Median.Az

Month: September 2020

  • Парламентский союз Организации исламского сотрудничества поддерживает Азербайджан

    Спикер Милли Меджлиса Сахиба Гафарова в связи с военными провокациями, совершенными армянской стороной 27 сентября, направила письмо в Парламентский союз Организации исламского сотрудничества (ОИС).

    Об этом Oxu.Az сообщили в Управлении по печати и связям с общественностью Милли Меджлиса.

    Опубликовав письмо на своем официальном сайте, ОИС решительно осудила провокации, совершенные Арменией против Азербайджана. Таким образом организация проинформировала всех стран-участниц об очередном акте агрессии со стороны Армении.

    Кроме того, генсек Парламентского союза ОИС Мухаммад Хурайчи Ниясс направил спикеру С.Гафаровой ответное письмо, в котором выразил поддержку Азербайджану от имени организации.

    Генеральный секретарь подчеркнул, что во всех своих резолюциях, принятых на различных конференциях, Парламентский союз ОИС всегда выступал за справедливое урегулирование конфликта на основе принципа неприкосновенности и нерушимости международно признанных границ в рамках суверенитета и территориальной целостности Азербайджанской Республики.

    В письме говорится, что Парламентский союз ОИС решительно осуждает агрессивную политику Армении и оккупацию ею территорий Азербайджана. Организация выражает свою полную солидарность с Азербайджаном в борьбе с агрессором.

  • Şəmistan Əlizamanlı AzTV-də “Cəbhədən xəbər” verəcək

    Hərbi diktor Şəmistan Əlizamanlı Azərbaycan Televiziyasında yeni verilişin aparıcısı kimi çıxış edəcək.

    Onun aparıcısı olduğu veriliş “Cəbhədən xəbər” adlanır. Proqramda cəbhədəki vəziyyət və döyüşlərin gedişatı ilə bağlı ən son xəbərlər olacaq.

    “Cəbhədən xəbər” bu gündən başlayaraq hər gün 23:30-da AzTV-də efirə veriləcək.

  • Oktyabrın birinci ongünlüyündə gözlənilən hava proqnozu açıqlanıb

    Oktyabr ayında havanın orta aylıq temperaturunun iqlim normasına yaxın olacağı gözlənilir. Aylıq yağıntının miqdarının iqlim normasına yaxın, bəzi ərazilərdə isə normadan bir qədər çox olacağı ehtimal olunur.

    Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.

    Bildirilib ki, oktyabr ayının birinci ongünlüyünün ilk günlərində əsasən şimal və qərb rayonlarında şimşək çaxacaq, arabir yağış yağacaq.

    Bakıda və Abşeron yarımadasında orta aylıq temperaturun 15-17 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 11-16, gündüzlər 20-24, üçüncü ongünlüyün bəzi günlərində 15-18 dərəcə isti təşkil edəcək. Aylıq yağıntının miqdarının iqlim normasına yaxın (norma 26-40 mm) olacağı gözlənilir.

    Naxçıvan Muxtar Respublikasında orta aylıq temperaturun 13-16 dərəcə isti olacağı gözlənilir ki, bu da iqlim norması daxilindədir. Gecələr temperaturun 6-11, gündüzlər 23-28, bəzi günlərdə 18-23 dərəcə isti olacağı gözlənilir.

    Aylıq yağıntının miqdarı iqlim normasına yaxın (norma 19-32 mm) olacaq.

    Yuxarı Qarabağ – Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər və Daşkəsən-Gədəbəy rayonlarında orta aylıq temperaturun 7-11 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 3-8 dərəcə isti, bəzi günlərdə 0-2 dərəcə şaxta, gündüzlər 8-13, bəzi günlərdə 0-3 dərəcə isti təşkil edəcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı (norma 49-56 mm) gözlənilir.

    Qazax, Gəncə, Goranboy, Tərtər, Ağdam, Füzuli, Cəbrayıl rayonlarında orta aylıq temperaturun 13-16 dərəcə isti olacağı gözlənilir ki, bu da iqlim normasına yaxındır. Gecələr temperaturun 11-16, gündüzlər 18-23, bəzi günlərdə 16 dərəcəyədək isti olacağı gözlənilir.

