Category: Maraqlı

Smartfonlar litium-ion batareyaların işləmə xüsusiyyətlərinə görə soyuqda tez boşala və qəfil sönə bilər.

Bu barədə Gazeta.ru-ya rusiyalı professor, fizika-riyaziyyat elmləri doktoru Aleksey Yurasov bildirib.

Onun sözlərinə görə, bu cür batareyalar otaq temperaturunda işləmək üçün nəzərdə tutulub və soyuqda effektivliyini itirir. “0°C-dən aşağı temperaturda akkumulyatorun daxilində kimyəvi proseslər ləngiyir, daxili müqavimət artır və o, topladığı enerjini vermək qabiliyyətini itirir. Enerji sistemin işləməsini təmin etməyə çatmadıqda, qoruyucu mexanizm işə düşür və telefon sönür”, – deyə Yurasov izah edib.

Professor əlavə edib ki, şaxtaya daha davamlı olan litium-polimer batareyalar yüksək qiymətə görə daha az istifadə olunur. Ekspert qeyd edib ki, cihazın nə qədər tez soyuması onun korpusundan da asılıdır: metal modellər istiliyi daha tez itirir, plastik korpuslu və ya qalın qoruyucu üzlüklü telefonlar isə daha uzun müddət işləyir.

“Mövsümün soyuq vaxtında smartfonunuzun stabil işləməsi üçün cihazı üst geyiminizin daxili cibində saxlayın və istiliyi saxlayan üzlükdən istifadə edin. Şaxtalı havada ehtiyac olmadıqca telefonu isti cibdən çıxarıb tutmayın, əgər cihaz soyuyubsa, otaq temperaturunda isinməsinə imkan verin”, – deyə mütəxəssis məsləhət verib.
//oxu.az

Üz və bədəndə yaranan səpgilər xəstəliyin əsas əlamətlərindən biridir.

Bu barədə Rusiya Elmlər Akademiyasının akademiki Sergey Netesov məlumat verib.

Onun sözlərinə görə, bu cür səpgilər bəzən suçiçəyi, qızılca, eləcə də ağır hallarda rubella zamanı da müşahidə oluna bilər. Akademik bildirib ki, son 10 il ərzində iki yoluxma faktı qeydə alınıb.

Məlumata əsasən, ilk xəstə iki gün əvvəl xəstəxanaya yerləşdirilib. Onun bədən temperaturu 39 dərəcəyə qədər yüksəlib və üz nahiyəsində səpgilər əmələ gəlib. İkinci xəstənin də hospitalizə olunduğu qeyd edilib.

SHOT xəbər agentliyinin məlumatına görə isə, Moskvaətrafı ərazilərdə (Podmoskovye) daha bir şəxsin tanışı vasitəsilə meymunçiçəyi xəstəliyinə yoluxma ehtimalı var.

“Suyun təkrar qaynadılması onu oksigendən və faydalı metallardan məhrum edir”.

Median.Az Rusiya mətbuatına istinadən xəbər verir ki, bu fikirləri həkim Denis Prokofyev səsləndirib.

Rusiyalı mütəxəssis bildirib ki, suyun dəfələrlə qaynadılması sağlamlıq üçün risk yarada və böyrək problemləri, eləcə də metabolik pozğunluqlara səbəb ola bilər. Onun sözlərinə görə, suyun qaynadılması mikrobların və bakteriyaların məhv edilməsi, yəni sterilizasiya və dezinfeksiya üçün effektiv üsuldur. Lakin bu prosesin dəfələrlə təkrarlanması ağır metalların və duzların konsentrasiyasını artırır, nəticədə çöküntülər və pulcuqlar əmələ gəlir.

Həkim qeyd edib ki, şəhər mühitində sudakı xlorun təsiri kanserogen maddələrin yaranması riskini artırır. Müntəzəm olaraq dəfələrlə qaynadılmış sudan və ya yüksək əhəng tərkibli çaydanlardan istifadə böyrəklərə mənfi təsir göstərə və hətta böyrək çatışmazlığına yol aça bilər.

Bundan əlavə, metabolik pozğunluqlarla bağlı əlavə risklər də mövcuddur. Suyun dəfələrlə qaynadılması onu oksigendən və faydalı metallardan məhrum edir, nəticədə su “ölü” hala düşür və orqanizm üçün yararsız olur. Prokofyevin sözlərinə görə, belə su uzun müddət çaydanda və ya qrafində saxlanılarsa, bakteriyaların çoxalması üçün əlverişli mühit yarana bilər.
//oxu.az

Dünya Taekvondo Federasiyası Rusiya və Belarus idmançılarına milli bayraqlar altında yarışmağa icazə verib.

