Month: September 2021

Səbailin küçə və prospektlərində yağış sularının kənarlaşdırılması üçün kompleks tədbirlər davam edir.

Səbail Rayon İcra Hakimiyyətinin, Səbail Rayon Sukanal İdarəsinin və Səbail Rayon Mənzil-Kommunal Təsərrüfatı Birliyinin birgə təşkilatçılığı ilə yağıntılar zamanı Səbail rayonunun bəzi küçə və prospektlərinin hərəkət hissəsində yığılıb qalan yağış sularının kənarlaşdırılması üçün nəzərdə tutulmuş yağış barmaqlıqları və yağış-kanalizasiya quyularının içərisi təmizlənərək yağış-kanalizasiya sistemlərinin ötürücülüyü bərpa olunur.

Səbail rayonunda payız-qış mövsümü ilə əlaqədar kompleks tədbirlərin həyata keçirilməsi davam edir və daim diqqət mərkəzində saxlanılır.

Bakı şəhərində binaların üzərində yerləşdirilmiş çənlər yığışdırılır.

Bu barədə jurnalist Raminə Eyvazqızı sosial şəbəkə hesabında paylaşım edib.

O bildirib ki, çənlər Xətai Rayon İcra Hakimiyyəti tərəfindən yığışdırılır.

Xətai Rayon İcra Hakimiyyətindən Oxu.Az-a verilən məlumata görə, çoxmərtəbəli binaların üzərindən olan çənlərin yığışdırılması qurumun səlahiyyətində deyil.

Qeyd edək ki, bir neçə il əvvəl də pilot layihə çərçivəsində bəzi ərazilərdə yerləşən çoxmərtəbəli binaların dam örtüyünün təmiri ilə bağlı oradakı çənlər yığışdırılmışdı.

Nazirlər Kabinetinin “Xüsusi karantin rejimində bəzi məhdudiyyətlərin aradan qaldırılması ilə bağlı əlavə tədbirlər barədə” Qərarına uyğun olaraq, oktyabrın 1-dən ictimai nəqliyyat, o cümlədən Bakı metropoliteni həftəsonları sərnişindaşıma fəaliyyəti göstərəcək. Qatarların hərəkət cədvəli 2019-cu ilin eyni dövrünün qrafikinə uyğun tərtib olunub.

Bu barədə Oxu.Az-a “Bakı Metropoliteni” QSC-dən məlumat verilib.

Bildirilib ki, bu səbəbdən qatarlararası interval “Qırmızı xətt”in “28 May-Həzi Aslanov” sahəsində 2 dəqiqə 30 saniyə təşkil edəcək:

“28 May” stansiyasından sonra, “İçərişəhər” və “Dərnəgül” stansiyalarına və əks istiqamətdə qatarlar arasında interval 5 dəqiqəyə bərabər olacaq. “Bənövşəyi xət”də qatarların hərəkət cədvəlində dəyişiklik edilməyəcək”.

Qeyd edilib ki, sərnişinlərin axın istiqamətləri və sıxlığı kimi mühüm məsələlər nəzarətdə saxlanılacaq. Zərurət olduqda, mümkün optimal texniki qərarlar veriləcək. Bu xüsusda ehtiyaca uyğun olaraq “Nərimanov” elektrik deposunda nəzərdə tutulan ehtiyat qatarlar xəttə buraxılacaq”.

Ucarın Şıxəli Qurbanov küçəsinin sakinləri 50 ildən çoxdur ki, yol problemindən əziyyət çəkirlər.

Baku TV xəbər verir ki, kiçikli-böyüklü, hər kəsin narazılığına səbəb olan küçə şəhərin mərkəzinə birbaşa çıxışı olan yoldur. Onlarla ailənin, o cümlədən şəhid ailəsinin dəfələrlə müraciətinə baxmayaraq, illərdir Şıxəli Qurbanov küçəsində bərbad vəziyyət hökm sürməkdə davam edir.

Məsələ ilə bağlı Ucar Rayon İcra Hakimiyyətinin Ucar şəhəri üzrə icra nümayəndəsi Abdulla İbrahimov bildirib ki, küçə gələn il əsaslı təmir olunacaq. 50 il gözləyən sakinlər bir il də səbir etməli olacaqlar.

Ətraflı süjeti təqdim edirik:

​​​​

Oktyabrın 1-dən etibarən ümumi tutumunun 50 faizindən çox olmamaq şərtilə teatr və kinoteartların fəaliyyətinə icazə verilir.

Trend-in kinoteatrların izləyiclərini hansı qaydada qəbul edəcəyi haqqında suallarını Nizami Kino Mərkəzi, “CinemaPlus” və “Park Cinema”nın mətbuat katibləri cavablandırıb.

“CinemaPlus” kinoteatrlar şəbəkəsinin mətbuat xidmətinin rəhbəri Nərmin Həsənova bildirib ki, kinoteatrlarda qiymətlərin artıb-artmayacağı müzakirələrdən sonra məlum olacaq. Ara məsafəsi mütləq tətbiq ediləcək. Yalnız ailəvi gələn adamlar bir yerdə oturacaqlar: “Vətəndaşlarımız biletləri həmişəki kimi onlayn və kassadan ala biləcəklər. Kinoteatrlarımızda maska taxmağa gəlincə isə foyedə və dəhlizdə mütləq maska taxılmalıdır. Zalda isə maska taxmaq lazım deyil.

Bildiyiniz kimi, bizim kinoteatrların əksəriyyəti iri ticarət mərkəzlərində yerləşir. Buna görə də kinoteatr əməkdaşları COVİD pasportlarını yoxlamayacaq. Çünki ticarət mərkəzlərinin əməkdaşları içəri yalnız COVİD pasportu olanları buraxırlar. Bəzi kinotetrlarımız var ki, ticarət mərkəzlərindən kənarda yerləşir. Belə halda, mütləq şəkildə COVİD pasportları yoxlanılacaq.

“ParkCinema” kinoteatrlar şəbəkəsinin mətbuat katibi Rüstəm Fətəliyev isə qeyd edib ki, vətəndaşlarımızı düşündürən suallardan biri də biletlərin qiymətinin necə olacağıdır: “Biletlərin qiymətinin necə olacağı barədə müzakirələr gedir. Qiymət barədə cədvəli bu gün, ya sabah saytımızda yerləşdirəcəyik.