Category: Sağlamlıq

Koronavirusu olan hamilə qadınlarda infarkt riski 25 dəfə, venoz tromboembolizm isə ikiqat artıb.

Median.Az xəbər verir ki, bu barədə Amerikanın Brigham və Qadın Xəstəxanasının mütəxəssisləri məlumat verib. Bildirilib ki, araşdırmalarının nəticələri “JAMA” Daxili Xəstəliklər portalında dərc edilib.

Rus tədqiqatçılar qərbdəki həmkarlarının bu fikrini təsdiqləyib. Rusiyalı ginekoloq Nadejda Stuleva bildirib ki, kovid xəstəliyi olan gələcək anaların ürək-damar ağırlaşmaları riski artmaqdadır.

“Hamiləlik dövründə qan laxtalanması 10 qat artır. Bir qadın hamiləliyini və müalicəsini davam etdirmək üçün xəstəxanaya müraciət edərsə, bu, laxtalanmanı 18 qat artırır”, – ekspert bildirib.

COVID-19-un hemostatik sistemi güclü şəkildə işə saldığı, damarlarda mikrosirkulyasiyanın pozulmasına səbəb olduğu qeyd olunur. Təhlükəli simptomlar inkişafının qarşısını almaq üçün kovidli hamilə xəstələr mümkün qədər diqqətli olmalıdırlar. (publika.az)

Maska taxılmasına olan qorunma zərurəti yalnız hər bir ölkədə kütləvi masştablı vaksinləşmədən sonra aradan qalxa bilər.

Median.Az xəbər verir ki, bunu rusiyalı immunoloq Vladislav Jemçuqov bildirib.

Onun hesablamasına görə, bu vaksinləşmə davam edərsə, 4 aydan sonra mümkün olacaq.

“Maskanı tamamilə o halda arxayınlıqla çıxarmaq olar ki, yaşadığınız regionda 60-70% əhali tam, yəni birinci və ikinci doza vaksinini almış olsun”. /medicina.az

Biz nə yeyiriksə, oyuq. Lakin hər gün süfrəmizdə, menyumuzda sağlam qida daha da azalır.

Hamı bir xəstəlikdən qorxur: Onkologiya. Amma hər gün də bir misqal onkoloji xəstəlik yaradan kanserogen maddə yeyirik.

Qidaların, ərzaqların keyfiyyətsizliyi bir tərəfə, tərkibinin qəsdən, sanki bilərəkdən zərərli maddələrlə doldururlar.

“Medicina.az”xəbər verir ki, Sovet dövründə qida istehsalatında, xüsusən uşaq qidalarında kanserogen maddə olan Qlisidol ciddi qadağa altında idi. Bir çox Avropa ölkələrində də bu maddə qida sənayesində qadağan olunub.

Məhz onun onkoloji xəstəliklər yaratdığı məlumdur.

Hazırda isə Rusiya, MDB dövlətləri və Azərbaycanda 60% ərzaq məhsullarının tərkibində qlisidol var.

Qlisidol hamının əzbər bildiyi texniki palma yağıdır.

O ucuz başa gəldiyi üçün bütün ərzaq məhsullarına qatılır.

Xüsusən marketdə qutu və qablaşdırılmış şirniyyat, peçenye, konfetlər, şokolad yağları. Bunları da daha çox uşaqlar, gənclər yeyir.

Əvvəl Moskvanın bütün şirniyyat konfet fabrikləri kakao yağından istifadə edirdi. İndi kakao yağını ancaq luks məhsullarda istifadə edirlər, onlar da bahalıdır.

İstənilən tərkibində süd olan elə məhsul yoxdur ki, onda qlisidol olmasın.

– Dondurma, kremlər, yağlar, hətta kərə yağı, kolbasa, sosis, müxtəlif konservləşdirilmiş məhsullar.
– Elə bilirsiz, çörəkdə qlisidol yoxdur?
– Marketlərdə satılan hazır qatlı xəmir qlisidolludur.
– Pitsalar, kekslər, ruletlər.

Bunu kim qadağan etməlidir?

Hər bir ölkəyə ərzaq idxalı və qida məhsulu istehsalına cavabdeh dövlət qurumu.

Bu qurumlar insanların vergiləri hesabına, dövlət büdcəsi hesabına işləyir və onların borcu milləti təhlükəli kanserogen maddələrdən qorumaqdır.

Hətta elə dünyaca məşhur qida brendləri var ki, onlar Avropada istesal etdikləri zavodlarda bu maddəni qanunla qadağan edildiyi üçün istifadə edə bilmir. Amma Rusiya və MDB dövlətlərində yerləşən zavodlarda geninə boluna palma yağı istifadə edirlər.

Sağlamlığa və uzunömürlü olmağa mane olan amillərlə bağlı daha bir araşdırma aparılıb.