Federasiyanın şurası müvafiq qərarı Birləşmiş Ərəb Əmirliklərinin Fuceyra şəhərində keçirilən iclasda qəbul edib .

Eyni zamanda, Dünya Taekvondo Federasiyası bir sıra məhdudiyyətlərin qüvvədə qaldığını vurğulayıb: beynəlxalq yarışlar Rusiya ərazisində keçirilə bilməz və Rusiya və Belarus hakimiyyət orqanlarının nümayəndələrinə turnirlər üçün akkreditasiya verilməyəcək.

Qeyd edək ki, Ukraynaya işğalçı hücumdan sonra Rusiya idmançıları 2023-cü ilin aprel ayından bəri beynəlxalq yarışlarda neytral olaraq iştirak edirlər.

Astroloqlar, ulduzların maliyyə vəziyyətlərinin yaxşılaşacağını vəd etdiyi üç bürcün adını çəkib.

Median.Az bildirir ki, 2026-cı ilin fevral ayı Bürc dairəsinin ayrı-ayrı nümayəndələrinin maliyyəsi üçün əsas ay olacaq. Bu dövrün astroloji konfiqurasiyaları pul qazanmaq üçün əlverişli şərait yaradır, lakin risklərə balanslaşdırılmış yanaşma tələb edir. Qoç, Dolça və Oğlaq yeni gəlir mənbələrinə və maliyyə məsələlərində sabitliyə arxalana bilərlər.

Qoç

Qoç üçün fevral ayı çoxdan gözlənilən maliyyə sabitliyi gətirəcək. Ayın əvvəlindən aprelin sonuna kimi onlar üçün əvvəlki səylərin nəhayət öz bəhrəsini verəcəyi mühüm mərhələ başlayacaq.

Bu bürcün nümayəndələri gözlənilməz gəlir və ya maliyyə müstəqilliyinin möhkəmlənməsini gözləyə bilərlər. Əsas ani xərcləmələrin şirnikləndirilməsinə tab gətirmək deyil, resursları ağılla idarə etməkdir.

Dolça

Fevralın 10-dan Dolçalar maliyyə enerjisinin axını hiss edəcəklər. Pul müxtəlif mənbələrdən gələcək: maaş artımları, bonuslar, uğurlu investisiyalar və ya gözlənilməz gəlir.

Bununla belə, astroloqlar xərclərlə ehtiyatlı olmağı məsləhət görürlər. Ayın sonu büdcənizi nəzərdən keçirmək, xərclərə nəzarət etmək və borcları ödəmək üçün ideal vaxtdır. Vəsaitlərin ağıllı idarə edilməsi uzunmüddətli uğurun açarı olacaq.

Oğlaqlar

Oğlaqlar üçün 17 fevralda pul qazanmağın innovativ yolları ilə bağlı yeni maliyyə dövrü başlayacaq. Onlayn layihələrə və texnologiya sektoruna xüsusi diqqət yetirilməlidir.

Əsas məsləhət dəyişikliyə açıq olmaqla ehtiyatlılığı tarazlaşdırmaq olacaq. Qərar verməkdə tələsməməli, amma ümidverici təkliflərdən də imtina etməməlisən. Bu ay düzgün seçim gələcək illər üçün maliyyə rifahınızı müəyyən edə bilər.

Ümumiyyətlə, bütün bürclər üçün fevral ayı risk və sabitlik arasında balanslaşdırılmış yanaşma tələb edir. Yeni imkanlara açıqlıq maliyyə yastığının yığılması ilə birləşdirilməlidir.

Britaniyalı jurnalist Rozamund Din bir ay müddətinə çörəkdən imtina edərək bu məhsulun sağlamlığına real təsirini yoxlamaq qərarına gəlib.

Müddət başa çatandan sonra o, tibbi müayinədən keçib və nəticələrin gözlədiyindən daha fərqli olduğunu bildirib. Rozamund Din yalnız çörəkdən deyil, həm də ultra emal olunmuş qidalardan uzaq durmağa çalışıb. Lakin o, çörəyin bir çox gözlənilməz məhsulların tərkibində gizləndiyini fərq edib. Məsələn, burgerlərin içində istifadə olunan panir suxariləri, briyoş bulka və hətta lavaş kimi məhsullar da çörək kateqoriyasına daxildir. Bu səbəbdən o, gündəlik qidalanmasında bir sıra dəyişikliklər etməli olub.

Bir ayın sonunda aparılan yoxlamalar zamanı bir neçə müsbət dəyişiklik qeydə alınıb.

O, 2 kiloqramdan artıq çəki itirib. Arterial təzyiq göstəriciləri normaya düşüb və xolesterin səviyyəsi də sağlam diapazona qayıdıb. Bu nəticələr onun üçün gözlənilməz olub və qidalanma vərdişlərinin sağlamlığa təsirini bir daha göstərib.

