Month: September 2019

Bakı Nəqliyyat Agentliyi (BNA) Milli Məclisin deputatı Tahir Kərimlinin qurumla bağlı səsləndirdiyi iradlara münasibət bildirib.

Median.Az-ın APA-ya istinadən xəbərinə görə, Agentliyin yaydığı məlumatda bildirilib ki, parlamentin Hüquq siyasəti və dövlət quruculuğu komitəsinin üzvü Tahir Kərimli inzibati tənbeh vermə haqqında qərarın Mərkəzi İnformasiya Sisteminin məlumatları əsasında tərtib edildiyini yaxşı bilir.

“Vəfat etmiş şəxsin nəqliyyat vasitəsini idarə edən sürücü avtomobilin müvafiq qaydada rəsmiləşdirməni icra etməlidir ki, belə hallar yaşanmasın. Məsələnin BNA-nın səhvi kimi Parlamentin plenar iclasında səsləndirilməsi təəccüb doğurur. Millət vəkilinin sədri olduğu partiyanın qərargahı qarşısında nəqliyyat vasitəsini saxlaya bilməməsinə gəlincə bildiririk ki, ərazidə dayanma və durmanı qadağan edən nişan varsa, statusundan asılı olmayaraq hamı bu tələbə əməl etməlidir. Digər bir yandan partiya qərargahından piyada 10 dəqiqəlik məsafədə Qış parkı avtomobil dayanacağı yerləşir. Düşünürük ki, Tahir Kərimli nəqliyyat vasitəsini dayanacaqda park edib, partiya qərargahına piyada getməklə digər vətəndaşlara da çox gözəl nümunə ola bilərdi. Cərimələrdən faiz tutulmasına da aydınlıq gətirərək bildiririk ki, dayanma-durma qaydalarının pozulmasına görə tətbiq edilən cərimələrə görə ödənilən vəsaitlər Nazirlər Kabinetinin müvafiq qərarına əsasən dövlət büdcəsinə daxil olur. BNA əməkdaşlarının əmək haqları cərimələrdən formalaşmır”, – deyə məlumatda vurğulanıb.

Qeyd edək ki, millət vəkili Tahir Kərimli Bakı Nəqliyyat Agentliyindən şikayətlənib. Milli Məclisin payız sessiyasının ilk iclasında “Dövlət rüsumu haqqında” qanuna təklif edilən dəyişikliyin müzakirəsi zamanı millət vəkili Tahir Kərimli deyib ki, şəxsən o, Bakıda avtomobili saxlamaq üçün parklanma yeri tapa bilmir. Millət vəkili bildirib ki, avtomobillər dayanma ilə əlaqədar dərhal cərimələnir və bu, insanlarda narazılıq doğurur. O qeyd edib ki, BNA ölmüş şəxsə cərimə yazıb.

Poçtla ABŞ-dan Azərbaycana göndərilən bağlamadan narkotik çıxıb.

Dövlət Gömrük Komitəsindən verilən məlumata görə, Hava Nəqliyyatında Baş Gömrük İdarəsinin Poçt göndərişləri gömrük postunda Azərbaycan Respublikası vətəndaşının adına ABŞ-dan daxil olan poçt bağlamasına baxış zamanı, həmin bağlamada təmiz çəkisi 27,626 qram olan narkotik vasitə – marixuana aşkar edilib.

Narkotik maddə “paltar, şirniyyat, dərman” kimi bəyan olunan poçt bağlamasında, işlənmiş geyim əşyalarının arasından çıxıb.

Ədliyyə Nazirliyi Məhkəmə Ekspertiza Mərkəzinin rəyinə əsasən, aşkar edilən narkotik vasitə çətənə (kannabis) bitkisindən kustar üsulla hazırlanan qurudulmuş marixuanadır.

Marixuana “Azərbaycan Respublikasının ərazisində dövriyyəsi qadağan edilən narkotik maddələrin I Siyahısı”na daxildir.//oxu.az

Ədliyyə Nazirliyi Penitensiar Xidməti “Gəncə hadisələri”nə görə 20 il müddətinə azadlıqdan məhrum edilən Eşqin Quliyevin müalicə müəssisəsində vəfat etməsi ilə bağlı məlumat yayıb.