İsveç alimləri 1987-ci ildən 2006-cı ilə kimi olan dövrlə bağlı Danimarka, Finlandiya və İsveçdə 1,1 milyondan çox spirtli içki qəbul edənlərin ölüm və ömür uzunluğunu təhlil ediblər. Alimlər müntəzəm olaraq spirtli içki qəbul edənlərdə ömür müddətinin 24-28 il daha qısa olduğu müəyyən ediblər. Mayo klinikasından olan mütəxəssislərin sözlərinə görə, spirtli içki yalnız ömrü qısaltmır, həm də onun keyfiyyətinə təsir göstərir. Onların daimi qəbulu bədənin bütün sistemlərinə zərbə vurur.

Ekspertlər bildirir ki, əgər insan istifadə etdiyi spirtli içkilərin miqdarını məhdudlaşdıra bilmirsə, daim içmək arzusu ilə yaşayırsa, hobbi və əyləncələrdən alkoqol görə imtina edirsə və ya adət edilmiş gündəlik vəzifələrin öhdəsindən gəlməyi dayandırırsa, onda yuxarıda qeyd olunanlar arasındadır. Bu halda həyəcan təbili çalmağa dəyər.

Qeyd edək ki, başqa bir araşdırmaya görə, alimlər sağlamlıq üçün başqa spirtli içkilər əvəzinə şərab içməyi məsləhət görürlər. Şərab vaxtından əvvəl ölüm riskini azaldır, pivə və daha tünd alkoqoldan fərqli olaraq orqanizmə xeyirlidir.

Qlazqo Universitetinin alimləri İngiltərədəki 300 mindən çox insanın sağlamlıq göstəricilərini təhlil ediblər. Tünd alkoqol sevənlərin şəraba üstünlük verənlərlə müqayisədə hər hansı bir səbəbdən 25%, ürək-damar ağırlaşmalarından isə 31% daha tez öldüyü ortaya çıxıb.

Eyni zamanda, alimlər yalnız spirtli içki qəbul edənlərin sağlamlıqlarını müqayisə etdiklərini qeyd ediblər. Onlar hesab edir ki, alkoqolun tamamilə rədd edilməsi sağlamlıq üçün daha faydalıdır.

Vaşinqton Universitetinin Tibb Fakültəsinin alimləri hansı koronavirus xəstələrində ölüm riskinin yüksək olduğunu müəyyənləşdirmək üçün bir araşdırma aparıb.

Median.Az xəbər verir ki, mütəxəssislər virusun səbəb olduğu hüceyrə ölümünün və immun sisteminin şiddətli reaksiyasında rol oynayan, sərbəst dövran edən mitokondrial DNT-ni (mtDNA) müəyyən etmək üçün kovidli 97 xəstədən qan plazması götürüb.

Tədqiqat şiddətli ağciyər funksiyası pozulmuş və ya ağırlaşmalardan ölənlərdə orta hesabla turşu səviyyələrinin on qat daha yüksək olduğunu aşkar edib. Eyni zamanda mtDNA miqdarının artması ölüm riskini iki dəfə, reanimasiyaya düşmə ehtimalını üç dəfə, intubasiya riskini altı dəfə artırıb. Bu əlaqənin yaş, cinsiyyət və ya xroniki xəstəlikdən asılı olmadığı qeyd olunub.

Tədqiqatçılar mitokondriyal DNT testinin xəstələrin sağlamlığını digər testlərdən daha yaxşı proqnozlaşdırdığını söyləyib. Mürəkkəb bir avadanlıq tələb etmir, PCR qədər tez və asanlıqla həyata keçirilir. Lakin səlahiyyətlilərdən təsdiq almaq üçün əlavə test tələb olunur. (publika.az)

Təkcə yeni növ koronavirus (COVID-19) infeksiyasına qarşı deyil, digər infeksion xəstəliklərə qarşı mübarizədə immunitet sisteminin güclü olması çox əhəmiyyətli rol oynayır. İmmunitet sistemi fərdi xarakter daşısa da, onun gücləndirilməsi mümkündür. Bu sahədə mövsümü meyvələrlə qidalanmaq və gün ərzində çoxlu maye qəbul etmək əhəmiyyətli rol oynayır.

Median.Az bildirir ki, həkim-terapevt Sübhan Hacıyev su qəbulu qaydaları barədə AZƏRTAC-a məlumat verərək deyib: “Hər kəs öz bədən çəkisini 0,5-ə vurmaqla alınan rəqəmin onun mayeyə olan tələbatını öyrənə bilər. Məsələn, çəkisi 80 kiloqram olan insan gün ərzində 4 litr maye qəbul etməlidir. Yaxşı olar ki, onun 2 litri təbii su, qalanı isə qəbul edilən duru yeməklər, içilən çay və mayelərdən ibarət olsun. Ən azı mayenin 50 faizinin təbii su olması mütləq şərtdir”.

