Median.Az

Month: December 2024

  • Эрдоган выступил за скорейшее урегулирование в Сирии

    Турция не имеет территориальных претензий к Сирии и выступает за скорейшее мирное урегулирование в соседней стране.

    Как передает Median.Az со ссылкой на Haber Global, об этом заявил турецкий лидер Реджеп Тайип Эрдоган на региональном съезде правящей Партии справедливости и развития (ПСР) в городе Газиантеп на юго-востоке страны.

    “Хотел бы сказать очень четко и ясно, что у нас нет территориальных претензий к Сирии. Мы хотим, чтобы соседняя страна как можно скорее обрела мир, стабильность и спокойствие, которых она жаждет вот уже 13 лет”, – сказал Эрдоган.

  • Ərdoğan Suriya ilə bağlı Türkiyənin mövqeyini açıqladı

    “Türkiyənin 910 km uzunluğunda sərhədi olan bir ölkədə baş verənlərə göz yumması mümkün deyil”.

    Median.Az “Haber Global”a istinadən xəbər verir ki, bunu Türkiyə Prezidenti Rəcəb Tayyib Ərdoğan bəyan edib.

    “Heç bir ölkənin çınqıl daşında belə gözümüz yoxdur. Arzumuz budur ki, qonşumuz Suriya 13 ildir həsrətində olduğu sülhü, əmin-amanlığı tapsın. Hatayın rifahını düşündüyümüz kimi, Həma, Homs, Dəməşq, Rakka və Aynularabın da təhlükəsiz olmasını istəyirik”, – dövlət başçısı bildirib.

  • Bakıda sinə əməliyyatından narazı qalan qadın klinikanı CƏRİMƏ etdirdi

    Binəqədi rayonu, Səttar Bəhlulzadə küçəsində yerləşən “Reo Med Tibb Mərkəzi” MMC altı min manat cərimə edilib.

    Median.Az “Qaynarinfo”ya istinadən xəbər verir ki, klinikanın cərimə edilməsinə səbəb C.V. adlı şəxsin “Reo Med”də cərrahiyyə əməliyyatının uğursuz keçməsi olub.

    Belə ki, C.V. “Reo Med”in həkimi Ramiz Kərimov tərəfindən mammoplastika əməliyyatı edildiyini, lakin əməliyyatın uğurlu keçmədiyi və sağlamlığında fəsadlar yarandığı barədə hüquq-mühafizə orqanlarına şikayət edib.

    Aparılan araşdırma nəticəsində məlum olub ki, plastik cərrahiyyə lisenziyası olmayan klinikada C.V.-nin sağlamlığında fəsadlar yaranması ilə nəticələnən mammoplastika əməliyyatı keçirilib.

    Nəticədə klinika barəsində əhalinin sanitariya-gigiyena və sanitariya-epidemioloji sağlamlığı qaydaları əleyhinə olan (Sağlamlığın qorunması sahəsində vətəndaşların hüquqlarının pozulması) inzibati xəta protokolu tərtib edilib. Səhiyyə Nazirliyi tərəfindən tərtib olunan protokol İnzibati Xətalar Məcəlləsinin 215.1-ci maddəsi ilə irəli sürülüb.

    Məhkəmənin qərarı ilə “Reo Med Tibb Mərkəzi” MMC 6 000 manat məbləğində inzibati cərimə olunub. C.V. adlı şəxsə dəyən zərərin ödənilməsi ilə bağlı hər hansı bir məlumat yoxdur.

  • Saturn gələn il iki dəfə Yer üçün halqalarını gizlədəcək

    2025-ci ildə iki dəfə – yaz və payızda Saturnun halqaları yer üzündəki müşahidəçilər üçün tamamilə yoxa çıxacaq.

    Bu barədə rusiyalı elm adamı Stas Korotki RİA Novosti-yə açıqlamasında bildirib.

    “Bu, hər 15 ildə bir dəfə baş verən məşhur halqalı planetimizin halqasız qaldığı nadir hadisədir”, – deyə Korotki qeyd edib.

    Mütəxəssis bildirib ki, bu fenomen hər 15 ildən bir, Yerin planetin halqaları ilə eyni müstəvidə olması zamanı baş verir. Halqaların qalınlığı cəmi 30 metrə yaxın olduğundan və Saturna qədər olan məsafə bir milyard kilometrdən çox olduğundan, hətta ən güclü teleskoplar vasitəsilə belə Yerdən müşahidə edildikdə faktiki olaraq yox olurlar.

