Category: Maraqlı

Astroloqlar bildirir ki, bəzi bürclər həyata digərlərindən daha həssas yanaşır. Onlar emosional yüklənməni tez hiss edir, monotonluqdan, mənasız söhbətlərdən və psixoloji təzyiqdən tez bezirlər. Bu bürclər üçün həyat bəzən ağır yükə çevrilə bilir.
 
Median.Az astroloji şərhlərə əsaslanaraq həyatdan tez bəzən bürcləri təqdim edir.
 
Balıqlar
 
Balıqlar yüksək empati qabiliyyətinə malikdir. Başqalarının dərdini öz dərdi kimi qəbul etdikləri üçün ruhən tez yorulurlar. Onlar tez-tez “hər şeyin mənası nədir?” sualını özlərinə verir və reallıqdan qaçmaq istəyirlər.
 
Xərçəng
 
Xərçənglər emosional bağlılıqları ilə tanınır. Sevdikləri insanların davranışları onları dərindən təsirləndirir. Duyğusal zərbələr Xərçəngləri həyata qarşı küsdürə, onları təkliyə çəkilməyə məcbur edə bilər.
 
Qız
 
Qız bürcü hər şeydə mükəmməllik axtarır. Davamlı analiz və tənqid onları psixoloji baxımdan tez yorar. Özlərinə və ətrafdakılara qarşı yüksək tələblər həyatdan zövq almağı çətinləşdirir.
 
Oğlaq
 
Oğlaqlar məsuliyyət hissini həddindən artıq ciddiyə alırlar. Daim məqsəd, iş və vəzifə haqqında düşünmək onların emosional tükənməsinə səbəb olur. Uğur qazansalar belə, daxili boşluq hissi yaşaya bilirlər.
 
Dolça
 
Dolçalar azadlığı və mənanı sevir. Ətraf mühit onları sıxdıqda və ya dəyərlərinin anlaşılmadığını düşündükdə həyata qarşı soyuqlaşırlar. Cəmiyyətin qaydaları onlara tez yorucu gəlir.
 
Astroloqların fikrincə, bu bürclərin həyatdan tez bezməsi zəiflik deyil. Əksinə, bu, onların dərin düşünən, hiss edən və həyatı daha ciddi qəbul edən xarakterlərinin göstəricisidir.

Şimali Koreyada ilk dəfə kinoteatrlarda nümayiş etdirilən və sonradan dövlət televiziyasında yayımlanan “Qarşıdurma Günləri və Gecələri” adlı film, təbliğat kinosunun ənənəvi sərhədlərindən kənara çıxan elementlərilə diqqət çəkir. Filmdə plastik torba ilə boğulma, bıçaqlı hücum, intihar jileti, nikahdankənar əlaqə və çılpaqlıq kimi səhnələr yer alır.
 
Median.Az-ın məlumatına görə, ötən il Pxenyan kinoteatrlarında böyük maraqla qarşılanmış bu film bu ay ilk dəfə dövlət televiziyasında yayımlanıb və rəsmi təsdiq alıb.

“Qarşıdurma Günləri və Gecələri” filmi 2000-ci illərin ortalarına aid hadisələri əks etdirir və əsasən fərdi və siyasi xəyanət mövzusu üzərində qurulub. Hekayənin kulminasiya nöqtəsində keçmiş lider Kim Çen İrə qarşı qatarı partlatmaq məqsədilə hazırlanan sui-qəsd planı yer alır.
 
Bu seçim, 2004-cü ildə beynəlxalq aləmdə müzakirə edilən, lakin Şimali Koreyada çox az toxunulan Ryonqçon qatarında baş vermiş partlayışa istinad kimi qiymətləndirilir. Sözügedən partlayış dövrün rəsmi müzakirələrində “qəza” olaraq elan edilmişdi, lakin xarici mətbuatda sui-qəsd ehtimalı tez-tez gündəmə gətirilirdi.
 
Martell, Ryonqçon hadisəsinə indiyə qədər rəsmi səviyyədə belə toxunulmadığını vurğulayır və filmin bu hadisədən birbaşa bəhs etməsinin son dərəcə təəccüblü olduğunu qeyd edir.

