Median.Az

Month: December 2025

  • Qaradağda baş verən qəzada xəsarət alan şəxslərin vəziyyəti AÇIQLANDI

    Bakı şəhəri, Qaradağ rayonu ərazisində iki avtobusun toqquşması ilə nəticələnən yol-nəqliyyat hadisəsi zamanı xəsarət alan şəxslərin vəziyyəti açıqlanıb.

    Kliniki Tibbi Mərkəzindən Oxu.Az-a verilən məlumata görə, beş nəfərin müalicəsi tibbi müəssisədə davam etdirilir:

    “Dekabrın 25-i saat 09:00-da Qaradağ rayonunda baş verən yol-nəqliyyat hadisəsi səbəbi ilə Kliniki Tibbi Mərkəzə hospitalizasiya olunan 11 nəfərdən (4-ü qadın, 7-si kişi) 5 nəfərin müalicəsi tibbi müəssisəsində davam etdirilir.

    Onlardan 2 nəfərin vəziyyəti ağır, 3 nəfərin vəziyyəti stabil olaraq qiymətləndirilir.

    6 nəfərə isə zəruri tibbi yardım göstərilib və ambulator müalicə üçün evə buraxılıb”.

    Xatırladaq ki, ötən gün baş verən hadisə nəticəsində “Isuzu” markalı avtobus qarşıda gedən “Mercedes” markalı avtobusla toqquşub. “Mercedes” markalı avtobusda olan sərnişinlərdən 2 nəfər hadisə yerində həyatını itirib.

  • Вынесено решение по делу о женщине, оскорбившей Вaфу Шарифову

    В Ширванском апелляционном суде рассмотрена апелляционная жалоба Арзу Мамедовой, в отношении которой ранее было вынесено решение в порядке частного обвинения за оскорбление певицы Вафы Шарифовой в социальной сети.

    Как сообщает Median.Az со ссылкой на рravda.az, на процессе под председательством судьи Джавида Султанова был оглашен приговор.

    Согласно решению суда, апелляционная жалоба оставлена без удовлетворения.

    По материалам обвинения, в ноябре 2024 года А.Мамедова оскорбила В.Шарифову на платформе TikTok, используя аккаунт zuzu_muzisiyev.

    Решением Ходжавендского районного суда А.Мамедова была признана виновной по статье 148 (оскорбление) Уголовного кодекса и приговорена к 480 часам общественных работ.

  • Vəfa Şərifovanı təhqir edən qadınla bağlı QƏRAR

    Şirvan Apellyasiya Məhkəməsində sosial şəbəkədə müğənni Vəfa Şərifovanı təhqir etdiyinə görə barəsində xüsusi ittiham qaydasında qərar çıxarılımış Arzu Məmmədovanın apellyasiya şikayətinə baxılıb.

    Median.Az Pravda.az-a istinadən xəbər verir ki, hakim Cavid Sultanovun sədrliyi ilə keçirilən prosesdə qərar elan edilib.

    Qərara əsasən, apellyasiya şikayəti təmin edilməyib.

    İttihama görə, Arzu Məmmədova 2024-cü ilin noyabr ayında “TikTok” platformasında “zuzu_muzisiyev” adlı hesabla Vəfa Şərifovanı təhqir edib.

    Xocavənd Rayon Məhkəməsinin qərarı ilə Arzu Məmmədova Cinayət Məcəlləsinin 148-ci (təhqir) maddəsi ilə təqsirli bilinərək 480 saat ictimai işlərə cəlb olunub.

  • İlham Əliyev 2025-ci ilin idman yekunlarına həsr olunan mərasimdə iştirak edib

    Dekabrın 26-da 2025-ci ilin idman yekunlarına həsr olunan mərasim keçirilib.

    Median.Az AZƏRTAC-a istinadən xəbər verir ki, Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev mərasimdə iştirak edib.

    Dövlətimizin başçısı tədbirdə çıxış edib.

  • В некоторых районах Азербайджана зафиксировано до 10 градусов мороза – ФАКТИЧЕСКАЯ ПОГОДА

    По состоянию на 09:00 26 декабря на территории страны наблюдаются осадки. В некоторых местах идут ливни, в горных и предгорных районах – снег.

    Об этом сообщает Median.Az со ссылкой на Национальную службу гидрометеорологии Министерства экологии и природных ресурсов.

    Высота снежного покрова в Загатале (Алибей) составляет 10 см, Кельбаджаре, Лачыне, Губадлы – 7 см, Дашкесане, Гусаре (Лаза) – 5 см, Гёйгёле – 4 см, Халтане, Гахе (Сарыбаш), Гобустане – 3 см, Шеки (Кишчай), Габале, Алтыагадже, Шуше – 2 см, Исмайыллы, Шамахы, Билясуваре, Ярдымлы, Агдаме, Лерике, Гяндже, Шамкире, Гедабее, Губе, Огузе, Ханкенди, Ходжалы – 1 см.

    Количество выпавших осадков в Астаре составляет 24 мм, Лянкяране – 20 мм, в Балакене – 7 мм, Баку и на Абшеронском полуострове – 5 мм, в Тертере – 3 мм, в Барде, Нафталане, Гёйчае – 2 мм, Евлахе, Мингячевире, Кюрдамире, Шабране, Лерике, Шамахы – 1 мм.

    25 декабря в ряде территорий дул северо-западный ветер, максимальная скорость которого в Баку и на Абшеронском полуострове достигала 25 м/с, в Шахдаге, Нефтчале – 20 м/с, Гёранбое – 19 м/с, Сальяне, Мингячевире, Нафталане, Дашкесане – 18 м/с, Ширване – 15 м/с.

    В Садараке, Шаруре, Губе, Гусаре, Халтане, Шабране, Гяндже, Дашкесане, Гахе (Сарыбаш), Балакене, Шеки, Евлахе, Зардабе, Имишли, Сабирабаде, Лерике наблюдается туман, видимость ограничена до 200 м.

    Минимальная температура воздуха в Баку и на Абшеронском полуострове составила 4, в низменных районах – 3 градуса тепла, Нахчыванской АР – 9, горных районах – 10 градусов мороза.

  • Ölkə ərazisində 10 dərəcəyədək şaxta qeydə alınıb – FAKTİKİ HAVA

    Azərbaycanda dekabrın 26-sı saat 09:00-a olan faktiki hava şəraiti açıqlanıb.

    Bu barədə Ekologiya və Təbii Sərvətlər Nazirliyinin Milli Hidrometeorologiya Xidməti məlumat yayıb.

    Bildirilib ki, ölkə ərazisində arabir yağıntılı hava şəraiti müşahidə olunur. Bəzi yerlərdə yağıntılar intensiv xarakterlidir, dağlıq və dağətəyi rayonlarda qar yağır.

    Yağan qar örtüyünün hündürlüyü Zaqatalada (Əlibəy) 10, Kəlbəcər, Laçın, Qubadlıda 7, Daşkəsən, Qusarda (Laza) 5, Göygöldə 4, Xaltan, Qax (Sarıbaş), Qobustanda 3, Şəki (Kişçay), Qəbələ, Altıağac, Şuşada 2, İsmayıllı, Şamaxı, Biləsuvar, Yardımlı, Ağdam, Lerik, Gəncə, Şəmkir, Gədəbəy, Quba, Oğuz, Xankəndi və Xocalıda 1 sm-dir.

    Düşən yağıntının miqdarı Astarada 24, Lənkəranda 20, Balakəndə 7, Bakıda və Abşeron yarımadasında 5, Tərtərdə 3, Bərdə, Naftalan, Göyçayda 2, Yevlax, Mingəçevir, Kürdəmir, Şabran, Lerik və Şamaxıda 1 mm-dir.

    Dekabrın 25-də bir sıra ərazilərdə şimal-qərb küləyi əsib. Küləyin maksimal sürəti Bakıda və Abşeron yarımadasında 25, Şahdağ, Neftçalada 20, Goranboyda 19, Salyan, Mingəçevir, Naftalan, Daşkəsəndə 18, Şirvanda 15 m/s-ə çatıb.

    Sədərək, Şərur, Quba, Qusar, Xaltan, Şabran, Gəncə, Daşkəsən, Qax (Sarıbaş), Balakən, Şəki, Yevlax, Zərdab, İmişli, Sabirabad və Lerikdə duman müşahidə olunur, görünüş məsafəsi 200 metrədək məhdudlaşır.

    Havanın minimal temperaturu Bakıda və Abşeron yarımadasında 4, Aran rayonlarında 3 dərəcəyədək isti, Naxçıvan MR-də 9, dağlıq rayonlarda 10 dərəcəyədək şaxta qeydə alınıb.

  • AZAL təyyarəsinə zərər vuran silah sistemi barədə məlumat aralıq bəyanat sənədində yoxdur

    “Azərbaycan Hava Yolları” QSC-yə (AZAL) məxsus “Embraer 190-100 IGW” tipli sərnişin hava gəmisinin 2024-cü il dekabrın 25-də Qazaxıstan ərazisində uğradığı qəza ilə bağlı Beynəlxalq Mülki Aviasiya haqqında Çikaqo Konvensiyasının (Konvensiya) 13 saylı Əlavəsi əsasında araşdırma davam edir.

    Median.Az AZƏRTAC-a istinadən xəbər verir ki, araşdırma Qazaxıstanın Nəqliyyat Nazirliyi tərəfindən Beynəlxalq Mülki Aviasiya Təşkilatı (ICAO), Azərbaycan, Braziliya və Rusiya nümayəndələrinin iştirakı ilə həyata keçirilir. Bu araşdırmadan əlavə, üç ölkənin (Azərbaycan, Qazaxıstan və Rusiya) istintaq orqanları öz səlahiyyətləri çərçivəsində qəza ilə bağlı cinayət işinin istintaqını da həyata keçirirlər.

    ICAO tələblərinə uyğun olaraq, Qazaxıstan bu il fevralın 4-də ilkin hesabat nəşr edib. İlkin hesabat yalnız aşkarlanmış faktları özündə əks etdirib və hər hansı təhlil, habelə nəticələri ehtiva etməyib.

    Çikaqo Konvensiyası çərçivəsində həyata keçirilən araşdırmanın nəticələrini özündə ehtiva etməli olan yekun hesabatın tamamlanması qəzanın ildönümü tarixinə mümkün olmayıb. Məhz buna görə Qazaxıstan, ICAO-nun tələblərinə uyğun olaraq, aralıq bəyanatı ictimaiyyətə təqdim edib.

    Aralıq bəyanat sənədində daxili partlayış faktını istisna edən oksigen balonlarının zədələnməməsi faktı vurğulanıb. Habelə hava gəmisinə zərər vurmuş partlayıcı qurğunun hissəcikləri olan kənar metal obyektlərin silah sisteminə aid olması ilə bağlı məlumat qeyd edilib. Bununla belə, həmin silah sisteminin modeli barəsində məlumat aralıq bəyanat mətnində qeyd edilməyib. Xatırladaq ki, həmin silah sisteminin Rusiya Müdafiə Nazirliyinin hava hücumundan müdafiə qüvvələrinə aid olması həmin ölkənin prezidentinin siyasi bəyanatında artıq qeyd olunub.

    Qeyd edək ki, növbəti mərhələdə Qazaxıstan tərəfi tamamlanmış araşdırmanın nəticələrini özündə əks etdirən yekun hesabat mətnini ictimaiyyətə təqdim etməlidir. Aralıq bəyanat sənədindən fərqli olaraq, yekun hesabat sənədi daha təfərrüatlı, işin araşdırılması ilə bağlı aşkar olunmuş bütün faktiki məlumatları, qəzanın səbəbinin təhlilini və gələcəkdə bənzər qəzalara yol verilməməsi üçün tövsiyələri özündə əks etdirməlidir.

    Qazaxıstan tərəfinin yaydığı hesabatdan, Azərbaycan, Rusiya, Qazaxıstan, Braziliya və ICAO ekspertlərinin ümumi rəyindən də görünür ki, təyyarə hər hansı texniki nasazlıq səbəbindən deyil, məhz kənar müdaxilə, konkret olaraq vurulma nəticəsində idarəetmədən çıxıb və qəzaya uğrayıb.

  • Tuneldən qopan daşlar avtomobilə ziyan vurub (VİDEO)

    Bakıda tuneldən tökülən daşlar hərəkətdə olan maşının üzərinə düşüb, nəticədə avtomobilə ciddi ziyan dəyib.

    Hadisə Sumqayıt istiqamətində Moskva prospektindəki tuneldə baş verib.

    Hadisə şahidi həmin anın görüntülərini paylaşaraq bildirib ki, tuneldə sıxlıq olub. Qəfildən tunelin divarlarından qopan daş parçaları “Kia Rio” avtomobilinin üzərinə tökülüb və onu zədələyib.
    Elə biz də hadisənin baş verdiyi Moskva prospektindəki tuneldə olduq. Apardığımız müşahidlər əsasında gördük ki, tunelin tavan hissəsi yararsız hala düşüb.

    Sürücülər deyir ki, yaranan vəziyyət onların həyatı üçün təhlükə yaradır.

    Məsələ ilə bağlı Azərbaycan Avtomobil Yolları Dövlət Agentliyindən bildirildi ki, tunelə baxış keçirilib, hər hansı problem aşkarlanmayıb. Baş verən hadisə ilə bağlı isə araşdırma aparılır.

    Xezerxeber.az-ın mövzu ilə bağlı daha ətraflı videomaterialı təqdim edir. 

  • Zelenski Uitkoff və Kuşnerlə müzakirə apardı

    Ukrayna Prezidenti Volodimir Zelenski ABŞ Prezidentinin xüsusi nümayəndəsi Stiven Uitkoff və Amerika liderinin kürəkəni, sahibkar Cared Kuşner ilə telefon danışığı apardığını bildirib.

    Median.Az xəbər verir ki, Zelenski bu barədə Telegram kanalında yazıb.

    Onun sözlərinə görə, tərəflər bəzi mühüm detallar ətrafında fikir mübadiləsi aparıblar.

    “Birgə nəticə və davamlı sülh naminə işləyə biləcək yaxşı ideyalar var. Ümid edirəm ki, bugünkü Milad ərəfəsində əldə etdiyimiz bu razılaşmalar və müzakirə olunan ideyalar faydalı olacaq”, – deyə Ukrayna Prezidenti qeyd edib.

  • Futbolçu olmaq istəyənlərin NƏZƏRİNƏ: Seçimlər başlayır

    “Kəpəz” Futbol Akademiyası 2026-cı il üçün seçimlərə başlayır.

    Median.Az xəbər verir ki, bu barədə “Kəpəz” futbol klubu məlumat yayıb.

    Qeyd edilib ki, 2009-2019-cu il təvəllüdlü oğlan və 2014-2016-cı il təvəllüdlü qızlar seleksiya məşqlərinə dəvət olunurlar.

    Seçimlər 2026-cı il yanvarın 3-4-də təşkil olunacaq. Seleksiya prosesi klubun Məşq Mərkəzinin meydançasında keçiriləcək və saat 11:00-da başlayacaq.

    Seçimlərdən uğurla keçən futbolçular akademiyanın müvafiq yaş qrupu üzrə komandalarına qəbul olunacaqlar.

    Qeydiyyat üçün 051-872-13-15 nömrəsi ilə əlaqə saxlamaq olar.