Median.Az

Month: September 2025

  • Agentlikdən gəmilərə xəbərdarlıq

    Dövlət Dəniz və Liman Agentliyinin (DDLA) Gəmi Hərəkətinin İdarəedilməsi Mərkəzi küləkli hava şəraiti ilə bağlı gəmilərə xəbərdarlıq edir.

    Bununla bağlı, Agentliyin İctimaiyyətlə əlaqələr xidmətinin mətbuat katibi Pərvanə İmanova məlumat verib.

    Xəbərdarlığa əsasən, sentyabrın 11-dən Xəzər Dəniz Akvatoriyasında müşahidə olunacaq şimal-qərb küləyi sentyabrın 14-ü gündüzədək davam edəcək.

    Həmin günlər ərzində şimal-qərb küləyinin 18-23 m/s, arabir 25-28 m/s-dək güclənəcəyi gözlənilir.

    Dalğanın hündürlüyünün 2.0-3.0 m, sonrakı inkişafda 3.0-5.0 m. çatacağı proqnozlaşdırılır.

  • Daşkəsəndə avtomobil beşyaşlı qızı vurdu

    Daşkəsən rayonunda beşyaşlı qızı maşın vurub.

    Hadisə rayonun Təzəkənd kəndi ərazisində baş verib.

    Yolu keçmək istəyən 2020-ci il təvəllüdlü T.Allahverdiyeva özünü itirərək VAZ-2199 markalı avtomobilin qarşısına çıxıb. Sürücü avtomobili saxlaya bilməyib və azyaşlını vurub.

    Uşaq Daşkəsən Rayon Mərkəzi Xəstəxanasına yerləşdirilib və ilkin tibbi yardım göstərilib. Hazırda azyaşlının vəziyyəti kafidir, həyatı təhlükəsinin olmadığı bildirilir.

    Faktla bağlı araşdırma aparılır.
    //oxu.az

  • Paşinyan Putin və Pezeşkianla nə barədə danışdığını açıqlayıb

    Ermənistanın baş naziri Nikol Paşinyan Rusiya Prezidenti Vladimir Putinlə telefon danışığı və bu yaxınlarda keçirilmiş görüş zamanı avqustun 8-də Bakı ilə əldə olunan Vaşinqton razılaşmalarını müzakirə edib.

    Median.Az Ermənistan KİV-ə istinadən xəbər verir ki, bu barədə Paşinyan parlamentdə çıxışı zamanı məlumat verib.

    Bu razılaşmalar İran Prezidenti Məsud Pezeşkianın avqustda İrəvana səfəri zamanı da müzakirə olunub.

    Paşinyanın sözlərinə görə, o, Rusiya və İran liderləri ilə iki ölkə ilə əməkdaşlığın dərinləşdirilməsi perspektivlərini müzakirə edib.

  • Bakıda özəl bağçada azyaşlı ilə kobud rəftar edildi – VİDEO

    Bakıda uşaq bağçasında tərbiyəçinin azyaşlı ilə kobud rəftarını əks etdirən görüntülər yayılıb.

    Median.Az xəbər verir ki, bu barədə görüntülər İqtisadiyyat.az-ın redaksiyasına göndərilib.

    Vətəndaş hadisənin “Predu” uşaq bağçasının paytaxtın Xətai rayonundakı Həzi Aslanov filialında baş verdiyini qeyd edib.

    O bildirib ki, uşaq bağçasına aylıq 1144 manat ödəniş etdiyi halda övladına göstərilən xidmətdən narazıdır.

    “Söhbət mənim 3 yaşlı övladımdan getmir, axı azyaşlı uşağa necə şiddət göstərmək olar?”, – deyə adını açıqlamaq istəməyən valideyn bildirib.

  • Zərdabda 22 yaşlı qadın oğurlandı

    Zərdab rayonunda 22 yaşlı qadın oğurlanıb.

    Hadisə sentyabrın 9-da rayonun kəndlərindən birində baş verib.

    2003-cü il təvəllüdlü qadın evlənmək məqsədilə iradəsinə zidd olaraq oğurlanıb.

    Hadisədən dərhal sonra polis əməkdaşları əməliyyat tədbirləri keçiriblər və cinayəti törətməkdə şübhəli bilinən 1998-ci il təvəllüdlü İzzət Rəhmanoğlu saxlanılıb.

    Faktla bağlı Zərdab Rayon Polis Şöbəsində Cinayət Məcəlləsinin 144-cü (adam oğurluğu) maddəsi üzrə cinayət işi başlanılıb. İ.Rəhmanoğlu cinayət məsuliyyətinə cəlb olunub.