Filmin məzmunu sərt olsa da, ideoloji xəttdən kənara çıxmır. Hekayə, Şimali Koreyanın formalaşmış əxlaqını əsas alır və dövlətə xəyanət edən hər kəsin qaçılmaz olaraq cəzalandırılacağı mesajını verir. Filmin finalında isə sui-qəsd planı boşa çıxır, günahkarlar tutulur və ədalətin bərqərar olduğu vurğulanır.
 
Ekspertlər bu istehsalı, Şimali Koreyanın təbliğat kinosunda baş verən ilk ciddi transformasiya kimi qiymətləndirirlər. Martell, ölkədə kino və televiziyanın uzun illərdir ki, az büdcəli və təkrarlanan layihələrlə məhdudlaşdığını xatırlatmaqla yanaşı, dövlətin son zamanlar bu sahəyə ciddi vəsait ayırdığını bildirir. Onun sözlərinə görə, son 20-25 ildə demək olar ki, dayanmış olan kino hasilatı, son illərdə ciddi sürət qazanıb.
 
Filmin vizual povesti, klassik təbliğat estetikasından fərqlənir. Sürətli montajı, şiddətli səhnələri, yaxın plan hərəkətləri və qaranlıq atmosferi ilə Hollivud tipli trillerləri xatırladır. Bu yeni yanaşma, filmin həm vizual, həm də emosional tərəfdən daha geniş bir auditoriyaya müraciət etməsini təmin edir.
 
Kim Çen In administrasiyasının xüsusi diqqət yetirdiyi mövzulardan biri də gənc nəslin dəyişən baxış vərdişləridir. Ölkədə smartfon istifadəsinin artması, dövlətin nəzarətində olan rəqəmsal platformaların genişlənməsi və qeyri-qanuni şəkildə əldə edilən Cənubi Koreya seriallarının yayılması, gənclərin klassik təbliğat məzmununa olan marağını azaldıb. Bu vəziyyət, rejimi yeni təbliğat metodları axtarmağa sövq edib. Artıq məqsəd yalnız mesaj vermək deyil, həm də izlənilə bilən, maraq doğuran təbliğat hazırlamaqdır.
 
Bu yanaşma, Şimali Koreyada kinonun tarixindəki əhəmiyyətli yerə əsaslanır. Kim Çen Ir, kino və televiziya sənayesini rejimin mərkəzi alətlərindən biri kimi istifadə edirdi; o, həm də tamaşalarda birbaşa iştirak edərək, aktyorluqdan montaja qədər bir çox mərhələdə söz sahibi olub. 1980-ci illərdə Cənubi Koreyalı aktrisa Choi Eun-hee və rejissor Şin Sanq-ok, Pxenyanda film çəkməyə məcbur edilib (bu mövzuda daha əvvəl yazı da təqdim etmişdik) və bu dövrün ən parlaq nümunələrindən birini yaradıb.
 
Hal-hazırda, Cənubi Koreya seriallarına baxmaq Şimali Koreyada ağır cəzalarla nəticələnir. Lakin ekspertlər vurğulayırlar ki, sadəcə qadağalar kifayət etmir, rejim öz məzmununu cəlbedici etməli və cəmiyyətə uyğunlaşdırmalıdır. “Qarşıdurma Günləri və Gecələri” məhz bu ehtiyacın məhsuludur: Sürətli, sərt və müasir hekayə dili ilə gənc tamaşaçıları ələ keçirməyi hədəfləyir. Lakin mahiyyət etibarilə verdiyi mesaj dəyişmir: Dövlətə qarşı çıxmağın qiyməti hər şəraitdə fəlakətdir.//sfera.az

Dünya miqyasında əhalinin və nəqliyyat vasitələrinin sayının artması nəticəsində yol hərəkətinin sıxlığı getdikcə artır. Bu vəziyyət yerli hökumətləri nəqliyyat axınını azaltmaq üçün müxtəlif alternativ həll yolları axtarmağa vadar edir. Xüsusilə ABŞ-da tətbiq olunan yeni metodlar dünya üzrə digər ölkələrdə də yayılmaqdadır. Bu metodlardan biri də Yaponiyanın bayrağına bənzəyən “qırmızı nöqtəli” yol nişanıdır.

Median.Az mövzu ilə bağlı maraqlı yazını təqdim edir:

Qırmızı Nöqtəli Yol Nişanı Nə Deməkdir?

