Median.Az

Month: May 2024

  • Bəzi məhsulların qiyməti artıb – SİYAHI

    Bu ilin aprel ayında istehlak qiymətləri indeksi ötən ilin aprel ayına nisbətən 100,0 faiz, o cümlədən qida məhsulları, içkilər və tütün məmulatları üzrə 98,2 faiz, qeyri-qida məhsulları üzrə 100,9 faiz, əhaliyə göstərilmiş ödənişli xidmətlər üzrə 102,0 faiz təşkil edib. 2024-cü ilin aprel ayında istehlak qiymətləri indeksi əvvəlki aya nisbətən 99,9 faiz, yanvar-aprel aylarında isə əvvəlki ilin müvafiq dövrünə nisbətən 100,7 faiz olub.

    “Qafqazinfo” Dövlət Statistika Komitəsinə istinadən xəbər verir ki, apreldə qida məhsulları, içkilər və tütün məmulatları üzrə istehlak qiymətləri indeksi əvvəlki aya nisbətən 99,6 faiz, yanvar-aprel aylarında isə əvvəlki ilin müvafiq dövrünə nisbətən 99,3 faiz təşkil edib.

    Apreldə əvvəlki aya nisbətən ayrı-ayrı qida məhsullarından daha çox ucuzlaşma manna və qarabaşaq yarmalarının, makaronun, təzə balığın, südün, yumurtanın, marqarinin, günəbaxan və qarğıdalı yağlarının, qozun, fındığın, pomidorun, xiyarın, göyərtinin, badımcanın, kartofun, bahalaşma isə əsasən limonun, bananın, almanın, armudun, kivinin, şabalıdın, ağ kələmin, şirin bibərin, süfrə çuğundurunun, sarımsağın qiymətlərində müşahidə olunub.

    Digər qida məhsullarının qiymətlərində ciddi dəyişikliklər baş verməyib. Ötən ay qeyri-qida malları üzrə istehlak qiymətləri indeksi marta nisbətən 100,1 faiz, yanvar-aprel aylarında isə əvvəlki ilin müvafiq dövrünə nisbətən 101,3 faiz təşkil edib. Aprel ayında əvvəlki ayla müqayisədə qeyri-qida mallarından daha çox bahalaşma zərgərlik məmulatlarının, sementin, kəsilmiş taxtanın qiymətlərində müşahidə olunub. Digər qeyri-qida mallarının qiymətlərində ciddi dəyişikliklər baş verməyib.

    2024-cü ilin aprel ayında əhaliyə göstərilən ödənişli xidmətlər üzrə istehlak qiymətləri indeksi əvvəlki aya nisbətən 100,1 faiz, yanvar-aprel aylarında isə əvvəlki ilin müvafiq dövrünə nisbətən 102,4 faiz təşkil edib. Aprel ayında əvvəlki ayla müqayisədə əhaliyə göstərilmiş ödənişli xidmətlərdən bahalaşma əsasən hava nəqliyyatı ilə MDB ölkələrinə beynəlxalq sərnişindaşıma xidmətlərinin, respublikadaxili istirahət turlarının, tibbi, stomatoloji, bərbərxana və kosmetoloji xidmətlərin, ödənişli məktəbəqədər təhsil müəssisələrinin xidmətlərinin qiymətlərində müşahidə olunub. Digər ödənişli xidmətlərin qiymətlərində ciddi dəyişikliklər baş verməyib.

  • 40 yaşlı kişi qətlə yetirildi – Saxlanılan var

    May ayının 11-də saat 23 radələrində Ağcabədi rayonunda 1984-cü il təvəllüdlü Rauf Azər oğlu Həsənovun kəsilmiş-deşilmiş xəsarətlərdən ölməsi barədə polisə məlumat daxil olub.

    Bu barədə Daxili İşlər Nazirliyi (DİN) məlumat yayıb.

    DİN-in Mətbuat Xidmətinin Bərdə regional qrupundan bildirilib ki, polis əməkdaşlarının keçirdikləri tədbirlər nəticəsində cinayət əməlini törətməkdə şübhəli bilinən 1984-cü il təvəllüdlü Tural Əhmədov saxlanılıb.

    İlkin məlumata görə hadisə şəxsi münasibətlər zəminində baş verib.

    Faktla bağlı araşdırma aparılır.

  • Назначен председатель Ходжалинского районного суда

    Судья Геранбойского районного суда Турал Алекберов освобожден от занимаемой должности.

    Это нашло отражение в подписанном Президентом Ильхамом Алиевым распоряжении “О назначении судей ряда судов первой инстанции и изменении должностей судей некоторых судов первой инстанции”.

    Согласно распоряжению, Т.Алекберов назначен судьей и председателем Ходжалинского районного суда.

  • Xocalı Rayon Məhkəməsinə sədr təyin edildi

    Goranboy Rayon Məhkəməsinin hakimi Tural Mehman oğlu Ələkbərov vəzifəsindən azad edilib.

    Bu, Prezident İlham Əliyevin “Bir sıra birinci instansiya məhkəmələri hakimlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında” imzaladığı Sərəncamında əksini tapıb.

    Sərəncama əsasən, T.Ələkbərov Xocalı Rayon Məhkəməsinin hakimi və sədri təyin olunub.

  • Bir sıra birinci instansiya məhkəmələrinə hakimlər təyin edildi – SƏRƏNCAM

    Prezident İlham Əliyev bir sıra birinci instansiya məhkəmələri hakimlərinin təyin edilməsi və bəzi birinci instansiya məhkəmələri hakimlərinin vəzifələrinin dəyişdirilməsi haqqında Sərəncam imzalayıb.

    Bununla bağlı President.az məlumat yayıb.

    Sərəncama əsasən, “Məhkəmələr və hakimlər haqqında” Azərbaycan Respublikası Qanununun 94-cü və 96-cı maddələrinə uyğun olaraq, hakim vəzifəsinə aşağıdakı namizədlər birinci instansiya məhkəmələrinin hakimləri təyin ediliblər:

    ağır cinayətlər məhkəmələri üzrə:

    Naxçıvan Muxtar Respublikasının Ağır Cinayətlər Məhkəməsi

    Kərimov Arzuyar Sadıq oğlu

    Lənkəran Ağır Cinayətlər Məhkəməsi

    Vəliyeva Ayşən Umud qızı

    hərbi məhkəmələr üzrə:

    Füzuli Hərbi Məhkəməsi

    İsmayılov Roman İsmayıl oğlu

    inzibati məhkəmələr üzrə:

    Gəncə İnzibati Məhkəməsi

    Tağıyeva Ruhiyə Nadim qızı

    Sumqayıt İnzibati Məhkəməsi

    Axundova Aynur Oqtay qızı

    Şirvan İnzibati Məhkəməsi

    Quliyeva Rəşidə Paşa qızı

    Bakı şəhərinin rayon məhkəmələri üzrə:

    Bakı şəhəri Binəqədi Rayon Məhkəməsi

    Vəliyeva Elnarə Fəxrəddin qızı

    Bakı şəhəri Nəsimi Rayon Məhkəməsi

    Miriyeva Həbibə Novruz qızı

    Bakı şəhəri Sabunçu Rayon Məhkəməsi

    Məmmədli Samirə Məhəmməd qızı

    Bakı şəhəri Yasamal Rayon Məhkəməsi

    Xəlil Ülkər Abdurahman qızı

    Oruclu Aydan Adəm qızı

    Seyidov Mirsadiq Mirsəttar oğlu

    rayon (şəhər) məhkəmələri üzrə:

    Abşeron Rayon Məhkəməsi

    Kərimova Firuzə Şahin qızı

    Beyləqan Rayon Məhkəməsi

    Cabbarlı Xatın Mahir qızı

    Bərdə Rayon Məhkəməsi

    Abdullayev Fərman Firidun oğlu

    Abdullayev Ziya Yaşar oğlu

    Biləsuvar Rayon Məhkəməsi

    Rəsulova Mədinə Camal qızı

    Cəlilabad Rayon Məhkəməsi

    Vəliyev Osman Akif oğlu

    Füzuli Rayon Məhkəməsi

    Məmmədli Səkinəxanım Naib qızı

    İmişli Rayon Məhkəməsi

    Mahmud Orxan Əlövsət oğlu

    Kürdəmir Rayon Məhkəməsi

    Mehdiyev Rahid Baxşəli oğlu

    Qax Rayon Məhkəməsi

    Kərimov Taleh Etibar oğlu

    Qazax Rayon Məhkəməsi

    Mansırov Elçin Faxrəddin oğlu

    Lerik Rayon Məhkəməsi

    Zeynalov Yusif Səmədağa oğlu

    Masallı Rayon Məhkəməsi

    Abbasova Ellara Həsən qızı

    Abdullayev Coşqun Şamil oğlu

    Saatlı Rayon Məhkəməsi

    Qasımov Vüqar İnqilab oğlu.

    Bundan başqa, “Məhkəmələr və hakimlər haqqında” Azərbaycan Respublikası Qanununun 94-cü maddəsinə və 97-ci maddəsinin ikinci hissəsinə uyğun olaraq, aşağıdakı hakimlərin vəzifələri dəyişdirilib:

    Tural Mehman oğlu Ələkbərov Goranboy Rayon Məhkəməsinin hakimi vəzifəsindən azad edilərək Xocalı Rayon Məhkəməsinin hakimi və sədri təyin edilib;

    Elnur Heydər oğlu Hüseynov Naxçıvan Muxtar Respublikası Kommersiya Məhkəməsinin hakimi vəzifəsindən azad edilərək Naxçıvan Muxtar Respublikası İnzibati Məhkəməsinin hakimi təyin edilib;

    Emin Ağamusa oğlu Abdullayev Sumqayıt Şəhər Məhkəməsinin hakimi vəzifəsindən azad edilərək Bakı İnzibati Məhkəməsinin hakimi təyin edilib;

    Rahim Təşəkkül oğlu Həsənov Quba Rayon Məhkəməsinin hakimi vəzifəsindən azad edilərək Sumqayıt İnzibati Məhkəməsinin hakimi təyin edilib;

    Qabil Neymət oğlu Məmmədov Naxçıvan Muxtar Respublikası Naxçıvan Şəhər Məhkəməsinin hakimi vəzifəsindən azad edilərək Naxçıvan Muxtar Respublikası Kommersiya Məhkəməsinin hakimi təyin edilib;

    Günay Rövşən qızı Həşimova Bakı şəhəri Qaradağ Rayon Məhkəməsinin hakimi vəzifəsindən azad edilərək Bakı Kommersiya Məhkəməsinin hakimi təyin edilib;

    Qamət Mehman oğlu Əbilov Bərdə Rayon Məhkəməsinin hakimi vəzifəsindən azad edilərək Bakı şəhəri Qaradağ Rayon Məhkəməsinin hakimi təyin edilib;

    Sevinc Məhəmməd qızı Quliyeva Abşeron Rayon Məhkəməsinin hakimi vəzifəsindən azad edilərək Bakı şəhəri Yasamal Rayon Məhkəməsinin hakimi təyin edilib;

    Mübariz İsfəndiyar oğlu Məmmədov Astara Rayon Məhkəməsinin hakimi vəzifəsindən azad edilərək Göygöl Rayon Məhkəməsinin hakimi təyin edilib;

    Ülvi Oktay oğlu Qənbərov İmişli Rayon Məhkəməsinin hakimi vəzifəsindən azad edilərək Qəbələ Rayon Məhkəməsinin hakimi təyin edilib;

    Qalib Hidayət oğlu Paşayev Cəlilabad Rayon Məhkəməsinin hakimi vəzifəsindən azad edilərək Yevlax Rayon Məhkəməsinin hakimi təyin edilib.

  • Külli miqdarda aksiz markasız siqaret aşkarlanıb

    Əməliyyat-İstintaq Baş İdarəsi, Bakı Baş Gömrük İdarəsi və Gəncə Gömrük İdarəsinin əməkdaşlarından ibarət əməliyyat qrupunun üzvləri tərəfindən keçirilən əməliyyat-axtarış tədbirləri nəticəsində külli miqdarda aksiz markası olmayan siqaretlər aşkar edilib.

    Bu barədə Dövlət Gömrük Komitəsi məlumat yayıb.

    Bildirilib ki, Azərbaycan Respublikasının aksiz markası ilə markalanmalı olan, lakin belə marka ilə markalanmamış külli miqdarda tütün məmulatlarının qanunsuz idxalı, satış məqsədilə saxlanılması və satışının həyata keçirilməsinə dair daxil olmuş əməliyyat məlumatı əsasında müvafiq məhkəmə qərarı ilə Tovuz rayon sakininə məxsus fərdi yaşayış evinə baxış keçirilib.

    Fərdi yaşayış evindən 122 karton qutuda qablaşdırılmış 1 milyon 219 min 980 ədəd müxtəlif növ aksiz markası ilə markalanmamış tütün məmulatları aşkar edilərək götürülüb.

    Dövlət Gömrük Komitəsinin Əməliyyat-İstintaq baş İdarəsi tərəfindən hüquqpozmaya yol vermiş şəxslərin məsuliyyətə cəlb edilməsi üçün fakt üzrə araşdırma aparılır.

    Dövlət Gömrük Komitəsi bir daha vətəndaşların diqqətinə çatdırır ki, iri vergi tutumlu və aksiz markası ilə markalanmalı olan siqaretlərin qanunsuz idxalı, satışı, əldə edilməsi, daşınması, saxlanması, onlardan istifadə edilməsi və onlar üzərində sərəncam verilməsi, habelə bu qəbildən olan digər hərəkətlər dövlətin, bu sahədə qanuni sahibkarlıq fəaliyyəti ilə məşğul olan şəxslərin, habelə istehlakçıların mənafeyinə ziyan vurur, törədilmiş hüquqpozmanın xarakterindən asılı olaraq inzibati və cinayət məsuliyyətinə səbəb olur.

  • Prezidentdən mikro, kiçik və orta sahibkarlıq subyektləri ilə bağlı FƏRMAN

    “Mikro, kiçik və orta sahibkarlıq subyektlərinin vahid reyestri haqqında Əsasnamə” təsdiq edilib.

    President.az xəbər verir ki, bununla bağlı Prezident İlham Əliyev fərman imzalayıb.

    Fərmana əsasən, Kiçik və Orta Biznesin İnkişafı Agentliyi “Mikro, kiçik və orta sahibkarlıq subyektlərinin vahid reyestrinin fəaliyyətinin təşkili, saxlanılması və ondan səmərəli istifadənin təmin edilməsi üçün zəruri tədbirlər görməlidir.

    Bundan başqa, Rəqəmsal İnkişaf və Nəqliyyat Nazirliyi Azərbaycan Respublikası Prezidentinin 2019-cu il 3 iyun tarixli 718 nömrəli Fərmanı ilə təsdiq edilmiş “Hökumət buludu” (G-cloud) Konsepsiyası”na uyğun olaraq, Reyestrin “Hökumət buludu”nda yerləşdirilməsini təmin etməli, “Dövlət informasiya ehtiyatları və sistemlərinin formalaşdırılması, aparılması, inteqrasiyası və arxivləşdirilməsi Qaydaları”nın təsdiq edilməsi və elektron hökumətlə bağlı bəzi tədbirlər haqqında” Azərbaycan Respublikası Prezidentinin 2018-ci il 12 sentyabr tarixli 263 nömrəli Fərmanına uyğun olaraq, Reyestrin aidiyyəti dövlət informasiya ehtiyatları və sistemləri ilə əlaqələndirilməsini Elektron Hökumət İnformasiya Sistemi vasitəsilə təmin etməlidir.