    Polis əməkdaşlarının keçirdiyi tədbirlər nəticəsində oğurlanan qadının yeri müəyyən edilərək valideynlərinə təhvil verilib.
    //oxu.az

  • Zərərçəkən Tağı İbrahimovla barışmır?

    Bakının Binəqədi rayonundakı “Bakı Ağac Emalı” ASC-nin ərazisində baş verən partlayışla bağlı təqsirləndirilən Tağı İbrahimov və Toğrul Rzayevin cinayət işinin növbəti məhkəmə baxışı keçirilib.

    Oxu.az-ın məlumatına görə, Bakı Ağır Cinayətlər Məhkəməsində hakim Elmir Rüstəmovun sədrliyi ilə baş tutan iclasda zərərçəkənlərlə təqsirləndirilənlər arasında imzalanmış bir neçə barışıq sazişlərinin məhkəməyə daxil olunması elan edilib.

    Məhkəməyə daxil olan barışıq ərizələrinin elanı zamanı bəlli olub ki, təqsirləndirilən şəxslər zərərçəkənlərə dəymiş zərərin ödənilməsində əhəmiyyətli addımlar atıblar.

    Hadisə zamanı dünyasını dəyişən şəxslərdən birinin hüquqi varisi Adil Rüstəmov iclasda təqsirləndirilən şəxslə barışmadığını bildirib.

    Buna münasibət bildirən Tağı İbrahimov hüquqi varisə ölən oğlunun iki yaşlı övladının 18 yaşınadək hər ay 500 azn verməyə hazır olduğunu deyib. Hüquqi varis isə onunla razılaşmadığını bildirib.

    Bir neçə şahidin iclasda iştirak edmədən ifadələri elan edilib.

    Prosesdə dindirilməsi zəruri olan sonuncu iki şahidin ifadələri sentyabrın 24-nə təyin olunmuş növbəti iclasda alınacaq.

    Qeyd edək ki, ibtidai istintaqla ASC-nin faktiki sahibi, 1962-ci il təvəllüdlü Tağı İbrahimov və ASC-də inzibati-təsərrüfat idarəçiliyini həyata keçirən, 1992-ci il təvəllüdlü Toğrul Rzayevin üzərinə yanğın təhlükəsizliyi qaydalarına riayət edilməsi vəzifəsi qoyulmuş şəxslər kimi, bu qaydaları ehtiyatsızlıqdan pozaraq 10 nəfərin ölümünə, 23 nəfərin isə xəsarət almasına, habelə ASC-nin ərazisində olan əmlaklara və təbiətə maddi ziyan vurmaqla digər ağır nəticələrə səbəb olmaları, həmçinin Tağı İbrahimovun xüsusilə külli miqdarda vergiləri ödəməkdən yayınmasına əsaslı şübhələr müəyyən edilib.

    Toplanmış sübutlar əsasında Tağı İbrahimova Cinayət Məcəlləsinin 213.3 (xüsusilə külli miqdarda vergiləri ödəməkdən yayınma) və 225.3-cü (üzərinə yanğın təhlükəsizliyi qaydalarına riayət edilməsi vəzifəsi qoyulmuş şəxs tərəfindən bu qaydaların pozulması ehtiyatsızlıqdan iki və daha çox şəxsin ölümünə səbəb olduqda) maddələri ilə, Toğrul Rzayevə isə həmin məcəllənin 225.3-cü maddəsi ilə yekun ittiham elan edilib, onların hər ikisi barəsində müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə həbs qətimkan tədbiri seçilib.

  • Aeroportda xarici dil bilən taksi sürücüləri çalışacaqlar – Şirkətlərdən biri TƏLƏB qoydu

    “Bolt” taksi xidməti Heydər Əliyev Beynəlxalq Hava Limanındakı fəaliyyətində yeni qaydaları icra edəcək.

    Median.Az oxu.az-a istinadən xəbər verir ki, bu barədə “Bolt”dan bildirilib.

    Məlumatda vurğulanıb ki, Heydər Əliyev Beynəlxalq Aeroportu ərazisində taksi xidmətləri yalnız müasir tələblərə cavab verən və qanunvericiliyə tam uyğunlaşdırılmış yeni avtomobillərlə həyata keçiriləcək:

    “Bu məqsədlə “Bolt” tətbiqində hava limanına aid ayrıca sifariş kateqoriyası istifadəyə verilib. Aeroportdan sifariş edən sərnişinlərə rahat və komfortlu maşınlarla, həmçinin xarici dil bilən sürücülərin iştirakı ilə yüksək səviyyədə xidmət göstəriləcək.

