Azərbaycan Universitetinin rektoru Xocalı soyqırımının tarixini səhv salıb.
Təhsil müəssisəsinin rəsmi saytında universitetdə qanlı hadisənin ildönümü ilə bağlı tədbirin keçirildiyinə dair məqalə yer alıb. Məqalədə universitetin rektoru Səadət Əliyevanın çıxışı barədə söhbət açılıb. Həmin xəbərdə onun dilindən qeyd olunub ki, Xocalı soyqırımı yanvar ayında baş verib. Üstəlik, rektorun sözlərinə görə, qanlı hadisə həmin ayın 26-dan 27-ə keçən gecə törədilib.
Məlumat Azərbaycan Universitetinin ictimaiyyətlə əlaqələr şöbəsi tərəfindən hazırlandığına görə, bir sıra xəbər agentlikləri məqaləni olduğu kimi saytlarında dərc edib.
Bunun üzərindən iki gün keçdikdən sonra təhsil müəssisi səhvlərini anlayıb. Universitetin rəsmi saytında və digər xəbər agentliklərində bu, aradan qaldırılıb.//minval.info
Fevralın 26-da “Xocalıya ədalət!” beynəlxalq məlumatlandırma kampaniyası çərçivəsində IDEA İctimai Birliyi və Azərbaycan Respublikası Ailə, Qadın və Uşaq Problemləri üzrə Dövlət Komitəsinin təşkilatçılığı, Ekologiya və Təbii Sərvətlər Nazirliyi və Sabunçu Rayon İcra Hakimiyyətinin dəstəyi ilə ağacəkmə aksiyası keçirilib.
Tədbirdə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva iştirak edib.
Əvvəlcə 2 nömrəli internat məktəbinin şagirdlərindən ibarət nəfəs alətləri orkestri Azərbaycan Respublikasının dövlət himnini ifa edib.
Xocalı soyqırımı zamanı həlak olan soydaşlarımızın xatirəsi bir dəqiqəlik sükutla yad olunub.
Sonra aksiya iştirakçıları müxtəlif dillərdə “Uşaqlar və müharibə” mövzusunda çıxış ediblər.
Daha sonra Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və aksiya iştirakçıları Xocalı soyqırımında şəhid olan 63 uşağın xatirəsini əbədiləşdirmək məqsədilə 63 həmişəyaşıl sərv ağacı əkiblər.
Ağaclardan soyqırımı zamanı şəhid olan uşaqların adı, soyadı və yaşı əks olunmuş lövhələr asılıb.
Xocalı soyqırımı qurbanlarının xatirəsinin yad edilməsi, bu hadisələrin yaddaşlarda yaşaması, xüsusən də gənc nəsil tərəfindən unudulmamasına yönəlmiş aksiyaya Azərbaycan Uşaqlarının IV Ümumrespublika Forumunun 120-yə yaxın iştirakçısı, o cümlədən ölkəmizdə təhsil alan və yaşayan xarici ölkə vətəndaşı olan uşaqlar qoşulub.
Qeyd edək ki, “Xocalıya ədalət!” beynəlxalq maarifləndirmə kampaniyasına Leyla Əliyevanın təşəbbüsü ilə 2008-ci ildə start verilib. Kampaniya Xocalı soyqırımı, Ermənistan-Azərbaycan münaqişəsinin tarixi səbəbləri və nəticələri, həmçinin Ermənistan silahlı qüvvələrinin Azərbaycanın işğal olunmuş ərazilərindən qeyd-şərtsiz və dərhal çıxarılmasının zəruriliyi ilə bağlı beynəlxalq maarifləndirmənin artırılması məqsədini daşıyır.
Kaliforniyanın bir sıra televiziya kanallarında Xocalı soyqırımından bəhs edən film nümayiş etdirilir.
ABŞ-ın Kaliforniya ştatında Xocalı faciəsinin dəhşətlərindən bəhs edən, ötən il Kaliforniyanın Los Anceles şəhərində amerikalı kinematoqraflar tərəfindən istehsal olunmuş “Zülmətdən Qaçarkən” (Running from the Darkness) sənədli filmi bir sıra yerli ictimai kanallarda nümayiş etdirilir. Sənədli filmin nümayişi Azərbaycanın Los Ancelesdəki Baş Konsulluğunun təşəbbüsü və Şimali Kaliforniyada yaşayan soydaşımız Zərifə Musayevanın təşkilatçılığı ilə həyata keçirilir.