Mütəxəssislər isə bildirirlər ki, bu cür təcrübələrin nəticələri hər insanda eyni olmaya bilər. Qidalanmada əsas məsələ məhsulu tamamilə çıxarmaqdan çox, balansı qorumaq, keyfiyyətli və az emal olunmuş qidalara üstünlük verməkdir. Çörəkdən imtina bəziləri üçün faydalı olsa da, digərləri üçün vacib enerji və lif mənbəyinin azalması anlamına gələ bilər. Buna görə də hər hansı kəskin pəhriz dəyişikliyi etməzdən əvvəl mütəxəssis məsləhəti almaq tövsiyə olunur.
//lent.az

Pendir gündəlik qida rasionuna daxil edilməlidir, lakin onun miqdarı ciddi şəkildə məhdudlaşdırılmalıdır.

Bu tövsiyə Rusiyanın İctimai Səhiyyə və Tibbi Profilaktika Mərkəzinin mütəxəssisləri tərəfindən verilib.

Həkimlərin rəyinə əsasən, pendirin gündəlik qəbulu miqdarı cəmi 30-50 qramdır ki, bu da iki baş barmaq ölçüsündə bir parçaya bərabərdir. Bu miqdar bədəni artıq kalori, duz və doymuş yağlarla yükləmədən məhsulun faydalarından yararlanmağa imkan verir.

Həkimlər pendirin əsas faydaları arasında sümükləri və dişləri möhkəmləndirən yüksək kalsium və fosfor tərkibini, eləcə də yüksəkkeyfiyyətli protein və vacib aminturşularını vurğulayırlar. Məhsul immunitet sistemini, görmə qabiliyyətini və dəri sağlamlığını dəstəkləyən A, D və B vitaminləri ilə zəngindir, kifli və yaşıl növlərdəki probiotiklər isə bağırsaq mikroflorası üçün faydalıdır.

Şiddətli laktoza həssaslığı və ya müəyyən böyrək xəstəlikləri kimi birbaşa əks göstərişlər olmadığı təqdirdə, pendir hər gün yeyilə bilər.

Almaniyanın Mərkəzi Ruhi Sağlamlıq İnstitutunun rəhbərliyi ilə aparılan tədqiqat ilk dəfə olaraq siqaret çəkməklə depressiya arasında əlaqəni təsdiqləyib.

Tədqiqat “BMC Public Health” jurnalında dərc edilib.

Araşdırma göstərib ki, heç vaxt siqaret çəkməyən insanlara nisbətən siqaret çəkmiş və ya hazırda çəkməkdə olan insanlar arasında depressiyaya daha çox rast gəlinir.

Təhlil 19-72 yaş arası 173 890 nəfərin məlumatlarını əhatə edib. Müəyyən olunub ki, insan gündə nə qədər çox siqaret çəkirsə, depressiv simptomlar bir o qədər çox hiss olunur. Alimlərin hesablamalarına görə, bir ədəd siqaret orta hesabla 0.05 depressya simptomunun artmasına səbəb olur.
//oxu.az

Yoqurt fermentləşdirilmiş süd məhsuludur və çox vaxt həzm üçün faydalı olan probiotiklər ehtiva edir. Bəs yoqurtu hər gün yemək vərdişinə çevirsək, orqanizmdə əslində nə baş verir?

Lent.az yoqurtun faydalarını təqdim edir:

Yoqurt bağırsaq sağlamlığını necə yaxşılaşdırır?
Faydalı mikrofloranın müxtəlifliyini artırır

Bağırsaqda trilyonlarla mikroorqanizm yaşayır. Onlar təkcə həzmi yox, həm də immuniteti və hətta beyin sağlamlığını təsir edir. Canlı və aktiv bakterial mədəniyyətlər olan yoqurt faydalı bakteriyaları “qidalandırır” və onların müxtəlifliyini artırır. Mikrobiom nə qədər müxtəlif olarsa, iltihab səviyyəsi bir o qədər aşağı olur və xroniki xəstəlik riski azalır. Məsələn: diabet, ürək xəstəlikləri və bəzi xərçəng növləri.

Bağırsağın selikli qişasını qoruyur

Yoqurtdakı probiotiklər bağırsaq baryerinin möhkəm qalmasına kömək edir. Bu baryer zərərli maddələrin orqanizmə keçməsinin qarşısını alır və iltihabi prosesləri azaldır.

Qəbizliyi yüngülləşdirə bilər

Probiotik tərkibli yoqurtun müntəzəm qəbulu bağırsaq hərəkətlərini yaxşılaşdıra bilər. Araşdırmalar göstərir ki, gündəlik olaraq bir neçə probiotik ştammı olan yoqurt yeyən insanlar qəbizlik, köp, qarın ağrısı kimi şikayətlərin azaldığını qeyd ediblər.