    Fəaliyyətə yalnız texniki və tibbi yoxlamalardan keçmiş, etibarlı taksi parklarına daxil olan avtomobillər və sürücülər buraxılacaqlar”.

    Məlumatda əlavə olunub ki, şəhərdən hava limanı istiqamətində taksi sifarişinə hər hansı məhdudiyyət tətbiq edilmir.

    Xatırladaq ki, bir neçə gün əvvəl sentyabrın 8-dən etibarən Heydər Əliyev Beynəlxalq Aeroportundan onlayn taksi sifarişi verməyin mümkün olmayacağı və yalnız “London taksiləri”nin işləyəcəyi barədə iddialar yayılmışdı.

    Sentyabrın 9-da Heydər Əliyev Beynəlxalq Aeroportu, eləcə də Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyi (AYNA) məsələ ilə bağlı açıqlama vermiş, hava limanında fəaliyyət göstərən taksi operatorlarının vahid, keyfiyyətli və tənzimlənmiş xidmət standartlarına uyğun xidmət təqdim etməsinin zəruriliyini vurğulamışdılar.

  • Завтра будет приостановлено газоснабжение около 6 000 абонентов

    Завтра в Лянкяранском и Астаринском районах будет приостановлено газоснабжение почти 6 000 абонентов.

    Об этом сообщает Median.Az со ссылкой на Лянкяранское региональное газоэксплуатационное управление.

    11 сентября с 10:00 в связи с ремонтными работами будет приостановлено газоснабжение сел Ваго, Лелекепеште, Тенгерюд, Машхан, а также части поселка Киджаба Астаринского района (1 695 абонентов).

    В тот же день и час в связи с устранением обнаруженных утечек газа будет приостановлена подача голубого топлива примерно 4 100 абонентам в 11 населенных пунктах Лянкяранского района, включая села Гурунба, Шаглакюча, Беллебур, Кергелан, Лювесяр, Даргуба, Сябир, Талышлы, Лядж, Хафтони и Ханлыглы.

  • Sabah 6 000 abonentin qazı kəsiləcək

    Sabah Lənkəran və Astara rayonlarında altı minə yaxın abonentin qaz təchizatı dayandırılacaq.

    Bu barədə Lənkəran Regional Qaz İstismarı İdarəsi məlumat yayıb.

    Bildirilib ki, Astara rayonu ərazisində, Pensər kəndindən Kijəbə qəsəbəsinədək uzanan qaz kəmərinin kipliyə yoxlanılması məqsədilə sentyabrın 11-də saat 10:00-dan işlər yekunlaşanadək Vaqo, Lələkəpeştə, Təngərüd, Maşxan kəndlərinin, həmçinin Kijəbə qəsəbəsinin bir hissəsinin qaz təchizatı dayandırılacaq. Qaz təchizatının dayandırılması ümumilikdə 1 695 abonentə təsir edəcək.

    Eyni tarixdə və saatda Lənkəran rayonu ərazisində yerləşən Rvo Qaz Paylayıcı Stansiyasında qaz tənzimləyici və sərfölçmə qurğularında aşkar olunmuş qaz sızmalarının aradan qaldırılması ilə əlaqədar olaraq, Qurunba, Şağlaküçə, Bəlləbur, Kərgəlan, Lüvəsər, Darquba, Səbir, Talışlı, Ləj, Haftoni və Xanlıqlı kəndləri daxil olmaqla 11 yaşayış məntəqəsində, təxminən, 4 100 abonentin qaz təchizatı müvəqqəti olaraq dayandırılacaq.

  • В Москве закрылись рестораны Эмина Агаларова

    Рестораны Эмина Агаларова Forte Bello, Zafferano и “Эдоко” закрылись в торговом центре “Авиапарк” в Москве в связи с планами компании AgalarovRest сосредоточиться на самостоятельных проектах.

    Об этом сообщили ТАСС в пресс-службе Agalarov Development.

    Ранее в Telegram-каналах сообщалось о закрытии трех ресторанов в торговом центре “Авиапарк”.

    “В рамках текущей стратегии AgalarovRest компания смещает фокус с объектов, расположенных в торговых центрах, на самостоятельные проекты”, – рассказали ТАСС в Agalarov Development.

    По словам регионального директора департамента торговой недвижимости NF Group Евгении Хакбердиевой, рестораны Эмина Агаларова закрылись не только в “Авиапарке”, но и в других локациях. “Основная причина – заведения стали менее эффективными. Они работали в среднем и выше сегментах, где аудитория ожидает постоянного обновления концепций, сервиса и предложения. Этого в последние годы не происходило, поэтому проекты закономерно пришли к завершению, хотя и просуществовали дольше многих конкурентов”, – отметила в беседе с ТАСС Хакбердиева.