Month: June 2021

Nazirlər Kabineti yanında operativ qərargah epidemioloji vəziyyəti sabit olan bir sıra ölkələrin vətəndaşlarının ölkəmizin ərazisinə səfər edə bilməsi üçün xüsusi icazə tələbinin mərhələli şəkildə ləğv olunması barədə qərar qəbul edib.

Qərarda deyilir:

“Məlum olduğu kimi, koronavirus (COVID-19) pandemiyasının Azərbaycan Respublikasının ərazisində geniş yayılmasının qarşısının alınması məqsədilə görülmüş tədbirlərdən biri xarici ölkə vətəndaşlarının Azərbaycan Respublikası ərazisinə girişinin yalnız Nazirlər Kabineti yanında operativ qərargahın xüsusi icazəsi əsasında verilməsidir.

Son bir ildən artıq müddət ərzində həyata keçirilmiş genişmiqyaslı tədbirlər, o cümlədən 2021-ci ilin yanvar ayından etibarən başlanmış uğurlu vaksinasiya proqramı nəticəsində Azərbaycanda epidemioloji vəziyyət müsbətə doğru inkişaf edib, xüsusi karantin rejimi çərçivəsində tətbiq olunmuş bir sıra məhdudiyyətlər aradan qaldırılıb.

Eyni zamanda, dünyanın bir sıra ölkələrində epidemioloji vəziyyət sabitləşir və ardıcıl vaksinasiya tədbirləri nəticəsində həmin ölkələrdə yoluxma sayları nəzarətdə saxlanılır.

Bununla əlaqədar, Azərbaycan Respublikası Nazirlər Kabineti yanında operativ qərargah Azərbaycan kimi epidemioloji vəziyyəti sabit olan bir sıra ölkələrin vətəndaşlarının ölkəmizin ərazisinə səfər edə bilməsi üçün xüsusi icazə tələbinin mərhələli şəkildə ləğv olunması barədə qərar qəbul edib.

Belə ki, ilkin mərhələdə 10 iyun tarixindən etibarən epidemioloji vəziyyətdə müsbət dinamikanın müşahidə edildiyini nəzərə alaraq Rusiya Federasiyası və Türkiyə Respublikasının vətəndaşları hava yolu ilə Azərbaycan ərazisinə aşağıda müəyyən edilmiş şərtlərlə səfər edə biləcəklər:

– Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID pasport) və uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması;

– 1 yaşdan 18 yaşadək olan sərnişinlərin uçuşdan əvvəl 72 saat ərzində COVID-19-a dair PCR testin neqativ nəticəsini təsdiq edən rəsmi sənədin təqdim olunması.

Eyni zamanda, 10 iyundan başlayaraq Azərbaycana daxil olmaq üçün bütün 1 yaşdan yuxarı olan sərnişinlərin COVID-19-a dair PCR testin neqativ nəticəsini təsdiq edən rəsmi sənədin müddəti uçuşdan əvvəl 48 saatdan 72 saatadək artırılır. 1 yaşdan aşağı olan uşaqlar üçün COVID pasport və PCR test nəticələrinə dair sənədlər tələb olunmur.

Azərbaycan Respublikasına birbaşa uçuşlar icra edən bütün aviadaşıyıcılar yalnız müvafiq tələblərə cavab verən sərnişinləri qeydiyyata almalıdırlar. Azərbaycan ərazisinə daxil olarkən sərhəd nəzarətindən keçdikləri zaman tələblərə cavab verməyən sərnişinlər ölkə ərazisinə buraxılmır və aviadaşıyıcının hesabına həmin təyyarə ilə geri qaytarılır.

Yaxın gələcəkdə epidemioloji vəziyyət və əhalinin vaksinasiya səviyyəsi əsas götürülərək digər ölkələrin vətəndaşlarının də hava yolu ilə Azərbaycan Respublikasına girişinin bərpa edilməsi məsələsi baxılmaqdadır”.

Bu il pandemiya səbəbindən xaricə istirahətə gedən Azərbaycan vətəndaşlarının sayında xeyli azalma var və bu səbəbdən də insalar istirahət üçün regionlara üz tuturlar. Bu isə rayonlarda istirahət üçün nəzərədə tutulan kirayə evlərin qiymətində artıma səbəb olur.

