Month: May 2020

“Cənub zonasında yoluxmanın əsas səbəbi orada yaşayan vətəndaşlarımızın İrana intensiv səfərləri ilə bağlıdır”.

Bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.

Onun sözlərinə görə, sərhədlər bağlandıqdan sonra daxildə yoluxma artıb:

“Orada əks-epidemik tədbirlər görülür. Gəncəyə də başqa yerlərdən, xarici ölkələrdən giriş-çıxış kifayət qədər çoxdur. Gəncəyə ilk yoluxma idxalla gəlib və daha sonra daxildə yoluxma başlayıb”.

Sədr bildirib ki, bu günə qədər koronavirusa yoluxan uşaqlarda ağırlaşma olmayıb:

“Onlarda iki dəfə test nəticəsi mənfi olduqdan sonra evə buraxılıb”.

//oxu.az

“Yaxın zamanda ilk modul tipli xəstəxananın açılması gözlənilir”.

Bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.

Sədr qeyd edib ki, iyun ayına qədər Bakı daxil olmaqla, digər regionlarda da modul tipli xəstəxanaların istifadəyə verilməsi gözlənilir:

“Həmin tibb müəssisələrinə sırf COVID-19-la bağlı xəstələri yerləşdirə biləcəyik”.

“Azərbaycanda koronavirusdan müalicə olunan xəstələrə xərclənən vəsait 80-150 manat arasında dəyişir”.

Bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.

Onun sözlərinə görə, bu, mart ayı üçün hesablanan rəqəmdir:

“Aprel ayının rəqəmləri analiz edilir”.

“Bu məbləğə xəstənin yemək, müalicə xərcləri, geyimi, maskası, həkimlərin əməkhaqları, verilən əlavələr və geyimləri daxildir”, – deyə sədr qeyd edib.

“Gəncə-Qazax bölgəsində koronavirusa yoluxma 14 faiz, Lənkəranda isə 10 faiz təşkil edir”.

Bunu Nazirlər Kabineti yanında operativ qərargahın keçirdiyi mətbuat konfransında İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib.

Onun sözlərinə görə, Gəncə zonasında koronavirusa yoluxma sürətlə artıb:

“Orada karantin rejiminə bir o qədər riayət olunmadığı üçün həmin bölgədə yoluxma sayı artıb. Bütün yoluxmalar araşdırıldıqda məlum olur ki, xəstələnmə halları ailə üzvləri arasında olur.

Bir vətəndaş ailə üzvlərini xəstəliyə yoluxdurur. Digər tərəfdən, tibb işçiləri arasında yoluxma müşahidə olunur. Gəncədə də belə hal müşahidə olunmuşdu”.
//oxu.az

Nazirlər Kabineti yanında operativ qərargahın KİV nümayəndələri üçün növbəti brifinqi keçirilir.

Brifinqdə İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev iştirak edir.

Mətbuat konfransında ölkədə koronavirusa yoluxma halları və digər məsələlər müzakirə olunur.

İctimai Televiziya və Radio Yayımları Şirkətinin (İTV) yerləşdiyi binanın həyətinə tülkü girib.

Median.Az “Qafqazinfo”ya istinadla xəbər verir ki, vəhşi heyvanı kanalın mühafizə xidmətinin əməkdaşları həyətyanı sahədən tapıblar.

Onların sözlərinə görə, bala tülkü ətrafda yaşayan pişiklər üçün təhlükə yaradıb.

Qeyd edilir ki, sözügedən heyvan aidiyyəti üzrə təhvil veriləcək.

Sürücülük vəsiqələrinin etibarlılıq müddətini “myGov” portalında qeydiyyatdan keçməklə yoxlamaq mümkündür.

Median.Az Trend-ə istinadən xəbər verir ki, “myGov” portalında sürücülük vəsiqəsinin etibarlılıq müddəti haqqında aşağıdakı aralıqlarla bildirişlər göndərilir:

– sənədin vaxtına 60 gün qaldıqda

– sənədin vaxtına 30 gün qaldıqda

– sənədin vaxtına 10 gün qaldıqda

– sənədin vaxtı bitdikdə

Daxili İşlər orqanlarında növbəti təyinat olub.

Median.Az “unikal.org”a istinadən xəbər verir ki, Daxili İşlər naziri, general-polkovnik Vilayət Eyvazovun əmri ilə, Şabran rayon Dövlət Yol Polisi Şöbəsinin rəisi, polis kapitanı Seymur Quliyev vəzifəsindən azad olunaraq DİN-in Baş Tədqiqat və İstindaq idarəsində fəaliyyətə başlayıb.

Qeyd edək ki, Şabran rayon Dövlət Yol Polisi Şöbəsinin rəisi vəzifəsinə hələlik təyinat yoxdur.