Baş Konsulluqdan milli.az-a verilən məlumata görə, əsas süjet xətti Xocalı soyqırımının canlı şahidləri ilə aparılmış müsahibələr üzərində qurulmuş bu filmin nümayişinə fevralın 23-dən başlayaraq Şimali Kaliforniyanın San Fransisko, San Xose, Kampbel, Mauntin Vyu, Los Altos, Palo Alto və digər şəhərlərindəki yerli ictimai kanallarda start verilib və nümayiş bir ay müddətində davam edəcəkdir. Qeyd edək ki, adıçəkilən şəhərlər dünyanın yüksək texnologiyalar mərkəzi olan Silikon Vadisinə daxildir. Filmdə, eyni zamanda, Xocalıda törədilmiş dəhşətli hadisələrlə bağlı ABŞ-ın ştat qanunvericilərinin və tanınmış din xadimlərinin bu soyqırımını pisləyən açıqlamalarına, tədqiqatçı alim və jurnalist rəylərinə yer verilir, Heydər Əliyev Fondunun vitse-prezidenti Leyla Əliyevanın rəhbərliyi altında Xocalıya Ədalət Beynəlxalq Kampaniyası çərçivəsində görülən işlər işıqlandırılır. Qeyd edək ki, sözügedən film ABŞ-da Xocalı soyqırımı mövzusunda çəkilmiş ilk ekran əsəridir.
Texnologiyaların son dərəcə inkişaf etdiyi bir dövrdə yaşamağımıza baxmayaraq, sağlamlığımızın qeydinə qalmaqda çətinlik çəkirik. Buna səbəb isə yaşadığımız həyatın heç bir standart normativlərə əsaslanmamasıdır. İstər ekoloji faktorlar, istərsə də gündəlik həyatımızda riayət etməli olub da, riayət etmədiyimiz bir çox xırda məqamlar. Hələ xəbərimiz yoxdur, amma orqanizmimiz bizə ağır zərbə vurmaq üçün zaman gözləyir. Statistikaya görə, hər 4 nəfərdən biri bel ağrılarından şikayət edir. Xüsusilə ofis şəraitində, uzun müddət oturaq işlə məşğul olan şəxslər. Bu bəzi peşələrə görə, zərgərlik, dərzilik, pinəçilik, sürücülük və s. üçün peşə xəstəliyi də adlandırılır. Bəs bu cür peşə sahibləri sağlamlığını qorumaq üçün nə etməlidir? Görəsən onurğa ağrılarının, bel yırtıqlarının ilk simptomları nələrdir?
Belində güclü ağrılardan şikayət edən oxucular üçün maarifləndirici məlumatları təqdim edirik:
Bel yırtığı nədir?
Primitiv tibbi biliklərə sahib olan şəxslər bilir ki, onurğa sütunu 33 fəqərədən ibarətdir. Fəqərələr arasındakı kanallarda isə insan həyatı üçün vacib olan onurğa beyni yerləşir. Məlumdur ki, insan bel nahiyəsindən ağır travma alarsa, bu, çox ciddi fəsadlara gətirib çıxara bilər. Hazırda xüsusilə gənc nəsil arasında onurğa sütununda yaranan problemlər çoxluq təşkil edir.
El arasında bel “qrija”sı kimi tanınan, bel yırtığı da onurğa sütunu xəstəliyinin ən ağır formalarından biridir. Fəqərələrarası disklərin elastik quruluşa malik olması onurğanın hərəkətliliyini və yüklənməyə qarşı davamlılığını artırır. Məhz bu disklərin elastikliyinin azalması, fəqərələr arası boşluqlar nəticəsində ayaqlara təzyiq düşdüyündən güclü ağrılardan şikayət edirik. Disklərin iç hissəsində (pulpoz nüvə) jeleyebənzər sahə, xaricində isə filroz həlqə adlanan xüsusi təbəqə var. Bu nizamlılıq pozulduğunda qorxduğumuz “qrija”(bel yırtığı) yaranmasına səbəb olur. Belə ki, insan orqanizmindən asılı olaraq, bel ağrılarının şiddəti dəyişkən olur. Bir neçə mərhələdən sonra biz ciddi problemin nə olduğunu öyrənirik, bu zaman isə gec olur.
İlkin əlamətlər sırasında bel nahiyəsində və aşağı ətraflarda dalğavari ağrılar hiss olunur. Bu ağrılar birdən başlayıb, anidən kəsə bilir. Lakin daha sonra bu ağrılar daha şiddətli formalarda ayaqlara doğru yayılır. Müxtəlif qıcolmalar olur. Bizim ən mühüm gördüyümüz və etinasızlıq göstərdiyimiz məqam isə məhz başlanğıc mərhələdir. Bunu müxtəlif əzələ ağrısı, sinir ağrısı ilə səhv salıb həkimə müraciət etməkdən çəkinirik. Bu isə orqanizmdə irəliləyərək iflic və daha faciəli xəstəliklərin riskini artırır. Əlamətlər arasında sidik qaçırma da çox ciddi bir problem olaraq qiymətləndirilir. Ailəsində belə problemi daimi olanlar yüksək risk daşıyıcısı hesab olunurlar. Ağır yük daşıyanlar, ağır yüklə daimi hərəkət bel yırtığının yaranmasına gətirib çıxarır.
