Month: November 2023

Müdafiə Nazirliyi (MN) Qarabağ bölgəsində aşkar edilmiş mühəndis döyüş sursatları anbarlarının videogörüntüsünü yayıb.

Median.Az videogörüntünü təqdim edir:

Naxçıvanda yerləşən, vaxtilə “Nəqşıcahan” Holdinqin balansında olan “Duzdağ” hotelinin sahibi dəyişib.

Median.Az apa-ya istinadən xəbər verir ki, hotel Naxçıvan Muxtar Respublikası Həmkarlar İttifaqları Şurasının balansına keçib. Bununla bağlı, bu gün Azərbaycan Həmkarlar İttifaqları Konfederasiyasının sədri, deputat Səttar Möhbalıyevin rəhbərlik etdiyi nümayəndə heyəti Naxçıvana səfər edib.

Heyət Naxçıvan Muxtar Respublikası Həmkarlar İttifaqları Şurasının binasına, Şuranın balansına alınmış “Duzdağ” hotelinə, “Duzdağ Fizioterapiya Mərkəzi”nə, “Darıdağ Arsenli Su Müalicə Mərkəzi” MMC-yə, hazırda tikinti işləri davam edən Darıdağ arsenli su müalicə və istirahət kompleksi və Ağbulaq İstirahət Mərkəzinə baxış keçiriləcək.

“QR bilet ödəmə sisteminin tətbiqi ilə bağlı mövcud ödəniş aparatları, turniketlər uyğunlaşdırılmalı və ya ona uyğun quraşdırılmalıdır. 2019-cu ildə əsas işlər, demək olar ki, yekunlaşdırılıb. 2020-ci ildə iki stansiyada texniki sınaq işləri də uğurla aparılıb. Lakin pandemiya dövründə obyektiv səbəblərdən işlər təxirə salındı”.

Bunu AZƏRTAC-a açıqlamasında “Bakı Metropoliteni” QSC-nin sədr müavini Hidayət Məmmədov bildirib. O qeyd edib ki, bu, kifayət qədər texniki araşdırma tələb edir. Çünki burada risk yerüstü və digər nəqliyyat növlərindən daha çoxdur. Onun sözlərinə görə, əsas stansiyalarda gün ərzində on minlərlə sərnişin daxil olur:

“Bir stansiyada bir turniketdə problemin yaşanması yetər ki, böyük narazılıq yaransın. Buna görə bu məsələdə tələskənliyə yol vermək olmaz. Üstəlik, metropolitendə olan turniketlər də bir neçə sistemi əhatə edir və texniki cəhətdən fərqlənir”.

Hidayət Məmmədov əlavə edib ki, “Bənövşəyi xət”də işlər davam edir, Yaşıl və Qırmızı xətlərdə isə mərhələ ilə bu sistemin tətbiqinə başlanılıb.

“Tələsməməyimizin əsas səbəbi mümkün texniki natamamlığın olmamasıdır. Təsəvvür edin ki, sərnişini sıx olan stansiyalarda kiçik bir problemin olması yetər ki, sərnişin narazılığı və ümumən, bu sistemə münasibət mənfi olaraq formalaşsın. Şəhər nəqliyyat sistemində bu layihəni həyata keçirən icraçı təşkilat əsas işləri bu il tamamlayacaq. Gələn ilin ilk rübündə bütün stansiyalarda olan ümumən 500-dən artıq turniketdə QR bilet sistemi tam tətbiq olunacaq. Bundan əlavə, artıq digər münasib ödəmə üsullarının tətbiqi də reallıqdır. Gələn il bu istiqamətdə də xəbərləri eşidəcəksiniz. Bunun üzərində fəal iş aparılır”, – deyə “Bakı Metropoliteni” QSC-nin sədr müavini bildirib.

Nazirlər Kabineti “Azərbaycan Respublikasının mülki donanmasının gəmilərinin şəxsi heyətinin hərbi-dəniz hazırlığı Qaydaları”nı təsdiq edib.

Bununla bağlı Baş nazir Əli Əsədov yeni qərar imzalayıb.

Qaydalar məxfidir.

Naxçıvanda xeyli sayda silah-sursat polisə təhvil verilib.

Bu barədə Daxili İşlər Nazirliyindən məlumat verilib.

Bildirilib ki, polis əməkdaşlarının apardıqları profilaktik tədbirlər nəticəsində Babək rayon sakini bir ədəd “AK-74” markalı avtomat silahı, 131 ədəd patron və dörd ədəd patron darağını könüllü olaraq Naxçıvan Şəhər Polis İdarəsinə, Şəmkir rayon sakini olan iki nəfər isə qanunsuz saxladıqları “İJ” və “TOZ-63” markalı tüfəngləri könüllü olaraq Şəmkir Rayon Polis Şöbəsinə təhvil veriblər.

Bakının Nəsimi RPİ 19-cu Polis Şöbəsinin əməkdaşları daxil olan məlumat üzrə bir ədəd “RQD-5” qumbarası, bir ədəd lüləsi və qundağı kəsilmiş ov tüfəngini təhvil götürüblər.