Qırmızı nöqtəli yol nişanı, qarşıdakı yolda sıx hərəkətin və ya tıxacın mövcud olduğunu xəbər verir. Bu nişanı gördüyünüz zaman, yolda hərəkətin hələ də sıx olduğunu anlamalı və alternativ marşrutlar planlaşdırmaqla yanaşı, daha uzun səyahət müddətlərinə hazır olmalısınız. Bu cür nişanlar, sürücülərə hələ də marşrutlarını dəyişdirmək imkanı verdiyi qərar nöqtələrində strateji olaraq yerləşdiriləcək.

Bu Nişanların Genişlənməsi və Faydaları

Qlobal miqyasda yol hərəkəti ilə bağlı davamlı tədqiqatlar və təkmilləşdirmələr aparılır. Şəhər trafik sıxlığının artması ilə bu tip xüsusi nişan sistemlərindən getdikcə daha çox istifadə edilir. “Transportation Research” jurnalında dərc olunmuş bir araşdırma göstərir ki, sürücülər əvvəlcədən xəbərdar olduqda və trafikdə sıxılmaların olacağını bildikdə, marşrut dəyişdirməkdə daha çevik ola bilərlər. Bu da ümumilikdə səyahət müddətlərini qısaldır və trafik sıxlığını azaldır.

Ağıllı Yol Hərəkəti Sistemi və Elektron Displeylər

Qırmızı nöqtəli yol nişanlarının tətbiqi nəqliyyat sektorunda ağıllı yol hərəkəti sistemlərinə keçid prosesini göstərir. Bu işarələr çox vaxt mobil trafik tətbiqləri və elektron displeylərlə sinxron şəkildə işləyir. Beləliklə, sürücülərə real zamanlı yol vəziyyəti barədə məlumat verilir. Xüsusilə böyük şəhərlərdə, rəqəmsal displeylər və interaktiv tətbiqlər yol hərəkətinin idarə edilməsində mühüm rol oynayır. Bu cür həllər, yol hərəkətini daha effektiv idarə etmək və sürücüləri tıxaclardan əvvəl xəbərdar etmək üçün mühüm addımlardır.

Beləliklə, qırmızı nöqtəli yol nişanları, nəqliyyatın sıx olduğu zamanlarda sürücülərə alternativ marşrutlar seçmə imkanı tanıyan və hərəkəti optimallaşdıran bir sistemin tərkib hissəsi kimi təkmilləşdirilməyə davam edir. Bu tip yeniliklər nəqliyyat sisteminin ağıllı idarə olunmasına doğru bir addım atıldığını göstərir.//sfera.az

Bir fincan çay çoxlu qida maddələri ehtiva edə bilər ki, bunlar sağlamlıq üçün əhəmiyyətli üstünlüklərə malikdir. İstər çayı soyuq, istər isti qəbul edin, bu içki gündəlik istehlak üçün çox faydalıdır. 

Buna görə də “Real Simple” nəşri ən faydalı qida maddələri və sağlamlığa təsirləri ilə 10 çay növünü seçib.

Əsasən iki növ çay mövcuddur – bitki mənşəli və “həqiqi” (Camellia sinensis bitkisindən).

“Hər iki əsas çay növü sağlamlıq üçün faydalı qida maddələri və fitokimyəvi birləşmələr ehtiva edir ki, bunlar müxtəlif yollarla fayda verir və gündəlik istehlak üçün idealdır”, deyə sertifikatlı fitoterapevt Reyçel Robinet qeyd edir.

Bitki mənşəli çaylar

Bitki mənşəli çaylar meyvə, taxıl, çiçək, ədviyyat, kök və otlardan hazırlanır. Bunlara zəncəfil çayı, darçın, zerdeçal, fennel, itburnu və kamomil çayları daxildir.

Camellia çayları

Camellia sinensis bitkisindən hazırlanan çaylardır. Bu çalılığın yarpaqları toplanıb xüsusi üsulla emal olunur ki, qara, yaşıl, ağ, oolong, həmçinin qırmızı, pu-erh və sarı çay əldə edilsin.

