Month: March 2019

Yasamal Yaşayış Kompleksindəki “Güzəştli mənzil” sistemi vasitəsilə seçilmiş 174 mənzildən 152-nin alqı-satqısı başa çatıb. Güzəştli mənzil”lərin 22-i isə sonradan vətəndaşlar tərəfindən seçilməsinə rəğmən müxtəlif səbəblərdən əldə edilə bilmədiyinə görə imtina olunub.

Median.Az-ın məlumatına görə, Mənzil İnşaatı Dövlət Agentliyinin mətbuat xidmətinin rəhbəri Diana Dadaşova Xəzər Tv-yə bildirib ki, imtina edilmələrin müxtəlif səbəbləri var.

Əldə edilə bilməyən 22 mənzil növbəti satışda digər mənzillərlə birgə vətəndaşlara təklif olunacaq.Bu arada satılan mənzillərin ən çox kimlər tərəfindən alındığı da məlumdur.

Qeyd edək ki, Yasamal Yaşayış Kompleksində ötən ilin setnyabr və bu ilin yanvar ayında keçirilən satışların nəticəsində ümumilikdə 430 nəfər güzəştli mənzilə sahib olub. Yaxın vaxtlarda Yasamal Yaşayış Kompleksində mənzillərin satışı ilə bağlı növbəti elan verilməsi gözlənilsə də dəqiq tarix hələ ki, bəlli deyil.//Baku.ws

Azərbaycanda əlillik yeni meyarlarla təyin ediləcək. Beynəlxalq təcrübdən istifadə edilərək hazırlanan yeni qanun layihəsinin tətbiqi üçün əliliyi təyin edən həkimlərə təlimlər keçiriləcək.

Median.Az xezerxeber.az-a istinadən bildirir ki, yeni meyarların 2020 ci ilin yanvarın 1 dən etibarən tətbiq ediləcəyi nəzərdə tutulub.

Əmək və əhalinin Sosial Müdafiəsi naziri Sahil Babayev sosial müavinət və təqaüd artımları ilə bağlı da məlumat verərək bildirib ki, bu artımlar 600 min insanı əhatə edəcək, onun 300 mindən çoxu əlilliyi olan şəxslərdir. Vətəndaşlar bu ayın ödənişini artımla bərabər ala biləcək. Nazir iş və işçi axtaranlar üçün əvəzsiz elektron xidmət olacaq ”Məşğulluq alt sistemi”nində yaxın günlərdə fəaliyyətə başlayacağını bildirib.

Sahil Babayev şəhid vərəsələrinə birdəfəlik ödənişdən də danışaraq bildirib ki, artıq 7800 vərəsəyə ödəniş edilib və 400 polis şəhidə görə ödənişin ediləcəyi təsdiqlənib.

Bu gün həm də Əmək və Əhalinin Sosiaş müdafiəsi naziri və nazirliyin əməkdaşları Azərbaycanda aparılan sosial islahatlar barədə ölkəmizdə fəaliyyət göstərən diplomatik korpusun nümayəndələrini məlumatlandırıb.

Müəllimlər müddətsiz müqavilə bağlaya biləcəklər. Bunun üçün onlar xüsusi müsabiqədən keçməlidirlər. Müsabiqəyə sənəd qəbulu isə 1-5 aprel tarixlərində olacaq.

Median.Az xezerxeber.az-a istinadən bildirir ki, əmək müqaviləsi hansısa konkret tarixədək olan müəllimlər bu müqaviləni müddətsiz edə biləcəklər. Bunun üçün Təhsil Nazirliyi yeni müsabiqə keçirəcək.

Nazirlik ölkənin ümumi təhsil müəssisələrində müddətli əsaslarla çalışan müəllimlər ilə müddətsiz əmək müqaviləsinin bağlanılması üçün yeni müsabiqəyə start verir. Nazirliyin İnsan Resursları şöbəsinin müdiri Eşqi Bağırov bildirir ki, müsabiqədə iştirak etmək üçün müəllimlər tələb olunan meyarlara cavab verməlidirlər.

