Median.Az

Month: Yanvar 2024

  • Ötən il 21 milyarder VƏFAT EDİB – ADLAR

    Keçən il Forbes siyahısında yer alan 21 milyarder vəfat edib.

    Bu milyarderlərdən 9-u ABŞ vətəndaşı olub, üçü Hindistanda, ikisi isə Malayziyada dünyasını dəyişib.

    Ölən 21 milyarderdən yalnız biri qadın olub. (Zhao Ning, “China Tec” əczaçılıq şirkətinin həmtəsisçisi)

    O, son 20 ildə xərçənglə mübarizə apardıqdan sonra 56 yaşında vəfat edib.

    2023-cü ildə məşhur misirli milyarder, şahzadə Diananın 94 yaşında olan sevgilisi Dodi Əl-Fayedin atası Məhəmməd Əl-Fayed də dünyasını dəyişib. O, Parisdəki “Ritz” otelinin, Londondakı “Harrods” univermağının və “Fulham” futbol klubunun sahibidir.

    Ölən ən yaşlı milyarderlər “Red” Makkombs (95 yaş) avtomobil satıcıları şəbəkəsinin sahibi, Billi Co və “Clear Channel” radiostansiyasının (indiki iHeartMedia) təsisçisi və “Berkshire Hathaway”in sədr müavini Çarlz Mungerdir (99 yaş).

    Amerikalı musiqiçi və iş adamı Cimmi Baffet 2023-cü ildə dünyasını dəyişən milyarderlər sırasındadır. İtaliyanın keçmiş Baş naziri Silvio Berluskoni, “Intel”in həmtəsisçisi Qordon Mur, Hindistanın ən böyük boya istehsalı şirkəti olan “Asian Paints Ltd”nin müstəqil direktoru Aşvan Dani (siyahıdakı ən varlı, sərvəti 8 milyard dollar idi) də 2023-cü ildə vəfat edib.
    //sfera.az

  • Ağ tükləri qopardıqda, yerindən daha çoxu çıxır?

    Yəqin ki, bir çoxları “ağ saçları çıxartdıqda, yerində daha çox ağ saç çıxır” cümləsini eşidib. Mütəxəssislərin fikrincə, ağ saçları kökündən qopartmaq saçlarımıza başqa formalarda zərər verə bilir.

    Median.Az xarici KİV-ə istinadən ağarmış saçları qoparrmağın saçlara verdiyi zərərləri təqdim edir:

    Dermatoloqlar bildirib ki, ağ tükləri yolmaqla rəng yayılmayacaq, lakin hər bir yolma hərəkəti ilə saç kökü də çıxarılır ki, bu da saçın strukturuna zərər verə bilər.

    Ağ saçları yolmaq saçları tamamilə ağartmır. Saç köklərinə zərər verməmək üçün bunu etməmək lazımdır.

    Mütəxəssislərin fikrincə, ağ və ya boz saçların çoxalması genetika, yaş və pəhriz də daxil olmaqla bir neçə faktordan asılıdır. Amerikalı saç cərrahı Patrik Davis saç ağarmasını hormonlarla əlaqələndirir:

    “Yaşlanma prosesində hormonal dəyişikliklər baş verir ki, bu da müəyyən bir yaşda ağ saçların görünməsinə səbəb olur”.

    Saçınızın nə vaxt ağaracağını təxmin etməyin ən asan yolu valideynlərinizə və nənə-babanıza baxmaqdır. Mütəxəssislər bildirirlər ki, böyüklərinizin saçları gənc yaşda ağarıbsa, sizin də eyni vəziyyəti yaşamaq ehtimalınız yüksəkdir.
    //Baku.ws

  • Azərbaycanda ağır qəza oldu – Xəsarət alanlar var

    Cəlilabad rayonunda ağır yol qəzası baş verib.

    Median.Az “report”a istinadən bildirir ki, hadisə rayonun Cəlilabad-Yardımlı avtomobil yolunun Şatırlı kəndi ərazisindən keçən hissəsində qeydə alınıb.

    Belə ki, qəza zamanı “VAZ 2107” markalı minik avtomobili ilə “VAZ 21011” markalı minik avtomobilləri toqquşub.

    Qəza nəticəsində dörd nəfər müxtəlif bədən xəsarətləri alıb.

    Yaralılar Cəlilabad Rayon Mərkəzi Xəstəxanasına çatdırılıb. Hazırda onların şəxsiyyəti dəqiqləşdirilir.

    Faktla bağlı araşdırma aparılır.

  • Vəkillər Kollegiyasından Zaur Məmmədovun intiharı ilə bağlı AÇIQLAMA – YENİLƏNİB

    “Vəkil Zaur Məmmədovun Vəkillər Kollegiyası ilə hər hansı problemi olmayıb”.

