Month: February 2021

Dünyada 110 837 382 nəfərdə koronavirus aşkarlanıb.

Virusdan 2 452 582 xəstə ölüb, 85 777 631 nəfər sağalıb.

Şimali Amerikada 32 696 109, Avropada 32 748 804, Asiyada 24 300 637, Cənubi Amerikada 17 217 117, Afrikada isə 3 823 291 nəfərdə koronavirus aşkarlanıb.

Virusa yoluxma sayına görə ilk beşlikdə olan dövlətlər ABŞ (28 523 524 nəfər), Hindistan (10 963 394 nəfər), Braziliya (10 030 626 nəfər), Rusiya (4 125 598 nəfər) və Böyük Britaniyadır (4 083 242 nəfər).

Doqquzuncu sırada olan Türkiyədə 2 616 600, İranda 1 550 142, Gürcüstanda 267 313, Ermənistanda isə 169 820 nəfərdə koronavirus müəyyən edilib.

Sərhəd qonşularımız arasında koronavirusdan ən çox ölüm ardıcıl olaraq Rusiyada (81 926 nəfər), İranda (59 264 nəfər) və Türkiyədədir (2 616 600 nəfər).

Azərbaycanda koronavirusa yoluxan 232 636 nəfərin 3 190-ı ölüb, 227 271-i sağalıb.

Tokio Universitetinin alimləri yaşlanmanı ləngitməyin yolunu tapıblar.

“RİA Novosti” xəbər verir ki, qocalma əleyhinə dərmanların istifadəsi 5-10 ildən sonra başlaya bilər.

Yaşlanma prosesi bədəndə bölünmə qabiliyyətini itirərək yığılıb iltihab və qocalmaya səbəb olan hüceyrələr səbəbindən baş verir.

Yapon alimləri bu cür hüceyrələrin mövcudluğu üçün lazım olan GLS1 fermentini yox etməklə “qocalma hüceyrələrini” məhv edən mexanizm hazırlayıblar.

Mütəxəssislər nəticələrini siçanlar üzərində uğurla sınaqdan keçirə biliblər.

İnhibitor olaraq bəzi klinik onkoloji növləri üçün artıq klinik sınaqların ilk mərhələsindən keçən dərmanın istifadəsi təklif olunur.

Xərçəng hüceyrələrinin də GLS1-dən asılı olduğu bildirilir.

Yaponiyada hesab edirlər ki, dərman təsdiqlənərsə, 5-10 il ərzində yalnız təyinatı üzrə deyil, həm də erkən yaşlanmanın müalicəsi olaraq istifadə edilə bilinəcək.

Doqquz yaşlı Melisa sosial şəbəkədə qapılarının döyüldüyünü və çox qorxuduğunu dedikdən yarım saat sonra öldürülüb.

“Mash” “Telegram” kanalının məlumatına görə, hadisə Rusiyanın Çita şəhərində baş verib.

“O, qapımızı döyür, qışqırır və söyür. Mən qorxuram”, – deyə qız videoda bildirir.

Qızın danışığından belə aydın olur ki, haqqında danışdığı qonşusu evlərində gedən təmirin səsindən şikayətlənib. O, qapını uzun müddət döyüb, ancaq heç kəsin açmadığını görəndə qapının arxasından atəş açıb, güllə qıza dəyib.

Hazırda həmin şəxs saxlanılıb, ifadəsi alınır.

Rusiya paytaxt xəstəxanalarının birində qeyri-adi hadisə yaşanıb.

“İzvestiya” nəşrinin Moskva Səhiyyə Departamentinə istinadən yaydığı xəbərə görə, bir yaşlı körpənin mədəsindən 117 maqnit kürə çıxarılıb.

Departamentin mətbuat xidmətindən verilən məlumata əsasən, fevralın 18-də azyaşlı qız və oğlan valideynləri tərəfindən xəstəxanaya gətirilib. Uşaqların anası evdə maqnit konstruktorun çox sayda elementinin yoxa çıxıdığını və uşaqlardan şübhələndiyini bildirib.

Rentgen zamanı qızın mədəsində şübhəli heç nə olmadığını görən həkimlər, bir yaşlı oğlanın daxilində bir topa yad cisim aşkar ediblər. Dərhal edilən əməliyyat nəticəsində körpənin mədəsindən düz 117 maqnit kürə çıxarılıb.

Hazırda uşağın vəziyyətinin normal olduğu bildirilir.