Month: August 2020

“Pandemiya dövründə müəllimlərin 37%-nin yaşına görə risk qrupuna daxildir”.

APA-nın xəbərinə görə, bunu Təhsil nazirinin müşaviri Elnur Nəsibov Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının “Pandemiya şəraitində təhsil sisteminin üzləşdiyi çətinliklər və təhsil prosesinin səmərəli təşkilinə ictimai dəstək” mövzusunda onlayn konfransında bildirib.

E. Nəsibov pandemiya dövründə təhsil ictimaiyyətinin qarşısında dayanan yeni çağırış və imkanların geniş müzakirəsinin faydalı olduğunu bildirib. Təhsil Nazirliyinin ölkədəki sanitar-gigyenik vəziyyəti daim monitorinq etdiyini deyən Elnur Nəsibov, həmçinin, ictimai rəyin də diqqətlə öyrənildiyini bildirib.

Təhsil nazirinin müşaviri “ARB Günəş” və “Mədəniyyət” kanallarının efirində təşkil olunan, həmçinin virtual dərslərin məktəblilər üçün mühüm alternativ olduğunu deyib.

Nazirlik rəsmisi bildirib ki, yeni tədris ilində təhsilin formaları ilə bağlı axtarış və müzakirələr hazırda davam etdirilir. Təhsil nazirinin müşaviri valideynlərin övladlarının təhsilini distant və ənənəvi formada davam etdirməsi ilə bağlı seçim imkanına malik olacağını deyib.

Azərbaycan Liberal Partiyasının (ALP) lideri, professor Lalə Şövkətin səhhətində ciddi problemlər yaranıb.

Bu barədə “Report”a partiyanın sədri Əvəz Temirxan məlumat verib.

Onun sözlərinə görə, Lalə Şövkət ciddi cərrahiyyə əməliyyatı ərəfəsindədir.

Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı avqustun 20-nə olan statistik göstəriciləri açıqlayıb.

Median.Az Trend-ə istinadən bildirir ki, məlumatda bu gün ərzində Azərbaycanda koronavirusla bağlı 6 174 test edildiyi bildirilib.

Qeyd olunub ki, ölkə ərazisində indiyə qədər 855 802 test aparılıb. Aktiv xəstə sayı 1 738 nəfərdir, onlardan 179 nəfər reanimasiyadadır, 24 nəfər isə süni tənəffüs aparatına qoşulub.

Sərnişinlərin çoxsaylı müraciətləri nəzərə alınaraq 21.08.2020 tarixindən metronun “28 may” və “Elmlər Akademiyası” stansiyalarının vestibülləri səhər pik saatlarında da ödəmə terminallarından istifadə üçün açıq olacaq.

Median.Az Trend-ə istinadən bildirir ki, sərnişinlər saat 06:30-dan saat 12:00-dək “28 may” və “Elmlər Akademiyası” stansiyalarının vestibülündəki ödəmə terminallarından istifadə edə biləcək.

Sərnişinlərdən vestibüllərdə maskadan istifadə etmələrini və sosial məsafəni gözləmələrini xahiş edirik. Tövsiyə edirik ki, “BakıKart”-ın balansını artırmaqla bağlı işlərini planlı qursunlar.

Əvvəlcədən tədbirli davranış lüzumsuz vaxt itkisinə məruz qalmamaq, eləcə də pandemiya dövründə yolxuma riskini minimuma endirmək baxımından əhəmiyyətlidir.

Yeni Xınalıq yolunun tikinti işləri dəniz səviyyəsindən 1500-2500 metr hündürlükdə çətin relyefə və iqlim şəraitinə malik ərazidə aparılır.

Median.Az bildirir ki, bunu Trend-ə Azərbaycan Avtomobil Yolları Dövlət Agentliyi tərəfindən bildiriblər. Qeyd olunub ki, Xınalıq istiqamətində yeni çəkilən yolun 2021-ci ildə yekunlaşacağı gözlənilir:

“Xınalıq istiqamətində yeni yolun inşası ilə bərabər mövcud Quba- İspik -Xınalıq yolu da nəzarət altındadır. Yolun ehtiyac olan hissələrində mütəmadi olaraq təmir işləri aparılır, avtomobil vasitələrinin fasiləsiz və təhlükəsiz hərəkəti üçün qabaqlayıcı tədbirlər görülür. Yolun Qüdyalçay çayının kənarı ilə (Qüdyalçay kanyonu) keçən hissəsi növbətçi texnika və işçilər tərəfindən nəzarət altında saxlanılır. Hərəkətin intensivliyinin pozulmasına səbəb olan fəsadlar dərhan aradan qaldırılır. Yeni Xınalıq yolunun tikinti işləri dəniz səviyyəsindən 1500-2500 m hündürlükdə çətin relyefə və iqlim şəraitinə malik ərazidə aparılır.

