Month: April 2025

Qərbi Azərbaycan İcmasının ofisinin yerləşdiyi küçəyə Mirzə Qədim İrəvaninin adı verilib.

Median.Az xəbər verir ki, bu barədə Modern.az-a İcmadan məlumat verilib.

Bildirilib ki, Bakı Şəhər İcra Hakimiyyətinin qərarı ilə paytaxtın mərkəzi küçələrindən birinə Mirzə Qədim İrəvaninin adı verilməsi dahi rəssamın xatirəsinin əbədiləşdirilməsi baxımından böyük əhəmiyyət kəsb edir:

“Qərbi Azərbaycanın və ümumilikdə Azərbaycan xalqının tarixən mühüm mədəniyyət və incəsənət mərkəzlərindən biri olmuş İrəvan şəhərində yaşayıb-yaratmış sənətkarın adının Qərbi Azərbaycan İcmasının yerləşdiyi küçəyə verilməsi xüsusi rəmzi məna daşıyır”.

Məlumatda xatırladılıb ki, xalqımızın Qərbi Azərbaycandakı çoxsaylı mədəni irs nümunələri kimi, rəssamın bir çox əsəri də 1918–1920-ci illərdə Ermənistanın azərbaycanlılara qarşı törətdiyi zorakılıq və talanlar zamanı məhv edilib:

“Qərbi Azərbaycan İcması Mirzə Qədim İrəvaninin yaradıcılığı və onun timsalında Qərbi Azərbaycanın mədəni irsinin təbliği sahəsində həyata keçirilən ardıcıl və prinsipial siyasətə görə Azərbaycan Respublikasının Prezidenti cənab İlham Əliyevə dərin təşəkkürünü bildirir”.

Paytaxtda alçanın kilosu rekord qiymətə satılır.

Belə ki, mağazalarda alçanın 1 kiloqramının qiyməti 77 manata təklif olunur.

İstehlakçıların verdiyi məlumatlarına görə, alça hər yerdə fərqli qiymətə satılır.

Satıcıların sözlərinə görə, havalar isindikcə qiymətlər daha da ucuzlaşacaq.

//milli.az

Təlim-tədris prosesində baş vermiş neqativ hallarla bağlı Mərkəzi Aran Regional Təhsil İdarəsinin əməkdaşları tərəfindən Göyçay şəhər 2 nömrəli körpələr evi-uşaq bağçasında yoxlamalar aparılıb.

Bu haqda Məktəbəqədər və Ümumi Təhsil üzrə Dövlət Agentliyindən məlumat verilib.

Nəticədə bağçanın sabiq müdiri Abbasova Kəmalə Vaqif qızının fəaliyyəti zamanı müəssisəyə rəhbərlik və nəzarətdə ciddi nöqsanlara yol verdiyinə, vəzifə səlahiyyətlərindən sui-istifadə etdiyinə, əmək müqaviləsi üzrə öhdəlikləri və vəzifə funksiyalarını yerinə yetirmədiyinə dair əsaslı şübhələr müəyyən edilib.

Bu səbəbdən o, 12 iyul 2024-cü ildə vəzifəsindən azad edilib.
Daha sonra o, Məktəbəqədər və Ümumi Təhsil üzrə Dövlət Agentliyinə qarşı işə bərpa olunma və məcburi iş buraxmaya görə əməkhaqqı tələbi ilə məhkəməyə müraciət edib. Nərimanov Rayon Məhkəməsi tərəfindən müvafiq qətnaməsinə əsasən onun iddiası təmin edilməyib.

Sosial Tədqiqatlar Mərkəzi taksi fəaliyyətinin tənzimlənməsi ilə bağlı Bakı və Abşeron ərazisində taksi fəaliyyəti ilə məşğul olan şəxslər arasında sosioloji sorğu keçirib.

Sorğunun nəticələrinə əsasən, taksi fəaliyyəti ilə məşğul olanların 54.6%-i 35 yaş və ondan aşağı yaş qrupuna, 27.5%-i 36-45 yaş qrupuna, 12.3%-i 46-55 yaş qrupuna, 5.7%-i 56-65 yaş qrupuna mənsub olan şəxslərdir. Sorğuda taksi sürücülərinin 38.7%-i taksi fəaliyyəti ilə gündəlik orta hesabla 8 saat və ya ondan az, 22.6%-i 8-10 saat, 38.7%-nin isə 10 saatdan çox işlədiyi məlum olub. Başqa sözlə, taksi sürücülərinin yarıdan çoxu (61.3%-i) gündəlik orta hesabla 8 saatdan çox işləyir.