    Korotkinin sözlərinə görə, bu hadisələr 8 ay fərqlə 2025-ci ilin 23 mart və 26 noyabr tarixlərində baş verəcək. Yazda Günəşin müdaxiləsi nəticəsində üzüklərin yoxa çıxmasını görmək mümkün olmayacaq, lakin payız dövrü müşahidə üçün yaxşı şərait vəd edir. Bu nadir hadisəni müşahidə etmək üçün yüksək səviyyəli böyütmə qabiliyyətinə malik teleskop lazımdır.
    //Baku.ws

  • Qızılağac Milli Parkında növbəti dəfə “Flaminqo festivalı” keçirilib

    Bu gün Qızılağac Milli Parkında növbəti dəfə “Flaminqo festivalı” keçirilib.

    “Report”un cənub bürosu xəbər verir ki, Ekologiya və Təbii Sərvətlər Nazirliyi ilə Dövlət Turizm Agentliyinin birgə təşkilatçılığı çərçivəsində təşkil olunan tədbirin məqsədi həm Qızılağac Milli Parkının, həm də ölkənin digər xüsusi mühafizə olunan təbiət ərazilərinin ekoturizm potensialının nümayişi, biomüxtəlifliyin qorunmasının vacibliyinin təbliği, həmçinin Azərbaycanda turizmin inkişafına dəstək istiqamətində təşviqat işinin aparılmasıdır.

    Tədbirdə Ekologiya və Təbii Sərvətlər nazirinin müavini Vüqar Kərimov və digər rəsmi qonaqlar, eləcə də turistlər iştirak ediblər.

    Festivalda Azərbaycanın qorunan ərazilər şəbəkəsi, iqlim dəyişməsinin biomüxtəlifliyə təsiri və bioloji müxtəlifliyin hazırkı vəziyyətini əks etdirən stendlər, məlumat lövhələri, milli parkların təbiətinə, flora və faunasına aid tanışlıq guşələri, suvenirlər, o cümlədən Qızılağac Milli Parkına aid simvollar nümayiş olunub. Bu da iştirakçılara Azərbaycandakı milli parkların flora və faunası ilə virtual tanışlıq imkanı yaradıb.

    İştirakçılar üçün təşkil olunan qayıq və kvadrasikllarla gəzinti də ziyarətçilər arasında məmnunluqla qarşılanıb. Onlar, həmçinin körfəz ərazisində quş koloniyalarını müşahidə ediblər

    Tədbir çərçivəsində balıqartırma müəssisəsi tərəfindən yetişdirilən 200 minə yaxın çəkikimi balıq körpəsi də Qızılağac Milli Parkının körfəz ərazisinə buraxılıb.

    Tədbir boyunca ifa olunan rəngarəng musiqi nömrələri və digər əyləncələr iştirakçıların və festival izləyən turistlərin böyük marağına səbəb olub.

  • Paşinyan Notr-Dam kilsəsinin açılışında iştirak etmək üçün Parisə gedib

    Ermənistanın baş naziri Nikol Paşinyan Paris Müqəddəs Məryəm kilsəsinin açılış mərasimində iştirak etmək üçün Parisə yola düşüb.

    “Report” xəbər verir ki, bu barədə Ermənistan KİV-ləri məlumat yayıb.

    2019-cu ildə baş verən yanğından sonra bərpa edilmiş Paris Müqəddəs Məryəm Kilsəsinin geniş açılış mərasimi təxminən 40 dövlət və hökumət başçısının iştirakı ilə keçiriləcək.

    Mərasimdə ABŞ-nin yeni seçilmiş Prezidenti Donald Tramp da iştirak edəcək.

  • Bakıda küləklə bağlı XƏBƏRDARLIQ

    Bakıda və Abşeron yarımadasında, eyni zamanda bəzi bölgələrdə dekabrın 8-də gözlənilən küləkli hava şəraiti ilə bağlı sarı və narıncı xəbərdarlıq verilib.

    Bu barədə Milli Hidrometeorologiya Xidməti məlumat yayıb.

    Qeyd edilib ki, Bakıda və Abşeron yarımadasında, Xaçmaz, Xızı, Quba, Qusar, Qobustan, Salyan, Neftçalada fasilələrlə cənub-şərq küləyi əsəcək və küləyin sürəti 13.9-20.7 m/san təşkil edəcək, bu sarı xəbərdarlığa uyğun gəlir.