Nəşr ən faydalı çay növlərini və onların sağlamlığa faydalarını belə açıqlayıb:

Qara çay – Ən çox yayılmış çaylardan biridir. Qara çay ən uzun oksidləşməyə məruz qalır və yarpaqları digər çaylardan daha kiçik doğranır, bu isə daha dərin dad və daha yüksək kofein tərkibi verir. Polifenollar isə immuniteti, bağırsaq, beyin və metabolizmi dəstəkləyir.

Zəncəfil və sarıköklü çay – Sarıkökün tərkibindəki kurkumin iltihab əleyhinədir, zəncəfilin tərkibindəki gingerol isə ağrını azaldır və həzmi yaxşılaşdırır. Bu kofeinsiz qarışıq günə başlamaq, bitirmək və ya fasilə vermək üçün əla vasitədir. İstəyə görə bal əlavə etmək olar.

Yaşıl çay – Minimimal oksidləşmiş çaydır. Qversetin, kempferol, katexinlər və epiqallokatexin qallat (EGCG) kimi bioaktiv birləşmələr ehtiva edir, immuniteti, ürək-damar, bağırsaq və metabolizmi gücləndirir.

Limonlu çay – Limonlu çay gündəlik istehlak üçün uyğundur. Limon C vitamini və limonen terpini ilə iltihab əleyhinə və antidepressiv təsir göstərir.

Ağ çay – Yaşıl çaya nisbətən təxminən 15% az kofein ehtiva edir. L-teanin adlı amin turşusu ilə beyin funksiyasını, immuniteti və ürək sağlamlığını dəstəkləyir. Həmçinin dəri və yara sağalmasını təşviq edə bilər.

Hibiskus çayı – Kofeinsiz, məşhur bitki mənşəli çaydır. Qlükoza səviyyəsini stabilləşdirir, rutin və qversetin ilə allergiya və mast hüceyrələrinin funksiyasını normallaşdırır. Ürək sağlamlığını qoruyur, qan təzyiqi və xolesterolu tənzimləyir.

Earl Grey çayı – Qara çay əsasında, bergamot yağı ilə ətirli hazırlanır. Kofein tərkibi qara çayla eynidir, rifahı yaxşılaşdırır.

Nanə çayı – Nootrop təsiri ilə yaddaş, diqqət və konsentrasiyanı yaxşılaşdırır. Həzm problemlərini, qarın şişkinliyini azaldır, öskürək və sinuz infeksiyası simptomlarını yüngülləşdirir.

Oolong çayı – Ürək, beyin, metabolizm, bağırsaq və immunitet sağlamlığını dəstəkləyir. Yarpaqları qara çaydan böyükdür və dadı yumşaq və ya daha zəngin ola bilər.

Kamomil çayı – Yatmağa və rahatlaşmağa kömək edir. Həm həzm, həm də sakitləşdirici təsir göstərir. İltihab, metabolizm və immunitet üçün faydalıdır, həmçinin narahatlıq əlamətlərini yüngülləşdirir.
//qaynar.az

Astrologiyaya görə, bəzi bürclər maraq dairələri, araşdırma xarakterləri və güclü ünsiyyət bacarıqları sayəsində olduqları hər mühitdə diqqəti cəlb edir. Kitablardan sənətə, tarixi söhbətlərdən cari hadisələrə qədər geniş maraq dairələri olan bu bürclər ağılları ilə hər kəsi özlərinə heyran qoyurlar.
 
Median.Az ən ağıllı və mədəni bürcləri təqdim edir:
 
Qız
 
Təfərrüatlara yönəlmiş və analitik təbiəti ilə seçilən Qız, məlumatı səthdə saxlamır, araşdırır, suallar verir və dərinləşdirir.
 
Qızların mədəni görünməsinin ən böyük səbəbi, öyrəndiklərini yalnız “bilik” kimi deyil, həm də gündəlik həyatda tətbiq oluna bilən bir bacarığa çevirmələridir.
 
Dolça
 
Fərqli düşüncə tərzi və geniş dünyagörüşü ilə tanınan Dolça, mədəni olmağın “müasir” tərəfini təmsil edir. Elm, texnologiya, incəsənət və sosial məsələlərə olan marağı ilə bir çox sahədə söhbətlər apara bilirlər. Onlar müxtəlif mədəniyyətlərə və perspektivlərə açıqdır.
 