Məsələ ilə bağlı Trend-ə açıqlama verən turizm məsələləri üzrə ekspert Ceyhun Aşırov bildirib ki, hələki pandemiya səbəbindən dünyada məhdudiyyətlər davam edir və Azərbaycan da istisna deyil:

“Hələ də bəzi ölkələr sərhədləri tam bağlı saxlayıb, bəzi ölkələrdə yumşalmalar var, amma ümumi turist axınıda məhdudiyyətlər davam edir. 2019-cu ildə Azərbaycan əhalisinin yarıdan çoxu, yəni təqribən 5 milyon nəfərdən çox vətəndaş xaricə səfər etmişdi. Məlumdur ki, hazırda sərhədlər bağlıdır və ya məhdudiyyətlər qoyulub. Bu baxımdan gözlənilən odur ki, insanlarımız istirahət üçün daha çox regionlara səfər edəcək.

Baxmayaraq ki, müəyyən Azərbaycan vətəndaşları yenə də xaricə üz tuturlar, amma buara kəskin azalma olacaq, yəni əvvəlki illərdə olduğu kimi beş milyondan çox insan xaricə səfər etməyəcək. İnsanların böyük əksəriyyəti bu yay öz istirahətini regionlarda keçirəcəklər. Bu da o deməkdir ki, regionlarda istirahədə tələb xeyli artacaq. Tələb artanda isə iqtisadi qanunlara uyğun olaraq qiymətlərdə də artım müşahidə olunacaq.

Bununla yanaşı regionlarda turistlərə təklif edilən evlərin sayı da artır. Çünki qiymətlərin artması regionda insanları təşviq edir ki, qısa zamanda öz evlərini müəyyən standartlara salaraq yerli turistlərə təklif etsinlər. Hazırda həftə sonları doluluqla keçir. Rayonlar arası ictimai nəqliyyatın bərpası da müəyyən qədər reyonlara gedənlərin sayında artıma artıma səbəb olub. Gözlənilən odur ki, məktəblərdə dərslərin başa çatmasından, yəni iyun ayının ortasından sonra da regionlara gedənlərin sayında artım daha çox hiss olunacaq. Qiymətlərdə bazara uyğun formalaşır və ehtimal edilir ki, qiymətlər xüsusilə həftə sonu artacaq”.

Ermənistan 44 günlük müharibədə məhv edilən hərbçilərinin sayını gizlətməyə çalışır.

Sosial şəbəkələrin erməni seqmentində bunun daha bir bariz nümunəsinə dair kadrlar yayımlanıb.

Kadrlardan görünür ki, ölənlərin meyitləri maşından necə gəldi boşaldılır.

Xatırladaq ki, bir müddət əvvəl Ermənistanda 44 günlük müharibədə ölən erməni hərbçilərin cəsədlərinin morqlarda gizlədilməsi ilə bağlı görüntülər yayılmışdı.

Həmin kadrları təqdim edirik:

Fövqəladə Hallar Nazirliyi Dövlət Yanğın Nəzarəti Xidmətinin Yanğından icbari sığorta işinə nəzarət şöbəsinin baş mütəxəssisi daxili xidmət polkovnik-leytenantı Araz Furqan oğlu Musayev 3 iyun 2021-ci il tarixində Abşeron rayonu, Xırdalan şəhəri, Ş.Qurbanov küçəsi, ev 38 ünvanında vətəndaşların şikayəti əsasında araşdırma aparan kütləvi informasiya vasitələrinin əməkdaşlarının xidməti vəzifələrini yerinə yetirməsinə mane olub və onları hədələyib, bununla da fövqəladə hallar orqanlarının nüfuzunu aşağı sala biləcək hərəkətlərə yol verib.

Bu barədə nazirliyin mətbuat xidmətindən məlumat verilib.

Bildirilib ki, qeyd olunanları nəzərə alaraq, fövqəladə hallar naziri general-polkovnik Kəmaləddin Heydərovun 4 iyun 2021-ci il tarixində imzaladığı müvafiq əmrə əsasən Araz Musayev fövqəladə hallar orqanlarından xaric edilib.