Month: October 2021

Azərbaycan Qida Təhlükəsizliyi Agentliyi (AQTA) nəzarət tədbirləri çərçivəsində ötən gün ölkə üzrə 367 ictimai iaşə obyektində 628 monitorinq keçirib.

AQTA-dan verilən məlumata görə, monitorinqlər zamanı 11 müəssisədə qanunvericiliyin tələblərinin kobud şəkildə pozulması faktları aşkar olunub.

Aşkar edilmiş nöqsanlarla bağlı İnzibati Xətalar Məcəlləsinə uyğun olaraq müvafiq tədbirlər görülüb.

Pozuntular aşkar edilmiş ictimai iaşə müəssisələri aşağıdakılardır:

1. Bakı şəhəri, Binəqədi rayonu, Sumqayıt şosesi, ev 3A ünvanında yerləşən, fiziki şəxs Mövsümov Samir Vaqif oğluna məxsus kafe;

2. Bakı şəhəri, Xəzər rayonu, Mərdəkan qəs., 28 May küçəsində yerləşən, fiziki şəxs İbrahimov Səid Nazim oğluna məxsus “Turk Way” restoranı;

3. Bakı şəhəri, Sabunçu rayonu, Əliyar Əliyev küçəsində yerləşən, fiziki şəxs Əliyev Müşviq Mehdi oğluna məxsus kafe;

4. Bakı şəhəri, Nərimanov rayonu, N. Yusifbəyli küçəsi 43 ünvanında yerləşən, fiziki şəxs Xalidov Tural Güləhəd oğluna məxsus “Çinar 6” restoranı;

5. Bakı şəhəri, Nərimanov rayonu, N. Yusifbəyli küçəsi 43 ünvanında yerləşən, fiziki şəxs Əsədova Təhminə Səməd qızına məxsus çay evi;

6. Bakı şəhəri, Binəqədi rayonu, S. S. Axundov küç., ev 2 ünvanında yerləşən, fiziki şəxs Nərimanov Saday İsrail oğluna məxsus dönər evi;

7. Bakı şəhəri, Səbail rayonu, T. Əliyarbəyov küç., ev 9 ünvanında yerləşən, fiziki şəxs Hüseynov Zaur Məhərrəm oğluna məxsus “Taksim Kebap” restoranı;

8. Bakı şəhəri, Yasamal rayonu, Həsənbəy Zərdabi pr., ev 20 ünvanında yerləşən, fiziki şəxs Seyidov Şamil Sabir oğluna məxsus kafe;

9. Sumqayıt şəhər, Z. Tağıyev küçəsində yerləşən, fiziki şəxs Qələndərov Namiq Abbas oğluna məxsus dönər evi;

10. Göygöl rayonu, Zurnabad kəndində yerləşən, fiziki şəxs Məmmədova Samirə Ələkbər qızına məxsus yeməkxana;

11. Gəncə şəhəri, Tağı Aranı və Kimyaçılar küçələrinin kəsişməsində yerləşən, fiziki şəxs Həndəmov Elçin Mirzə oğluna məxsus “Təndir” kafesi.

Qeyd edək ki, AQTA tərəfindən Bakıda, eləcə də regionlarda fəaliyyət göstərən ictimai iaşə obyektlərində monitorinqlərin miqyası genişləndirilib. Hazırda AQTA müfəttişləri tərəfindən respublika üzrə monitorinqlər davam etdirilir və qaydalara əməl etməyən sahibkarlıq subyektləri barədə ən sərt tədbirlər görüləcək.

Vətən müharibəsində döyüşərək qəhrəmancasına şəhidlik zirvəsinə ucalmış Daxili İşlər Nazirliyinin Daxili Qoşunlarının hərbi qulluqçusu baş çavuş Abdullayev Tural Şakir oğlunun bu gün il mərasimi keçirilib.

DİN-dən verilən məlumata görə, mərasimdə daxili işlər nazirinin müavini, polis general-leytenantı İsmət Əliyev, Daxili Qoşunlar Komandanının müavini general-mayor Vidadi Əliyev, Bakı şəhər BPİ-nin rəisi, polis general-mayoru Əkbər İsmayılov, Xəzər və Sabunçu Rayon İcra hakimiyyətlərinin başçıları, şəhidin ailə üzvləri, döyüş yoldaşları və rayon ictimaiyyəti iştirak ediblər.

