Category: Cəmiyyət

Milli Məclisin deputatı Qənirə Paşayeva Hollandiyada yaşayan müxalifətçi bloger Orduxan Teymurxanın sosial şəbəkələrdə onunla olan fotosunu paylaşmasına münasibət bildirib.

“Ölkə.Az”ın məlumatına görə, Q.Paşayeva həmin fotonun bir neçə il öncə Avropa Şurasının iclaslarında iştirakı zamanı çəkildiyini söyləyib:

“Avropa Şurasında xeyli zaman əvvəl iclasa tələsərkən bir azərbaycanlının “sizinlə foto çəkdirəcəm”,- deyərək qəfil kənardan çəkdiyi bir selfie fotonu və elə o fotoda onun necə bir şəraitdə çəkildiyini görmək mümkün olduğu halda ağlına gələni yazaraq guya mənim əleyhimə təbliğat aparmaq düşüncəsinə düşənlərə sadəcə bunu söyləmək istəyirəm:

Millətimiz hər şeyi yaxşı görür və bilir. Hər hansı tədbirlərdə bizə yaxınlaşaraq foto çəkdirmək istəyən bəzən onlarla soydaşımızdan orada kimliyini sorğulamağın mümkünsüzlüyünü, onların hamısını tanımağın, nə ilə məşğul olduğunu araşdırmağın imkansızlığını, və yaxud kənardan yaxınlaşaraq qəfil sizinlə uzaqdan bir selfi kadrı çəkən insanla bağlı araşdırma aparmağın mümkunsüzlüyünü də insanlar gözəl başa düşürlər. Odur ki, özünüzü bu qədər gülünc yerinə qoymayın!”.

Xanım deputat sosial şəbəkələrdə ona qarşı qarayaxma kampaniyası aparan şəxslərə də sərt cavab verib:

“Bir az əvvəl İzmirdə Xocalı soyqırımı tədbiri sonrası dostlar mənə əleyhimə bəzi “mənbə”lərin başlatdığı şər-böhtan, qara piar kampaniyası haqqında bəzi yazılar göstərdilər. Nə deyim, Allah sizə ağıl versin! O qədər ağılsızsınız ki, ağıllı, məntiqli bir qaralama kampaniyası da düşünə bilmirsiniz. Nə zaman işğalçı Ermənistanla bağlı, separatçılarla bağlı, qardaş Türkiyəyə qarşı olan terrorçu təşkilatlarla bağlı sərt açıqlamalarım geniş yayılır, əleyhimə hansısa mənbələrin təbliğatı, şər-böhtan kampaniyası da başlayır. Bəzi kimliyini bildiyim şəxslər mənə bəlli səbəblərdən dolayı yandaşları vasitəsilə əleyhimə bu cür şər-böhtanları yayma fəaliyyəti aparır. Adınızı açıqlamaq o qədər çətin deyil. Sadəcə adınızı yazmağıma belə layiq deyilsiniz. Mən Türk qızıyam. Allahdan belə qorxmadan şər-böhtan,yalanla məşğul olanlardan və onların anti-təbliğatlarından qorxsaydım, illərlə Dövlətim, Vətənim və Millətim üçün mübarizə apara bilməzdim. Çünki illərlədir bu cür yalanlarla, şər-böhtanlarla mənə təsir etmək istəyənlər az olmadı”.

Bakının mərkəzində velosipedçilər təhlükəli hərəkət ediblər.

Velosiped sürən iki şəxs mərkəzi küçələrdə yolda intensiv hərəkətin olmasına baxmayaraq, sağdan və soldan avtomobilləri ötüblər.

Onlar velosipedin ön təkərini qaldıraraq bir təkər üstündə hərəkət ediblər.

Velosipedçilər avtomobillərin intensiv hərəkət etdiyi küçələrdə hərəkət edərək özlərinin və yol iştirakçılarının həyatını təhlükəyə atıblar./oxu.az

2017-ci ildə Ədliyyə Nazirliyinin rayon (şəhər) qeydiyyat şöbələri tərəfindən Bakı şəhərində 30373 nəfər, gündə təxminən 83 nəfər körpə dünyaya gəlib.

Median.Az Bakı Statistika İdarəsinə istinadən xəbər verir ki, bu göstərici ötən il 2016-cı illə müqayisədə 2885 nəfər azalıb.

Doğulan körpələrin 346-sı əkiz, dördü üçəm olub. Yeni doğulan körpələrin 52,5 faizi (hər yüz körpədən 53-ü) oğlan, 47,5 faizi (hər yüz körpədən 43-ü) qız uşaqlarından ibarət olub.

Ümumilikdə təbii artım 2017-ci ildə 2016-cı illə müqayisədə 2 783 nəfər düşüb.

Azərbaycanda toy məclisində maraqlı addım atılıb.