Əkizlər
 
Zəkası, tez öyrənmə qabiliyyəti və ünsiyyət bacarıqları ilə tanınan Əkizlər, mədəniyyəti söhbətlərə məharətlə daxil edirlər. Əkizlər bir mövzu ilə maraqlandıqda, tez bir zamanda məlumat toplaya və təsirli şəkildə izah edə bilirlər. Onlar güclü nitq qabiliyyəti və lü
ğət ehtiyatına sahibdirlər.

Duz gündəlik qidalanmanın ayrılmaz hissəsidir. Yeməklərə dad verməklə yanaşı, orqanizmdə su-duz balansının qorunmasında, sinir sisteminin və əzələlərin normal fəaliyyətində mühüm rol oynayır.
 
Lakin mütəxəssislər bildirirlər ki, duzdan həddindən artıq istifadə sağlamlıq üçün ciddi risklər yarada bilər. Buna görə də yeməklərə nə qədər duz tökülməli olduğu məsələsi xüsusi diqqət tələb edir.
 
Sfera.az xəbər verir ki, Ümumdünya Səhiyyə Təşkilatının tövsiyələrinə əsasən, sağlam yetkin insanın gündəlik duz qəbulu 5 qramdan, yəni təxminən bir çay qaşığından artıq olmamalıdır. 
 
Bu miqdara yalnız evdə yeməyə əlavə edilən duz deyil, eyni zamanda çörək, pendir, kolbasa məmulatları, konservlər və digər hazır qidaların tərkibində olan duz da daxildir. Araşdırmalar göstərir ki, insanların əksəriyyəti fərqində olmadan gündəlik normadan xeyli artıq duz qəbul edir.
 
Həddindən artıq duz istifadəsi ilk növbədə arterial təzyiqin yüksəlməsinə səbəb olur. Bu isə ürək-damar xəstəlikləri, infarkt və insult riskini artırır. Bundan başqa, artıq duz böyrəklərə əlavə yük yaradır, bədəndə suyun yığılmasına, şişkinliyə və uzun müddət davam etdikdə böyrək problemlərinə yol aça bilər. Bəzi elmi tədqiqatlar duzun normadan artıq qəbulunun mədə xərçəngi riskini də artırdığını göstərir.
 
Mütəxəssislər yeməklərin hazırlanması zamanı duzdan mümkün qədər az istifadə etməyi tövsiyə edirlər. Yeməyi bişirərkən duzu çox əlavə etməkdənsə, bişmənin sonuna yaxın və az miqdarda qatmaq daha məqsədəuyğundur. Süfrədə əlavə duz səpmək vərdişindən uzaq durmaq da duz qəbulunu azaltmağa kömək edir. Gün ərzində bütün qidalar nəzərə alınmaqla istifadə olunan duzun miqdarı bir çay qaşığını keçməməlidir.
 
Qeyd etmək lazımdır ki, duzun böyük hissəsi evdə bişirilən yeməklərdən deyil, hazır və yarımfabrikat məhsullardan daxil olur. Pendir, kolbasa, sosiska, çips, hazır şorbalar və müxtəlif souslar “gizli duz” mənbəyi hesab olunur. Bu səbəbdən məhsul alarkən etiket məlumatlarına diqqət yetirmək və az duzlu məhsullara üstünlük vermək vacibdir.
 
Nəticə etibarilə, duz orqanizm üçün zəruri olsa da, onun normadan artıq istifadəsi sağlamlığa ciddi zərər vurur. Yeməklərə az duz tökmək, təbii ədviyyatlardan və alternativ dadvericilərdən istifadə etmək sağlam qidalanmanın əsas prinsiplərindən biridir və uzunmüddətli sağlamlığın qorunmasına xidmət edir.
 

Psixoloq Şeron Livinqston yaxşı dostla toksik dost arasındakı fərqi izah edib. Psixoloqun sözlərinə görə, həqiqi dost yaxın insanı dərin şəkildə incidə biləcək heç bir davranış sərgiləməz. 

Bu barədə “Your Tango” nəşri yazır.

Yaxın dost insanın həyatına böyük sevinc, rahatlıq, təsəlli və əyləncə qata bilər. Nəşr tədqiqat nəticələrinə istinadən bildirir ki, möhkəm dostluq münasibətləri hətta ömrün uzanmasına da kömək edir.