Yeni yolun təqribən 1,2 km-lik hissəsi Böyük Qafqaz sıra dağlarının 2625 m-lik hündürlüyə malik ərazisindən keçir. Yeni inşa edilən yol üzərində Şahdağın ətəklərində Xınalıq kəndi kimi qədim tarixə malik Susay Qrız, və Qalayxudat kəndləri yerləşir. Kəndlərdə qədim tarixə malik evlərdən bəziləri indiyədək qorunub saxlanılıb. Həmin evlərdən bəzilərində hazırda da yaşayış mövcuddur. Burda qədim evlərlə yanaşı turistlərin diqqətini çəkən tarixi abidələr də var.

Yolun çəkilişinə başlanılması ilə artıq nəqliyyat vasitələri də bu yüksək dağlıq ərazilərə qalxmağa başlayıblar. Alternativ yolun üstünlüyü təkcə Xınalığa gediş-gəlişin asanlaşması deyil, eyni zamanda uzun müddət yolun çətinliyi ucbatından istifadəsiz qalmış torpaqlara da yeni həyat verməsidir.

Yeni yolun Alpan, Uzunmeşə, Gərəy, Susay, Kürkün kəndlərindən keçməsini də nəzərə aldıqda aydın bilinir ki, bu, həmin yaşayış məskənləri və ərazidə yaşayan əhali üçün də çox faydalı olacaq. Yolun tikintisi bu ərazidə 8 minə yaxın əhalinin yaşadığı 8 yaşayış məntəqəsini, həmçinin dəniz səviyyəsindən 2350 metr yüksəklikdə yerləşən və 5 min illik tarixə malik yaşayış məntəqəsi olan Xınalıq kəndini Quba-Qusar avtomobil yolu ilə birləşdirərək sərnişin və yükdaşımasının xeyli yaxşılaşmağa imkan verəcək. Bundan başqa yolun tikintisi mövcud turizm potensialının genişlənməsinə və yeni turizm marşrutlarının yaranmasına da gətirib çıxaracaq.

Bu səbəbdən ölkənin ucqar kəndində yeni avtomobil yolunun inşası mühüm hadisə kimi qiymətləndirilir. Şübhəsizdir ki, bu hadisə kəndin gələcək inkişafına da xidmət edərək Azərbaycanın bu qədim kəndinin digər sosial problemlərinin həllində də vacib rol oynayacaq.

Qeyd edək ki, Xınalıq istiqamətində təhlükəsiz və rahat Avtomobil yolunun tikintisinin 2021-ci il ərzində yekunlaşdırılması planlaşdırılır”.

Qobustanda ağır yol qəza hadisəsi baş verib.

Baku TV xəbər verir ki, hadisə Bakı-Şamaxı-Yevlax avtomobil yolunun 104- cü kilometiriliyində Qobustan rayonu ərazisində qeydə alınıb.

Qobustan rayon Çuxanlı kənd sakini, 2000-ci il təvəllüdlü Qüdrət Şahverdiyevin idarə etdiyi minik maşını eyni istiqamətdə hərəkətdə olan, Qobustan rayon Təklə kənd sakini 1962-ci il təvəllüdlü Bəybala Cəbrayılovun idarə etdiyi yanacaq daşıyan yük avtomobilinin arxa hissəsinə çırpılıb.

Qəzanın gücündən, avtomobilin ön hissəsi yararsız hala düşüb.

Hadisə zamanı avtomobildə olan sərnişin Qobustan rayon Çuxanlı kənd sakini 1978-ci il təvəllüdlü Sevda Şahverdiyeva, onun oğlu sürücü Qüdrət Şahverdiyev ağır bədən xəsarətləri ilə Xəstəxanaya yerləşdirilib. Onların vəziyyəti ağırdır.

Avtomobildə olan digər sərnişin onların həmkəndlisi 2000- ci il təvəllüdlü Aytac Məmmədova isə hadisə yerində dünyasını dəyişib.

Faktla bağlı araşdırma aparılır.