Median.Az

Month: November 2025

  • Bu tarixdən Bakıda mənzillər bahalaşacaq

    Oktyabr ayında Bakıda mənzil bazarında qiymətlər stabil olaraq qalıb.

    Bu sözləri İqtisadiyyat.az-a açıqlamasında əmlak məsələləri üzrə ekspert Ramil Qasımzadə deyib.

    O bildirib ki, mənzil bazarında ciddi bir dəyişiklik qeydə alınmayıb və hətta bazarda bir qədər baha qiymətə təklif olunan mənzillər ucuzlaşıb: “Bəzi əmlaklar var idi ki, baha qiymətə təklif olunurdu. Misal üçün, 150-160 min manatlıq evlər indi 135-140 min manata təklif olunur. Əvvəllər, yəni sentyabr-oktyabr aylarında həmin əmlaklar bir qədər baha qiymətə qoyulmuşdu. İndi onların qiyməti real qiymətlərə uyğunlaşdırılıb, çünki süni şişirdilmiş qiymətlər idi və sonradan o qiymətə mənzili alıcısının olmadığını görüb endirim tətbiq ediblər”.

    Ekspertin fikrincə, müəyyən dövrlərdə bazarda qiymət artımından sonra stabillik höküm sürür: “Qiymətlər qalxır, sonra stabillik höküm sürür. Hazırda qiymətlərin artımına təsir göstərən ciddi faktor yoxdur”.

    R.Qasımzadə bildirib ki, növbəti ilin əvvəlindən dövlət ipotekasının verilməsi mənzil bazarında qiymətlərə təsir göstərəcək: “İpoteka bazara bir impuls verir və təsir göstərir. Çünki bazara mənzil axtaran kütlə daxil olur. Yəni bazara birdən-birə minlərlə alıcı daxil olur. Belə halda adətən bazarda təklif yetəri qədər olmur. Amma bu il yetəri qədər təklif var”.

    Qeyd edək ki, 2026-cı ildə Azərbaycanın dövlət büdcəsindən İpoteka və Kredit Zəmanət Fondunun nizamnamə kapitalının artırılması üçün 85 milyon manat, sahibkarların banklardan manatla aldığı (2018-ci il yanvarın 1-dən 2026-cı il dekabrın 31-dək olan dövr) kreditlərə hesablanmış faizlərə görə subsidiyanın verilməsi üçün isə 15 milyon manat vəsait nəzərdə tutulub. Beləliklə, Fond gələn il büdcədən 100 milyon manat alacaq.

  • Sağlam söyüd ağaclarını kəsən şəxs saxlanıldı

    Zərdab Rayon Polis Şöbəsinin əməkdaşları tərəfindən keçirilən tədbirlərlə rayonun Gödəkqobu kəndi ərazisində qanunsuz olaraq ağac kəsən S.Əzizov saxlanılıb.

    Araşdırmalarla adıçəkilən şəxsin kəndin çöl sahəsində sağlam söyüd ağaclarını kəsərək təbiətə maddi ziyan vurduğu müəyyən edilib.

    S.Əzizov barəsində qanunvericilə uyğun olaraq tədbir görülüb və o, inzibati qaydada məsuliyyətə cəlb edilib.

  • Трамп обратился к Си Цзиньпину с просьбой

    Президент США Дональд Трамп во время своей встречи с председателем КНР Си Цзиньпином в Южной Корее поднял вопрос о судьбе гонконгского медиамагната Джимми Лая, который в настоящее время находится в заключении.

    Об этом сообщает Reuters.

    Анонимный представитель администрации отметил, что Трамп, как и обещал, вернулся к теме Джимми Лая, и обе стороны приняли участие в обсуждении этого вопроса. Однако разговор не углубился в конкретные условия освобождения, и главные темы касались состояния здоровья 77-летнего бизнесмена после продолжительного судебного процесса, связанного с обвинениями в угрозе национальной безопасности.

    Как сообщается, обсуждение этой ситуации заняло менее пяти минут. Другой источник подчеркнул, что Си Цзиньпин выслушал просьбу Трампа. Президент США выразил надежду, что освобождение Лая могло бы положительно сказаться на двусторонних отношениях между Вашингтоном и Пектином, а также улучшить имидж Китая на международной арене.

    30 октября Трамп и Си Цзиньпин провели переговоры в Южной Корее. Встреча продлилась один час 40 минут.

    По оценке президента США, переговоры прошли на 12 баллов из 10. По ее итогам американский лидер снизил некоторые тарифы для КНР, анонсировал новую торговую сделку между двумя странами и рассказал, что договорился решать конфликт на Украине совместно с китайскими властями. Си Цзиньпин также остался доволен состоявшейся встречей и сообщил, что намерен продолжать работать с Трампом ради процветания обоих государств.

  • Tramp Si Cinpinə xahişlə müraciət etdi

    ABŞ Prezidenti Donald Tramp Cənubi Koreyada Çin Sədri Si Cinpinlə görüşü zamanı hazırda həbsdə olan Honkonqlu media maqnatı Cimmi Layın həbsdən azad edilməsi məsələsini qaldırıb.

    Bu barədə “Reuters” məlumat yayıb.

    Administrasiyanın anonim nümayəndəsi qeyd edib ki, Tramp vəd etdiyi kimi, Cimmi Lay mövzusuna qayıdıb və hər iki tərəf bu məsələnin müzakirəsində iştirak edib. Lakin söhbət azad edilmənin konkret şərtlərinə dərindən toxunmayıb və əsas mövzular milli təhlükəsizliyə təhdid ittihamları ilə bağlı uzun məhkəmə prosesindən sonra 77 yaşlı iş adamının səhhətinin vəziyyətinə aid olub.

