Month: March 2021

COVİD-19 infeksiyası ağciyərlərin pnevmoniyası səbəblərindən biridir.

Bunu milli.az-a açıqlamasında həkim-pulmonoloq Günay Əliyeva deyib.

Pulmonoloq bildirib ki, pnevmaniyanın fərqli xüsusiyyətləri koronavirus infeksiyası zamanı qarşımıza çıxan bir sıra dəyişikliklərə bağlıdır:

“Ağciyərlərin pnevmoniyası çox geniş yayılmış ağciyər potologiyasıdır və müxtəlif səbəblər nəticəsində yarana bilir. Ağciyərlərin pnevmoniyası viral infeksiyaların ağırlaşması kimi də ortaya çıxır. COVİD-19 zamanı yaranmış pnevmaniyanın fərqli xüsusiyyətləri koronavirus infeksiyası zamanı qarşımıza çıxan bir sıra dəyişikliklərə bağlıdır. Bu səbəbdən digər pnevmoniyalarda olduğu kimi ortaya çıxa biləcək fəsadlar həm pnevmoniyanın gedişinin ağırlığına bağlı, həm də ki digər orqan və sistemləri zədələyici təsirindən asılıdır.

Bu pnevmoniyalar zamanı rast gəlinən əsas ağırlaşma ağciyərlərin fibrozudur ki, bu da xəstənin uzun müddət oksigenterapiyaya ehtiyacının olması ilə nəticələnir. Xəstə COVİD 19-dan sağalsa da, yeni bir xəstəlikdən, ağciyərlərin fibrozundan əziyyət çəkir. Onun müalicəsində antifibrotik terapiyaya, fizioterapiya da ehtiyac yaranır”.

Bir həftənin içində yoluxma sayının birdən-birə bu qədər artmasının səbəbi ictimai nəqliyyatdakı sıxlıqdır.

Median.Az xəbər verir ki, bunu milli.az-a açıqlamasında Azərbaycan Tibb Universitetinin Tədris Terapevtik Klinikasının Şüa diaqnostikası şöbəsinin müdiri Aydın Əliyev deyib.

O bildirib ki, yoluxma ehtimalının qarşısını almaq üçün metro açılmalıdır:

“Təhsil müəssisələrində dərslərin bərpa edilməsi nəqliyyatdakı sıxlığı daha da artırdı. Amma yoluxma sayındakı bu artım fantastik artım deyil, gözlənilən idi. Artım hələ ki, kontrol olunan dərəcədədir. Ancaq yoluxmanın kontroldan çıxma ehtimalı qalır. Onun proqnozun vermək, əslində, düzgün deyil, proseslər izlənilməlidir.

Yoluxma sayı əgər növbəti iki həftə ərzində, ya bayrama qədər mindən yuxarı qalxsa, o zaman yəqin ki, müəyyən qədər sərtləşdirmə tələb olunacaq. Keçən dəfə yoluxanların sayı bir neçə minə çıxandan sonra sərt karantin rejimi tətbiq edilmişdi. Ona görə bu dəfə, yəqin ki, yoluxma sayı minə çatana qədər sərt tədbirlərə ehtiyac olmayacaq.

Yoluxma ehtimalının qarşısını almaq üçün metro açılmalıdır, vaksinasiyanın intensivliyi artırılmalıdır. Amma əsas problem ictimai nəqliyyatla bağlıdır. Düşünürəm ki, metronun fəaliyyəti bərpa edilsə, yoluxma riski də azalar”.



Altıncı mikrorayonda yerləşən el arasında “Pitomnik” adlandırılan “Təbiət evi” parkının ərazisi baxımsız vəziyyətdədir.

Oturacaqları olmayan, fəvvarələri işləməyən bu park baxımsız vəziyyətdədir.

Sakinlər bildirib ki, 1970-ci illərdə qurulan bu fəvvarələr heç vaxt işləməyib.

Onlar həm də qeyd edib ki, parkın ərazisində evlər tikilərək, ərazisi balacalaşdırılıb.

Daha ətraflı Baku TV-nin süjetində:

Şagirdlərin 10-15 nəfəri bir gündə koronavirusa yoluxursa, bu, artıq kütləvi hal sayılır və məktəb qapanmaya gedir.

Trend-in məlumatına görə, bunu təhsil eksperti Qoşqar Məhərrəmov deyib. Onun sözlərinə görə, ötən ilin mart ayından bütün məktəblər deyil, məhz yoluxma halları çox olan təhsil ocağı bağlanmalı idi: “Əslində, mart ayından bu cür addımlar atıla bilərdi və hansı məktəbdə kütləvi yoluxma halları müşahidə olunur, məhz onlar da bağlanmalı idi. Qonşu Rusiyada belə bir təcrübə var ki, hər hansısa sinifdə bir nəfər belə yoluxarsa, o sinif mütləq şəkildə qısamüddətli bağlanır. Yaxud bir məktbədə ən azı 15-20 nəfərdə yoluxma qeydə alınırsa, təhsil ocağı bağlanır və iki həftə sonra açılır”.

Q.Məhərrəmov qeyd edib ki, artıq müəyyən mənada başa düşülüb ki, bütün təhsil müəssisələrini bağlayaraq bu virusla mübarizə aparmaq lazım deyil: “Mən düşünürəm ki, biz yavaş-yavaş normal həyatımıza geri qayıtsaq, bu, daha yaxşı bir addım olacaq”.