Təhsil İşçilərinin Peşəkar İnkişafı İnstitutunun nəzdində fəaliyyət göstərən İnsan Resursları Mərkəzi tərəfindən keçiriləcək müsabiqədə iştirak etmək istəyənlər 1-5 aprel tarixlərində miq.edu.az/muqavile/ saytında qeydiyyatdan keçməlidirlər. Nazirliyin rəsmisi keçiriləcək müsabiqə ilə bağlı sabah canlı yayım edəcəklərini və müəllimləri maraqlandıran bütün suallara cavab verəcəklərini deyib.

Onu da qeyd edək ki, ötən il müddətsiz əmək müqaviləsi bağlanan müəllimlərin sayı 500 nəfər olub. Bu il həmin rəqəmin daha yüksək olacağı da gözlənilir.

Xarici ölkədə fəaliyyət göstərən bank adından Bakıda vətəndaşa qarşı dələduzluq etmək istəyiblər.

Hadisə Yardımlı sakini Nail Ağaverdiyevin başına gəlib. ”Xəzər Xəbər”ə müraciət edən həmin şəxs deyir ki, bir neçə gün əvvəl sosial şəbəkədə ona Samira adlı bir qadın yazıb. Qadın Fransadakı banklardan birinin əməkdaşı olduğunu deyərək, Nail Ağaverdiyevə kredit götürməyi təklif edib. Nail Samira adlı qadından 5 min dollar götürmək istədiyini deyib. Qadın onunlatürk dilində yazışdıqdan sonra mobil telefon nömrəsini istəyib.

Median.Az xezerxeber.az-a istinadən bildirir ki, bir neçə dəqiqə sonra ”+229 60 46 11 22” nömrəli mobil telefondan Nail Ağaverdiyevə ”votsap”dan mesaj gəlib. Özünü Fransada bank müdiri kimi qələmə verən şəxs Nail Ağaverdiyevin ad və soyadına yazılmış və möhürlü bir müqavilə sənədi göndərib. Məlumat verib ki, həmin müqavilə sənədini çap edərək imzalasın və təkrar mobil telefon vasitəsilə şəklini çəkib onlara göndərsin. Ardından isə 143 dolları ödəmək üçün bir hesab nömrəsi göndərib.

Nail Ağaverdiyev bunun bir dələduzluq olduğunu anlayıb və tələb edilən məbləği göndərməyib. Araşdırma zamanı məlum olub ki, həmin mobil nömrə Afrika qitəsində yerləşən Benin Respublikasına məxsusdur. Hüquqşünas Anar Ramazanov xarici ölkədə olan hansısa bir bankın telefon vasitəsilə yazışaraq vətəndaşa kredit verməsinin mümkün olmadığını deyir.

Hüquqşünas bu kimi faktla üzləşən şəxslərə ərazi üzrə polis idarəsinə müraciət etməyi tövsiyyə edir.

Azərbaycanın quşçuluq fabrikləri quş əti istehsalında çətinliklərlə üzləşir.

Median.Az bildirir ki, bunu Trend-ə “İsmayıllı Quşçuluq” ASC-nin direktoru Zahid Qardaşov deyib.

Onun sözlərinə görə, bu sahənin aktual problemi damazlıq yumurta tədarükündə dövlət nizamlanmasının olmamasıdır:

“Ölkədə fəaliyyət göstərən bir neçə təsərrüfat tərəfindən tədarük olunan damazlıq yumurtalar ikinci nəsil yumurtalardır. Birinci nəsil damazlıq yumurtalar demək olar ki, tədarük olunmur. Hesab edirəm ki, dövlət bu prosesi nəzarət altına almalıdır, çünki nizamlanmanın olmaması bu sahənin inkişafını ləngidir. Hələlik isə bu sahədə hər hansı bir addım atılmır”.

Broyler şirkətlərinə tədarük olunan damazlıq yumurtalardan diri quş kütləsinin artımı 1,7 kiloqramdan çox deyil ki, bu da Z.Qardaşovun sözlərinə görə, biznes üçün səmərəli deyil.

O əlavə edib ki, bu səbəbdən quş əti istehsalı ilə məşğul olan müəssisələr çətinliklərlə qarşılaşır və əksər hallarda müflisləşmə ilə üz-üzə qalır.