Yoqurt nə vaxt zərər verə bilər?

Yoqurt hər kəs üçün uyğun deyil. Laktoza dözümsüzlüyü olan insanlarda qaz, köp və ya ishal yarada bilər. Yoqurtda laktoza süddən az olsa da, bəzən laktozasız və ya bitki tərkibli alternativlər seçmək daha yaxşıdır. Həmçinin çox şəkərli yoqurtlar və ya şəkər əvəzedicili məhsullar da problem yarada bilər. Belə yoqurtlar bağırsağın vəziyyətini pisləşdirə və qanda şəkərin səviyyəsinə mənfi təsir göstərə bilər.

Ən faydalı yoqurtu necə seçmək olar?

Etiketdə “canlı və aktiv mədəniyyətlər” yazısını və bakteriya ştammlarının siyahısını axtarın

Şəkərsiz təbii və ya yunan yoqurtu seçin

Tərkibi çox uzun olan, süni dadlandırıcı və qatqılı məhsullardan uzaq durun

Yoqurtu necə yesək daha faydalı olar?

Yoqurtu liflə zəngin məhsullarla birlikdə yemək daha yaxşıdır: meyvələr, giləmeyvə, qoz-fındıq, toxumlar.

Qara və yaşıl çay eyni bitkidən əldə edilsə də, istehsal və hazırlanma üsuluna görə ciddi şəkildə fərqlənir. Bu fərqlər onların dadına, kofein və antioksidant tərkibinə təsir göstərir.

Qaynarinfo “Very Well Health”a istinadən xəbər verir ki, qara çay daha çox kofein, yaşıl çay isə daha çox antioksidant ehtiva edir.

Kofein çay bitkisinin yarpaqlarında olan təbii kimyəvi maddədir və mərkəzi sinir sisteminin stimulyatoru sayılır. Kofein aşağıdakı təsirlərə malikdir:

– ayıqlığı artırır və yorğunluğu azaldır;
– beyin fəaliyyətini yaxşılaşdırır;
– maddələr mübadiləsini sürətləndirir;
– fiziki məşqlərin effektivliyini yüksəldir.

Qara və yaşıl çayda kofeinin miqdarı fərqlidir. Qara çay tam oksidləşmiş yarpaqlardan hazırlandığı üçün adətən yaşıl çaydan daha çox kofein ehtiva edir.

Standart 8 unsiyalıq (237 ml) bir fincan qara çayda təxminən 47 milliqram (mq) kofein ola bilər. Eyni həcmdə yaşıl çayda isə bu göstərici təxminən 30 mq təşkil edir.

İçki seçimi şəxsi zövqdən asılıdır. Əgər daha çox enerji verən və diqqəti artıran içki lazımdırsa, qara çay daha uyğun seçim ola bilər.

Gündə nə qədər kofein qəbul etmək olar?

ABŞ-ın Qida və Dərmanlara Nəzarət İdarəsi (FDA) əksər böyüklər üçün gündəlik kofein qəbulunun 400 mq-dan çox olmamasını tövsiyə edir. Lakin kofeinə daha həssas olan insanlar üçün bu hədd daha aşağı ola bilər.

Antioksidantlar hansında daha çoxdur: Qara, yoxsa yaşıl çayda?

Polifenollar çayda mövcud olan əsas antioksidant birləşmələrdir və onlar:

– iltihabı azaltmağa;
– oksidləşdirici stresdən qorumağa;
– hüceyrə zədələnməsinin qarşısını almağa;
– ürək xəstəlikləri riskini azaltmağa kömək edə bilər.

Yaşıl çay antioksidantlarla xüsusilə zəngindir. Onun tərkibinin təxminən 90 faizi polifenollardan ibarətdir. Buraya epikatexinlər, o cümlədən epiqallokatexin qallat (EGCG) daxildir. Bundan əlavə, yaşıl çay karotinoidlər, tokoferollar, vacib minerallar və müxtəlif fitokimyəvi birləşmələr də ehtiva edir.

Qara çay da güclü antioksidant mənbəyidir. Onun tərkibində katexinlər, teaflavinlər və tearubiginlər, həmçinin vacib minerallar və vitaminlər mövcuddur. Çaya əlavə edilən darçın, zəncəfil, mixək və kardamon kimi ədviyyatlar da polifenollar və iltihabəleyhinə maddələrlə zəngindir və müalicəvi təsirə malikdir.

Ümumilikdə, yaşıl çayın antioksidant tərkibi qara çayla müqayisədə xeyli yüksəkdir. Bu fərq, ehtimal ki, oksidləşmə və fermentasiya prosesləri zamanı antioksidantların daha yaxşı qorunması ilə bağlıdır.