    Bu sözləri Vəkillər Kollegiyasının sədri Anar Bağırov deyib:

    “Onun niyə belə bir addım atması bizi də təəccübləndirdi. Hadisə haqqında eşidəndə Salyan rayon Vəkil Bürosunun müdiri ilə əlaqə saxladım. Büro müdiri dedi ki, son zamanlar gərgin idi. Kollegiya ilə onun arasında hər hansı problem baş verməyib. Barəsində intizam işi olmayıb. Hazırda aidiyyəti üzrə istintaq orqanında araşdırma aparılır. Hər halda araşdırma zamanı onun niyə belə bir hadisəyə əl atması üzə çıxacaq”.

    Vəkillər Kollegiyasının sədri Zaur Məmmədovun mərhumun yaxınlarına başsağlığı verib.

    * * * * *

    Vəkil Zaur Məmmədov intihar edib.

    “Qafqazinfo”nun məlumatına görə, Z.Məmmədov hələlik bilinməyən səbəbdən üzərinə benzin tökərək özünü yandırıb. Onun həyatını xilas etmək mümkün olmayıb.

    Hadisə Vəkillər Kollegiyasının yanında qeydə alınıb.

    Hüquq-mühafizə orqanlarının əməkdaşları hadisə yerinə cəlb ediliblər.

    Qeyd edək ki, Zaur Məmmədov Salyan Rayon Bürosunda fəaliyyət göstərirdi.

  • Xroniki infeksiyaların inkişaf mexanizmi müəyyənləşdi

    Rusiya Elmlər Akademiyasının Hesablama Riyaziyyatı İnstitutunun mütəxəssisləri avropalı həmkarları ilə birlikdə müəyyən ediblər ki, xroniki virus infeksiyalarının inkişafı makrofaqların vaxtından əvvəl ölümü ilə bağlıdır. Bu, antiviral interferon zülallarının istehsalına mane olur və orqanizmdə patogenlərin yaranması ilə nəticələnir.

    Bu barədə TASS Rusiya Elm Fonduna istinadən məlumat yayıb.

    Alimlər limfositik xoriomeningitə səbəb olan LCMV virusu ilə yoluxmuş gəmiricilərlə təcrübə aparıblar. İşin nəticələri göstərib ki, kəskin infeksiya zamanı orqanizm antiviral interferon zülallarının iki dalğası istehsal edir, xroniki infeksiya zamanı isə yalnız bir dalğa əmələ gəlir. Bu, ikinci dalğaya cavabdeh olan siçanların dalağında makrofaqların ölümü ilə əlaqədardır.

    Tədqiqatçılar oxşar mexanizmin insanlarda da baş verdiyini irəli sürürlər. Gələcəkdə müəlliflər xroniki virus infeksiyaları ilə mübarizənin ilk effektiv üsullarını hazırlamaqla makrofaqların ölüm səbəblərini öyrənməyə ümid edirlər. Bu, toxunulmazlıq üçün vacib olan molekulların ölüm prosesinin qarşısını almağa kömək edəcək.
    //qaynarinfo

  • Azərbaycanda bir gündə yüzlərlə nişan qayıtdı – SƏBƏB

    Daxili İşlər Nazirliyi ölkədə yüzlərlə nişanı ləğv edib.

    Bu barədə Azərbaycan Uşaqları İctimai Birliyinin sədri Kəmalə Ağazadə məlumat yayıb.

    O, ölkədə ilk dəfə bu addımın atıldığını vurğulayıb:

    “2024-cü ilin ilk günü bu məlumatla paylaşmağı özümə borc bilirəm. İlk dəfə baş verdi. Azyaşlı övladını məcburi ərə verməyə çalışan atanın həbsi dönüş yaratdı. Azərbaycan Respublikasının Daxili İşlər Nazirliyi bu dəfə elə böyük iş gördü ki, artıq yüzlərlə nişan ləğv edilib, geri qaytarılıb.

    DİN profilaktika tədbirləri ilə erkən yaşda nişanın qarşısını almağın mümkünsüzlüyünü gördükdən sonra sözügedən addımı atıb”.

    “DİN-in bir dəfə yetər deməsi kifayət elədi ki, insanlar ayılsın. Çox çalışdıq. İctimai qınağın da faydası olmadı. Həbs ağır cəza olmalı idi. Biz bacardıq”, – deyə o, paylaşımda bildirib.

    Qeyd edək ki, bir müddət öncə Sabirabad rayonu Məmişli kəndində 12 yaşlı övladını 32 yaşlı şəxslə nikaha daxil olmağa məcbur edən ata həbs edilib.

  • OPEC+ ölkələri neft hasilatını azaltmağa başlayır

    OPEC+ ölkələri 2024-cü ilin 1-ci rübünün sonuna qədər neft hasilatını azaltmağa başlayır.
     
    Noyabrın 30-da keçirilən OPEC+ sammitindən sonra kartelə üzv ölkələr bazarda tarazlığa nail olmaq üçün neft hasilatının könüllü azaldılması barədə qərar qəbul ediblər.
     
    Səudiyyə Ərəbistanı 2024-cü ilin mart ayının sonuna qədər hasilatı 1 milyon barel azaldacaq, Rusiya isə dünya bazarlarına neft tədarükünü sutkada 300 min bareldən 500 min barelə qədər azaldacaq. İraq (gündə 223,000 barel), Birləşmiş Ərəb Əmirlikləri (BƏƏ) (gündə 163,000), Küveyt (gündə 135,000), Qazaxıstan (gündə 82,000 barel), Əlcəzair (gündə 51 000 barel) və Omanın (gündə 42 000 barel) birgə hasilatı təxminən 700,000 barel azaldılacaq. Bu ixtisarlar OPEC+ razılaşmasının bir hissəsi deyil, könüllüdür.
     
    Eyni zamanda, OPEC+ sazişinin bir hissəsi olaraq, yenidən işlənmiş neft hasilatı kvotaları 2024-cü ildə qüvvəyə minəcək. Məsələn, Rusiyanın icazə verilmiş hasilat səviyyəsi sutkada 10,478 milyon bareldən 9,949 milyon barelə, Azərbaycanın kvotası isə sutkada 684 min bareldən 551,000 barelə endirilib, BƏƏ-nin kvotası isə 3,019 milyon bareldən 3,219 milyon barelə yüksəlib. Hesablamalarıa görə, OPEC+ ölkələrinin neft hasilatının limitləri 2024-cü ildən başlayaraq sutkada 1,321 milyon barel azaldılaraq 40,535 milyon barelə enəcək.
    //sfera.az

  • Türkiyədə zəlzələ olub

    Türkiyədə, Tunceli şəhərinin Pülümür rayonunda 4,2 bal gücündə zəlzələ baş verib.

    Bu barədə ölkənin Fövqəladə Halların İdarəolunması Mərkəzi (AFAD) məlumat yayıb.

    Məlumata görə, yeraltı təkanlar yerli vaxtla saat 16.28-də, yerin 8,7 kilometr dərinliyində qeydə alınıb.

  • Nobel Sülh mükafatı laureatı həbs cəzasına məhkum edildi

    Dəkkə məhkəməsi Nobel Sülh Mükafatı laureatı Məhəmməd Yunusu əmək qanunlarını pozmaqda ittiham edərək ona altı ay müddətinə həbs cəzası verib.

    Yunusla birlikdə onun təsis etdiyi “Grameen Telecom” telekommunikasiya şirkətinin rəhbəri Əşrəful Həsən də məhkum edilib. Onlar, eyni zamanda cərimələniblər.

    Qeyd edək ki, 83 yaşlı iqtisadçı 1983-cü ildə təsis etdiyi “Grameen Bank” vasitəsilə Banqladeşin kəndlərində yoxsullara mikrokreditlər verməyə başlayandan sonra beynəlxalq səviyyədə tanınıb. O, 2006-cı ildə iqtisadi inkişaf sahəsindəki fəaliyyətinə görə Nobel Sülh Mükafatına layiq görülüb.

    Ancaq bir müddət sonra Yunusla ölkənin baş naziri Şeyx Hasina arasında münaqişə yaranıb. Hökumət başçısı tanınmış iqtisadçını kəndliləri maliyyə əsarətində saxlamaqda günahlandırıb (kəndlilər alınan kreditlərə görə illik təxminən 20% faiz ödəməli idilər).

    2022-ci ildə Banqladeş Korrupsiyaya Qarşı Mübarizə Komissiyası Nobel Mükafatı laureatının xeyriyyə fondları ilə bağlı araşdırmaya başlayıb.

  • “Kanal 13”ün aparıcısı azadlığa buraxıldı

    İnzibati qaydada həbs edilən “Kanal 13” internet televiziyasının aparıcısı Rüfət Muradlı azadlığa buraxılıb.

    Bu barədə onun yaxınları məlumat yayıblar.

    Aparıcıya verilmiş 30 sutka inzibati həbs cəzası bu gün başa çatıb.

    Qeyd edək ki, R.Muradlı İnzibati Xətalar Məcəlləsinin 510-cu (xırda xuliqanlıq) və 535.1-ci (polisin qanuni tələbinə tabe olmama) maddəsi ilə təqsirli bilinmişdi.