    Eyni zamanda, Xüsusi Rabitə və İnformasiya Təhlükəsizliyi Dövlət Xidməti reyestri mühafizə olunan telekommunikasiya kanalları ilə təmin etsin və təhlükəsizlik meyarları üzrə onun monitorinqini həyata keçirməli, Kiçik və Orta Biznesin İnkişafı Agentliyi ilə birlikdə Reyestrin təhlükəsizliyinin təmin edilməsi məqsədilə digər tədbirlər görməlidir.

  • Ermənistan XİN rəhbəri: “Almatıda Azərbaycanla danışıqlar konstruktiv şəraitdə keçdi”

    “Almatıda Azərbaycanla xarici işlər nazirləri səviyyəsində danışıqlar konstruktiv şəraitdə keçib”.

    Ermənistan mediasının məlumatına görə, bunu ölkənin xarici işlər naziri Ararat Mirzoyan ATƏT-in fəaliyyətdə olan sədri, Maltanın xarici işlər naziri Yan Borqla İrəvanda keçirdiyi mətbuat konfransında deyib.

    Onun sözlərinə görə, Xarici İşlər Nazirliyinin qiymətləndirməsi Qazaxıstanda aparılan danışıqların yekunlarına dair press-relizdə öz əksini tapıb.

    “Proses bizim dəfələrlə bəyan etdiyimiz prinsiplər əsasında davam edir”, – Mirzoyan bildirib.

    Xatırladaq ki, mayın 10-11-də Almatıda Azərbaycanın XİN rəhbəri Ceyhun Bayramov və Ermənistan xarici işlər naziri Mirzoyan arasında birbaşa danışıqlar baş tutub. Görüşün təşəbbüskarı Qazaxıstan Prezidenti Kasım-Jomart Tokayev olub.

  • Meteohəssas insanların NƏZƏRİNƏ: Geomaqnit qasırğası gözlənilir

    Proqnoz günlərində (13-19 may) C sinif alışmanın baş verməsi ehtimalı 99%, M (R1-R2) sinif alışmanın baş verməsi ehtimalı 95%, X (R3) sinif alışmanın baş verməsi ehtimalı isə 75% təşkil edir.

    Bu barədə Şamaxı Astrofizika Rəsədxanası məlumat paylaşıb.

    Məlumatda bildirilib ki, enerjisi 2 MeV-dən çox olan elektron selinin normal və orta səviyyədə olacağı, 10 MeV-dən çox enerji yüklü proton selinin isə 10-12 may tarixlərində 3664 oblastındakı alışmalara bağlı olaraq S1 səviyyəsinə yüksəlməsi ehtimalı var.

    Günəş küləyinin sürətinin ardıcıl baş vermiş tac kütlə atılmalarının (TKA) təsiri ilə mayın 14-dən sonra sürətinin azalacağı gözlənilir. Əlavə olaraq Yüksəksürətli Tac Dəliyi Axınlarının (YTDA) təsiri də olacaq.

    Geomaqnit sahəsinin gözlənilən TKA və əlavə olaraq YTDA-nın təsiri nəticəsində bu gün güclü (G3), sabah isə zəif (G1) geomaqnit qasırğası gözlənilir.

  • Председатель ОБСЕ совершит визит в Азербайджан

    Действующий председатель ОБСЕ, министр иностранных дел Мальты Ян Борг совершит визит в Баку.

    Об этом он заявил на совместной пресс-конференции с министром иностранных дел Армении Араратом Мирзояном.

    По его словам, 14 мая, в рамках визита на Южный Кавказ, он проведет ряд встреч в Баку.

    Председатель ОБСЕ подчеркнул, что начало процесса делимитации границы между Азербайджаном и Арменией является важным шагом.

    “На встречах с партнерами в Баку подчеркну важность приверженности переговорам во имя стабильного и всеобъемлющего мира”, – заявил Ян Борг.