Avstraliyada 10 il ərzində aparılan araşdırma göstərib ki, geniş və güclü dost çevrəsinə malik olan insanların daha uzun yaşamaq ehtimalı 22 faiz yüksəkdir.

Məqalədə vurğulanır ki, pis dost bunun tam əks təsirini göstərə bilər. Belə münasibətlər psixoloji travmalara, stressə, depressiyaya və digər sağlamlıq problemlərinə səbəb ola bilər.

Psixoloqlar bildiriblər ki, həqiqi dost heç vaxt bu 8 təhqiredici davranışı etməz:

1. Sizi onun ən yaxşı dostu olmaq uğrunda yarışdığınızı hiss etdirməz

Rəfiqəniz başqa bir yaxın tanışı haqqında danışaraq ona daha çox diqqət və dəstək verdiyini iddia edə bilər. Bu davranışın səbəbi onun özünə inamsızlığında gizlənə bilər. Böyük Britaniyalı psixoloq Ester R. Koul qeyd edib ki, öz həqiqi “mən”i ilə əlaqəni itirən insanlar tez-tez dəyərlərini təsdiqləmək üçün xarici təsdiq axtarırlar.

Bu isə öz dəyərini sübut etmək üçün rəqabətli davranışı gücləndirir. Psixoloq vurğulayıb ki, bu cür davranışın sizinlə heç bir əlaqəsi yoxdur və siz buna dözməməlisiniz.

2. Danışmaq üçün sizə bərabər vaxt ayırmaz

Rəfiqəniz gününün nə qədər pis və ya nə qədər gözəl keçdiyini uzun-uzadı danışır. Siz özünüzdən danışmağa başlayanda isə o, müxtəlif bəhanələrlə söhbəti yarımçıq kəsir. Nəşrin yazdığına görə, bu halda o, sizi və sizin qayğılarınızı və ya sevincinizi dinləmədən söhbətdən çıxır.

3. Özünüsevər tərzdə tənqid edər

Əlbəttə, səmimiyyət hər cür münasibətdə vacibdir, lakin mərhəmət də unudulmamalıdır. Sərt həqiqət zərər verə və insanı özünü çox pis hiss etdirməyə səbəb ola bilər.

Nəşr qeyd edir ki, bu cür sərt sözlər çox vaxt proyeksiya xarakteri daşıyır, yəni qarşı tərəfi deyil, daha çox tənqid edənin özünü təsvir edir.

4. Sizdən zəng gözləyər, amma özü zəng etməz

Siz ona daha tez-tez zəng edir və ya mesaj yazırsınız, nəinki o sizə. Bu da sizdə onunla ünsiyyətə və görüşlərə daha çox maraq göstərən tərəfin siz olduğunuz hissini yarada bilər.

Münasibətlər o zaman toksikləşir ki, qarşı tərəf sizə sizin ona göstərdiyiniz qədər maraq göstərmir. Bundan əlavə, dostunuzun vaxtınıza dair bitməyən tələbləri də narahatlıq yarada bilər.

5. Sizə dəyişməli olduğunuzu deyər

O, öz qüsurlarını etiraf etməyə belə ehtiyac görmür, onları düzəltməkdən isə heç söhbət getmir. Eyni zamanda, sizə dəyişməyi tövsiyə edir. Münasibətə nə qatdığı onu maraqlandırmır, yalnız tənqid edir və sizi günahlandırır.

6. Hər sözünüzü ölçüb-biçməyə məcbur edər

Əvvəllər onunla ünsiyyət çox əyləncəli idi. Birlikdə gülür, bir-birinizə dəstək olur və bundan zövq alırdınız. Sonradan isə nəsə dəyişir və onunla ünsiyyətdə səhv etməmək üçün həddən artıq ehtiyatlı olmağa başlayırsınız.

7. Sizi emosional “Amerikan dağları”nda gəzirmiş kimi hiss etdirər

Əvvəl tanışlıq möhtəşəm idi və aranızda güclü yaxınlıq hissi var idi. İndi isə ondan nə gözləyəcəyinizi bilmirsiniz. Hər şey yaxşı olanda bu çox gözəl olur, lakin qəfil və səbəbsiz şəkildə onun “düşmənlər siyahısı”na düşürsünüz.