Bundan başqa, qamətini düz tutmayan, ikiqat əyləşən, yatan şəxslərdə də ciddi onurğa sütunu xəstəlikləri qaçılmazdır. Belə ki, zəif əzələ sisteminə sahib orqanizm daha tez təslim olur və nəhayət, hansısa qəza, sərt hərəkət zamanı travma alırlar. Hamilə xanımlar isə 9 ay boyunca ciddi şəkildə onurğa sütununa diqqət etməlidirlər. Bədənə qarşı laqeydlik gələcəkdə qarşıya çox ciddi problemlər çıxara bilər”./publika.az
Ermənistanın paytaxtı İrəvanda kafelərdən birində qəribə hadisə baş verib.
Özünü amerikalı kimi təqdim edən müştəri ofisianta Azərbaycan məzənnəsi ilə “çay pulu” verib. Pivə içən turist ona qulluq edən ofisianta hesabdan əlavə 5 qəpik verərək kafeni tərk edib.
Ofisiant pulun Azərbaycan qəpiyi olduğunu öyrənəndən sonra müştərinin əyləşdiyi masaya yaxınlaşıb və onun üzərində latınca yazılan siqaret qutusunu unutduğunu görüb. Ofisiant bir neçə gündür kafeyə gələn və həmişə eyni masada əyləşərək kağız üzərində latınca qeydlər aparan müştəridən haralı və hansı peşənin sahibi olduğunu soruşduğunu bildirib. Onun sözlərinə görə, müştəri isə cavabında amerikalı müəllim olduğunu deyib.
Kafedə çalışanlar müştərinin 5 qəpik verdiyini biləndən sonra onun fotoşəklini çəksələr də, sözügedən şəxsin üzü fotokameraya düşməyib. (publika.az)
Bakıda fəaliyyət göstərən supermarketlərdən birində xoşagəlməz hadisə baş verib.
Minval.info xəbər verir ki, dindar qadınla başqa bir xanım arasında gərginlik yaşanıb.
Bu barədə paytaxt sakini Rəhimə Hacıyeva başına gələnlər barədə məlumat verib.
O bildirib ki, ailəsi ilə birgə alış-veriş üçün supermarketlərdən birinə gediblər və orada xoşagəlməz hadisə yaşanıb:
“Yoldaşım çərəz satılan hissəyə keçdi. Mən də uşaq ağlamasın deyə, digər tərəfə keçib onun başını qatırdım. İçki qablarının görünüşləri maraqlı olduğundan uşağın diqqətini çəkdi və sakitləşdi. Avtomatik mən də bu butulkalara baxırdım ki, vaxt getsin. Birdən gözüm bir qadına sataşdı. Telefonu əlində elə tutub ki, guya nəyəsə baxır. Ancaq dəqiq bildim ki, içki butulkalarına baxan yerdə mənim şəklimi çəkir”.
Rəhimə Hacıyeva həmin qadına iradını bildirib və şəkilləri göstərməyi tələb edib. O isə bununla razılaşmayıb. R.Hacıyeva qadına söyləyib ki, onu polisə şikayət edəcək. Müştərilər arasında vəziyyət bir az gərginləşib və məsələyə polis əməkdaşı qarışıb. Asayiş keşikçisini isə market nəzarətçisi hadisə yerinə çağırıb.
Polis əməkdaşı qadına söyləyib ki, həqiqətən vətəndaşdan icazəsiz şəkil çəkibsə və bu hal təsdiqlənsə, ondan şikayət olunarsa, cinayət məsuliyyətinə cəlb ediləcək: “Yox əgər sizi ittiham edən qadının şübhəsi yanlış olarsa, siz ondan şikayətçi ola bilərsiz. Ancaq nə çəkdiyinizi göstərməlisiz.”
R.Hacıyeva qeyd edib ki, bu zaman həmin xanım telefonunda nə isə etməyə başladı: “Bu an yoldaşım telefonu onun əlindən aldı. Məlum oldu ki, mənim şəkillərimi çəkib. Qadın bir az da səsini qaldırsa da, onun artıq niyyəti bəlli olmuşdu. Ona sadəcə bir şərtlə şikayətçi olmayacağımı dedim. Əgər etiraf etsə ki, niyə şəkillərimi çəkib. Qadın bir az tərəddüdlə etiraf etdi ki, sosial şəbəkələrdə hicablıların əslində necə biri olduqlarını və içkilərə necə həsrətlə baxdıqlarını yazıb paylaşacaqdım”.
Rəhimə Hacıyeva bütün bunlardan sonra şəkillərin telefondan silindiyini qeyd edib.
Azərbaycanın “Eurovision” iştirakçısı- Dilarə Kazımova və Aysel Məmmədova (Aisel) Xocalı soyqrımı ilə bağlı yeni layihə təqdim ediblər.
“Qafqazinfo” xəbər verir ki, müğənni Dilarə Kazımova muğam ifaçısı Sahib Əsədli və piano ifaçısı Etibar Əsədli ilə bir araya gələrək “613” adlı mahnı ərsəyə gətiriblər və bəstəni ekranlaşdırıblar.
Sözügedən klip Etibar Əsədlinin rəsmi “Youtube” səhifəsində yayımlanıb.
Digər sənətçi Aisel isə muğam ifaçısı Vüqar Əliyev ilə bir araya gəlib. O, bu dəfə mahnı oxumayıb, pianoda ifa edib.
Cütlüyü kamançada Fəxrəddin Dadaşov müşayiət edib. Ekran işi Ayselin rəsmi “Youtue” səhifəsində dərc edilib.
Fevralın 27-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, yağmursuz keçəcəyi gözlənilir. Səhər bəzi yerlərdə zəif duman olacaq. Gecə və səhər arabir güclənən şimal-qərb küləyi əsəcək, gündüz cənub-şərq küləyi ilə əvəz olunacaq.
Bu barədə oxu.az-a Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Havanın temperaturunun Bakıda və Abşeron yarımadasında gecə 4-6, gündüz 7-9 dərəcə isti olacağı gözlənilir.
Atmosfer təzyiqi 762 mm civə sütunu, nisbi rütubət gecə 75-85, gündüz 60-70 faiz təşkil edəcək.
Bəzi rayonlarda arabir yağış, dağlıq ərazilərdə qar yağacağı, gündüz yağıntının tədricən kəsiləcəyi gözlənilir. Arabir duman olacaq. Mülayim şərq küləyi əsəcək.
Havanın temperaturunun gecə 0-5, gündüz 7-12 dərəcə isti, dağlarda gecə 0-5 dərəcə şaxta, gündüz 2-7 dərəcə isti olacağı gözlənilir.
Bu gün Ukraynanın Borispol Hava Limanında Ukrayna Azərbaycanlıları Birləşmiş Diasporunun fəalları ilə ermənilər arasında insident yaşanıb.
Median.Az XəzərNews.az-a istinadən xəbər verir ki, insidentə səbəb diaspor fəallarının Xocalı soyqırımının ildönümü ərəfəsində sərnişinlərə sözügedən faciəni anlatan buklet paylamaları olub.
Aksiyanın keçirilməsinə etiraz edən ermənilər gənclərə mane olublar, sonra isə Hava Limanı rəhbərliyinə şikayət ediblər. Lakin aksiyanın icazəli olduğunu öyrənən ermənilər geri çəkiliblər.
Bir neçə saat ərzində iki minə yaxın sərnişinə Ukrayn dilində hazırlanan və Xocalı soyqırımını anlatan bukletlərin paylanılmasına nail olunub.
UABD-yə icazəli aksiyanın təşkilində AZAL-ın Ukraynadakı nümayəndəliyinin rəhbəri Yaşar Əmirov dəstək göstərib.
Qeyd edək ki, aksiyada UABD sədri Hikmət Cavadov özü də iştirak edib. Aksiya başa çatandan sonra H.Cavadov bildirib ki, artıq ofislərdə və konfrans zallarında təbliğat aparmaq dövrü arxada qalıb: “Ötən il Kiyevdə və Ukraynanın müxtəlif şəhərlərində Xocalı soyqırımı haqqında Xüsusi Buraxılış olan 30 min qəzet payladıq. Kiyevin metro çıxışlarında plakatlar asdıq. İldönüm çərçivəsində tədbirlərimiz davam edəcək”.
“Qafqazinfo” sözügedən soyqırıma öz gözləri ilə şahidlik edən qadın Rəhilə Quliyeva ilə görüşüb. Onun dəhşətli həyat hekayəsini dinləyib. Faciə baş verən gün R. Quliyeva 3 aylıq hamilə imiş. Həmin gün o, 2 yaşlı oğlunu, həyat yoldaşını, qayınana, qayınatasını və digər qohumlarını itirib.
Ən dəhşətlisi odur ki, 2 yaşlı oğlu ölümü ilə anasını və dünyaya gələcək bacısını ölümdən qurtarıb.
Yaşadığı dəhşətləri öz dilindən eşitmək üçün Rəhilə Quliyeva ilə bağlı hazırladığımız videomaterialı təqdim edirik:
