“Qəbələ” İdman Klubunda yeni təyinat gerçəkləşib.
Klubdan verilən məlumata görə, Elnur Məmmədli komandanın mətbuat xidmətinin rəhbəri təyin edilib.
O, 2023-2025-ci illərdə AFFA-nın mətbuat xidmətinin rəhbəri vəzifəsini tutub.
Məmmədli idman jurnalistikasında karyerasına ötən əsrin sonlarında başlayıb. O, bu illər ərzində müxtəlif televiziya kanallarında idman şərhçisi kimi çalışıb, həmçinin qəzet və saytlarda fəaliyyət göstərib.
Azərbaycanda banklar tərəfindən təqdim edilən ipoteka kreditlərinin şərtləri zaman-zaman ictimai müzakirələrə səbəb olur. Bəzi vətəndaşlar bu kreditlərin əhali üçün əlçatan olmadığını, digərləri isə şərtlərin normal olduğunu bildirirlər. Bəs real vəziyyət necədir?
Baku.ws-in sorğusuna cavab olaraq iqtisadçı ekspert Vüqar Oruc bildirib ki, ipoteka kreditləri yalnız iş yeri olan şəxslər üçün nisbətən əlçatandır:
“İş yeri olan şəxslər üçün ipoteka şərtləri əlçatandır. Amma iş yeri olmayan vətəndaşlar üçün bu təbii ki, mümkün deyil. Bu həm də bankların risk prinsipi ilə bağlıdır”.
Ekspert qeyd edib ki, banklar əsas risk daşıyıcıları olduqları üçün təklif etdikləri faizləri özlərinə uyğun şəkildə müəyyənləşdirirlər:
“Hər bir ölkədə banklar özlərinə uyğun risklər daşıyırlar. Əsas risk daşıyıcısı banklardır. Onlar bu risklərdən qorunmaq üçün faizləri yüksək saxlayırlar. Bu şəkildə öz risklərini kompensasiya edirlər”.
Qonşu ölkələrlə müqayisəyə gəlincə, Vüqar Oruc bildirib ki, Azərbaycanda ipoteka kreditlərinin faizləri Rusiya və Türkiyə ilə müqayisədə daha aşağıdır. Lakin iqtisadi sabitlik olan Avropa ölkələri ilə müqayisədə faizlər yüksəkdir:
“Hər ölkənin öz iqtisadiyyatı, iqtisadi yükü və valyutasının dayanıqlığı var. Bu, iqtisadi prosesdir. Qonşu ölkələrlə müqayisədə bizdə faizlər aşağıdır. Məsələn, Rusiya və Türkiyə ilə müqayisədə daha münasibdir. Amma Avropa ilə müqayisədə bizdə faizlər yüksəkdir”.
Ekspert hesab edir ki, əgər banklar kredit faizlərini bir qədər də aşağı salsalar, bu, ümumilikdə ölkə iqtisadiyyatına müsbət təsir edə bilər.
Naxçıvan Muxtar Respublikasının Babək rayonunda yol-patrul xidməti əməkdaşları tərəfindən həyata keçirilən profilaktik tədbirlər zamanı “Volkswagen” markalı avtomobili idarə edən sürücü E.Məmmədov qaydaları kobud şəkildə pozduğu üçün ona “saxla” işarəsi verilib.
Bu barədə Naxçıvan Muxtar Respublikası Daxili İşlər Nazirliyinin mətbuat xidmətindən bildirilib.
Belə ki, sürücünün narkotik vasitə qəbul etdiyinə dair şübhələr yarandığından o, tibbi müayinədən keçirilib. Nəticədə həmin şəxsin narkotik vasitə istifadə etdiyi məlum olub.
E.Məmmədov barəsində inzibati protokol tərtib edilib.
Qana Respublikasında içərisində yüksək vəzifəli şəxslər olan hərbi helikopter qəzaya uğrayıb.
Bu barədə Qana hökumətinin mətbuat xidmətindən bildirilib.
Qeyd olunub ki, qəza nəticəsində ölkənin müdafiə naziri Eduard Oman Boamah və Ətraf Mühit, Elm və Texnologiya Naziri İbrahim Murtala Məhəmməd həlak olublar.
Daha əvvəl üç ekipaj və beş sərnişini daşıyan Hərbi Hava Qüvvələrinə məxsus helikopterin radardan itdiyi bildirilmişdi.
Başqa bir məlumatda isə qəzada prezidentin müşaviri Samuel Sarponq də daxil olmaqla ümumilikdə səkkiz nəfərin öldüyü bildirilir.
Məlumata görə, əlverişsiz hava şəraiti axtarış- xilasetmə işlərini çətinləşdirib.
Hadisənin səbəbi hələlik məlum deyil.
Bakı-Keşlə sahəsində aparılan təmir işləri ilə əlaqədar olaraq, avqustun 7-dən etibarən Abşeron dairəvi dəmir yolu xətti və rayonlararası istiqamətlər üzrə qatarların hərəkətində qısamüddətli gecikmələr müşahidə oluna bilər.
Bu barədə “Azərbaycan Dəmir Yolları” QSC-dən bildirilib.
“Yarana biləcək müvəqqəti narahatlığa görə sərnişinlərdən anlayışlı olmaları xahiş olunur”,- məlumatda deyilir
Sosial media resurslarında Abşeron Rayon Mərkəzi Xəstəxanasının Uşaq şöbəsində çimərliklərdən gətirilən azyaşlılarda bağırsaq infeksiyası hallarında artım müşahidə olunduğu və bir uşağın bu səbəbdən vəfat etdiyi barədə yayılan məlumatlar həqiqəti əks etdirmir.
Ukraynanın “Zorya” klubunun yarımmüdafiəçisi Volodimir Belotserkovets 26 yaşında vəfat edib.
Pakistanın şərqindəki Kohistan dağlıq bölgəsində əriyən buzlaqda 28 il əvvəl yoxa çıxan kişinin cəsədi tapılıb.
İngiltərənin “Arsenal” klubunun zədə səbəbindən əməliyyat olunan müdafiəçiləri Qabriel Maqalyans və Yurrien Timber məşqləri bərpa ediblər.
Belçikanın Azərbaycan səfirliyinin nümayəndəlik rəhbərinin yeni müavini və konsul vəzifəsində fəaliyyət göstərəcək diplomatın kimliyi məlum olub.