    Şabran, Siyəzəndə isə fasilələrlə cənub-şərq küləyinin əsəcəyi və küləyin sürətinin 20.8-28.4 m/san olacağı gözlənilir. Bu da narıncı xəbərdarlığa uyğundur.

  • AFFA “Turan Tovuz” və “Kəpəz”i cərimələdi

    AFFA İntizam Komitəsi “Turan Tovuz” və “Kəpəz” klublarını cərimələyib.

    Qaynarinfo-nun məlumatına görə, bölgə təmsilçiləri Azərbaycan Kubokunun 1/8 final mərhələsinin oyunlarında yaşananlara görə ziyana düşüblər.

    “Turan Tovuz” evdə “Sabah”a penaltilər seriyasında uduzduqları görüşdə azarkeşlərin hakimlərin ünvanına kütləvi şəkildə təhqiramiz ifadələr səsləndirməsi (cari mövsümdə ikinci dəfə) ucbatında 500 manat ödəyəcək. Meydan sahibləri tərəfdarlar pirotexniki vasitədən istifadə etdiyi üçün 1500 manat cərimə olunub.

    “Kəpəz” isə “İmişli”ni məğlub etdiyi (1:0) qarşılaşmada dörd futbolçusu sarı vərəqə ilə cəzalandırıldığından 700 manat verəcək.

  • Latviya və Litva Rusiyaya qarşı yeni sanksiyalar paketinin qəbuluna mane oldu

    Litva və Latviya Qərb hüquqi şəxslərinin Rusiya Federasiyasında işləməsinə icazə verən müddəanı uzatmamağı tələb etdiyi üçün Avropa İttifaqı Rusiyaya qarşı 15-ci sanksiyalar paketi ilə bağlı razılığa gələ bilməyib. Ölkələrin fikrincə, şirkətlərə Rusiya bazarında bizneslərini dayandırmaq üçün verilən vaxt “kifayət qədər” olub.

    Qaynarinfo xəbər verir ki, bu barədə “Politico” mənbələrə istinadən yazıb.

    Reqlament 2022-ci ilin dekabrında tətbiq edilib. Buna əsasən, Avropa şirkətlərinin Rusiyada fəaliyyətini davam etdirmək və sanksiyalara məruz qalan məhsulların idxalı və ixracı üçün icazə almaq hüququ var idi. Bu, Rusiya bazarını tərk etmək niyyətində olan, lakin müxtəlif səbəblərdən bunu edə bilməyən bizneslərə kömək etməlidir.

    İstisna üç dəfə uzadılıb və Almaniya, Fransa və digər Aİ üzvlərinin qaydaları dəyişdirmək planları yox idi. “Politico” mənbəsi bildirib ki, Avropa Komissiyası 16-cı sanksiyalar paketi üzərində işləyərkən Litva və Latviyanın “tələbini nəzərə almağa” söz verib. Sanksiyaların müzakirəsi dekabrın 16-da davam etdiriləcək.

    KİV-in məlumatına görə, 15-ci sanksiyalar paketi əsasən Rusiya neftini daşıyan tankerlərə, eləcə də Çinin pilotsuz təyyarələr istehsal edən şirkətlərinə qarşı məhdudiyyətlərə təsir edəcək. Aİ ölkələri də Çexiya, Slovakiya və Macarıstanın Rusiya neftini almasına icazə verən qayda ilə bağlı konsensusa gələ bilməyib: Bratislava Rusiya yanacağını almağa davam etmək istəyir, Praqa isə istisnanı uzatmağa çalışmadığını bildirib.

  • Universitetlə dövlət xidməti arasında nə baş verib?

    Azərbaycan Dövlət Neft və Sənaye Universiteti Dövlət Əmək Müfəttişliyi Xidmətini məhkəməyə verib.

    Qaynarifonun məlumatına görə, tərəflərin məhkəmədə üz-üzə gəlməsinin səbəbi əmək məsələlərinə dair mübahisələrdir.

    Universitetin iddiasına Bakı İnzibati Məhkəməsində baxılacaq. İş hakim Nəriman Abdiyevin icraatındadır.

    Mübahisənin detalları bəlli deyil.

    Azərbaycan Dövlət Neft və Sənaye Universitetinin rektor əvəzi Vazeh Əskərovdur.