    Aylıq yağıntının miqdarı iqlim normasına yaxın (norma 31-61 mm), bəzi yerlərdə isə bir qədər çox olacaq.

    Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperaturun 11-14 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 7-12, dağlarda 0-5 dərəcə isti, bəzi günlərdə 2-5 dərəcə şaxta, gündüzlər 15-20 dərəcə isti təşkil edəcək. Aylıq yağıntının miqdarının iqlim normasına yaxın, bəzi yerlərdə isə bir qədər çox olacağı (norma 34-126 mm) gözlənilir.

    Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperaturun 15-17 dərəcə isti olacağı gözlənilir ki, bu da iqlim norması daxilindədir. Gecələr temperaturun 11-16, gündüzlər 19-24, bəzi günlərdə 16 dərəcəyədək isti olacağı gözlənilir. Aylıq yağıntının miqdarı iqlim normasına yaxın (norma 37-54 mm), bəzi yerlərdə isə bir qədər çox olacaq.

    Masallı, Yardımlı, Lerik, Lənkəran, Astara rayonlarında orta aylıq temperaturun 11-16 dərəcə isti olacağı gözlənilir ki, bu da iqlim norması daxilindədir. Gecələr havanın temperaturu 8-13, dağlarda 3-7 dərəcə isti, bəzi günlərdə 0 dərəcəyə yaxın, gündüzlər 17-22 dərəcə isti təşkil edəcək. Aylıq yağıntının miqdarının iqlim normasına yaxın olacağı (norma 96-274 mm) gözlənilir.

  • Düşmənin bu gün saat 17:30-dək məhv edilən döyüş texnikası – VİDEO

    Azərbaycan Ordusunun bölmələri tərəfindən saat 17:30-dək düşmənin 2 ədəd “OSA-AKM” zenit-raket kompleksinin döyüş maşını, 1 ədəd BM-21 “Uraqan” yaylım atəşli reaktiv sistemi, 4 ədəd BM-21 “Qrad” yaylım atəşli reaktiv sistemi, 4 ədəd “D-20” haubitsa-topu, 16 ədəd tank, 1 ədəd piyadanın döyüş maşını və şəxsi heyətlə 2 ədəd yük maşını məhv edilib və sıradan çıxarılıb.

    Bu barədə Azərbaycan Müdafiə Nazirliyinin Mətbuat Xidmətindən bildirilib.

    Görüntüləri təqdim edirik:

  • Azərbaycan və İsveç XİN başçılarının videokonfrans formatında görüşü keçirilib

    Bu ilin 30 sentyabr tarixində Azərbaycan Xarici İşlər naziri Ceyhun Bayramov və İsveç Krallığının Xarici İşlər naziri Ann Linde arasında videokonfrans formatında görüş baş tutub.

    Xarici İşlər Nazirliyinin (XİN) Mətbuat xidməti idarəsindən verilən məlumata görə, nazir Ceyhun Bayramov İsveç Xarici İşlər nazirinin bölgəyə planlaşdırılan səfəri təxirə salındığı üçün videokonfrans formatında görüşün keçirildiyini qeyd edib və bu görüşün həm ikitərəfli, həm də çoxtərəfli əməkdaşlıq gündəliyində duran məsələlərin müzakirəsi üçün faydalı olacağını bildirib.

    İsveçli nazir Azərbaycana səfərinin noyabr ayına təxirə salındığını qeyd edib və iki ölkə arasındakı münasibətlərlə yanaşı, İsveçin ATƏT-də qarşıdan gələn sədrliyi ilə əlaqədar məsələlərinin gələcək səfər çərçivəsində daha ətraflı müzakirəsi imkanının olacağını ifadə edib.

    Görüşdə nazirlər Azərbaycan və İsveç arasında ikitərəfli əməkdaşlıq münasibətlərinin inkişafını qeyd edərək, əlaqələrin genişləndirilməsi üçün mövcud potensialdan tam istifadə olunmasının əhəmiyyətini vurğulayıblar. Xüsusilə, ticarət sahəsində əməkdaşlığın inkişafı, o cümlədən insanlar arasında əlaqələrin genişləndirilməsi və digər məsələlər ətrafında fikir mübadiləsi aparılıb.

