Month: January 2024

ABŞ Administrasiyası (Ağ Ev) və Texas ştatının Milli Qvardiyası tərəfindən sərhədin müstəqil qorunmasına məhkəmədə etiraz edir.

Qaynarinfo xəbər verir ki, bu barədə ölkənin Ədliyyə Nazirliyi Ali Məhkəməyə müraciət edib.

“Texas ştatının yeni hərəkətləri ştatın sərhəd patrulunun sərhədi qorumaq və ya hətta nəzarət etmək, habelə fövqəladə hallara cavab vermək qabiliyyətini əngəlləmək üçün artan səylərini göstərir”, deyə açıqlamada qeyd edilib.

Ədliyyə Nazirliyi ona tabe olan sərhədçilərin Milli Qvardiyanın blokladığı ərazilərə girişini bərpa etməyi tələb edir. Ədliyyə Nazirliyi federal departamentdir və Milli Qvardiya əvvəlcə Texas hakimiyyətinə, sonra isə ABŞ administrasiyasına tabedir.

Texas hakimiyyəti öz növbəsində iddia edir ki, federal qurumlar sərhədi lazımi səviyyədə qoruya və öz funksiyalarını yerinə yetirə bilmirlər. Bununla əlaqədar, dövlət qanunu qəbul edilib, ona görə hakimiyyət orqanları şübhəli qanunsuz miqrantları həbs və deportasiya etmək hüququ alıb.

Qeyd edək ki, Texas Milli Qvardiyası ABŞ və Meksika arasındakı sərhədin bir hissəsini nəzarətə götürüb. Bu barədə CBS telekanalı məlumat yayıb.

Telekanalın məlumatına görə, qarşıdurma sərhəddə yerləşən Eagle Pass keçid şəhərində baş verib. Məhz bu şəhərdə Rio Qrande çayını keçən qeyri-qanuni ölkəyə daxil olur. Respublikaçı qubernator Qreq Abbott tərəfindən yerləşdirilən Texas Milli Qvardiyası Şelbi Parkına nəzarəti ələ keçirib.

Qeyd olunur ki, Texas hakimiyyəti sərhəd patrul qayıqlarının Eagle Pass keçid ərazisində patrul fəaliyyətini qadağan edib.

Türkiyənin İstanbul şəhərində xarici turistlər üçün Ayasofiyaya giriş pullu olacaq.

Bu barədə Türkiyənin Mədəniyyət və Turizm Nazirliyi məlumat yayıb.

Məlumata görə, Ayasofiyanı ziyarət etmək istəyən xarici turistlərin ödəyəcəyi rüsum 25 avro (46,51 manat) olacaq.

Qeyd edək ki, qanun yanvarın 15-dən qüvvəyə minəcək.

Türkiyədə “Pençe-Kilit” əməliyyatı bölgəsindəki hücumdan sonra İraqın şimalında 23, Suriyanın şimalında 9 olmaqla ümumilikdə 32 terrorçu zərərsizləşdirilib.

Bu barədə Türkiyə Milli Müdafiə Nazirliyinin rəsmi “X” hesabında paylaşım edilib.

Nazirlik, həmçinin Türkiyə Hərbi Hava Qüvvələri tərəfindən ötən gecə terrorçulara aid 29 hədəfin müvəffəqiyyətlə məhv edildiyi əməliyyatdan görüntüləri paylaşıb.

Xatırladaq ki, yanvarın 12-də İraqın şimalında “Pence-Kilit” əməliyyatı bölgəsində Türkiyə ordusunun mövqelərinə terrorçuların hücumu zamanı 9 əsgər şəhid olub, 4 əsgər yaralanıb.

İqlimşünaslar Şimal yarımkürəsində qlobal temperatur artımını müşahidə edirlər. 2024-cü ilin may ayında yeni temperatur rekordları gözlənilir.

Median.Az publika.az-a istinadən xəbər verir ki, uzun müddət NASA-da işləyən alim Ceyms Hansenin kritik hədd olan ‘1,5 dərəcə’ ilə bağlı yeni xəbərdarlıqları qorxu yaradıb. Paris İqlim Sazişində müəyyən edilmiş beynəlxalq səviyyədə qəbul edilmiş 1,5 dərəcə həddi gözləniləndən tez keçmək böyük risklər yaradır.

Hansen günəşdən gələn enerji ilə yerdən gələn enerji arasındakı balanssızlığın son 10 ildə demək olar ki, iki dəfə artdığını diqqətə çatdırıb. Həmçinin xəbərdarlıq edib ki, artım dəniz səviyyəsinin ciddi şəkildə qalxmasına səbəb ola bilər.

Zəlzələ Araşdırma İnstitutunun Meteorologiya Laboratoriyasının rəhbəri Adil Tek ölçmələrin necə aparıldığı barədə məlumatlar verib:

“Atmosferdəki karbon qazı dünyanın bir çox fərqli nöqtəsində ölçülür. Ancaq ən vacib stansiyalardan biri Sakit okeandakı Mauona Loa stansiyasıdır. 1950-ci illərdə ölçmələr 240 PPM səviyyəsində olduğu halda, bu gün 440 PPM-ə yüksəlib. Bu stansiya Sakit okeanda sənayenin olmadığı və yaşayış məntəqəsinin az olduğu bir yerdədir. Biz bunu azad atmosfer şəraiti adlandırırıq. Burada edilən ölçmələr vacibdir. 2050-ci illərdə bunun 480-500 PPM-ə qədər artacağını görürük. Dünya bundan necə təsirlənəcək? Bu, əlbəttə ki, dəniz səviyyəsinin artmasına səbəb olacaq.”