İştirakçılar əvvəlcə şəhid T.Abdullayevin Xəzər rayonunun Binə qəsəbəsindəki Şəhidlər Xiyabanındakı məzarını ziyarət edib, önünə çiçək dəstələri düzüblər. Azərbaycanın ərazi bütövlüyü uğrunda canından keçmiş bütün şəhidlərimizin əziz xatirəsi bir dəqiqəlik sükutla yad edilib.

Mərasimdə çıxış edən nzir müavini İ.Əliyev və digərləri T.Abdullayevin şərəfli, hər bir gənc üçün örnək olan ömür yolundan, Daxili Qoşunlardakı nümunəvi hərbi xidmətindən, eləcə də Vətən müharibəsindəki hərbi əməliyyatlar zamanı göstərdiyi qəhrəmanlıq, fədakarlıq, mərdlik və igidlik nümunələrindən söhbət açıb, ölümündən sonra Azərbaycan Prezidenti, Müzəffər Ali Baş Komandan İlham Əliyev tərəfindən xidmətlərinin yüksək qiymətləndirildiyini, hər bir şəhid ailəsinin, qazinin ölkə rəhbərliyinin diqqət və qayğısı ilə əhatələndiyini tədbir iştirakçılarının nəzərinə çatdırıblar.

Şəhidin atası Şakir Abdullayev Vətənə xidmətin hər bir övladın borcu olduğunu deyərək, şəhid oğlu ilə fəxr etdiyini, şəhid ailələrinə göstərilən diqqət və qayğıya görə ölkə rəhbərliyinə minnətdarlığını bildirib.

Qeyd edək ki, Azərbaycan Respublikası Prezidentinin müvafiq sərəncamları ilə baş çavuş Abdullayev Tural Şakir oğlu (ölümündən sonra) “Qarabağ” ordeni, “Vətən uğrunda” və “Kəlbəcərin azad olunmasına görə” medalları ilə təltif edilib.

“Düşünürəm ki, qarşımızda duran çağırışlardan biri uşaqların məktəbə başlama yaşıdır. Zənnimcə, hələ də gecdir, çünki 6 yaşda başlayırıq”.

Bunu təhsil naziri Emin Əmrullayev bildirib.

“Məktəbə başlama yaşının azaldılmasına çalışmalıyıq ki, uşaqlar mümkün qədər erkən yaşlarında öyrənməyə başlasınlar”, – nazir deyib.

Nazirlər Kabineti yanında Operativ Qərargahın oktyabrın 1-dən həftəsonu ictimai nəqliyyatın fəaliyyətinə qoyulan qadağanın ləğv edilməsi barədə qərarına uyğun olaraq müntəzəm marşrut xətləri üzrə avtobuslar şənbə və bazar günləri adi rejimdə fəaliyyət göstərəcək.

Bu barədə Bakı Nəqliyyat Agentliyindən bildirilib.

Bakı şəhərində müntəzəm sərnişindaşımalarla məşğul olan şirkətlərə qərarın icrası ilə bağlı tapşırıqlar verilib.

Tapşırılıb ki, marşrutların şənbə-bazar günləri də fəaliyyətinin təmin edilməsi məqsədi ilə zəruri tədbirlər görsünlər.

Tapşırıqda qeyd olunub ki, sürücü və işçi heyətinin təlimatlandırılması, habelə texniki və digər hazırlıq işlərinin görülməsini həyata keçirsinlər.

Ucar Rayon Polis Şöbəsinin İstintaq Bölməsinin rəisi, polis kapitanı Vəlimətov Bədirşah Şakir oğlunun məhkəmə prosesi keçiriləcək.

Məlumata görə, o, İnzibati Xətalar Məcəlləsinin 529.3-cü maddəsi (İnzibati cərimə və ictimai işlər növündə inzibati tənbeh tətbiq etmə haqqında qərarın icra edilməməsi – Yol hərəkəti qaydaları əleyhinə olan inzibati xətaların qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan icra edilməməsinə görə) ilə təqsirli bilinir.

İşə Xaçmaz Rayon Məhkəməsində hakim Xıdır Quliyevin sədrliyi ilə baxılacaq.

Qeyd edək ki, sözügedən xətanı törədən şəxslər nəqliyyat vasitəsini idarə etmək hüququ altı aydan bir ilədək müddətə məhdudlaşdırılmaqla cəzalandırılır.

Xatırladaq ki, B.Vəlimətov hazırkı vəzifəsinə bir neçə gün öncə təyinat alıb.

//Unikal.org