Taksi sürücülərinin 10 saatdan çox sükan arxasında olması onların yorğunluğuna, bəzən isə sükan arxasında yuxulamasına səbəb olur. Bu zaman isə nəticə ya avtomobil qəzası hadisələri, ya da bir və ya bir neçə şəxsin ölümü ilə nəticələnir.

Taksi sürücülərinin iş qrafiki necə olmalıdır?

Nəqliyyat eksperti Elməddin Muradlı Qaynarinfo-ya açıqlamasında bildirib ki, taksi sürücülərinin iş qrafiki qanunla tənzimlənməlidir:

“Qanunda deyir ki, taksi sürücüsü normalda 8 saat işləməlidir. Amma beynəlxalq təcrübəyə baxanda görürük ki, taksiləri 12-14 saat işləyən ölkələr var. Bu, normal deyil. Hesab edirik ki, Azərbaycanda 8-10 saat kifayət edir, ancaq burada şirkət və parkların sürücülər üzərində tələblərinə diqqət etmək lazımdır”.
Elməddin Muradlının sözlərinə görə, bəzi park və şirkətlər sürücülər qarşısında elə tələblər qoyurlar ki, bunu yerinə yetirmək çox çətindir:

“Günə 20-25 gediş etməlisən və s. Bunlar ağır tələblərdir. Sürücülər də narazılıq edir ki, qiymətlər aşağıdır, aşağı qiymətə işləyirik, gedişlər qiymətə uyğun deyil, istismar olunuruq. Bu məsələlər özü də haradasa qanunla tənzimlənməlidir. İş və istirahət rejimi ilə bağlı respublikanın qəbul etdiyi qanunlar var və ona uyğun hərəkət etmək lazımdır”.

Ekspert hesab edir ki, bu açıq qalan məsələlər tezliklə həllini tapmalıdır:

“İstirahət məsələsinə diqqət artırılmalıdır. Bəzən sürücülər deyir ki, cavanıq, işləyəcəyik, heç nə olmaz və s. Bu, normal deyil, risk etmək olmaz. Bu gün reallıqlardan danışsaq, görəcəyik ki, taksi sahəsi qəlizdir, onu nizamlamaq həqiqətən ağır prosesdir. Hesab edirəm ki, məsələyə qanunvericilik prizmasından baxılmalıdır”.

Aprelin ayının 15-də Bakıda və 9 dağ rayonunda istilik mövsümü başa çatır. Lakin havanın temperaturu hələ də aşağıdır.

Belə halda istilik mövsümü uzadıla bilər?

Məsələ ilə bağlı Trend-in sualına cavab olaraq “Azəristiliktəchizat” ASC-nin PR meneceri Rüxsarə Babayeva bildirib ki, payız-qış mövsümünün başlanılması və başa çatdırılması tarixləri qanunvericiliklə tənzimlənir.

“Belə ki, Azərbaycan Respublikası Nazirlər Kabinetinin 5 sentyabr 2023-cü il tarixli, 303 nömrəli qərarı ilə təsdiq edilmiş “İstilik enerjisindən istifadə qaydaları”na əsasən, respublikanın dağlıq rayonlarında 1 noyabr tarixindən, Bakı şəhəri və digər ərazilərdə isə 15 noyabr tarixindən etibarən istilik verilişinə başlanılıb”, – qurum rəsmisi vurğulayıb.

R. Babayeva qeyd edib ki, Bakı şəhəri və respublikanın regionlarında 2024-2025-ci illər payız-qış mövsümü müvafiq qanunvericiliyə əsasən 15 aprel tarixində başa çatacaq.

“Cəmiyyətin qazanxanalarının fəaliyyət göstərdiyi 9 dağ rayonu (Şuşa, Qəbələ, Quba, Qusar, Xaçmaz, Siyəzən, Şabran, Lerik və Şamaxı) qanunvericiliyə əsasən mövsümün 1 may tarixinədək davam etdirilməsi nəzərdə tutulub”, – deyə o əlavə edib.