Xeyir işin sahibi şadlıq evində milli ruhda məclis təşkil edib. Belə ki, restoranda zalın giriş qapısının bir tərəfinə Azərbaycan, digər tərəfinə Türkiyə bayrağı asılıb.

Bu barədə toya dəvət alan şair Daşqın Ziyəddinoğlu məlumat verib.

Bununla yanaşı, toy sahibinin təşəbbüsü ilə Ermənistan bayrağı zalın giriş qapısının önündə yerə qoyulub. Toya gələn qonaqlar bayrağı tapdalayaraq salona daxil olub.

Ayrı-ayrı vaxtlarda mətbuatda qadınlara müəyyən məsələlərdə qadağa qoyulması ilə bağlı informasiyalar yayılır.

Bu yaxınlarda Türkiyədə bir şəxs qadınlara işləməyin qadağan edilməsi təklifi ilə mətbuatda çıxış edib. Bildirib ki, qadının evə pul gətirməsi haramdır.

Türkmənistanda qadınlara avtomobil idarə etmək qadağan olunub.

Azərbaycanda son zamanlar qadınların taksi xidmətlərindən təkbaşına istifadə etməsinin qadağan olunması təklifləri səslənir və bu, birmənalı qarşılanmır.

Ümumiyyətlə, Azərbaycanda qadınlara nəyi qadağan etmək lazımdır?

Baku TV bununla bağlı şəhər sakinlərinin münasibətini öyrənib.

Median.Az həmin sorğunu təqdim edir:

Azərbaycanda 3 aya yaxındır ki, təhsil naziri postu boş qalıb. Belə ki, ötən ilin 5 dekabr tarixində prezident İlham Əliyev Mikayıl Cabbarovun təhsil naziri vəzifəsindən azad edilməsi haqqında sərəncam imzalayıb. Onun yerinə isə hələ də təyinat olmayıb.

Median.Az xəbər verir ki, “Yeni Müsavat”ın yazdığına görə, Ötən 3 ay ərzində mətbuatda təhsil naziri postuna namizəd kimi fərqli-fərqli şəxslərin adı çəkilib. Qarşıdan prezident seçkisi gəldiyini qeyd edən qəzet hesab edir ki, təhsil naziri postuna təyinat, seçkidən sonra yəni aprel ayının sonlarına doğru baş tuta bilər.

Təhsil üzrə eksperti Kamran Əsədov isə hesab edir ki, bu halın təhsil sisteminə təsiri var: “Bundan başqa da Təhsil Nazirliyində bir çox şəxslər artıq Vergilər Nazirliyinə getdiyi üçün onların da yeri boşdur. Yəni təkcə nazir deyil, nazirlikdə bir sıra vəzifələr idarəçilik baxımından yerində deyil. Bu hal həm dövlətlərarası bir neçə layihələrin həyata keçirilməsini ləngidir, həm də Azərbaycanda hansısa layihəni həyata keçirən xaricilərdə inamsızlıq yaranır”.

Ekspert təyinatın bu qədər gecikməsinin səbəbini ümumiyyətlə sözügedən nazirliyin ləğv olunacağı ilə də əlaqələndirib: “Düşünürəm ki, seçkilərdən sonra Təhsil Nazirliyi ləğv olunacaq və Elm-təhsil və İnnovasiya adlı qurum yaradılacaq. Bir neçə qurum da bunun tabeliyində birləşəcək. Məncə, təyinatın gecikməsinə də səbəb elə budur. İnsanların təhsilə olan inamı yox idi. Düşünürəm ki, boşluğun aradan qaldırılması üçün zaman lazım olacaq. Çünki yeni gələn şəxs təhsili öyrənəcək, təyinatlar həyata keçirəcək ki, bu da zaman alacaq”.

Qarabağı geri qaytar Sarkisyan. Sən terrorçusan. Qarabağ qaytarmasan nə baş verəcək özün bilirsən. Bu sözlərlə Ermənistan prezidentinə müraciət edən Ucar sakini 9 yaşlı Mehdi Həsənovun videosu internetdə izlənmə rekordları qırır. “XəzərXəbər” həmin ailəni tapıb və Mehdinin vətənpərvərliyinə görə ermənilərin Rusiyada onların başına gətirdikləri oyunları üzə çıxarıb.

Öncə Sarkisyandan Qarabağı qaytarmağı tələb edir. Daha sonra isə Sarkisyanı terrorçu adlandırır.

Daha sonra Sən bilirsən Qarabağı qaytarmasan nə baş verəcək deyir və əminliklə əllərini belinə qoyur. İnternetdə fenomenə çevrilən ucarlı uşağı xəzər xəbər tapdı. Sarkisyandan Qarabağı geri qaytarmağı tələb edən uşaq bu addımı ilə izlənmə rekordları qırır.