Bu zaman narahatlıq, qorxu və tarazlıq itkisi hiss edirsiniz. Davranışların qeyri-ardıcıllığı və gözlənilməzliyi hər şeydən şübhələnməyə vadar edir, nəticədə özünə hörmət hissi gah yüksəlir, gah da enir.

8. Stress bədəninizdə toplanır

Münasibətlərdən dəstək almaq əvəzinə, özünüzü getdikcə daha zəif hiss edirsiniz. Bədəniniz buna reaksiya verir: narahatlıq artır, baş ağrıları və mədə problemləri yaranır, səhərlər yataqdan qalxmaq çətinləşir.
//qaynar.az

Qışın soyuq günlərində səhər işə gedərkən avtomobilin şüşəsini buzdan təmizləmək həm vaxt aparır, həm də yorucu olur. Bir çox sürücü buzqıran alətlərdən və ya isti sudan istifadə edir, lakin bu üsullar həm şüşəni cıza bilər, həm də temperatur fərqi səbəbindən şüşənin çatlamasına yol aça bilər. Mütəxəssislər isə saniyələr içində nəticə verən daha təhlükəsiz bir üsul təklif edirlər.

Median.Az xəbər verir ki, şüşədəki buzu anında əritmək üçün sizə cəmi iki maddə lazımdır: Tibb spirti (izopropil spirt) və su.

Hazırlanma qaydası:

Bir sprey şüşəsinin 3/2 hissəsini spirtlə, 3/1 hissəsini isə su ilə doldurun.

Üzərinə bir neçə damcı qab yuyan maye əlavə etmək qarışığın təsirini daha da artıracaq.

Şüşəni yaxşıca çalxalayın.

Buzlanmış şüşənin üzərinə bu qarışığı püskürdün. Spirtin donma temperaturu sudan çox aşağı olduğu üçün buz saniyələr içində əriməyə başlayacaq. Sizə sadəcə rezin fırça və ya yumşaq bir bezlə əriyən buzu kənara itələmək qalacaq.

Bu üsul mexaniki təmizləmə zamanı yaranan cızıqların qarşısını alır.

Şüşəni təmizləmək üçün dəqiqələrlə gözləməyə və ya fiziki güc tətbiq etməyə ehtiyac qalmır.

Spirt şüşədə nazik bir təbəqə yaradaraq şüşənin yenidən tez buz bağlamasının qarşısını alır.

Donmuş şüşəyə qaynar və ya isti su tökmək şüşənin anidən partlamasına səbəb ola bilər.

Ən yaxşı nəticə üçün 70%-lik və ya daha yüksək dərəcəli spirtə üstünlük verin.

Son illərdə avokado sağlam qidalanmanın əsas məhsullarından birinə çevrilib. Lakin marketlərdə satılan hər avokado eyni dadda, görünüşdə olmur. Bəziləri həddindən artıq bərk, bəziləri isə evə çatana qədər qaralmış olur. Mütəxəssislər bildirir ki, düzgün avokado seçimi həm vaxta, həm də büdcəyə qənaət etməyə kömək edir.

Qaynarinfo xəbər verir ki, yanlış seçim məhsulun yararsız hala düşməsinə səbəb ola bilər. Bu səbəbdən alış-veriş zamanı bir neçə əsas məqama diqqət yetirmək tövsiyə olunur:

Rəng və qabıq əsas göstəricidir

Avokadonun qabığının rəngi onun yetişib-yetişmədiyi barədə ilkin məlumat verir. Çox açıq yaşıl rəngli avokadolar adətən kal olur, çox tünd və qaraya çalanlar isə artıq yetişmiş sayılır. Mütəxəssislərə görə, ən uyğun avokado tünd yaşıl və yüngül bənövşəyi çalarlar arasında olan, qabığı isə canlı və zədəsiz görünən məhsuldur.

Avakodunu yüngül sıxmaq lazımdır

Avokadonu ovuc içində yüngülcə sıxmaq onun vəziyyətini anlamağın praktik üsullarından biridir. Çox bərk avokado hələ yetişməyib, həddindən artıq yumşaq olanın isə içi qaralmış ola bilər. Yüngül basıldıqda elastik olan, lakin barmaq izi qalmayan avokadolar ideal hesab olunur.

