tərk etmişdi, 2016-cı ilin iyununda isə Panama məhkəməsi ABŞ-a siyasətçinin ekstradisiyası ilə bağlı sorğu yollamışdı.
Eks-prezident siyasi şantajla yanaşı, büdcə vəsaitinin israf edilməsində, eləcə də Panama vizalarını qeyri-leqal şəkildə verməkdə ittiham olunurdu. Sabiq prezidenti 21 il həbs cəzası gözləyirdi.