Bir müddət Rusiyanın Həştərxan şəhərində yaşamalı olan Mehdi Həsənovun bu videosunun ən az ordakı sözlər qədər böyük tarixçəsi varmış. Belə ki, Mehdi Rusiya kanallarında guya azərbaycanlıların erməni uşaqlarını öldürməsi xəbərini eşidir. Bundan sonra atasından bunun səbəbini soruşur. atası Mayis Həsənov əsl həqiqəti oluna başa salır. Bundan sonra Mehdi məktəbdə sinif yoldaşlarına ermənilərin Azərbaycanlıları öldürdüyünü izah edir hətta rayonlarının işğal tarixlərində məktəbdə bir neçə etiraz aksiyası da təşkil edir.

Ən maraqlı məqam isə Mehdinin kiçik yaşında keçirdiyi bu aksiyalara görə ailənin başına gələnlərdir. oradakı ermənilər müxtəlif yollarla ailəyə təziq göstəriblər. hətta ailə başçısı məktəbə dəvət olunaraq təhdid edilib.

yaxınlarının köməkliyi ilə çətinliklə həbsdən çıxan ailə Azərbaycana qayıdıb. İndi Ucarda rusdilli məktəbdə oxuyan Mehdidən təhsil müəssisəsinin direktoru da razılıq edir. O, Mehdinin digər uşaqlardan seçildiyini deyir.

Bu hadisə özü də erməni xislətini ifşa edən bariz nümunədir. 9 yaşlı uşağı belə özlərinə təhdid hesab edən bu təfəkkürün daşıyıcıları əslində soyqırım kimi qətliamları törətməyə qadir olduqlarını sübut edirlər.

Azərbaycan vətəndaşlarına “ASAN xidmət” mərkəzləri tərəfindən viza verilməsi üçün “ASAN Viza” – 2 konsepsiyası hazırlanıb.

Median.Az APA-ya istinadən xəbər verir ki, bunu Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri İnam Kərimov deyib.

“Hazırda müvafiq qurumlarla danışıqlar aparırıq. Pilot layihə çərçivəsində bir neçə səfirliklə əməkdaşlıq əlaqəsi qurulacaq.

Əməkdaşlıq qurulduqdan sonra Azərbaycan vətəndaşları daha rahat formada istədikləri ölkəyə viza əldə edə biləcəklər. Hələ danışıqlar gedir. Danışıqlar yekunlaşandan sonra konkret zaman müəyyən olunacaq”, – deyə Dövlət Agentliyinin sədri bildirib.

Qeyd edək ki, hazırda əcnəbilər və vətəndaşlığı olmayan şəxslər “ASAN Viza” sistemi vasitəsilə qeyri-iş və bayram günlərindən asılı olmayaraq, elektron vizaların üç saat ərzində alınması üçün müraciət edə bilərlər.

“ASAN Viza” sistemi Azərbaycan Respublikası prezidentinin 2016-cı il 1 iyun tarixli, 923 saylı “Elektron vizaların verilməsi prosedurunun sadələşdirilməsi və “ASAN Viza” sisteminin yaradılması haqqında” Fərmanı ilə yaradılıb.

İmtahanlara sərf olunan maliyyə vəsaiti və digər məsələlər tərəfimizdən əsaslandırılaraq təkliflər hazırlanacaq”.

Bunu “APA”-ya açıqlamasında Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, yeni təkliflər gələn il Tarif Şurasına təqdim ediləcək.

M. Abbaszadə 2019-cu ildə buraxılış və ali təhsil müəssisələrinə qəbul imtahanlarının yeni modelinin tətbiq olunacağını da xatırladıb: “Bununla əlaqədar regionlarda seminarlar keçiririk. Bu seminarlarda əsas məqsəd yeni növ qiymətləndirmə üsullarının tətbiqi ilə əlaqədar müəllimlərin hazırlıq səviyyəsini artırmaqdır”.

Qeyd edək ki, Tarif Şurası 2017-ci ilin martında DİM-in müraciəti və təkliflərini nəzərə almaqla, tələbə qəbulu ilə bağlı ödənişli xidmətlərin tariflərini 9 qrup üzrə təsnifatlaşdırılmaqla, imtahanın növündən asılı olaraq 10-100 manat arasında müəyyənləşdirib.

Bakıda gediş-gəlişin çox olduğu yerlərdə piştaxtasını quran satıcılar məhsulunu satmaq üçün yeni bir üsula əl atıb.

Qafqazinfo xəbər verir ki, malın önünə qoyduqları qiymət uzaqdan 1 manat görünsə də, yaxınlaşan zaman baha olduğu aydınlaşır.

Məsələn, əgər meyvənin qiyməti 1 manat 80 qəpikdirsə, satıcılar lövhədə 1 manatı böyük hərflərlə yazır. Aşağıdan isə balaca hərflərlə 80 qəpik sözlərini qeyd edirlər.

Alıcılar ya məhsulu alıb pulu satıcıya verən zaman, ya da lövhəyə diqqətlə baxandan sonra qiymətin fərqli olduğunu görə bilir.