Month: October 2020

Fransanın məşhur “AGORA VOX Le media citoyen” informasiya portalında Qarabağla bağlı məqalə dərc olunub.

Məqalədə 30 ilə yaxındır ki, Ermənistanla Azərbaycan arasında davam edən münaqişənin əsl mahiyyəti haqqında ətraflı məlumat verilib, tarixçi və jurnalistlərin bu məsələdən danışarkən peşə etikasına riayət etmələrinin vacibliyi vurğulanıb.

Azərbaycanın Dağlıq Qarabağ bölgəsi və ona bitişik 7 rayonunun Ermənistan Silahlı Qüvvələri tərəfindən işğal olunduğu, münaqişə zonasından uzaqda yerləşən Gəncə və Mingəçevir şəhərlərinin, eləcə də digər yaşayış məntəqələrinin raket atəşinə tutulması da məqalədə yer alıb.

Məqalədə Azərbaycanla Fransa arasında əməkdaşlıq əlaqələri ilə yanaşı, Azərbaycanın iqtisadi əməkdaşlıq baxımından regiondakı geosiyasi mövqeyinə toxunulub, Türkiyənin Azərbaycana hərbi dəstək göstərməsi ilə bağlı ittihamların əsassız olması ilə yanaşı, münaqişənin müsəlman-xristian qarşıdurması kimi qələmə verilməsinin yalnış olduğu qeyd olunub. Azərbaycanın çoxkonfessiyalı və multietnik ölkə olması, Dağlıq Qarabağın isə Azərbaycanın ayrılmaz tərkib hissəsi olması faktının həm tarixi həqiqətə, həm dən beynəlxalq hüquq normalarına əsaslandığı xüsusi ilə vurğulanıb.

Prezidentin köməkçisi Hikmət Hacıyev Ermənistanın Azərbaycanın mülki yaşayış obyektlərini atəşə tutması nəticəsində həyatını itirən iki yeniyetmə ilə bağlı paylaşım edib.

O bu barədə özünün “Twitter” hesabında məlumat paylaşıb.

H.Hacıyev fərqli millətlərdən olan (Rusiya və Azərbaycan) Artur və Orxana faciəli tale yaşadan Ermənistanın hücumunu pisləyib:

“İki yaraşıqlı yeniyetmə – Artur və Orxan. Fərqli millətlərdən asılı olmalarına baxmayraq (Rusiya və Azərbaycan) ortaq faciəli tale yaşadılar. Onlar Ermənistanın Azərbaycanın şəhərlərindəki mülki vətəndaşlara qarşı ballistik raketlərlə etdiyi hücumların, müharibə cinayətlərinin qurbanlarıdır”.

Amerikada yaşayan soydaşımız, Azərbaycan-Nyu-York Assosiasiyasının rəhbəri Ercan Yerdələnli Nyu York şəhəri, 9-cu konqres dairəsinin təmsilçisi xanım Yvette Klark ilə görüşüb.

Bu barədə Diasporla İş Üzrə Komitəsi məlumat yayıb.

Ercan Yerdələnli Qarabağ həqiqətləri və Ermənistan terroru barədə dairə təmsilçisinə məlumat verib. Görüşdə iştirak edən Türkiyənin Nyu-Yorkdakı Baş konsulu cənab Reyhan Özgür də Ermənistanın işğalçı siyasət yürütdüyünü bildirib. Xanım Yvette Klark görüşdən məmnunluğunu ifadə edib, seçkilərdən sonra yenidən görüşməyə söz verib.

Azərbaycanın Xarici İşlər naziri Ceyhun Bayramov Vaşinqton şəhərində ABŞ Dövlət katibi Mayk Pompeo ilə görüşüb.

C.Bayramov M.Pompeo ilə görüşdə münaqişə ilə bağlı son vəziyyəti, xüsusilə, Ermənistanın humanitar atəşkəsə çağırış etməsinə baxmayaraq, buna əməl etməməsi, mülki əhalini hədəf alması, Ermənistanın terrorçu ekstremist qüvvələrdən, həmçinin, muzdlulardan Azərbaycana qarşı istifadə etməsi ilə bağlı məsələləri müzakirə edib.

Nazir bildirib ki, Dağlıq Qarabağ münaqişəsi ilə bağlı Azərbaycan tərəfinin mövqeyi bəllidir:

“Bu barədə Azərbaycan Respublikasının Prezidenti İlham Əliyev mütəmadi olaraq beynəlxalq ictimaiyyətə, beynəlxalq mətbuata verdiyi müsahibələrində də qeyd edib. Bu gün bizim əsas məqsədimiz Azərbaycanın tarixi həqiqətə, beynəlxalq hüquqa əsaslanan mövqeyini Amerika tərəfinə çatdırmaqdır. Ermənistan son zamanlar, xüsusilə də 27 sentyabrdan başlayan hərbi təxribatlar törədərək, Azərbaycanın mülki əhalisini atəşə tutublar. Bilirsiniz ki, Ermənistan silahlı qüvvələri hər zaman mülki əhalini atəşə tutub. Azərbaycan dövləti müəyyən mənada öz vətəndaşları qarşısında olan öhdəliyini yerinə yetirməli idi və Ermənistanın təxribatlarına adekvat cavab verildi. Bu müddət ərzində Azərbaycan silahlı qüvvələri uzun müddət düşmən işğalı altında olan ərazilərimizi azad etdilər və bu proses davam etdirilir”.

C.Bayramov bildirib ki, çoxsaylı müraciətlərə uyğun olaraq Azərbaycan humanitar atəşkəsə razılıq verdi lakin Ermənistan humanitar atəşkəsin şərtlərinə əməl etmədi:

“Həmin humanitar atəşkəsin pozulması Ermənistan tərəfindən oldu. Burada əsas məqsəd Ermənistanın hərbi-siyasi rəhbərliyinin itirilmiş mövqeləri qəbul edə bilməməsidir. Onlar humanitar atəşkəs adı ilə Azərbaycan silahlı qüvvələrinə zərbələr endirmək istədilər. Amma təbii ki, Azərbaycan silahlı qüvvələri buna layiqli cavab verib. Çünki, humanitar atəşkəs birtərəfli ola bilməz”.