Avokadonun sap hissəsinə diqqət

Avokadonun sapı asanlıqla qopur və alt hissəsi yaşıl rəngdədirsə, bu onun yetişmiş olduğunu göstərir. Sapın altının qəhvəyi rəngdə olması isə içəridə çürümə ehtimalından xəbər verir.

İstifadə vaxtına görə seçim edilməlidir

Mütəxəssislər bildirir ki, avokado seçərkən onun nə vaxt istifadə ediləcəyi nəzərə alınmalıdır. Dərhal istifadə üçün bir qədər yumşaq, bir neçə gün sonra üçün isə daha bərk avokadoların alınması məqsədəuyğundur. Otaq temperaturunda saxlanılan avokadolar qısa müddətdə yetişir.

Ölçü hər zaman keyfiyyət demək deyil

Böyük ölçülü avokadoların daha dadlı olduğu düşüncəsi doğru deyil. Orta ölçülü və dolğun görünüşlü avokadolar adətən daha balanslı dada malik olur. Həddindən artıq iri avokadoların tumunun böyük olması isə yeyilə bilən hissəni azalda bilər.

Mütəxəssislər düzgün seçilmiş avokadonun həm dad, həm də qida dəyəri baxımından fərq yaratdığını vurğulayırlar.

Hər gün zibilə atılan limon qabıqları ev təmizliyində güclü vasitəyə çevrilə bilər. Bir neçə sadə inqrediyentlə hazırlanan bu təbii qarışım mətbəxdən sanitar qovşaqlarına qədər bir çox səthdə effektiv nəticə verir və bahalı deterjanlara alternativ hesab olunur.

Qaynarinfo xəbər verir ki, mütəxəssislər qeyd edib ki, limon qabıqlarında olan təbii yağlar və limon turşusu yağları parçalayır, kirəci yumşaldır və xoş qoxu yaradır. Duz, karbonat, alma sirkəsi və qabyuyan maye ilə birləşdirildikdə isə ortaya qatılığı yüksək, xoş ətirli və büdcəyə uyğun təmizlik konsentratı çıxır.

Ev hazırlaması təmizləyici niyə effektlidir?

Təmizlik məhlulunda istifadə olunan hər bir komponentin ayrıca funksiyası var. Limon qabıqları yağ həlledici və dezinfeksiyaedici xüsusiyyət göstərir. Duz təbii aşındırıcı rolunu oynayaraq bərkimiş çirklərin yumşalmasına kömək edir. Karbonat pis qoxuları neytrallaşdırır və səthləri daha rahat təmizləməyə imkan yaradır. Alma sirkəsi antibakterial və antifungal təsir göstərir. Qabyuyan maye isə yağ təmizləmə gücünü artıraraq qarışıma jeləbənzər qatılıq verir.

Bu qarışım qazan və tavalar, əl üz yuyan və kranlar, kafel səthlər, plitə və paslanmayan polad məmulatların təmizlənməsində geniş istifadə oluna bilər.

Təbii təmizləyici necə hazırlanır?

Reseptə əsasən, bir litr suya beş limonun qabığı əlavə olunur və qarışım qızdırılır. Daha sonra duz və karbonat qatılaraq qarışdırılır. Qaynama həddinə çatdıqda məhlul süzülür və üzərinə alma sirkəsi ilə qabyuyan maye əlavə edilir. Nəticədə bir neçə şüşəlik hazır məhsul əldə olunur ki, bu da ailə büdcəsinə ciddi qənaət deməkdir.

Harada və necə istifadə edilməlidir?

Hazırlanan təmizləyici yanmış qazan və tavaların üzərində, paslanmayan polad səthlərdə, əlüz yuyan və kranlarda, həmçinin kafel və mətbəx tezgahlarında təsirli nəticə verir. İnadkar yağ ləkələri olan yerlərdə isə məhlul durulaşdırılmadan istifadə oluna bilər.

Mütəxəssislər xəbərdarlıq edir ki, təbii daş səthlərdə, xüsusilə mərmər və qranit üzərində bu qarışımın istifadəsi məsləhət görülmür. İstifadədən əvvəl həssas səthlərdə kiçik bir sahədə sınaq aparmaq tövsiyə olunur.