Median.Az report-a istinadən xəbər verir ki, sosial şəbəkələrdə Ədliyyə Nazirliyi Penitensiar Xidmətinin müalicə müəssisəsində xüsusilə ağır cinayətlər törətdiyinə görə azadlıqdan məhrum edilmiş Quliyev Eşqin Zahid oğlunun ölüm səbəbi ilə bağlı həqiqətə uyğun olmayan uydurma məlumatlar dərc olunub.

“Ədliyyə Nazirliyinin Penitensiar Xidməti bildirir ki, əvvəllər banditizmdə – silahlı qruplar tərəfindən odlu silahdan istifadə etməklə törədilmiş basqınlarda iştirak etdiyinə görə 9 il müddətinə azadlıqdan məhrum edilən E.Quliyev azadlığa çıxdıqdan sonra Gəncə hadisələrində mütəşəkkil cinayətkar dəstə tərkibində iki nəfərin xidməti vəzifələrinin yerinə yetirilməsi ilə əlaqədar öldürülməsində, terrorçuluğun və digər xüsusilə ağır və ağır cinayətlərin törədilməsində təqsirli bilinərək məhkəmə tərəfindən 20 il müddətinə azadlıqdan məhrum edilib. İstintaq təcridxanasına daxil olarkən E.Quliyevdə aparılmış tibbi müayinə nəticəsində ağır xroniki – QİÇS – Qazanılmış İmmun Çatışmazlığı Sindromu (“SPİD” xəstəliyinin sonuncu IV mərhələsi), viruslu hepatit B və C və digər xəstəliklər aşkar olunub.

Bununla əlaqədar E.Quliyevin sağlamlıq durumu istintaq təcridxanasında daim həkim nəzarətində saxlanılıb və ona əvvəlcə zəruri ambulator yardım göstərilib, lakin xəstəliyi ağırlaşdığından o, stasionar şəraitdə müalicə olunmaq üçün Müalicə Müəssisəsinə keçirilib.

İntensiv müalicə tədbirlərinin görülməsinə baxmayaraq, narkomanlıqdan əziyyət çəkən E.Quliyev müalicəsi tam mümkün olmayan kəskin infeksion xəstəliklərə düçar olduğundan səhhəti ağırlaşmaqda davam edib və o, QİÇS, viruslu Hepatit B və C, qan laxtalanmasının pozulması, anemiya, dərin koma fonunda ağciyər-ürək çatışmazlığından sentyabrın 29-da Müalicə Müəssisəsində vəfat edib.

Ölüm faktı ilə bağlı qanuna uyğun olaraq prokurorluq tərəfindən müvafiq araşdırma aparılır.

Penitensiar xidmət mərhumun ailəsinə başsağlığı verərək təəssüflə bildirir ki, sosial şəbəkələrdə müxalifət qüvvələri cəfəng fikirlər söyləyərək mərhumun guya fiziki zorakılığa məruz qaldığından ölməsi kimi qələmə verməklə cəmiyyətdə çaşqınlıq yaradır, dövlət orqanlarının fəaliyyətinə kölgə salır, öz çirkin siyasi məqsədləri naminə mərhumun ailəsinə mənəvi iztirab yaşadırlar”, – deyə məlumatda qeyd olunub.

Azərbaycanda itkin düşən iki ayın gəlini tapılıb.

Median.Az aznews.az-a istinadən xəbər verir ki, Məmmədli Müjgan Salman qızı tapılıb. 24 yaşlı qız Xəzər TV-də yayılan “Səni axtarıram” verilişinin yardımı nəticəsində tapılıb.

Bir müddət əvvəl verilişə Müjganın anası müraciət edərək qızının tapılması üçün yardım istəyib.

Müjgan canlı yayımda bildirib ki, əri və qayınanası tərəfindən işgəncələrə məruz qaldığı üçün evdən qaçıb:

“Qayınanam oğlu ilə birlikdə içir, məni döyürdülər. Dəfələrlə toyuq damında gecələmişəm. Artıq dözə bilmədim qaçdım. Heç kim mənə sahib çıxmadı. Bərdədə və bir neçə rayonda bir neçə gün qalmışam. Evdən götürdüyüm qızılları satıb dolanmışam”.

“Sabina” parfümeriya şirkətlər qrupunun prezidenti Fuad Şıxəliyev vəfat edib.

Median.Az qafqazinfo-ya istinadən xəbər verir ki, o, bu gün səhər saatlarında Fransanın Kann şəhərində dünyasını dəyişib. Şıxəliyevin ürəktutmadan öldüyü deyilir.