    Bölgədə yaşanan gərginlik ilə bağlı narahatlığını ifadə edən nazir Ann Linde sülhün təmin olunmasının vacibliyi bildirib və hazırkı vəziyyəti sorğu edib.

    Nazir Ceyhun Bayramov Ermənistanın Azərbaycana qarşı təcavüzkar siyasəti ağır nəticələri ilə bağlı həmkarına məlumat verib, münaqişənin həllinin əsasını təşkil edən qərar və qətnamələr, o cümlədən BMT TŞ məlum qətnamələrinin tələblərini qeyd edib. Ermənistan rəhbərliyinin son zamanlar sərgilədiyi təxribatçı fəaliyyəti, o cümlədən cari ilin 12-16 iyul tarixində Ermənistanın iki dövlət sərhədində hücum cəhdi, 23 avqust tarixində diversiya-kəşfiyyat qrupunun təxribatı, Azərbaycan işğal edilmiş ərazilərində həyata keçirilən qanunsuz fəaliyyət, eləcə də digər təhrikçi bəyanat və açıqlamaları barədə İsveç nazirini məlumatlandırıb. Bölgədə davamlı sülh və təhlükəsizliyinin təmin olunması üçün Ermənistanın silahlı qüvvələrinin işğal edilmiş ərazilərdən dərhal çıxarılmasının zəruri olduğunu bildirib.

    Nazir Ann Linde İsveçin münaqişənin sülh yolu ilə həllinin tərəfdarı olduğunu və ATƏT-in Minsk Qrupunun səylərini dəstəklədiyini qeyd edib. Dövlətlərin Helsinki Yekun Aktının başlıca prinsiplərinə hörmət etməsinin vacibliyi ifadə olunub.

    Görüşdə tərəflər qarşılıqlı maraq doğuran digər məsələlər ətrafında fikir mübadiləsi aparıblar.

  • Азербайджанский солдат идет в бой с песней о Карабахе – ВИДЕО

    Азербайджанские солдаты идут в бой с высоким боевым настроем и патриотическими песнями.

    Об этом свидетельствует размещенное в соцсетях видео.

  • Ordumuzun uğurlu zərbələri İrandan göründü – VİDEO

    Azərbaycan ordusunun erməni ordusuna vurduğu zərbələrin yeni görüntüləri yayılıb.

    Sosial şəbəkələrdə paylaşılan görüntülərin İran ərazisindən çəkildiyi qeyd edilir.

    Çəkiliş aparanlar ordumuzun uğurlu zərbələri dəstəkləyir.

  • Ukrayna Azərbaycanın ərazi bütövlüyünü ardıcıl surətdə dəstəkləməyə davam edir

    Sentyabrın 27-də Ermənistan silahlı qüvvələrinin hücumu nəticəsində Ermənistan-Azərbaycan münaqişəsi zonasında vəziyyətin kəskinləşdiyi bu günlərdə Ukrayna Azərbaycanın ərazi bütövlüyünü və onun özünümüdafiə hüququnu ardıcıl surətdə dəstəkləməyə davam edir.

    Ali Radanın yüksək vəzifəli nümayəndələrinin ardınca Ukrayna xarici siyasət idarəsinin başçısı Dmitri Kuleba da Azərbaycan Respublikasını dəstəklədiyini bəyan edib.

    “Dövlətlərin ərazi bütövlüyünün dəstəklənməsi Ukrayna xarici siyasətinin təməl daşıdır. Azərbaycan bizim ərazi bütövlüyümüzü dəstəklədiyi kimi, biz də ardıcıl olaraq onun ərazi bütövlüyünü dəstəkləyirik. Bu prinsip bizim üçün dəyişməz olaraq qalır”, – deyə nazir brifinqdə bildirib.

    ATƏT-in Daimi Şurasının sentyabrın 29-da keçirilmiş xüsusi iclasında Ukraynanın daimi nümayəndəsi çoxsaylı insan tələfatı ilə əlaqədar təəssüfləndiyini, habelə münaqişənin Azərbaycanın beynəlxalq miqyasda tanınmış sərhədləri çərçivəsində onun ərazi bütövlüyü və suverenliyi əsasında sabit şəkildə nizamlanmasını dəstəklədiyini bildirib.