“Lakin həddindən çox ifrata da varmaq olmaz, çünki su intoksikasiyası deyilən bir anlayış da var. Suyu qədərindən çox içmək ona qarşı ikrah hissi, ürəkbulanma yaradır və o yerə gəlib çıxır ki, su qəbul edilməsi tamamilə dayandırılır. Suyun yaratdığı köp, mədə-bağırsaq traktının pozulması, ishal və s. hallar olur. Ona görə də bunları nəzərə almaq lazımdır”, – deyə həkim-terapevt əlavə edib.

COVID-19-un mutasiyası prosesi gələcəkdə də davam edəcək.

Median.Az xəbər verir ki, belə bir əminliklə Ümumdünya Səhiyyə Təşkilatının (ÜST) eksperti Mariya van Kerkhove bazar ertəsi keçirdiyi brifinqdə çıxış edib.

“Mutasiya davam edir”, – o qeyd edib: “Mutasiya – bu, təbii prosesdir. Virus özü özlüyündə xüsusi olaraq təsir etmir, ancaq biz bu variantları, həmçinin ötürülmə potensialı nöqteyi-nəzərindən araşdırmağı davam etdirməliyik”.

Van Kerkhove vurğulayıb ki, ÜST vəziyyəti diqqətlə müşahidə etməyə və mutasiyaları araşdıran dünya alimləri ilə işləməyə davam edir. Bundan başqa, ekspert əlavə edib ki “təşkilatın özünün koronavirusun yeni variantlarının tədqiqatını aparan mütəxəssis qrupları var”. “Onların işinin nəticələri yaxın günlərdə və həftələrdə alınacaq”, – o deyib.

Xatırladaq ki, dekabrın 14-də Böyük Britaniyanın Səhiyyə Nazirliyinin başçısı Mett Henkok ölkəsinin alimləri tərəfindən koronavirusun yeni ştammının üzə çıxarılması haqqında bildirib. Yeni ştamm İngiltərənin cənub-şərq hissəsində sürətlə yayılmağa başlayıb. İlkin məlumatlara görə, koronavirusun yeni variantı 70% daha yoluxucudur.

Koronavirusun gəldiyini bilmək üçün qızdırmanı gözləməyin.

Uhan şəhər xəstəxanasının həkimləri daxil olan xəstələrin anamnezini araşdıraraq, koronavirusun ilk və diqqətə alınmayan əlamətlərinin tamam başqa olduğunu müəyyən ediblər.

Median.Az medicina.az-a istinadən xəbər verir ki, virusa yoluxmanın ilk əlaməti adi qripə bənzər simptomları özünü xəstəliyin orta mərhələsində, hətta atipik pnevmoniyanın başlanğıcında göstərə bilər.

Koronavirusun ilk əlaməti isə həzm sistemində özünü göstərir: ürəkbulanma, qarında ağrı, ishal, ağciyərlər olan nahiyədə sıxılma, ürək döyüntüsünün artması.

Həkimlər bir çox xəstələrin hətta yüksək temperatursuz xəstəxanaya gətirildiyini bildirib. Ona görə qızdırma yoxdursa, koronavirus yoxdur deyə düşünmək yanlışdır.

Koronavirus mütləq bəzi test və analizlərlə dəqiq diaqnoz olunur.

Tibbi maskadan istifadə etməklə yoluxma hallarının sayını qısa müddət ərzində xeyli azaltmaq mümkündür.

“Report” PNAS-ə istinadən xəbər verir ki, Almaniyada koronavirusa yoluxmaya dair rəqəmləri təhlil edən bir qrup tədqiqatçı hamılıqla qoruyucu maska taxmaqla yoluxma sayının gündəlik 47 faiz azaldığı qənaətinə gəliblər.

Tədqiqat zamanı ölkənin müxtəlif bölgələrinə dair məlumatlar müqayisə edilib. Belə ki, aprel ayının əvvəlində məcburi qaydada maska taxmağın tətbiq edildiyi Yena şəhərində sonrakı həftələr ərzində yeni yoluxma hallarının sıfırlandığı üzə çıxıb. Bu təcrübənin başqa bölgələrdə də tətbiq edilməyə başlanıldığı qeyd olunur.

Azərbaycanda canlı donordan transplantasiya məqsədilə götürüləcək orqanların siyahısı açıqlanıb.

“Report” xəbər verir ki, bu barədə Prezident İlham Əliyevin təsdiqlədiyi “İnsan orqan və toxumalarının donorluğu və transplantasiyası haqqında” qanunda qeyd edilib.

Qanunda bildirilib ki, canlı donordan transplantasiya məqsədilə yalnız böyrəyin biri, ağciyərin bir payı, qaraciyərin bir hissəsi, mədəaltı vəzinin bir hissəsi, nazik bağırsağın bir hissəsi, dərinin bir hissəsi, sümük iliyi, kök hüceyrələr götürülə bilər.

Qanun gələn ilin yanvarın 1-dən qüvvəyə minəcək.