    Bildirilir ki, bu vəziyyətin müzakirəsi beş dəqiqədən az çəkib. Digər bir mənbə vurğulayıb ki, Si Cinpin Trampın xahişini dinləyib. ABŞ prezidenti Layın azad edilməsinin Vaşinqton və Pekin arasında ikitərəfli münasibətlərə müsbət təsir göstərə biləcəyinə, həmçinin beynəlxalq arenada Çinin imicini yaxşılaşdıra biləcəyinə ümid etdiyini bildirib.

    Xatırladaq ki, oktyabrın 30-da Tramp və Si Cinpin Cənubi Koreyada danışıqlar aparıblar.

  • Sabah Sədərək rayonunun bəzi ərazilərində işıq olmayacaq

    Sabah Naxçıvan Muxtar Respublikası (MR) Sədərək rayonunun bəzi ərazilərində elektrik enerjisinin verilişində fasilələr olacaq.

    Median.Az “Report”a istinadən xəbər verir ki, “Azərişıq” ASC-nin Naxçıvan RETSİ-dən verilən məlumata görə, 35/10 kilovoltluq “Sədərək” yarımstansiyasından qidalanan 10 kilovoltluq “Qaraağac ” hava elektrik verilişi xəttində payız-qış mövsümü ilə əlaqədar təmir işləri aparılacaq.

    Bu səbəbdən, noyabrın 7-də saat 09:30-dan 12:30-dək Qaraağac kəndinin bəzi yerlərində elektrik enerjisinin verilişində fasilələr yaranacaq.

  • UEFA Çempionlar Liqasında həftənin oyunçusu müəyyənləşdi

    “Mançester Siti”nin yarımmüdafiəçisi Fil Foden UEFA Çempionlar Liqasında (ÇL) həftənin oyunçusu seçilib.

    Bu barədə turnirin Mətbuat Xidməti məlumat yayıb.

    Foden “Mançester Siti”nin ÇL-nin ümumi mərhələsinin 4-cü turu çərçivəsində evdə “Borussiya Dortmund”u 4:1 hesabı ilə məğlub etdiyi qarşılaşmada dubla imza atıb.

    İngilis futbolçu səsvermədə Mikel Merino (“Arsenal”), Karluş Borjes (“Brügge”) və Viktor Osimheni (“Qalatasaray”) qabaqlayıb.

  • “Adidas” DÇ-2026 iştirakçılarının yeni formasını təqdim etdi

    Almaniyanın “Adidas” şirkəti 2026 və 2027-ci illər üçün 22 milli komandanın yeni ev formalarını təqdim edib.

    Yeni formalar arasında 2026-cı ildə ABŞ, Kanada və Meksikada keçiriləcək dünya çempionatında çıxış edəcək yığmaların geyimləri də yer alıb.
    Brendin təqdim etdiyi formalar İtaliya, Argentina, İspaniya, Almaniya, Yaponiya, Belçika, Peru, Səudiyyə Ərəbistanı, Əlcəzair, İsveç, Qətər, Şotlandiya, Venesuela, Macarıstan, Şimali İrlandiya, Kosta-Rika, BƏƏ, Kolumbiya, Meksika, Çili, Ukrayna və Uels yığmalarına məxsusdur.

    //azxeber.com

  • Bakıda piyada zonaları əsaslı şəkildə genişləndirilir

    Bakıda piyada zonaları əsaslı şəkildə genişləndirilir.

    Bunu Dövlət Şəhərsalma və Arxitektura Komitəsinin Bakı şəhər Memarlıq və Şəhərsalma Baş İdarəsinin rəisi Riad Qasımov jurnalistlərə açıqlamasında deyib.

    Onun sözlərinə görə, hazırda İslam Səfərli küçəsində yeni piyada zonalarının yaradılması və müasir şəhər mühitinin formalaşdırılması işləri davam etdirilir:
    “Sovetski” ərazisinin yenilənməsi isə keçmişin məhv edilməsi deyil, əksinə, şəhər toxumasının bərpası, müasir, təhlükəsiz və abad yaşayış mühitinin yaradılması deməkdir. Bu mühit həm dövrün ruhuna, həm də gələcək nəsillərin tələblərinə cavab verir”.

  • İsrail Misirlə sərhəddə silah qaçaqmalçılığına qarşı mübarizəni gücləndirir

    İsrailin müdafiə naziri İsrael Katz Misirlə sərhədin qapalı hərbi ərazi elan edilməsi barədə göstəriş verib.

    Katz sözügedən ərazidə atəş açmaq qaydaları barədə də düzəliş edilməsinə əmr verib.
    İsrailin müdafiə naziri hərbi rəsmilərlə görüşündə Misir sərhədindən dronlar vasitəsilə silah qaçaqmalçılığı ilə mübarizə məqsədilə texnoloji həll yollarının tapılmasını tapşırıb.
    O, İsrailin Daxili Təhlükəsizlik Xidmətinin (Şin Bet) rəhbəri ilə danışaraq İsrail-Misir sərhədindən silah qaçaqmalçılığının terror təhlükəsi olaraq qiymətləndirilməli olduğunu bildirib.
    Qeyd edək ki, İsrail-Misir sərhədinin uzunluğu 200 kilometrdir.
     
    ///APA

  • Sabahın tibbi-meteoroloji PROQNOZU

    Noyabrın 7-də gözlənilən tibbi-meteoroloji proqnoz açıqlanıb.

    Milli Hidrometeorologiya Xidmətindən verilən məlumata görə, Abşeron yarımadasında meteoroloji amillərin zəif tərəddüdü gözlənilir ki, bu da meteohəssas insanlar üçün əsasən əlverişlidir.