    Ermənistan tərəfi çıxışında qeyd edib ki, Ukrayna nümayəndəsinin bu bəyanatı Azərbaycanın “Arsax”a qarşı “təcavüzünün” təşviqinə yönəlib və münaqişənin spesifikasını nəzərə almır. O vəd edib ki, Ermənistanın da Ukrayna daxilindəki münaqişəyə münasibəti qarşılıqlı olacaq. Ukraynanın daimi nümayəndəsi bunun cavabında diqqətə çatdırıb ki, Ukraynada daxili münaqişə yoxdur.

    O, xatırladıb ki, Ermənistan BMT çərçivəsində ardıcıl olaraq Ukraynanın ərazi bütövlüyü əleyhinə səs verir. Ölkəsinin Ermənistan-Azərbaycan münaqişəsinə dair mövqeyinə gəlincə isə bu mövqe prinsipialdır və hamıya yaxşı məlumdur. O, təkrarən vurğulayıb ki, bu mövqe Azərbaycanın beynəlxalq miqyasda tanınmış sərhədləri çərçivəsində onun ərazi bütövlüyü və suverenliyi əsasında sabit həllinə yönəlib. Ukraynanın AŞPA-dakı nümayəndə heyətinin rəhbəri, Ali Radanın xalq deputatı Yelizaveta Yasko da münaqişənin nizamlanmasına münasibət bildirib.

    O, “Facebook” səhifəsində bəyan edib ki, “Azərbaycan və Ermənistan arasında münaqişənin hər hansı həlli beynəlxalq hüquq prinsiplərinə, o cümlədən beynəlxalq miqyasda tanınan sərhədlərə hörmət prinsipinə əsaslanmalıdır.

    O, həmçinin qeyd edib ki, “Ukrayna Azərbaycanın ərazi bütövlüyünə hörmətlə yanaşır”. Ukrayna siyasətçiləri, deputatları, ictimai xadimləri, sıravi vətəndaşları və diaspor nümayəndələri tərəfindən Azərbaycanın ədalətli mövqeyini dəstəkləyən çoxsaylı aksiyalar və müraciətlər davam edir.

  • ƏƏSMN-nin 66 əməkdaşı səfərbərlik üzrə hərbi xidmətə yola salındı

    Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin “Azərbaycan Respublikasında qismən səfərbərlik elan edilməsi haqqında” 28 sentyabr 2020-ci il tarixli Sərəncamı Əmək və Əhalinin Sosial Müdafiəsi Nazirliyi sistemində çalışan və ehtiyatda olan hərbi vəzifəlilər tərəfindən də böyük ruh yüksəkliyi ilə qarşılanıb.

    Nazirlikdən bildirilib ki, sərəncama uyğun olaraq, Nazirlik sistemindən 66 əməkdaş ehtiyatda olan hərbi vəzifəlilər kimi Səfərbərlik və Hərbi Xidmətə Çağırış üzrə Dövlət Xidmətinin çağırışına əsasən səfərbərlik üzrə hərbi hissələrə yola salınıblar.

    Onlar işğal olunmuş ərazilərimizin düşməndən azad edilməsi istiqamətində uğurlu hərbi əməliyyatlar həyata keçirən Ordumuzun sıralarına qoşulmaqdan şərəf və qürur hissi keçirdiklərini vurğulayıblar.

  • Mehriban Əliyeva yaralı hərbçilərlə görüşdə kövrəldi – VİDEO

    Xəbər verdiyimiz kimi, bu gün Azərbaycan Prezidenti, Ali Baş Komandan İlham Əliyev və Birinci vitse-prezident Mehriban Əliyeva Ermənistanın sentyabrın 27-dən başlayan hərbi təxribatı zamanı yaralanan və Müdafiə Nazirliyinin Mərkəzi Hərbi Klinik Hospitalında müalicə olunan hərbçilərlə görüşüblər.

    Prezident görüşün sonunda hərbçilərlə söhbət edib və harada yaralandıqları ilə maraqlanıb.

    Birinci vitse-prezident Mehriban Əliyeva yaralı hərbçilərlə görüş zamanı kövrəlib.

    “Qafqazinfo” həmin görüntüləri təqdim edir: